دادو (ن پ ا) دادو ۾ پ ٽ الف جي سڏ تي ضلعي صدر عنايت علي جمالي ۽ دادو ٽائون جي صدر لياقت ڀٽي جي اڳواڻي ۾ وڏي انگ ۾ استادن هٿن پوٽريٽ ۽ پلي ڪارڊ کڻي مطالبن جي مڃتا لاء احتجاجي مظاهرو ڪري شهر جي مک ڪچهري روڊ تي ڌرڻو هڻي هڪ ڪلاڪ تائين ٽريفڪ بند ڪري ڇڏي ۽ مطالبو ڪيو آهي دادو جبري طور ڊاريڪٽر آفيس بدلي ڪيل عورت ٽيچر کي واپس ڪري اين ٽي ايس جي رهيل 168 ، استادن کي ريگيولر ڪري ڊي او اليمنٽري ريگيولر رکيو وڃي ٻي صورت ۾ سندن احتجاج جو سلسلو جاري رهندو
ميهڙ جي مختيار ڪار جي لکت ۾ معافي وٺڻ بعد ضمانت منظور
حددخلين جي ڪيس ۾ پيش نه ٿيڻ تي عدالت وارنٽ جاري ڪيا هئا
دادو(رپورٽر) سيڪنڊ سول جج دادو گل محمد بروهي جي عدالت ۾ ميهڙ مان حددخليون نه هٽائڻ واري پٽيشن تي ٻڌڻي ٿي مختيار ڪار ميهڙ صابر حسين ميراڻي عدالت ۾ پيش ٿيو ، عدالت مختيار ڪار ميهڙ تي حاضرين دوران پيش نه ٿيڻ تي سخت پڇاڻو ڪيو ويو ، مختيار ڪار پاران لکت ۾ معافي ۽ حاضرين تي پيش ٿيڻ بابت لکت ۾ جواب داخل ڪرڻ کانپوء عدالت مختيار ڪار ميهڙ جي 50 هزار روپين جي ضمانت منظور ڪري ورتي آهي ، مختيار ڪار عدالت کي ٻڌايو ته پاڻي ڪميشن جي چيئرمين رٽائرڊ جسٽس امير هاني مسلم جي هدايتن تي ميهڙ ۾ آپريشن پڻ شروع ڪندي ڪيترائي قبضا هٽايا ويا آهن ، عدالت ڊي سي دادو کي حاضرين کان آجو ڪري ڇڏيو آهي
ميهڙ: مغوي واپاري تي هڪ ٻئي واپاري جي فرياد تي فراڊ جو ڪيس داخل ڪيو ويو
ضمير مونکان 60 لک رپين جو زرعي سامان وٺي فراڊ ڪيو، پيسا نه ٿو ڏئي: روشن شيخ
واپاري ضمير ڏيرو اغوا ناهي ٿيو، کيس حيدرآباد پوليس کنڀي وئي آهي: ذريعن جي دعويٰ
ميهڙ (ن پ ا) پوليس گذريل ڏينهن مبينا طور اغوا ٿي ويل واپاري تي فراڊ جو ڪيس داخل ڪري ورتو، ذريعن موجب واپاري اغوا ناهي ٿيو، کيس حيدرآباد پوليس کنڀي وئي آهي.
سيڪشن ٿاڻي پوليس واپاري روشن شيخ جي فرياد تي ڪيس داخل ڪيو، جنهن ۾ فريادي ڄاڻايو آهي ته واپاري ضمير ڏيرو مون کان 60 لک روپين جو زرعي ڀاڻ، دوائون ۽ سارين جوٻج ورتو، پر هن اڃا تائين پيسا ناهن ڏنا ۽ فراڊ ڪيو آهي.
