منهڙو(ن پ ا) منهڙو ڀرسان روهڙي ڪئنال ۾ ٻڏي ويل نوجوان جو 2 ڏينهن گذرڻ باوجود لاش هٿ نه آيو، مقامي ٽوٻن جي مدد سان ڳولا جاري آهي. ڳوٺ بودلو ڏاهري واسي 16 سالن جي عابد علي ڏاهري روهڙي ڪئنال ۾ ٽپو ڏئي ڇڏيو هو. رابطو ڪرڻ تي نوجوان جي وارثن ٻڌايو ته عابد جو ذهني توازن درست نه آهي، ٻن ڏينهن کان لاڳيتو ڳولا باوجود سندس لاش هٿ نه اچي سگهيو آهي.

منهڙو ( ن پ ا ) روهڙي ڪئنال ۾ ٽپو ڏيندڙ نوجوان جو لاش ٻئي ڏينهن به هٿ نه آيو، وارثن جو چوڻ آهي ته نوجوان جو ذهني توازن ٺيڪ نه هو
ڳوٺ بودلو ڏاهري جي رهواسي 16 ورهين جي نوجوان عابد پٽ مور ڏاهري گذريل ڏينهن روهڙي ڪئنال ۾ ٽپو ڏنو هو، علائقي واسين ۽ وارثن پاران ڪيترن ئي ڪلاڪن تائين ڳولا ڪرڻ باوجود لاش هٿ نه آيو.
نوجوان جا وارث روهڙي ڪئنال مان نڪرندڙ مختلف شاخن تي ڳولا ڪري رهيا آهن پر ٻئي ڏينهن به لاش هٿ اچي نه سگهيو ، جنهن سبب وارث پريشاني ۾ مبتلا ٿي ويا آهن، وارثن جو چوڻ هو ته نوجوان جو ذهني توازن ٺيڪ نه هو، جنهن سبب هن ڪئنال ۾ ٽپو ڏنو.

نوابشاهه: ( رپورٽر) اڳوڻي وزير اعظم نواز شريف کي سزا ملڻ تي نوابشاهه پي ٽي آءِ اڳواڻ ڪاشف قريشي جي قيادت ۾ پنهنجي آفيس کان ريلي ڪڍي شهر جو گشت ڪيو ويو ۽ پنهنجي آفيس پهچي ڪارڪنن ۾ مٺائي ورهائي وئي، ان موقعي تي ڪاشف قريشي چيو ته پاڪستان ۾ ڪرپشن ڪندڙن کي سزائون ملي رهيون آهن جن جن ملڪ کي لٽيو آهي انهن سڀني جو احتساب ٿيڻ گهرجي هي نئون پاڪستان آهي نئين پاڪستان ۾ ڪرپشن برداشت نه ڪبي اهو اسان جي قائد عمران خان جو پاڪستاني عوام سان واعدو ٿيل آهي، ملڪ کي ڪرپشن کان پاڪ ڪيو ويندو.

شھيدبينظيرآباد( رپورٽر) نوابشاهه جي دهشتگردي ٽوڙ عدالت جي جج منير احمد خواجه جي عدالت پوليس مقابلي ۽ غير قانوني هٿيار رکڻ جو ڏوهه ثابت ٿيڻ تي جوابدار عبدالرحمنٰ شر کي 7 سال قيد ۽ 1 هزار روپيه ڏنڊ جي سزا ٻڌائي ڇڏي، واضح رهي ته جوابدار تي 2017 ۾ ٽنڊو آدم سٽي ٿاڻي تي پوليس مقابلي ۽ غير قانوني هٿيار رکڻ جا ٻه ڌار ڌار ڪيس داخل ٿيل هئا.

شهيد بينظيرآباد (ڊ ر) سنڌ حڪومت جي لوڪل گورنمينٽ ۽ ٽائون پلاننگ کاتي پاران هڪ نوٽيفڪيشن جي ذريعي ڊپٽي ڊائريڪٽرلوڪل گورنمينٽ شهيد بينظيرآباد عبدالستار راٺوڙ کي چيف آفيسر ضلع ڪائونسل شهيد بينظيرآباد جي اضافي چارج ڏني وئي آهي جنهن پنهنجي عهدي جي چارج سنڀالي ڪم ڪرڻ شروع ڪري ڏنو آهي.

قاضي احمد(ن پ ا)قاضي احمد سماٽ پيٽرول پمپ جي سامھون تيزرفتارڪار جو موٽر سائيڪل کي ٽڪر جنهن جي نتيجي ۾ 2 موٽر سائيڪل سوار مور عمراڻي ۽ علي گل عمراڻي سخت زخمي ٿي پيا ،جن کي تعلقه اسپتال قاضي احمد منتقل ڪيو ويو ،ڪار ڊائيور گرفتار قاضي احمد پوليس ڪار پنهنجي تحويل ۾ وٺي ٿاڻي تي منتقل ڪري ڇڏي آھي.

قاضي احمد(رپورٽر) قاضي احمد ڀرسان سماٽ پيٽرول پمپ سامھون تيزرفتارڪار موٽر سائيڪل کي ٽڪر هڻي ڪڍيو، جنهن جي نتيجي ۾ 2 موٽر سائيڪل سوار مور عمراڻي ۽ علي گل عمراڻي سخت زخمي ٿي پيا جن کي تعلقه اسپتال قاضي احمد منتقل ڪيو ويو، جڏهن ته ڪار ڊائيور کي گرفتار ڪري قاضي احمد پوليس ڪار پنهنجي تحويل ۾ وٺي ٿاڻي تي منتقل ڪري ڇڏي آھي.

