پاڪستان کي وڏو ڌچڪو، زخمي محمد عباس پهرين ٽيسٽ مان ٻاهر

ڪراچي (اسپورٽس ڊيسڪ) ڏکڻ آفريڪا خلاف پهرين ٽيسٽ کان اڳ پاڪستان ٽيم کي وڏو چڪو لڳي ويو، محمد عباس انجري سبب ميچ کان ٻاهر ٿي ويو.
ڪنڌ جي انجري سببب فاسٽ بالر محمد عباس سنچورين ٽيسٽ ۾ حصو نه وٺي سگهندو، جڏهن ته ان کان اڳ به محمد عباس ڏکڻ آفريڪا جي انوي ٽيشن اليون خلاف پريڪٽس ميچ ۾ به نظر نه آيو هو.
گذريل مهيني محمد عباس نيوزلينڊ خلاف دبئي ٽيسٽ دوران فيلڊنگ ڪندي انجري جو شڪار ٿيو هو، جنهن کيس سيريز جي ٽئين ميچ نه کيڏائي وئي هئي. سندس جاءِ تي شاهين آفريدي کي کيڏايو ويو هو.
پروٽيز خلاف پهرين ٽيسٽ ميچ ۾ پاڪستاني فاسٽ بالر ۾ محمد عامر، شاهين آفريدي ۽ حسن علي شامل هوندا.