گذريل ڏينهن انڊس هاءِ وي تان ڪار ۾ سوار هٿياربندن هٿان مبينا طور اغوا ڄاڻايل ضمير ڏيرو جو اڃا تائين ڪو ڏس پتو نه ملي سگهيو آهي، ٻئي طرف روزاني پنهنجي اخبار کي ذريعن وٽان معلوم ٿيو آھي ته واپاري ضمير ڏيرو اغوا نه ٿيو آھي پر کيس سي آء پوليس حيدرآباد جا اهلڪار ڪار ۾ کڻي ويا آھن، پر اها خبر نه پئجي سگهي آهي ته کيس ڪٿي رکيو ويو آهي
دادو اسپتال جي ايمرجنسي وارڊ مان ڪمپائونڊر ۽ ڊسپينسر گم، مريض دربدر
مريضن جي وارثن جو هل هنگامو، سول اسپتال انتظاميه خلاف احتجاج ڪيو ويو
سول سرجن ڊاڪٽر رزاق جوڻيجو کي اطلاع ڏنو پر اسٽاف ناهي ڏنو ويو:ڊاڪٽر آصف
دادو)رپورٽر)سول اسپتال دادو جي ايمرجنسي وارڊ مان هڪ ڪلاڪ کان ڪمپائونڊر ۽ ڊسپينسر ڊيوٽي ڇڏي گهرن ڏانهن هليا ويا، جنهن سبب ايمرجنسي ۾ آيل مريض عورتون توڙي مرد انجيڪشن توڙي ملم پٽي ڪرائڻ لاء ڊسپينسرن کي ڳوليندا رهيا، جنهن خلاف شڪيل ميمڻ ،مجيب پنهور جي اڳواڻي ۾ مريضن جي وارثن پاران هل هنگامو ڪرڻ سان گڏ سخت احتجاجڪيو آهي ۽ دانهيو ايمرجنسي وارڊ ۾ اسٽاف جا ملازم ناهن ،جنهن ڪري هو ڪلاڪ کان پريشان آهن، ٻئي طرف ڊاڪٽر آصف رضا ٻڌايو ته اسٽاف نه هئڻ بابت سول سرجن ڊاڪٽر رزاق جوڻيجو کي اطلاع ڏنو پر اسٽاف نه پهتو.
مرتضيٰ وهاب صحافين تي تشدد جي رپورٽ طلب ڪري ورتي
اسلام ڪوٽ: صحافين جي احتجاج کانپوءِ صوبائي صلاحڪار مرتضيٰ وهاب واقعي جو نوٽيس وٺندي صحافين تي تشدد ڪندڙ اهلڪارن بابت رپورٽ طلب ڪري ورتي. سندس چوڻ آهي ته ضلعي انتظاميا کان رپورٽ طلب ڪئي آهي، صحافين تي تشدد ڪندڙ اهلڪارن خلاف قانون موجب ڪارروائي ڪئي ويندي،
ميهڙ ڀرسان ڪار جو چنگچي کي ٽڪر،ٻن عورتن سميت 5 ڄڻا زخمي
ميهڙ(ن پ ا)ميهڙ لڳ انڊس هاءِ وي روڊ تي آمهون سامهون ايندڙ تيز رفتار ڪار جو چنگچي رڪشا سان ٽڪر ٿيڻ جي نتيجي ۾ عاشق چانڊيو،علي حيدر سولنگي،وهمير تنيو ۽ 2 عورتون مسمات شھربانو سولنگي ۽ حنيفه ڌي همت سولنگي سخت زخمي ٿي پيون ،جن کي تعلقا اسپتال ميهڙ کان پوءِ علاج لاءِ لاڙڪاڻو نيو ويو .
ميهڙ ۾ گڏهه گاڏي سان ٽڪرائجڻ سبب موٽر سائيڪل سوار فوت
ميهڙ(ن پ ا)ميهڙ لڳ ٻيٽو روڊ تي گڏھ گاڏي ۽ موٽرسائيڪل جو زوردار ٽڪرٿيڻ سبب ڳوٺ گنجا جو رهواسي موٽرسائيڪل سوار زاهد حسين پٽ نياز حسين ابڙوسخت زخمي ٿيڻ کان پوءِ فوت ٿي ويو ،جنهن جو مڙهه تعلقا اسپتال ميهڙ آڻي پوسٽ مارٽم ڪرائڻ کان پوءِ ڳوٺ گنجا کڻائي ويا. جتي سندس رات دير سان تدفين ڪئي وئي ،جڏهن ته پوليس گڏه گاڏو هلائيندڙ کي گڏه گاڏي سميت حراست ۾ وٺي ٿاڻي تي لاڪپ ڪري ڇڏيو آھي.
دادو ۾ ڪار جي ٽڪر عورت ۽ ٻار سميت 3 ڄڻا زخمي ٿي پيا
دادو( رپورٽر) دادو ۾ ڪار جي ٽڪر ۾ عورت ۽ ٻار سميت 3 ڄڻا زخمي ٿي پيا آهن. دادو جي جُڊيشل ڪامپليڪس سامهون حادثو ٿيو، جتي تيز رفتار ڪار جي ٽڪر ۾ 3 ڄڻا زخمي ٿي پيا. زخمين ۾ امتياز چانڊيو، مسمات زليخان ۽ ٻارڙي شائستا شامل آهن. جن کي فوري طور اسپتال منتقل ڪيو ويو، جتي سندن حالت سڌرندڙ ٻڌائي پئي وڃي.
