ممبئي (شوبز ڊيسڪ) بالي ووڊ اداڪاره سني ليوني چيو آهي ته ممبئي ئي سڄي دنيا ۾ اها جاءِ آهي، جنهن منهنجا خواب حقيقت ۾ تبديل ڪيا. ڀارتي ميڊيا موجب هڪ انٽرويو ۾ ممبئي شهر ۾ پنهنجي 7 ورهين جي فلمي سفر تي ڳالهائيندي اداڪاره سني ليوني چيو ته سڄي دنيا ۾ ممبئي اهو شهر آهي، جتي مان خواب سچا بڻائي سگهيس پئي. هن چيو ته اڄ جنهن منزل تي آهيان، ان بابت 7 سال اڳ مون تصور به نه ڪيو هو، پر ممبئي اها جاءِ آهي، جتي مان رهي ڪم ڪرڻ چاهيان پئي.
ممبئي (شوبز ڊيسڪ) بالي ووڊ ادڪاره پريانڪا چوپڙا ۽ آمريڪي گلوڪار نڪ جوناس هني مون ملهائڻ سوئٽزر لينڊ ويندا. ڀارتي ميڊيا موجب نڪ جوناس ۽ پريانڪا چوپڙا 28 ڊسمبر تي سوئٽزرلينڊ روانا ٿيندا، ۽ ايندڙ سال 10 جنوري تي واپس ممبئي پهچندا. جوڙو هني مون کان اڳ 19 ۽ 20 ڊسمبر تي ممبئي ۾ آجياڻو ڏيندا. جڏهن ته آجياڻي واري تقريب ۾ شرڪت لاءِ نڪ جوناس جو خاندان 18 ڊسمبر تي ممبئي پهچندو.
نئي دهلي (شوبز ڊيسڪ) بالي ووڊ ڪاميڊين راجپال ياديو جيل ۾ به قيدين کي کلائڻ تي مجبور ڪري ڇڏيو. ڀارتي ميڊيا موجب راجپال ياديو جيل ۾ هجڻ باوجود پاڻ کي مزاحيه پرفارمنس ڏيڻ کان روڪي نه سگهيو، نئي دهلي جي تهار جيل ۾ هڪ ويهڪ ڪوٺائي وئي، جنهن ۾ ڀارت جي ڪيترن ئي شاعرن کي گهرايو ويو، شاعرن سان ملاقات دوران راجپال ياديو اسٽيج تي مزاحيه اداڪاري ڪئي، جنهن کي ڏسندي اتي موجود قيدين ۽ جيل اختياريون به کلڻ کي روڪي نه سگهيون. جيل اختيارين جو چوڻ هو ته تهار جيل ۾ وڏي عرصي بعد ڪو مشهور چهرو نظر آيو آهي، اسٽيج تي بالي ووڊ اداڪار کي پرفارم ڪندي ڏسي اتي موجود ماڻهو اچرج ۾ پئجي ويا. هنن چيو ته تهار جيل ۾ سياستدانن، ڪرڪيٽرن، گينگسٽرن ۽ دهشتگردن سميت ڪيتريون ئي شخصيتون قيد ڪاٽي چڪيون آهن، پر گذريل 10 سالن ۾ اهو پهريون ڀيرو ٿيو آهي جو جيل ۾ هڪ مزاحيه اداڪار جي انٽري ٿي آهي.
لاس اينجلس (شوبز نيوز) هالي ووڊ جي ايڪشن ۽ دهشت سان ڀرپور فلم گاڊزيلا سيريز جي نئين فلم گاڊزيلا: ڪنگ آف دي مونسٽرز” جو ٽريلر جاري ڪيو ويو آهي. فلم جي هدايتڪاري مائيڪل ڊائونٽري ڏني آهي، جڏهن ته اسٽار ڪاسٽ ۾ اداڪار بريڊلي وائٽ فورڊ، ملي بوبي برائون، وارا فرميگا، ڪيلي شينڊلر، چارلس سينڊلر شامل آهن. فلم جي ڪهاڻي ديو گاڊزيلا بلا تي ٻڌل آهي، جيڪا هڪ ييرو ٻيهر انساني دنيا ۾ تباهي مچائڻ لاءِ آئي آهي. جاپاني ۽ ليجنڊري سينيما تحت ٺهيل فلم کي ايندڙ سال مارچ ۾ سينيما گهرن ۾ پيش ڪيو ويندو.
