آلرائونڊر امجد جاويد رٽائرمينٽ جو اعلان ڪري ڇڏيو

دبئي (اسپورٽس ڊيسڪ) گڏيل عرب عمارات جي اڳوڻي ڪپتان ۽ آل رائونڊر امجد جاويد عالمي ڪرڪيٽ تان رٽائر ٿيڻ جو اعلان ڪيو آهي. 38 سالن جو امجد جاويد ساڄي هٿ سان فاسٽ بالنگ ڪرڻ سان گڏ بيٽنگ به ڪندو هو. هن گڏيل عرب عمارات جي 15 ون ڊي ميچن ۾ نمائندگي ڪئي، جڏهن ته 22 ٽي 20 ميچن ۾ پڻ يو اي اي طرفان کيڏيون. امجد جاويد کي وڏي عمر ۾ ٽيم ۾ شامل ڪيو ويو هو، انڪري سندس عالمي ڪرڪيٽ اندر ڪيريئر گهڻو وقت هلي نه سگهيو. امجد جاويد تيز بالنگ ڪرائڻ سان گڏ بيٽنگ به سٺي ڪندو هو، جنهنڪري هو يو اي اي جو اهم ۽ سينيئر رانديگر طور ڳڻيو ويندو هو.