ممبئي (شوبز ڊيسڪ) بالي ووڊ اداڪاره شرڌا ڪپور فلم ”ڇڇوري“ ۾ ٻن مختلف روپن ۾ نظر ايندي. ڀارتي ميڊيا موجب اداڪاره شرڌا ڪپور نئين فلم ادڪار سوشانٽ سنگهه راجپوت سان مرڪزي ڪردار نڀائيندي، جنهن ۾ هو ٻٽي ڪردار ۾ نظر ايندي.
شرڌا جي فلم جو هڪ روپ 90 واري ڏهاڪي تي فلمايو ويندو، جنهن ۾ سندس وار ننڍا هوندا، جڏهن ته ٻي روپ ۾ شرڌا ڪپور اڌڙوٽ عمر واري عورت نظر ايندي.
ممبئي (شوبز ڊيسڪ) بالي ووڊ ادڪار اديتيا راءِ ڪپور سماجي رابطن وار ويب سائٽ انسٽاگرام تي اچي ويو. ڀارتي ميڊيا موجب اداڪار اديتيا راءِ ڪپور جي انسٽاگرام هلائڻ جو اعلان ادڪار ورون ڌون طرفان جاري ڪيل هڪ مزاحيه وڊيو ۾ ڪيو ويو.
وڊيو ۾ ورون ڌون ٻڌائي رهيو آهي ته اڄوڪي دور ۾ انسٽاگرام تمام ضرورو ٿي ويو آهي، ادڪار جي حيثيت ۾ مون کي پنهنجي فلمن ۽ پاڻ کي اڳتي وڌائڻ لاءِ مشهوري ڪرڻي هوندي آهي، تنهنڪري آئون اچي ويو آهيان ۽ روزانو انسٽاگرام تي وڊيو جاري ڪندس.
هوڏانهن اديتيا راءِ ڪپور فلمساز ڪرن جوهر جي نئين فلم “ڪلنڪ” ۾ نظر ايندو.
لاس اينجلس (شوبز ڊيسڪ) بالي ووڊ اداڪاره پريانڪا چوپڙا جي ور نڪ جوناس جي دوستن لاءِ جنوري جي آخر ۾ شادي جو شاندار وليمو ڪوٺايو ويندو.
ڀارتي ميڊيا موجب پريانڪا چوپڙا ۽ نڪ جوناس سوئٽزرلينڊ ۾ سير ۽ تفريح بعد پريانڪا فلم “دي اسڪاءِ از پنڪ” جي عڪسبندي لاءِ ممبئي ويندي، جنهن بعد هو هن مهيني جي آخر ۾ نڪ جوناس سان لاس اينجلس ۾ ملندي ۽ اتي ايندڙ سال جنوري جي آخر ۾ نڪ جوناس جي دوستن لاءِ شادي جو شاندار وليمو ڪوٺايو ويندو.
وليمي ۾ پريانڪا جا ويجها دوست ڊيوائن جانسن، ڪيري واشنگٽن ۽ ميگهن مارڪيل پڻ شرڪت ڪندا.
اسلام آباد (شوبز ڊيسڪ) جهنگي جيوت تي ٻڌل ايني ميٽيڊ فلم “الهيار اينڊ دي ليجنڊ آف مارخور” ڏکڻ ايشيا عالمي فلم فيسٽيول ۾ بهترين فيچر فلم جو ايوارڊ کٽي ورتو.
پاڪستاني اينيميٽيڊ فلم اهو ٻيو ايوارڊ پنهنجي نالي ڪيو آهي، جيڪو ڏکڻ ايشيائي عالمي فلم فيسٽيول ۾ ڏسندڙن جي راءِ تي ڏنو ويو. ان کان اڳ ان فلم کي موضوع ۽ ٽيڪنالاجي تحت “مونو لٿ” ايوارڊ سان به نوازيو ويو هو.
فلم جي ٽيم سوشل ميڊيا تي ان ڳالهه جو اعلان ڪندي مداحن کي واڌاين جو پيغام ڏنو ته پاڪستان جي عزت ۾ اضافي سان اسان سڀ تمام گهڻو خوش آهيون.
ممبئي (شوبز نيوز) بالي ووڊ ۾ ايڪشن ۽ ڪاميڊي فلمون ٺاهڻ ڪري مشهور روهت شيٽي پنهنجي نئين فلم سمبا بابت کلي پيو آهي. ڀارتي ميڊيا ۾ سمبا ۽ سنگهم جي مرڪزي ڪردار جي هڪجهڙائي تي مٿس تنقيد ڪئي پئي وئي، جنهن تي روهت شيٽي خاموشي ٽوڙيندي سمبا جي ڪردار کي هيرو مخالف ۽ سنگهم کان بلڪل الڳ هجڻ جي دعويٰ ڪئي آهي. سندس چوڻ هو ته جيڪڏهن هو پوليس تي ڪا فلم ٺاهيندو آهي ته اها سنگهم جهڙي ڪردار جيان هوندي ڇاڪاڻ ته اها فلم تمام گهڻي مشهور آهي. روهت شيٽي موجب سمبا جو ڪردار هيرو مخالف آهي، جيڪو بي ايمان، ڪرپٽ ۽ رشوت وٺندڙ آهي پر کيس حالتون تبديل ڪرڻ ۾ اهم ڪردار ادا ڪن ٿيون.
