ممبئي (شوبز ڊيسڪ) مي ٽو مهم بابت ڳالهائيندي بالي ووڊ ڪنگ شاهه رخ چيو آهي ته پنهنجي گهرواري گوري خان ۽ گڏ ڪم ڪندڙ عورتن جي عزت ڪندو آهيان. ڀارتي ميڊيا موجب هڪ انٽرويو ۾ بالي ووڊ ۾ پکڙيل مي ٽو مهم بابت ڳالهائيندي شاهه رخ چيو ته آئون ٽن شين عزت، عزت ۽ عزت تي ڀروسو رکندو آهيان.
هن چيو ته عزت جو مطلب برابري هوندو آهي، منهنجو مقصد سوشل ميڊيا تي هلندڙ هيش ٽيگ واري برابري ناهي.
سندس چوڻ هو ته منهنجي عورت دوستن کي به منهنجي ڪمزورين بابت ڄاڻ هجڻ گهرجي، پنهنجي وڏي پٽ آريان کي عورتن جي عزت ڪرڻ جي نصيحت ڪندو آهيان.

حيدرآباد(بيورو رپورٽ) سنڌ صوفي سنگت پاران تقريب ڪوٺائي سنڌ جي ڀلوڙ قومي راڳي سرمد سنڌي کي ڀيٽا پيش ڪئي وئي. تقريب کي خطاب ڪندي سنڌ صوفي سنگت جي اڳواڻ آڪاش ملاح، تاج جويو، وشنو مل ۽ عمير خواجه سميت چيو ته سرمد سنڌي اسان جو قومي هيرو آهي، سرمد هڪ وڏو فنڪار ۽ هڪ وڏو ڪردار هو جنهن کي هميشه ياد رکيو ويندو.
هنن چيو ته سرمد سنڌي پنهنجي دور ۾ وطن پرستي کي اڀاريو، سندس آواز ۾ سنڌ لاءِ درد هو. هو پنهنجي گيتن ذريعي سنڌ جي غريب ۽ مظلوم ماڻهن جو آواز بڻيو .27 ڊسمبر جي ڏينهن تي اسان کان هميشه لاءِ وڇڙي ويو.
سندن چوڻ هو ته سرمد سنڌي جي سنڌ لاءِ ڪيل خدمتن کي سلام پيش ڪيون ٿا، سرمد سنڌي سنڌ ۽ سنڌ جي ماڻهن سان سچو پيارو ڪندو هو ۽ هن هميشه سنڌ جي سورن کي ڳايو.
هنن چيو ته سرمد سنڌي سان سائين جي ايم سيد ۽ عبدالواحيد آريسر به تمام گهڻو پيار ڪندا هئا ۽ سندس گيت ٻڌندا هئا، هو اسان کان جسماني طور تي وڇڙي ويو آهي پر هو اسان جي دلين ۾ همشه ياد رهندو .

ممبئي (شوبز ڊيسڪ) بالي ووڊ اداڪاره پريانڪا چوپڙا جو ور نڪ جوناس کي 2018 جي اسٽائلش شخصيت قرار ڏنو ويو آهي.
ڀارتي ميڊيا موجب جي او ميگزين نڪ جوناس کي 2018 جو سڀ کان اسٽائلش شخص جو اعزاز ڏنو آهي.
نڪ جوناس اهو اعزاز 64 ماڻهن کي هارائي ماڻيو، گذريل سال اهو اعزاز پريانڪا چوپڙا جي ويجهي دوست ڊيوڊ جانسن کي مليو هو.
مڙس کي اهو اعزاز ملڻ تي اداڪار پريانڪا چوپڙا انسٽاگرام تي پنهنجي ۽ ور نڪ جوناس جي تصوير به جاري ڪئي. تصوير سان گڏ پريانڪا پنهنجي مڙس جي واکاڻ به ڪئي.

نيويارڪ (شوبز نيوز) دنيا جي امير ترين ماڻهن ۾ شمار ٿيندڙ ٽيسلا ۽ اسپيس ايڪس جهڙين ڪمپنين جو سي او ايلن مسڪ به ڀارتي اداڪاره دپيڪا ۽ اداڪار رنوير سنگهه جو مداح نڪتو آهي. ايلن مسڪ سوشل ميڊيا اڪائونٽ ٽوئٽر تان باجي رائو مستاني فلم جي گيت ديواني مستاني جو لنڪ شيئر ڪيو، جنهن کانپوءِ اهو سوشل ميڊيا تي وائرل ٿي ويو. سندس پوسٽ شيئر ڪرڻ کانپوءِ سوشل ميڊيا تي ايلن جي پوسٽ تيزي سان شيئر ٿيڻ لڳي، جڏهن ته ڪجهه ماڻهن ان کي فيڪ نيوز يعني ڪوڙي خبر قرار ڏنو پر بعد ۾ اها خبر صحي نڪتي. ڀارت ۾ سوشل ميڊيا ويبسائيٽ ٽوئٽر تي ايلن مسڪ ٽرينڊ ٺاهي ڇڏيو آهي.

