ممبئي (شوبز نيوز) بالي ووڊ جي دنگل اسٽار فاطمه ثنا شيخ انڪشاف ڪندي چيو آهي ته شاهه رخ خان سندس پهرين محبت هو ۽ هوءَ ننڍڙائپ ۾ سندس لاءِ روئندو هو. فاطمه ثنا شيخ چيو ته هوءَ ايترو جلدي ڪنهن کي پسند ناهي ڪندي پر شاهه رخ خان جو معاملو الڳ آهي، جڏهن پهريون ڀيرو شاهه رخ خان سان ون ٽو ڪا فور فلم ۾ ڪم ڪيو ته خبر پئي ته هو شادي شده آهي، جنهنڪري منهنجي دل ٽٽي پئي هئي ۽ تمام گهڻو رنو. هن چيو ته شاهه رخ خان سندس پهرين محبت آهي، اڄ به هو ساڻس رومانس ڪرڻ چاهي ٿي، ڇاڪاڻ ته پهرين محبت پهرين محبت هوندي آهي. فاطمه ثنا شيخ چائلڊ اسٽار طور شاهه رخ خان سان ون ٽو ڪا فور ۾ ڪم ڪيو هو.

ممبئي (شوبز نيوز) بالي ووڊ جي منفرد اداڪار انيل ڪپور ۽ سندس لاڏلي ڌيءُ سونم ڪپور جي فلم اڪ لڙڪي ڪو ديکها تو” جون پهريون جهلڪيون جاري ڪيون ويون آهن. فلم ۾ انيل ڪپور هڪ فڪرمند پيءُ جو ڪردار ادا ڪري رهيو آهي، ٽريلر موجب سونم ڪپور پنهنجي پيءُ کان ڪو راز لڪائي رهي آهي. فلم ۾ راجڪمار رائو پڻ اهم ڪردار ادا ڪري رهيو آهي، جيڪو سونم سان پيار ڪري ٿو پر هوءَ کيس پنهنجو سچ ٻڌائي ڇڏي ٿي. فلم بولڊ موضوع تي ٺاهي وئي آهي، جنهن ۾ سونم ڪپور کي هم جنس پرست جي ڪردار ۾ نظر ايندي. ٽريلر جاري ٿيڻ کانپوءِ لکين ماڻهن ٽريلر کي ڏسي ورتو آهي. فلم ۾ جوهي چاولا به نظر ايندي، جڏهن ته فلم کي ايندڙ سال فيبروري ۾ نمائش لاءِ پيش ڪيو ويندو.

لاهور (شوبز نيوز) لالي ووڊ توڙي بالي ووڊ ادڪاري جا جوهر ڏيکاريندڙ پاڪستاني خوبصورت اداڪارا حمائمه ملڪ چيو آهي ته پاڪستان جي ايندڙ ميگا بجيٽ فلم“ دي ليجنڊ آف مولا جٽ ۾ سندس سڀ کان سگهارو ڪردار آهي. سندس چوڻ هو ته فلم ۾ هوءَ شهزادي جو ڪردار ادا ڪري رهي آهي، جنهنڪري شوٽنگ دوران کيس هر پرفيڪٽ رهڻو هو، جڏهن ته سندس خاص ميڪپ هوندو هو، جنهن جو بلال لاشاري پڻ خيال رکندو هو. هن چيو ته فلم ۾ سندس ڪردار منفرد ۽ تمام گهڻو وڻندڙ آهي، جنهنڪري اهو ڪردار سڀني کي پسند ايندو. دي ليجنڊ آف دي مولا جٽ کي ايندڙ سال عيد الفطر جي موقعي تي ريليز ڪيو ويندو. فلم ۾ فواد خان، ماهرا خان، همزه علي عباسي ۽ حمائمه ملڪ اهم ڪردار ادا ڪري رهيا آهن.

ممبئي (شوبز نيوز) بالي ووڊ اداڪارا دپيڪا پڊوڪون انسٽاگرام تي سڀ کان وڌيڪ ٻيو نمبر مشهور ڀارتي بڻجي وئي آهي. انسٽاگرام تي دپيڪا جا 3 ڪروڙ فالوئرز آهن، جڏهن ته پريانڪا چوپڙا دپيڪا کان اڃان تائين اڳتي آهي. 30 ملين فالوئرز ٿيڻ کانپوءِ دپيڪا پاران سوشل ميڊيا تي پنهنجو وڊيو به جاري ڪيو، جنهن ۾ هوءَ مون والڪنگ ڪري رهي آهي. هلندڙ سال کيس ايشيا جي پرڪشش ترين عورت جو اعزاز پڻ مليو، جڏهن ته هوءَ ڀارت ۾ سڀ کان وڌيڪ ڪمائيندڙ عورت اداڪارا پڻ آهي، دپيڪا ايندڙ فلم ۾ لڪشمي اگروال جو ڪردار ادا ڪندي، جنهن کي مگهنا گلزار ڊائريڪٽ ڪري رهي آهي.