ممبئي (شوبز نيوز) بالي ووڊ ڪنگ شاهه رخ خان چيو آ هي ته سندس نئين فلم زيرو اهڙن ماڻهن جي ڪهاڻي آهي جيڪي ظاهري طور ته محرومين جو شڪار آهن پر هو زندگي کي ڀرپور طريقي سان جيئڻ سيکارين ٿا. برطانوي خابرو اداري بي بي سي کي انٽرويو ڏيندي بالي ڪنگ خان چيو ته شاهه رخ خان چيو ته فلم جي ڪهاڻي تمام گهڻي منفرد آهي. هن چيو ته هو پنهنجو فلمون ڪڏهن به ناهي ڏسندو، فلم جون ڪجهه جهلڪيون فلم يونٽ سان ڏسندو آهيان، ان کانپوءِ فلم ڪڏهن به ناهيان ڏسندو. زيرو ابتدا کان شروع ڪرڻ جي ڳالهه آهي.
لاهور (شوبز ڊيسڪ) اداڪاره مير خلاف نڪاح مٿان نڪاح ڪيس جي ٻڌڻي بنا ڪارروائي جي 5 جنوري تائين ملتوي ڪئي وئي. جوڊيشل مئجسٽريٽ عظمت الله اعواڻ جي وڃڻ سبب ٻڌڻي ملتوي ڪئي وئي. عدالت ٻنهي ڌرين جي وڪيلن کي بحث لاءِ طلب ڪيو هو. فيملي عدالت اڳ ئي اداڪاره ميرا کي عتيق الرحمان جي گهرواري قرار ڏئي چڪي آهي. درخواست ڏيندڙ عتيق الرحمان جو موقف آهي ته اداڪاره مير ڪپيٽن رٽائرڊ نويد سان نڪاح مٿان نڪاح ڪيو. عدالت ميرا خلاف فوجداري ايڪٽ جي ڪارروائي ڪرڻ جو حڪم ڏي.
ممبئي (شوبز ڊيسڪ) بالي ووڊ سلطان سلمان خان هر سال جيان هن ڀيري به سالگره کي منفرد بڻائڻ جو فيصلو ڪيو آهي. ڀارتي ميڊيا موجب سلمان خان 27 ڊسمبر تي 53 ورهين جو ٿيندو، سلمان خان سالگره کي منفرد بڻائڻ لاءِ هن ڀيري فارم هائوس جي چونڊ ڪئي آهي، جتي سالگره تقريب 26 ڊسمبر کان شروع ٿيندي ۽ 28 ڊسمبر تي ختم ٿيندي. سالگره ۾ سلمان خان جا ويجها دوست ۽ ڀائر ارباز خان ۽ سهيل خان سميت ٻيا خاندان جا ماڻهو شريڪ ٿيندا.
ممبئي (شوبز نيوز) بالي ووڊ جي ننڍي نواب سيف علي خان جي نياڻي سارا علي خان بالي ۾ نالو ڪمائي ورتو آهي، پر ويجهڙ ۾ هن ڪافي وٿ ڪرن دوران هڪ خواهش جو اظهار ڪيو هو، جيڪا خواهش سندس پوري ٿي وئي آهي. سمبا جي مشهوري دوران رنوير سنگهه سارا علي خان کي آريان ڪارتڪ سان ملايو ته هوءَ خوش ٿي وئي. سارا علي خان فلم ڪيدرناٿ ذريعي بالي ۾ پير پاتو هو، جنهن کانپوءِ سندس ايندڙ فلم سمبا 28 جنوري تي ريليز ڪئي ويندي.
ممبئي (شوبز نيوز) ممبئي ۾ ڀارتي وزيراعظم نريندر مودي پاران بالي ووڊ انڊسٽري جي اڳواڻن سان ملاقات ڪئي جنهن دوران هن انڊسٽري ۾ ايندڙ ڏکيائين کي حل ڪرڻ ۾ بالي ووڊ ستارن جي مدد ڪرڻ جي پيش ڪش ڪئي، پر حيراني طور ان ملاقات ۾ سڄي بالي ووڊ انڊسٽري مان هڪ به عورت شامل نه هئي. ان گڏجاڻي کانپوءِ نريندر مودي کي توڙي بالي ووڊ جي مرد اداڪارن توڙي هدايتڪارن کي سخت تنقيد جو نشانو بڻايو پيو وڃي. اداڪارا ديا مرزا پاران اڪشي ڪمار ۽ نريندر مودي کي تنقيد جو نشانو بڻائيندي چيو ته سڄي بالي ووڊ انڊسٽري مان هڪ به عورت کي گڏجاڻي ۾ گهرائڻ جو سبب ڇا هو؟ مودي ۽ بالي ووڊ انڊسٽري جي ماڻهن جي ملاقات ۾ ڪنهن به عورت جي شامل نه هجڻ تي ماڻهن پاران مٿن سخت تنقيد جو نشانو بڻايو، جڏهن ته اڪشي ڪمار توڙي ٻين بالي ووڊ اسٽارن رد عمل ۾ ڪو به جواب ناهي ڏنو.
