ميلبورن (اسپورٽس ڊيسڪ) ڀارت خلاف آسٽويلوي ٽيم ٻي اننگز ۾ 151 رنسن تي ڍير ٿي وئي، ڀارت فالو آن جو فيصلو نه ڪندي 5 وڪيٽن تي 54 رنسون ٺاهي 346 رنسن جي سرسي حاصل ڪري ورتي.
ميلبورين ٽيسٽ ۾ ڀارتي بالر جسپريت بمرا ڪينگروز بيٽسمينن کي ڪيريز تي بيهڻ نه ڏنو، ٽيسٽ جي ٽئين ڏينهن آسٽريليا جي سڄي ٽيم 151 رنسن تي ڍير ٿي وئي. ڀارت طرفان بمرا 6 شڪار ڪيا، جديجا 2، اشانت شرما ۽ محمد شامي هڪ-هڪ وڪيٽ ورتي.
ڀارتي ڪپتان ويرات ڪوهلي فالو آن نه ڪرائڻ جو فيصلو ڪندي ٻي اننگز شروع ڪئي. اهڙي ريت ڀارت ٻي اننگز ۾ 5 وڪيٽن جي نقصان تي 54 رنسون ٺاهيندي آسٽريليا تي 346 رنسن جي سرسي حاصل ڪئي. ڀارتي ڪپتان ويرات ڪوهلي ۽ پجارا کاتو کولڻ بنا آئوٽ ٿي ويا، جڏهن ته وِهاري 13 ۽روهيت شرما 5 رنسون ٺاهي آئوٽ ٿيا. اگروال 28 ۽ پنت 6 رنسن سان ناٽ آئوٽ آهن. ٻي اننگز آسٽريلوي بالر ڪمنز به شاندار بالنگ ڪندي 4 وڪيٽون ورتيون. جڏهن ته هيزل ووڊ هڪ وڪيٽ وٺي سگهيو. ان کان اڳ ڀارت پهرين اننگ 7 وڪيٽن جي نقصان تي 443 رنسن تي ڊڪليئر ڪئي هئي.

شهداد پور (رپورٽر) شهدادپور ۾ مقصودو محب علي سپر ليگ ٽورنامينٽ جا دلچسپ مقابلا جاري آهن، کيڏيل ٻن ميچن ۾ عباس اليون ۽ حسيني اليون ٽيمن ڪاميابي ماڻي.
پهرين ميچ ۾ حيدري اليون ٽيم ٽاس کٽي پهرين بيٽنگ ڪندي 10 اوورن ۾ 47 رنسون ٺاهي سگهي، جواب ۾ بيٽسمين زاهد سروري جي30 رنسن جي مدد سان عباس اليون 5 اوورن ۾ هدف ماڻي ميچ کٽي.
ٻي ميچ ۾ شهباز اليون پهرين بيٽگ ڪندي پوري ٽيم 88 رنسون ٺاهي پويلين موٽي وئي، جواب ۾بيٽسمين احمد بروهي 45 رنسون ٺاهي پنهنجي ٽيم الحسيني کي ڪامياب ڪيو.
حسيني اليون نائين اوور ۾ ٽارگيٽ پورو ڪري 6 وڪيٽن تان ميچ کٽي. ٻنهي ميچن جي رانديگرن زاهد سروري ۽ احمد بروهي کي بهترين رانديگر قرار ڏنو ويو. ان موقعي تي خاص مهمان حاجي خان رند ۽ محب علي فاتح ٽيمن جي بهترين قرار ڏنل رانديگرن ۾ ميڊل ورهايا. جڏهن ته ٽونامينٽ جون وڌيڪ ميچون خميس ڏهاڙي کيڏيون وينديون.

