محرابپور (ن پ ا)ٽائون ڪاميٽي محرابپور جي ڪچي ملازم غوث بخش سومرو پريس ڪلب محرابپور ