بي بي ايل : ھوبارٽ هريڪنز ميچ کٽي ورتي

هوبارٽ (اسپورٽس ڊيسڪ) آسٽريليا جي بگ بيش ليگ جي ستين ميچ ۾ هوبارٽ هوريڪنز ميلبورن اسٽارز کي 6 وڪيٽن تان شڪست ڏئي ڇڏي آهي. هوبارٽ هريڪنز ميچ ۾ ٽاس کٽي ميڪس ويل جي ميلبورن اسٽارز کي پهريان بيٽنگ جي دعوت ڏني، جنهن دوران ميلبورن اسٽارز پنج وڪيٽن جي نقصان تي 155 رنسون ٺاهيون، گلين ميڪسويل طوفاني بيٽنگ ڪندي پنج ڇڪن جي مدد سان 45 رنسون ٺاهي نميان رهيو جڏهن ته آرشر ۽ ڊي سي شارٽ 3 ۽ 2 وڪيٽون حاصل ڪيون. جواب ۾ هوبارٽ طرفان ڪپتان ميٿيو ويڊ 52 رنسون ٺاهيون، جڏهن ته ڊي سي شارٽ 2 وڪيٽون حاصل ڪرڻ سان گڏ 34 رنسون ٺاهيون، جنهن تي کيس ميچ جو ڀلوڙ رانديگر قرار ڏنو ويو. هوبارٽ هريڪنز ڪاميابي کانپوءِ ٽيبل پوائنٽس تي ٻئي نمبر تي اچي وئي آهي، جڏهن ته ميلبورن رينيگيڊز پهرين نمبر تي موجود آهي.