پنجاب ڌمال پاڪستان پريميئر ليگ ويل چيئر ڪرڪيٽ کٽي ورتي

پشاور (اسپورٽس ڊيسڪ) پنجاب ڌمال ڪئپيٽل ڪمانڊر اسلام آباد کي 6 وڪيٽن تان هارائي پهرين پاڪستان پريميئر ليگ ويل چيئر کٽي ورتي.
ضلعي حڪومت پشاور جي سهڪار سان ٿيل ليگ ۾ چئن صوبن گلگت بلتستان ۽ اسلام آباد جي ٽيمن شرڪت ڪئي.
فائنل ۾ پهرين بيٽنگ ڪندي اسلام آباد ٽيم مقرر 10 اوورن ۾ 97 رنسون ٺاهيون. اظهر علي 33، جمعه خان 12 ۽ قمر 12 رنسون ٺاهيون. پنجاب جي احمد يار 4، آغا حسنين ۽ عرفان 2-2 وڪيٽون ورتيون.
جواب ۾ پنجاب ڌمال گهربل هدف نائين اوور ۾ 4 وڪيٽن جي نقصان تي ماڻي ليگ پنهنجي نالي ڪئي. شير علي 40 ۽ آغا حسنين 15 رنسون ٺاهيون. اسلام آباد جي وقاص 2 وڪيٽون ورتيون، جڏهن ته 2 رانديگر رن-آئوٽ ٿيا.