ممبئي (شوبز ڊيسڪ) بالي ووڊ اداڪار رنوير سنگهه چيو آهي ته سدائين مون هڪ مڪمل انٽرٽينر بڻجڻ چاهي آهي. ڀارتي ميڊيا موجب اداڪار رنوير سنگهه جو چوڻ هو ته هو جيڪو ڪم ڪري رهيو آهي، اهو مداحن لاءِ ئي آهي ته جيئن هو انٽرٽين ٿي سگهن.
هن چيو ته صرف اڳتي وڌڻ ولاءِ ڪم نٿو ڪرڻ چاهيان، ڪڏهن اسٽار ٿيڻ نه چاهيو، پر هڪ اهڙو اداڪار ٿيڻ چاهيان ٿو جيڪو هڪ مڪمل انٽرٽينر هجي.

لاهور (شوبز ڊيسڪ) گلوڪاره حميرا چنا چيو آهي ته نون گلوڪارن جي آمد سان پاڪستاني موسيقي هر نئي ڏينهن بهتر ٿي رهي آهي. ڪاميابي لاءِ نوان ايندڙ پهريان گلوڪاري جي بنيادي تعليم حاصل ڪن.
حميرا چنا جو چوڻ هو ته گلوڪار پنهنجي گانن ۾ جدت آڻي رهيا آهن، جن کي ٻڌندڙ تمام گهڻو پسند ڪن ٿا، گلوڪاري جي شعبي ۾ نوان ڇوڪرا ۽ ڇوڪريون اچي رهيون آهن، جيڪي گلوڪاري جي شعبي ۾ ترقي لاءِ پنهنجو ڪردار نڀائيندا.
هن چيو ته نون گلوڪارن لاءِ نهايت ضروري آهي ته هو ان شعبي ۾ اچڻ کان اڳ موسيقي جي بنيادي تعليم حاصل ڪن ته جيئن ڪاميابي سندن نصيب بڻجي.

ممبئي (شوبز ڊيسڪ) بالي ووڊ اداڪار رنوير سنگهه چيو آهي ته دپيڪا ٻاهر سپر اسٽار آهي پر گهر ۾ عام ۽ سادي حال ۾ رهي ٿي.
ڀارتي ميڊيا موجب تازي انٽرويو ۾ اداڪار رنوير سنگهه چيو ته دپيڪا پڊوڪون ۽ منهنجو رشتو گليمر ۽ ڪيمرا کان هٽي ڪري هڪ عام انداز سان اڳتي وڌيو آهي. هن چيو ته پنهنجي باري ۾ يقين نٿو چئي سگها، پر دپيڪا بابت يقين سان چئي سگهان ٿو ته هوءَ گهر ۾ هڪ عام ۽ بلڪل سادي حال ۾ رهي ٿي.

لاهور (شوبز ڊيسڪ) پاڪستاني اداڪاره صوبيه خان چيو آهي ته شادي بعد اداڪاري ڏکيو ڪم نه پر شوبز لاءِ في الحال وقت ناهي، هاڻوڪي دور ۾ پرڻيل ادڪارائون پهرين صف ۾ شامل آهن. صوبيه خان چيو ته اداڪاري جو فن خوش قسمت ماڻهن کي ملندو آهي، پنهنجي ڪم ۾ وڌيڪ بهتري آڻڻ لاءِ ڪوششون وٺي رهيا آهن. هن چيو ته پاڻ کي ڪڏهن پهرين نمبر اداڪاره تصور ناهي ڪيو، سدائين سکڻ جو عمل جار رهندو آهي. سندس چوڻ هو ته ذاتي مصروفيتن سبب اسڪرين تي نظر نٿي اچان، لڳاتار ڪم سبب ٿڪجي پئي هيس، ان ڪري ڪجهه وقت لاءِ خاندان سان گڏ گذارڻ چاهيان ٿي.

لاهور (شوبز ڊيسڪ) ادڪاره نور بٽ اسٽيج ڊرامه ”ڪُڙي پنجابن“ ۾ دل موهيندڙ رقص ڪري هدايتڪارن کان ڀرپور داد ماڻيو. لاهور جي الحمراء آرٽس ڪائونسل  ۾ اداڪاره نور بٽ ”ڪُڙي پنجابن“ لاءِ خاص تياري ڪئي هئي، جنهن کي ڊرامه ٺاهيندڙن پسند ڪيو. جڏهن ته ڊرامي جي ٻي ڪاسٽ ۾ زويا چوڌري، سمي خان، لڪي ڊيئر، طاهر نوشاد، صابر گاگا، افروز خان ۽ پرويز خان سميت ٻيا اداڪار شامل آهن. ڊرامي جا پروڊيوسر افضل بٽ ۽ اڪبر بٽ آهن.

ڪراچي (ڪلچرل نيوز) ڪراچي ۾ سمنڊ ڪناري مزيدار ۽ لذيذ کاڌن جو فيسٽيول لڳايو ويو. ٿڌين هوائن ۾ گرما گرم کاڌن سان گڏ گلوڪاره زويا جيسوال جي گيتن فيسٽيول کي چار چنڊ هڻي ڇڏيا. سرد راتين ۾ سمنڊ ڪناري ”بيچ پارڪ“  تي لڳايل ٽن ڏينهن جي فوڊ فيسٽيول ۾ گرم چانهن، چپلي ڪباب، سيخ ڪباب، افعاني بوٽي ۽ چٽ پٽي کاڌا شهرين جي ڌيان جو مرڪز رهيا. شهرين جو چوڻ هو ته ڪراچي ۾ سرد هوائن فيسٽيول جو مزو ٻيڻو ڪري ڇڏيو آهي، ايونٽ ۾ گلوڪاره زويا جيسوال جو مڌر آواز تي ماڻهن نچندا رهيا. مزيدار ديسي کاڌن سان سجايل فوڊ فيسٽيول آچر تائين جاري رهندو.