سڊني (اسپورٽس ڊيسڪ) بگ بيش ليگ ۾ شاندار مقابلا جاري آهن، سڊني ٿنڊر سڊني سڪسرز کي 21 رنسن هارائي ڪاميابي ماڻي. سڊني جي شوگرائونڊ اسٽيڊيم تي کيڏيل ميچ ۾ سڊني سڪسرز ٽاس کٽي پهرين فيلڊنگ جو فيصلو ڪيو، جيڪو غلط ثابت ٿيو.
اوپنر بيٽسمين 63 رنسن جي مدد سان سنڊني ٿنڊر مقرر اوورن ۾ 9 وڪيٽن جي نقصان تي 169 رنسون ٺاهيون. ٻين بيٽسمينن ۾ سيمز 28، فرگوسن 23 ۽ ڪپتان شين واٽسن 19 رنسون ٺاهيون. سڊني سڪسرز جي بالرن ڪوران 3 ، ڪيفي 2، ايبٽ ۽ ورشوئس هڪ هڪ وڪيٽ حاصل ڪئي.
170 رنسن جي هدف پويان لڳندي سڊني سڪسرز مقرر اوورن ۾ 9 وڪيٽن جي نقصان تي 149 رنسون ٺاهي هٿيار ڦٽا ڪيا. ڪوران 62، سين ايبٽ 35، هينري ڪس 15 رنسون ٺاهي نمايان رهيا. سڊني ٿنڊر طرفان بهترين بالنگ ڪندي سيمز ۽ فواد احمد 3-3 شڪار ڪيا، جڏهن ته ڪُڪ، گرين ۽ رين برڊ هڪ-هڪ وڪيٽ ورتي.
بهترين بيٽنگ جو مظاهرو ڪندڙ بٽلر کي ميچ جو بهترين رانديگر قرار ڏنو ويو.

دبئي (اسپورٽس ڊيسڪ) آءِ سي سي ٽي ٽوئنٽي رينڪنگ جاري ڪري ڇڏي، پاڪستان پهرين نمبر تي بدستور قائم آهي.
آءِ سي سي جي نئين جاري ڪيل رينڪنگ موجب پاڪستان 138 پوائنٽن بعد بدستور پهرين پوزيشن تي آهي. جڏهن ته ٽاپ 10 ٽيمن ۾ ڀارت 126 پوائنٽن سان ٻئين، انگلينڊ 118 پوائنٽن سان ٽئين، آسٽريليا 117 پوائنٽن سان چوٿين ۽ ڏکڻ آفريڪا 114 پوائنٽن سان پنجين نمبر آهن.
ان کانسواءِ نيوزلينڊ ڇهين، ويسٽ انڊيز ستين، افغانستان اٺين، سريلنڪا نائين ۽ بنگلاديش ڏهين نمبر تي آهي.

ملتان (اسپورٽس ڊيسڪ) قومي ٽي 20 ٽورنامينٽ جي ميچ ۾ لاهور وائيٽس فاٽا ريجن کي 7 وڪيٽن تان شڪست ڏئي ڇڏي.
ملتان ڪرڪيٽ اسٽيڊيم تي کيڏيل ميچ ۾ لاهور وائيٽس ٽاس کٽي پهرين فيلڊنگ جو فيصلو ڪيو، جيڪو درست ثابت ٿيو. ملتان ڪرڪيٽ اسٽيڊيم ۾ کيڏيل ميچ ۾ لاهور وائيٽس ٽاس کٽي پهرين فيلڊنگ جو فيصلو ڪيو، جيڪو درست ثابت ٿيو.
فاٽا ريجن جي ٽيم پهرين بيٽنگ ڪندي مقرر 20 اوورن ۾ 9 وڪيٽن جي نقصان تي 132 رنسون ٺاهي سگهي. بيٽسمين عادل امين 41، مختار احمد 23 ۽ سهيل اختر 22 رنسون ٺاهي ٽاپ اسڪورر رهيا. جڏهن ته لاهور وائٽس جي بالرن ۾ عماد بٽ، ظفر گوهر ۽ عميد آصف 2-2 وڪيٽون، علي خان ۽ بلال آصف هڪ-هڪ وڪيٽ ورتي.
132 رنسن جي جواب ۾ لاهور وائيٽس 18هين اوور ۾ ٽن وڪيٽن جي نقصان تي هدف ماڻي ميچ کٽي. بيٽسمينن ۾ سلمان بٽ 44، عمر اڪمل 29 ۽ ڪامران اڪمل 28 رنسون ٺاهيون. فاٽا جي بالرن عادل امين، اُسامه ۽ ڪاشف ڀٽي هڪ-هڪ وڪيٽ ورتي.