لاس اينجلس (شوبز نيوز) آمريڪي پاپ ڳائڻي ملي سائرس آسٽريلوي اداڪار سان شادي جي تصديق ڪري ڇڏي آهي. سوشل ميڊيا ذريعي جاري ڪيل بيان ۾ ملي سائرس پنهنجي ور سان گڏ مٺي جي تصيور شيئر ڪئي، هن شادي جي حوالي سان تصوير به شيئر ڪئي، جيڪا آچر ڏينهن ٿيڻ جون خبرون ميڊيا تي هلي رهيون آهن. ٻئي ڄڻا ڏهه سال اڳ “لاسٽ سانگ” فلم جي شوٽنگ دوران مليا، جنهن کانپوءِ سندن وچ ۾ لاڳاپن جون خبرون هلنديون رهيون آهن. جوڙي پاران 2012ع ۾ مڱڻي ڪئي هئي پر اها هڪ سال اندر ئي ختم ٿي وئي هئي، پر هلندڙ سال نومبر ۾ هڪڀيرو ٻيهر سندن شادي جون خبرون سامهون آيون هيون.

ممبئي (شوبز نيوز) ڀارت جي ڀلوڙ اداڪار نصيرالدين شاهه ڀارت ۾ انتهاپسندن جي تنقيد کانپوءِ جواب ڏيندي چيو آهي ته هو پنهنجا لفظ واپس نه وٺندو، هن جيڪو چيو کيس ان تي ڪو به افسوس ناهي. ڪجهه ڏينهن پهريان ڀارت ۾ وڌندڙ انتهاپسندي خلاف ڳالهائڻ تي نصيرالدين شاهه کي انتهاپسندن پاران تنقيد جو نشانو بڻائيندي کيس غدار قرار ڏنو ويو هو، پر سندس حمايت ۾ ڪيترائي اداڪار توڙي سياسي اڳواڻ به ميدان تي آيا. نصيرالدين شاهه چيو ته هن جيڪو چيو ان تي قائم آهي، کيس پنهنجن لفظن تي ڪو به افسوس ناهي.

ممبئي (شوبز نيوز ) بالي ووڊ اداڪارن رنوير سنگهه ۽ سارا علي خان جي نئين فلم سمبا ريليز لاءِ تيار آهي، فلم جي ريليز ٿيڻ کان هڪ ڏينهن اڳ نئون گيت جاري ڪيو ويو آهي، جڏهن ته ميرا والا ڊانس نالي گاني کي نيها ڪَڪَڙ ۽ نڪاش عزيز ڳايو آهي، جڏهن ته ڪمار پاران گيت کي لکيو آهي. سمبا ۾ رنوير سنگهه هڪ ڪرپٽ پوليس آفيسر ڪو ڪردار ادا ڪري رهيو آهي. روهت شيٽي جي هديتڪاري ۾ ٺهندڙ فلم کي 28 جمعي ڏينهن ريليز ڪيو ويندو. فلم کي ڪرن جوهر پروڊيوس ڪري رهيو آهي، جڏهن ته سارا علي خان ۽ رنوير سنگهه مرڪزي ڪردار ادا ڪري رهيا آهن.

ممبئي (شوبز نيوز) هلندڙ سال اوچتو لاڏاڻو ڪري ويل بالي ووڊ جي ناليواري اداڪاري سري ديوي آخري ڀيرو شاهه رخ خان جي فلم زيرو ۾ مختصر ڪردار ادا ڪيو هو. سري ديوي جا مداح سندس زندگي جي آخري پرفارمنس ڏسڻ لاءِ زيرو فلم کي ڏسي رهيا آهن، جنهن دوران ڪيترائي مداح سري ديوي کي ڏسي لڙڪ لاڙي ويٺا. سماجي رابطن واري ويبسائيٽ ٽوئٽر تي ڀارت ۾ سري ديوي جي نالي سان ٽرينڊ بڻجي ويو آهي ۽ مداح زيرو فلم ڏسڻ کانپوءِ سري ديوي کي آخري ڀيرو وڏي اسڪرين تي اداڪاري ڪندي ڏسڻ ويا، جنهن بابت هو تاثر ونڊي رهيا آهن.