سيتاروڊ: آبادگارن جو پاڻي کوٽ خلاف سڪل شاخ ۾ بيهي احتجاج
سيتاروڊ(ن پ ا) جوهي برانچ ۽ بيگو ديرو شاخ جي آبادگارن پاڻي جي کوٽ خلاف سڪل شاخ ۾ بيهي احتجاجي مظاهرو ڪرڻ بعد ڌرڻو هنيو.
آبادگارن يعقوب کوسو، عبدالهادي کونهارو، مظھر علي چانڊيو، مشھور ميمڻ، سليمان سومرو ۽ ٻين جي اڳواڻي ۾ آبادگارن جوهي برانچ جي سڪل پيٽ ۾ بيهي مظاهرو ڪيو ويو، جنهن بعد سيتاروڊ جي مختلف رستن تان مارچ ڪندي هڪ آفيس جي سامهون ڌرڻو هنيو.
آبادگار اڳواڻن چيو ته جوهي برانچ ۽ بيگو ديرو شاخ ۾ پاڻي جي کوٽ خلاف گذريل هڪ سال کان دانهي رهيا آھيون پر ڪير به دانهن ورنائڻ وارو ڪو ناهي، پاڻي نه هجڻ سبب اسان جون زمينون سڪي ٺوٺ ٿي ويون آهن ۽ اسان جا ٻچڙا بکون ڪاٽڻ تي مجبور آهن.
آبادگارن چتاءُ ڏنو ته پاڻي کوٽ جو نوٽيس وٺي پاڻي جي فراهمي يقيني نه بڻائي وئي ته احتجاجي تحريڪ جاري رکي ويندي
دادو: اسپتال جي ايمرجنسي وارڊ مان ڪمپائونڊر غائب، هنگامو
دادو)رپورٽر)سول اسپتال دادو جي ايمرجنسي وارڊ مان هڪ ڪلاڪ کان ڪمپائونڊر ۽ ڊسپينسر ڊيوٽي ڇڏي گهرن ڏانهن هليا ويا،جنهن سبب ايمرجنسي ۾ آيل مريض عورتون توڙي مرد انجيڪشن توڙي ملم پٽي ڪرائڻ لاء ڊسپينسرن کي ڳوليندا رهيا،شڪيل ميمڻ ،مجيب پنهور جي اڳواڻي ۾ مريضن جي وارثن پاران هل هنگامو ڪرڻ سان گڏ سخت احتجاجڪيو آهي ۽ دانهيو ايمرجنسي وارڊ ۾ اسٽاف جا ملازم ناهن ،جنهن ڪري هو ڪلاڪ کان پريشان آهن، ٻئي طرف ڊاڪٽر آصف رضا ٻڌايو ته اسٽاف نه هئڻ بابت سول سرجن ڊاڪٽر رزاق جوڻيجو کي اطلاع ڏنو پر اڃا اسٽاف ناهي پهتو.
ميهڙ ۾ سارين جو واپاري اغوا، مزاحمت تي سندس سئوٽ زخمي
ميهڙ (ن پ ا ) ميهڙلڳ انڊس هاءَ وي تي ڪولاچي ڀرسان ٽول پلازا وٽ ڪار ۾ سوار نامعلوم ھٿيار بند ميهڙ کان موٽر سائيڪل تي ڳوٺ رضا محمد ڏيرو ايندڙ واپاري ضمير ڏيرو کي مبينا طور اغوا ڪري کيس ڪار ۾ کڻي فرار ٿي ويا جڏهن ته سندس سان گڏ سوٽ محمد جمن ڏيرو کي مزاحمت تي زخمي حالت ۾ ڇڏي ويا مبينا طور اغوا ٿيل ضميرو ڏيرو جي ڀاء مولابخش ڏيرو چيو ته سندس ڀاء ان جو واپاري آھي ميهڙ مان سارين جي مختلف ڪارخانن تان پئسا وٺڻ ويو هو پنهنجي سوٽ سان واپس اچي رهيو هو ته ڪولاچي ڀرسان پٺيان ايندڙ ڪار سوارن کيس اغوا ڪري ورتو آهي .جڏهن ته سندس سان گڏ ايندڙ سوٽ کي مارڪٽ ڪري ڇڏي ويا آھن جنهن اسان کي اطلاع ڏنو آھي.