لاهور (اسپورٽس نيوز) پاڪستان ۾ عالمي ڪرڪيٽ بحال ڪرڻ لاءِ پي سي بي پنهنجون ڪوششون تيز ڪري ڇڏيون آهن. ان حوالي سان ايندڙ سال پاڪستان ۽ آسٽريليا ۾ ايندڙ سال يو اي اي ۾ پنج ون ميچن جي سيريز ٿيندي. پي سي بي ڪرڪيٽ آسٽريليا کان اپيل ڪئي آهي ته پي ايس ايل جو ڪامياب ميچون ٿين کانپوءِ آسٽريليا سڪيورٽي جو جائزو وٺي پوءِ پاڪستان اچڻ يا نه اچڻ جو فيصلو ڪري. ان حوالي سان ڪرڪيٽ آسٽريليا جي ترجمان پاران جاري ڪيل بيان ۾ چيو آهي ته پاڪستان ۾ سڪيورٽي صورتحال بهتر ٿي آهي، پاڪستان جي دوري بابت غور ڪري رهيا آهيون پر ان حوالي سان رانديگرن توڙي آفيشلز سان رابطا جاري آهن. سندس چوڻ هو ته هو پي سي بي سان رابطي ۾ آهن ۽ دوري بابت غور ڪري رهيا آهن. آسٽريليا پاران جيڪڏهن پاڪستان جي دوري لاءِ راضي ٿي وئي ته سندس 20 سالن کانپوءِ سندس پهريون پاڪستان دورو هوندو.

لاهور (اسپورٽس ڊيسڪ) پاڪستان ڪرڪيٽ بورڊ جي گورننگ باڊي جو اجلاس ٿي گذريو، اجلاس ۾ سپر ليگ جي بجيٽ ۽ آڊٽ ڪميٽين جي رپورٽ پاڪ ڀارت ڪرڪيٽ ۽ ڊوميسٽڪ ڪرڪيٽ سميت ٻين معاملن تي بحث ڪيو ويو. لاهور جي نيشنل اڪيڊمي ۾ چيئرمين پي سي بي احساني ماني جي صدارت هيٺ  ٿيل اجلاس ۾ ٽاسڪ فورس جي تجويز ڪيل ڊوميسٽڪ ڪرڪيٽ جوڙجڪ تي نظرثاني ڪئي وئي. اجلاس ۾  احسان ماني پي سي بي جي نئين جوڙجڪ بابت رپورٽ پيش ڪئي. جڏهن ته پي سي بي ۾ ٿيل مقررين بابت ميمبرن کي اعتماد ۾ ورتو ويو.  پاڪستان سپر ليگ جي بجيٽ ۽ آڊٽ ڪميٽين جي رپورٽ تي به بحث ڪيو ويو.  اجلاس ۾ پاڪ-ڀارت سيريز بابت ٽياڪڙ ڪميٽي ۽ هاڻوڪي مسئلن تي پڻ بحث ڪيو ويو. اجلاس ۾ 11 ميمبرن شرڪت ڪئي، جن پي ايس ايل 2019 جي بجيٽ جي منظوري ڏيڻ سان گڏ اڳوڻن ڪرڪيٽرن جي پينشنز ۾ 20 سيڪڙو واڌ جي منظوري پڻ ڏني.

ڪيپ ٽائون (اسپورٽس ڊيسڪ) قومي ڪرڪيٽ ٽيم جي هيڊ ڪوچ مڪي آرٿر چيو آهي ته پاڪسستان ٽيم جي بالنگ ڏکڻ آفريقا جي ڀيٽ ۾ گهڻي بهتر آهي، پاڪستان کي ڏکڻ آفريڪا ۾ پهرين سيريز کٽڻ جا امڪان آهن. ڏکڻ آفريڪا جي دوري تي پهچڻ بعد مڪي آرٿر دعويٰ ڪئي ته پاڪستان جي نوجوان بيٽنگ لائن هاڻي پاڪستان جي هوم گرائونڊ گڏيل عرب امارات کان وڌيڪ پرڏيهه ۾ بهتر بيٽنگ ڪري ٿي، ڇو ته هاڻي پاڪستاني بيٽسمين ليگ اسٽمپ تي نٿا بيهن، جڏهن ته هر بالر کي سٺي نموني منهن ڏين ٿا. مڪي آرٿر چيو ته اسان لاءِ اصل چيلنج 350 کان 400 رنسون ٺاهڻ آهي، جيڪڏهن ائين ڪرڻ ۾ ڪامياب وياسين ته اسان ڪهڙي به ڪنڊيشنز ۾ 20 وڪيٽون وٺڻ جي صلاحيت رکون ٿا.