ممبئي (شوبز نيوز) هندو انهاپسند تنظيم شو سينا جي سربراهه بال ٺاڪري تي بالي ووڊ فلم ٺاهي پئي وڃي، جنهن ۾ نواز الدين صديقي مرحوم بال ٺاڪري جو ڪردار ادا ڪري رهيو آهي. نوازالدين صديقي پاران بال ٺاڪري جي روپ ۾ نظر ايندو، جڏهن ته ان حوالي سان نواز الدين صديقي جون تصويرون پڻ وائرل ٿي رهيون آهن. فلم جو نالو ٺاڪري ٻڌايو پيو وڃي، جڏهن ته فلم جي هدايتڪاري پڻ شو سينا ايم پي اي سنجي رائوت ڏني آهي. فلم کي ايندڙ سال مارچ ۾ پيش ڪرڻ جا امڪان آهن، جڏهن ته نوازالدين صديقي سان گڏ امرتا رائو، عبدل القادر امين، انوشڪا جهادو ۽ ٻيا اهم ڪردار ادا ڪندا. فلم کي هندي، مراٺي ۽ انگريزي ۾ پيش ڪيو ويندو.

ممبئي (شوبز نيوز) فلم دنگل ۾ عامر خان سان گڏ پنهنجي ڪيريئر جي ڪامياب شروعات ڪندڙ فاطمه ثنا شيخ ۽ عامر خان وچ ۾ لاڳاپن جو خبرون ڀارتي ميڊيا ۾ هلي رهيون هيون. فلم دنگل ۾ فاطمه ثنا شيخ عامر خان جي ڌيءُ جو ڪردار ادا ڪيو هو. ان کانپوءِ عامر خان ۽ فاطه ثنا جي هڪ ٻي فلم سيڪريٽ سپر اسٽار پڻ ريليز ٿي هئي، جنهن ۾ عامر خا ن پڻ ڪردار ادا ڪيو هو.
فاطمه ثنا شيخ پاران ميڊيا تي هلندڙ خبرن کي بي بنياد قرار ڏيندي چيو ته اهڙي قسم جون خبرون ٻڌڻ افسوسناڪ آهي، اهڙن افواهن سبب سندس پريشانين ۾ واڌارو آيو آهي. فاطمه جو چوڻ هو ته اهڙين خبرن ڪري سندس خاندان به پريشان ٿيو هو. کي فرق نٿو پوي ته ماڻهو ڇا ٿا چون، ماڻهن جو ڪم ڳالهيون ڪرڻ آهي، جڏهن ته هوءَ سکي رهي آهي ته اهڙي قسم جي افواهن سان ڪيئن منهن ڏجي.

ممبئي (شوبز نيوز) بالي ووڊ جي ڪوئين ڪنگنا راناوت پنهنجي ايندڙ فلم جي باري ۾ ايترو تي پراميد آهي، جو سندس چوڻ آهي ته هن جا نقاد ايندڙ فلم ڏسڻ کانپوءِ پنهنجا وار بند ڪري ڇڏيندا. انڊين ايڪسپريس موجب
ڪنگنا راناوت جو چوڻ هو ته سندس خيال آهي ته جيڪي هن ۽ فلم خلاف ڳالهائي رهيا آهن، اهي فلم ڏسڻ کانپوءِ پنهنجي وات بند ڪري ڇڏيندا.
سندس چوڻ هو ته شروع ۾ کيس اها فلم ڏکي لڳي پر فلم ٽيم جي مدد سان بهترين ڪم ڪيو ويو آهي. ڪنگنا فلم ۾ اهم ڪردار ادا ڪرڻ سان گڏ پهريون ڀيرو ڪو ڊائريڪشن پڻ ڏئي رهي آهي. فلم جي ليکڪ جي حوالي سان ڪنگنا چيو ته هن ايندڙ فلم به ساڳيو ڪهاڻيڪار لکي رهيو آهي، جيڪا هڪ پيار جي ڪهاڻي آهي. ڪنگنا راناوت جي مانيڪارانيڪا ايندڙ سال نمائش لاءِ پيش ڪئي ويندي.