عالمي ڪپ جي ميزباني لاءِ ڏوڪڙ ڏيو: ڀارت کي ڌمڪي

ممبئي (اسپورٽس ڊيسڪ) آسي سي ڀارتي ڪرڪيٽ بورڊ کي خبردار ڪيو آهي ته 31 ڊسمبر تائين عالمي ٽي ٽوئنٽي 2016 دوران ٽڪيس جي مد ۾ 2 ڪروڙ 30 لک ڊالر ادا نه ڪيا ته عالمي ڪپ 2023 جي ميزباني تان هٿ کڻڻو پوندو.
ڀارتي بورڊ جي اڳوڻي صدر ششانگ منوهر جي سربراهي ۾ ڪرڪيٽ کي عالمي سطح تي هلائيندڙ گورننگ باڊي ڀارتي ڪرڪيٽ بورڊ کان 2016 ۾ وفاقي ۽ رياستي سطح ٽيڪس جي مد ۾ ڪيل ڪٽوتي جي رقم واپس گهرڻ چاهي ٿي، آءِ سي سي ڀارتي ڪرڪيٽ بورڊ کي ان سلسلي ۾ آگاهه ڪيو هو.
آءِ سي سي ڌمڪي ڏني آهي ته جيڪڏهن ڀارتي ڪرڪيٽ بورڊ رقم ڏيڻ ۾ ناڪام رهيو ته هلندڙ سال جي نفعي واري حصي مان اها رقم ڪٽي ويندي.
آءِ سي سي ڀارتي ڪرڪيٽ بورڊ کي اها به ڌمڪي ڏني ته رقم واپس نه ڪرڻ تي ڀارت ۾ شيڊول چيمپئنز ٽرافي 2021ع ۽ عالمي ڪپ 2023 جي ميزباني لاءِ ٻين آپشنز تي به غور ڪري سگهجي ٿو.