قاضي احمد (ن پ ا) قاضي احمد ۾ بجلي چوري ڪرڻ ۽ وڪرو ڪرڻ جي الزام هيٺ ٻن واپڊا عملدارن سميت 4 ڄڻن تي ڌار ڌار ڪيس داخل ڪيا ويا. ايس ڊي او ارشاد ميمڻ جي فرياد تي بجلي اسٽيشن هلائيندڙ ياسين رند، اسسٽنٽ لائين مين نديم رند ۽ ڊاڪٽر صالح انڙ خلاف ڪيس داخل ڪيا ويا.

نواب شاھ ( ن پ ا) نواب شاھ جي علائقي حقاني ٽائون جي رھواسين جو ايس ايس پي نواب شاھ تنوير حسين تنيو جي حق ۾ ريلي ڪڍي وئي جيڪا مختلف رستن کان ٿيندي نواب شاھ پريس ڪلب پھتي ان موقع تي وزير علي سيال شير علي چانڊيو ۽ بابر علي جمالي ميڊيا سان ڳالھائيندي چيو ته جڏھن کان ايس ايس پي تنويرتنيو نوابشاھ جي چارج ورتي آھي تڏھن کان چوري ڦر ۽ ٻين ڏوھن تي ظابطو آيو آھي ۽ شھر جو ماحول بھتر ٿيو آھي ھنن آئی جی سنڌ کي اپيل ڪئي ته ايس ايس پي تنوير حسين تنيو کي ان جي ٽيم سان گڏ شھر ۾ ڪم ڪرڻ ڏنو وڃي.

نوابشاهه: (ن پ ا ) گذريل ڏينهن مڪاني چونڊن ۾ سڪرنڊ يونين ڪائونسل حسن جمالي مان هارايل آزاد اميدوار عبدالجبار جمالي نتيجن کي چيلينج ڪري ڇڏيو، هن اليڪشن جي خلاف اهڙي درخواست رٽرننگ آفيسر سڪرنڊ سليم جتوئي وٽ جمع ڪرائي ڇڏي، عبدالجبار الزام هڻندي چيو ته الڪيشن ۾ پيپلز پارٽي سرعام سرڪاري مشينري ۽ سياسي اثر رسوخ استعمال ڪيو ٻئي پاسي مري ويل ماڻهن جا به ووٽ ذبردستي ڪاسٽ ڪرايا ويا جنهن جا ثبوت مون وٽ موجود آهن، هن چيو ته منهنجي پولنگ ايجنڊن کي پيپلز پارٽي سان تعلق رکندڙ سياسي ماڻهن حراسان ڪري ڌمڪيون ڏئي ٻاهر ڪڍي ڇڏيو ان حوالي سان اليڪشن ڪميشن پاڪستان ۽ چيف جسٽس آف پاڪستان کان مطالبو ٿو ڪيان ته هن ڌانڌلي جو نوٽيس وٺي ٻيهر اليڪشن ڪرائي.

منهڙو (ن پ ا) منهڙو ڀرسا نوجوان روهڙي ڪنال ۾ ٽپو ڏئي ڇڏيو گهر م ڪهرام متل تفصيل موجب منهڙوڀرسا درياخان مري ٿاڻي جي حد ڳوٺ بودلو ڏاهري جي رهواسي ١٦ سالن جي نوجوان عابد علي ڏاهري ولد مور ڏاهري دماغي توازن صحيح نه هئڻ سبب بودلو ڏاهري موري کان روهڙي ڪنال ۾ ٽپو ڏئي ڇڏيو.

ڳڙهي خيرو(ن پ ا) ڳڙهي خيرو ۾ زمين ۽ پلاٽ جي مالڪي تان سيد ۽ بليدي برادري جي ٻن ڌرين ۾ شروع ٿيل تڪرار نيٺ نبري ويو. سڳوٺ امير آباد ۾ چڱي مڙس مير باز بروهي جي سرپئچي هيٺ نبيرو ٿيو، جنهن دوران سيد خير شاھ ۽ مير اسلم خان بليدي جون ڳالهيون ٻڌيون ويون. سرپئنچ ڳالهيون ٻڌڻ تڪراري پلاٽ ۽ زمين بليدي برادري کي ڏئي ڇڏي، جڏهن ته سيد برادري کي مدرسي لاءِ زمين ڏني وئي.

نوابشاهه(ڊ ر) نوابشاهه ميڊيڪل يونيورسٽي جي شاگردياڻي فرزانا جمالي ضمني مڪاني چونڊن ۾ کٽي نه سگھي آهي. گذريل ڏينهن مڪاني ضمني چونڊن ۾ بهادر شاگردياڻي فرزانا جمالي نوابشا هه جي ضلعي ڪائونسل جي سيٽ تي چونڊ اميدوار طور بيٺي هئي. غير سرڪاري ۽ غير حتمي نتيجن موجب ضلعي ڪائونسل جي سيٽ تي بيٺل شاگردياڻي فرزانه جمالي هارائي وئي، کيس 90 ووٽ ملي سگھيا. واضح رهي ته شاگردياڻي فرزانا جمالي کي يونيورسٽي ۾ مبينا طور هراسان ڪرڻ جو واقعو پيش آيو هو. جنهن کانپوءِ يونيورسٽي جي وي سي ۽ هڪ پروفيسر کي استعيفيٰ ڏيڻي پئي هئي.