“دادو ۾ گئسٽرو ۽ ڊائريا وبائي صورت اختيار ڪري ورتي” ڏينهن ۾ 40 ٻار اسپتال ڀيڙا
گئسٽرو ۽ ڊائريا ۾ مبتلا 40 کان وڌيڪ ٻارن کي سول اسپتال دادو ۾ داخل ڪيو ويو
سول اسپتال دادو ۾ بيڊ گهٽ هجڻ ڪري ٻه کان 3 ٻارن کي هڪ بيڊ تي داخل ڪيو ويو
دادو(رپورٽ: فتاح شيخ) دادو شهر ۽ ڀرپاسي گئسٽرو ۽ ڊائريا بيماريون تيزي سان پکڙجڻ لڳيون، هڪ ئي ڏينهن اندر 40 کان وڌيڪ ٻارڙا اسپتال ۾ داخل ٿي ويا.
دادو ۽ ڀرپاسي جي مختلف علائقن مان هڪ ئي ڏينهن 40 کان وڌيڪ ٻارڙن کي سول اسپتال دادو ۾ داخل ڪيو ويو، اسپتال جي هڪ بيڊ تي گئسٽرو ۽ ڊائريا ۾ مبتلا 2 کان ٽن ٻارڙن کي رکيو ويو.
گئسٽرو ۽ ڊائريا ۾ مبتلا ٻارن ۾ احسان کنڊ ، شهباز ، نعمت الله چانڊيو ، شهنيلا ، حسنين پنڙ ، عطا الله ، عطا عباس ، راضي آلکاڻي، سيما، ماهين آرائين، محمد علي پنهور سميت 40 کان وڌيڪ ٻار شامل آهن.
ڊاڪٽر اياز پنهور پنهنجي اخبار سان ڳالهائيندي ٻڌايو ته سياري ۾ ٿڌيون ۽ رکيل کاڌو کارائڻ سبب گئسٽرو ۽ ڊائريا بيماريون پکڙيون آهن، بيمارين ۾ مبتلا ٻارڙن جو علاج ڪيو پيو وڃي، ٻارڙن جي والدين دانهيو ته هڪ بيڊ تي 2 کان 3 ٻارن کي داخل ڪرڻ سبب ٻارن کي تڪليف ٿي رهي آهي، معاملو جو نوٽيس وٺي صحت سميت مختلف بنيادي سهولتون فراهم ڪيون وڃن
جوهي ۾ وري پاڻي کوٽ خلاف مظاهرو
پاڻي لاءِ ڊگهي جدو جھد بعد اڄ وري ٻيھر مظاھرو ڪيو ويو
جوھي (ن-پ-ا) جوھي جي ڊگهي پاڻي جي جدو جھد بعد اڄ وري ٻيھر مظاھرو ڪيو ويو آبادگارن کي 5 ڏينھن پاڻي ڏيڻ بعد وري پاڻي بند ڪيو ويو آھي تنهن ڪري اڄ وري آبادگار اڳواڻ روڊن تي اچي ويا جڏھن ته آباد گار اڳواڻ ميھر گاڏھي ۽ ٻين دانهيندي چيو ته آخر ڪار اسان جو پاڻي ڇو ڀند ڪيو ويو آھي، پھريان ب اسان کي پاڻي دير سان ملڻ ڪري ڪڻڪ جو فصل نه ٿيڻ جي برابر آھي ۽ وري پاڻي بند ڪيو ويو آهي، ھاڻي پاڻي نه مليو ته اسان وري ڪراچي پريس ڪلب جي اڳيان ڌرڻو ھڻنداسين.
ميهڙ ۾ تحريڪ انصاف اڳواڻ جو ڀاءُ لاڏاڻو ڪري ويو
ميهڙ (ن-پ-ا) تحريڪانصاف تعلقي ميهڙ جي نائب صدر رئيس قربان بزنجو (بروهي ) جو ننڍو ڀاءُ عبدالله بزنجو لاڏاڻو ڪري ويو جنازه نماز اڄ عيد گاه ميهڙ ۾ ادا ڪئي ويندي ۽ گاهي مهيسر روڊ تنيه هائوس ڀرسان تڏو وڇايو ويو آهي، جتي شهرين ۽ سياسي سماجي اڳواڻن پاران مرحوم جي وارثن سان تعزيت جو سلسلو جاري آهي.