ممبئي (شوبز نيوز) نالي وارن بالي ووڊ اسٽارز عاليا ڀٽ ۽ رنوير سنگهه جي ايندڙ فلم گلي بواءِ ريليز ٿيڻ کان اڳ ئي اعزاز ماڻي ورتو آهي. گلي بواءِ کي برلن انٽرنيشنل فلم فيسٽيول ۾ ڏيکاريو ويندو. فلم جي هيرو رنوير سنگهه فلم جي حوالي سان خبر کي سوشل ميڊيا تي شيئر ڪندي چيو ته 69 هين برلن فلم فيسٽيول م گلي بواءِ کي چونڊيو ويو آهي، زبردست. برلن انٽرنيشنل فلم فيسٽيول 7 فيبروري کان 17 فيبروري تائين جاري رهندو. عالمي سطح جي ان سالياني فلم فيسٽيول ۾ هر سال سڄي دنيا مان بهترين چونڊ فلمون ڏيکاريون وينديون. گلي بواءِ کي اڃان تاِن ريليز ناهي ڪيو ويو، فلم مڪمل طور تي تيار آهي ۽ ايندڙ سال فلم کي 14 فيبروري تي ريليز ڪيو ويندو. فلم جي هدايتڪاري زويا اختر ڏني آهي.
نيويارڪ (انٽرنيشنل ڊيسڪ) گوگل دنيا جي ڪيترن ئي ملڪن ۾ ڳوليون ويندڙ شخصيتن، مسئلن، موضوعن ۽ فلمن جي لسٽ جاري ڪري ڇڏي. گوگل جتي پاڪستان ۾ ڳوليون ويندڙ 10 وڏين شخصيتن، 10 مشهور فلمن ۽ راندين جي لسٽ جاري ڪئي ت اتي گوگل ڀارت ۾ به سڀ کان وڌيڪ ڳوليون ويندڙ شخصيت سوڌو اتي جي مشهور فلمن ۽ گانن جي لسٽ به جاري ڪئي. سڄي دنيا ۾ گوگل تي سڀ کان وڌيڪ ڳوليون ويندڙ شخصيتن ۾ برطانوي شاهي خاندان جي نئي نُنهن ميگهن مارڪيل آهي، جيڪا هلندڙ سال پاڪستان ۽ ڀارت ۾ به سڀ کان وڌيڪ ڳوليون ويندڙ شخصيتن ۾ شامل رهي.
ممبئي (شوبز نيوز) بالي ووڊ جي ننڍي نواب سيف علي خان پنهنجي ڌيءُ سارا علي خان جي پهرين فلم ڪيدرناٿ جي ڪاميابي تي تمام گهڻو خوش آهي ۽ سندس ڪاميابي تي هر هنڌ تعريف ڪري رهيو آهي. سارا علي خان کي فلم انڊسٽري جو نئون اسٽار ڪوٺيو پيو وڃي. سيف علي خان ڀارتي ميڊيا کي ڏنل انٽرويو ۾ چيو ته سارا ڪيدرناٿ ۾ سندس اميد کان وڌيڪ سٺي اداڪاري ڪئي آهي، مان پنهنجي ڌيءُ لاءِ ڏاڍو خوش آهيان. سندس چوڻ هو ته فلمن ۾ ڪم ڪرڻ جو فيصلو سارا جو هو ۽ ان پنهنجي پرفارمنس ذريعي فيصلو صحي ثابت ڪيو آهي، سندس بالي ووڊ ۾ روشن مستقبل ڏسي رهيو آهيان. سيف علي خان چيو ته ماڻهن سارا جي اداڪاري جي تعريف ڪري بالي ووڊ سندس آجيان ڪئي آهي. سارا علي خان جي اداڪاري جي سندس ماٽيلي ماءُ ڪرينا ڪپور ۽ سوها علي خان به تعريف ڪئي هئي.