ممبئي (شوبز ڊيسڪ) بالي ووڊ اداڪار سلمان خان جي فلم ”ڀارت“ جي آخري شيڊول جي عڪسبندي نئين سال جي شروعات ۾ مڪمل ٿيندي. ان سلسلي ۾ هدايتڪار علي عباس ظفر جو چوڻ هو ته فلم ”ڀارت“ جي پنجاب ۽ دهلي شيڊول جي عڪسبندي مڪمل ڪئي وئي آهي، جنهن بعد هاڻي فلم جي آخري شيڊول جي عڪسبندي نئين سال جي شروعات ۾ ڪئي ويندي. فلم ۾ اداڪار سلمان خان، ڪترينه ڪيف سان گڏ ديشا پتاني، تبو ۽ ٻيا شامل آهن، جڏهن ته فلم ايندڙ سال عيد تي ريليز ڪئي ويندي.
ممبئي (شوبز نيوز) بالي ووڊ اداڪارا تپسي پنو پاران ٽوئٽر تي هڪ مداح کي ڏنل جواب گوگل ٽرينڊ بڻجي ويو آهي. ٻه ڏينهن اڳ تپسي پنو جي ٽوئٽر تي سندس مداح ظاهري ۽ جسماني تعريف ڪئي، جنهن تي تپسي جواب ڏنو ته کيس پنهنجو پورو جسم سٺو لڳندو آهي. تپسي پنو مداح کان سوال ڪندي چيو ته کيس جسم مان سيريبرم cerebrum وار حصو پسند آهي، توهان کي ڪهڙو پسند آهي. تپسي پنو جيئن ئي اهو لفظ استعمال ڪيو ته ڀارت ۾ ماڻهو ان لفظ کي گوگل ڪرڻ لڳا ۽ ان ڏينهن کان اڄ تائين سيريبرم ڀارت ۾ سڀ کان وڌيڪ گوگل ذريعي ڳولجهندڙ لفظ آهي. ان کانپوءِ سوشل ميڊيا تي پڻ اهو ٽرينڊ بڻجي ويو ۽ مداح تپسي جي جواب کي پسند ڪرڻ لڳا.
ممبئي (شوبز نيوز) بالي ووڊ اداڪار جيڪي شيروف جو پٽ ٽائيگر شيروف بالي ۾ پنهنجا پير مضبوط ڪرڻ ۾ ڪامياب ٿي ويو آهي، سندس فلم باغي سيريز جي ٽئين فلم جو اعلان ڪيو ويو آهي. فلم جي هدايتڪار ساجد ناڊيا والا پاران فلم کي 2020ع ۾ ريليز ڪرڻ جو اعلان ڪري ڇڏيو آهي. باغي سيريز جون پهريون ٻه فلمون باڪس آفيس تي ڪامياب ٿيون هيون، جنهن کانپوءِ باغي ٿري جو اعلان ڪيو ويو. فلم جي هيرو ٽائيگر پاران ٽوئٽر ذريعي فلم جو پوسٽر پڻ جاري ڪيو.
لاس اينجلس (شوبز نيوز) هالي ووڊ جي ٿري ڊي اينيميٽڊ ڪاميڊي فلم “دي سيڪريٽ لائيف پيٽس 2” جو ٽريلر جاري ڪيو ويو آهي. فلم جو پهريون حصو 2016ع ۾ جاري ڪيو ويو هو، جڏهن ته فلم جي سيڪيول کي ٿري ڊي ۾ پيش ڪيو ويندو. هدايتڪار ڪرس رينائوڊ جي فلم ڪهاڻي گهر ۾ پاليل جانورن جي زندگي جي چوڌاري گهمي ٿي. فلم ۾ مزاح سان گڏ تجسس به شامل آهي، جڏهن ته پالتو جانورن جي حرڪتن سبب گذريل ڀيري به فلم مداحن کي تمام گهڻو متاثر ڪيو هو، پر هن سال مداحن کي وڌيڪ انتظار ڪرڻو پوندو ڇو ته فلم کي ايندڙ سال 7 جون تي ريليز ڪيو ويندو.
دبئي (شوبز نيوز) ڪنگ خان شاهه رخ پنهنجي نئين ايندڙ فلم “زيرو” جي مشهوري لاءِ دبئي پهتل آهي. ڪنگ خان گذريل فلم جي ناڪامي کانپوءِ پنهنجي نئين فلم جي ڪاميابي لاءِ تمام گهڻي محنت ڪري رهيو آهي ۽ فلم جي مشهوري لاءِ ڏينهن رات هڪ ڪري ڇڏي آهي. شاهه رخ خان جي نئين فلم ڪرسمس جي موقعي تي ريليز ٿيندي، جنهن ۾ ڪترينا ڪيف ۽ انوشڪا شرما پڻ اهم ڪردار ادا ڪري رهيون آهن.