ڪراچي (انٽرنيشنل ڊيسڪ) شرمين عبيد چنائي بعد هڪ ٻي پاڪستاني عورت جي فلم آسڪر ايوارڊ لاءِ نامزد ٿي وئي. پاڪستاني ڄائي نارويئن فلمساز ارم حق جي فلم ”ماڻهو ڇا چوندا“ کي 91هين اڪيڊمي ايوارڊ لاءِ پرڏيهي ٻولين جي فلم جي ڪيٽيگري ۾ نامزد ڪيو ويو آهي. جڏهن ان فلم ۾ 16 ورهين نِشا جو مرڪزي ڪردار ماريه موزدا نڀايو آهي. فلم جي ڪهاڻي هڪ ناري جي چوڌاري ڦري ٿي جنهن کي ناروي ۾ رهندي ثقافتي ٽڪراءَ جي صورتحال کي منهن ڏيڻو پوي ٿو ۽ والدين جي دٻاءَ تي کيس پنهنجو گهر ڇڏي پاڪستان ۾ خاندان وارن سان گڏ رهڻ تي مجبور ڪيو ويندو آهي. پاڪستان ۾ ان ناري کي پنهنجي ثقافت اختيار ڪرڻ جو چيو ويندو آهي. فلم ۾ ڀارتي اداڪارن عادل حسين ۽ شيبا چڍا سميت روهت صراف ۽ اڪائولي کنه به اداڪاري جا جوهر ڏيکاريا آهن. ارم حق جو چوڻ آهي ته فلم جي ڪهاڻي سندس پنهنجي ڪهاڻي آهي. سندس والدين پاڪستان مان آهن، جن کين اغوا ڪري پاڪستان ۾ هڪ سال تائين رهڻ تي مجبور ڪيو. فلم جي اسڪريننگ جو انتظام ممبئي ۾ رائل نارويجيئن قونصل خاني ڪيو هو.

ممبئي (شوبز ڊيسڪ) بالي ووڊ اداڪاره ڪنگنا رناوت هدايتڪاري جي ڀيٽ ۾ اداڪاري کي ملازمت قرار ڏئي ڇڏيو. ڀارتي ميڊيا موجب ادڪاره ڪنگنا رناوت فلم “مانيڪر نيڪا: دي ڪوئين آف جهانسي” جو ٽريلر جاري ٿيڻ مهل ڳالهائيندي چيو ته ڪو به اداڪار سج جي تتل اس ۾ نڪرڻ ناهي چاهيندو پر مون کي ٻين اداڪارن جي ابتڙ ٻي ڪا به شيءِ ڪرڻ کان وڌيڪ هدايتڪاري ڪرڻ گهڻو پسند آهي. هن چيو خبر ناهي ماڻهو ڇو هدايتڪاري کي ملازمت سمجهن ٿا، مون کي ته اداڪاري ملازمت وانگر لڳندي آهي. ڪنگنا رناوت جو وڌيڪ چوڻ هو ته فلم ۾ ڪم ڪرڻ ۽ راڻي لڪشمي ٻائي جو ڪردار نڀائڻ مون لاءِ فخر جو سبب آهي، يقين آهي ته فلم شوقينن کي پسند ايندي.

ڪراچي (ڪلچرل نيوز) نامياري شاعر جون ايلياء جون 87هون جنم ڏهاڙو ملهايو پيو وڃي. اردو شاعر، فلسفي ۽ پروگريسوِ مارڪسوادي جون ايلياء ڀارت جي اتر پرديش جي علائقي امروهه ۾ 14 ڊسمبر 1931 تي اک کولي. اترپرديش جي ناليواري خاندان ۾جنم وٺندڙ جون ايلياء ڀيڻن ۽ ڀائرن ۾ سڀ کان ننڍو هو. سندس پيءُ علامه شفيق حسن ايليا کي فن ۽ادب سان وڏو لڳاءُ هو، ان کانسواءِ هو هو نجمومي ۽ شاعر پڻ هو. اهڙي علمي ماحول جون ايلياء جي طبيعت به اهڙي ٺاهي. جون ايلياء پهريون اردو شعو رڳو 8 ورهين جي ڄمار ۾ لکيو. جون کي مختلف ٻولين سان وڏو لڳاءُ هو، اهڙي طرح هن عربي ۽ فارسي کانسواءِ انگريزي ۽ جزوي طور عبراني ۾ به مهارت حاصل ڪري ورتي. جون ايلياء فلسفي، اسلامي تاريخ، مسلم صوفي ريتن رسمن، مسلم مذهبي سائنس، اولهه جي ادب سميت ٻين موضوعن تي علم حاصل ڪيو. 1957ع تي پاڪستان لڏي ڪراچي کي رهائشگاهه بڻايو. اتي هو ٿوري عرصي ۾ ئي شهر جي ادبي ڌرين ۾ وڏو مشهور بڻجي ويو. سندس شاعري وڏي مطالعي جي عادت جو چٽو ثبوت هئي، جنهن سبب ئي کيس وڏي انگ ۾ مداح ۽ پذيرائي ملي. جون ايلياء جو پهريون شعري مجموعو سندس 60 ورهين جي ڄمار ۾ شايع ٿيو. ٻيون شاعري مجموعو ”يعني“ سندس لاڏاڻي بعد 2003 ۾ شايع ٿيو، ۽ ٽيون شاعري مجموعو ”گمان“ 2004 ۾ ڇپيو. جون ايلياءَ جي شاعري جي مشهور ڪتابن ۾ ”شايد، يعني، گمان، گويا ۽ فرنود شامل آهن. انهن کانسواءِ سندس ڪتاب رموز به 2016 ۾ ڇپجي چڪو. جون ايلياء نه رڳو شاعر پر ايڊيٽر ۽ ترجمه نگار پڻ هو. جون ٻولي جي معاملي ۾ خاص هو، روايتي رسمن ۾ سندس لهجو شامل آهي، جون ايلياء شاعري ۾ سدائين نون موضوعن کي ڇيڙيو. جون ايلياء 8 نومبر 2002 تي 70 ورهين جي ڄمار
ميگهن مارڪيل گوگل تي سڀ کان وڌيڪ ڳولي ويندڙ شخصيت بڻجي وئي. ٻڌايو وڃي ٿو ته ”آئڊيل“ نه ڳولي سگهڻ سبب جون ايلياء جي طبيعت ڪاوڙيل ۽ ڀٽڪيل ٿي پئي.