ميهڙ ۾ حدخلين خلاف آپريشن، دڪانن جا دڪا ڊاهي پٽ ڪيا ويا
ميهڙ جي مين روڊ سميت مختلف رستن تان حددخليون هٽايون پيون وڃن
مک بازار، ريشم گلي ۽ ٻين علائقن ۾ دڪانن جا دڪا ۽ ڇپرا ڊاهيا ويا
ميهڙ (ن پ ا) سيشن ڪورٽ دادو ءِ پاڻي ڪميشن جي چيئرمين رٽائرڊ جسٽس امير هاني مسلم جي حڪم تي ميهڙ جي مين روڊ سميت شهر جي مختلف رستن تان حد دخلين هٽائڻ واري ڪاروائي شروع ڪئي وئي آهي ا ن سلسلي ۾ عدالت جي حڪم تي اڃ به اسٽنٽ ڪمشنر عبدالفتاح پنهور، ايس ايڇ او اي سيڪشن امان الله چنو، ايس ايڇ او بي سيڪشن ممتاز سرڪي، ميونسپل ميهڙ جي چيف ميونسپل آفيسر اورنگزيب مگسي، مارڪيٽ ڪاميٽي جو چيئرمين مهراب لاکير ۽ ٻين جي نگراني ۾ وڏن پوليس اٽالن جي موجودگي ۾ شهر ۾ مين روڊ، مک بازار ,ريشم گلي سميت مختلف هنڌن وٽ دڪانن جا دڪا ڇپرا، منهن ڊاهيا پيا وڃن ۽ قبضا هٽايا پيا وڃن ان سلسلي ۾ ميونسپل ميهڙ پاران حد دخلين ڪندڙ دڪاندارن کي نوٽيس پڻ جاري ڪيا ويا هئا . ان سلسلي ۾ ميهڙ شھر ۾ ناجائز حد دخلين خلاف ميهڙ شھر جي رهائشي شفيق احمد شيخ پاران ڊسٽرڪٽ سيشن ڪورٽ ۾ داخل پٽيشن تي به ميونسپل اختيارن روينيو کاتي جي عملدارن ناجائز حد دخلين ختم ڪرڻ خلاف ڪيس داخل ڪرايو هو پر عدالت جي طلب ڪرڻ تي ايس ڊي ايم ميهڙ فهيم لاکير مختيارڪارميهڙ صابر حسين ميراڻي عدالت پاران طلب ڪرڻ تي نه اچڻ جو عدالت ۾ ڪيس داخل ڪرائڻ جي حڪم بعد عدالت پاران اسٽنٽ ڪمشنر عبدالفتاح کي قبضن هٽائڻ واري ڪم جو انچارج مقرر ڪري قبضا هٽائڻ جو حڪم ڏنو هو جنهن بعد اڄ به عدالت جي حڪم تي قبضن هٽائڻ واري ڪاروائي جاري رهي، هوڏانهن قبضن هٽائڻ واري ڪاروائي دوران شهرين نظير جانوري ۽ ٻين الزام هنيو آهي ته ميونسپل ميهڙ، مارڪيٽ ڪاميٽي وارا پئسا وٺي قبضا خورن سان مليل آھن انهن پئسن عيوض قبضا ڪرايا آھن ۽ قبضن هٽائڻ واري ڪاروائي صرف ڏيکاءُ آهي بااثر حڪومتي جماعت سان واسطور رکندڙ قبضا خورن جا قبضا نه پيا هٽايا وڃن تعلقه اسپتال ميهڙ ، اريگيشن آفيس ۽ ريوينيو آفيس ڀرسان ايس ڊي ايم جي پراڻي رهائش گاه تعليم کاتي في ميل جي ايس ڊي او آفيس جي سامهون ايريگيشن کاتي جي انجنيئر ايس ڊي او جي پراڻي رهائشي عمارتن ۽ راڌڻ روڊ دان روڊس کاتي جي آفيسرن جي آفيسن ۽ رهائشي عمارتن پلاٽن ۽ گهاڙي روڊ سان ڊرينيج جي مين نالن تي ببااثرن ڌرين جا قبضا برقرار آهن صرف ريڙهي گاڏنن وارن کي هٽائڻ سان گڏ دوڪانن جي اڳيان ٺھيل منهن ڊاهيا پيا وڃن، هنن گهر ڪئي آهي ته شهر ۾ ٿيل سمورا ٿيل قبضا نا جائز حددخليون بنا سياسي فرق جي هٽايا وڃن ءِ قبضا خورن خلاف ڪاروائي ڪئي وڃي مخصوص ماڻھن خلاف ڪاروائي ٿي ته شهر جا دوڪاندار واپاري احتجاج ڪندا.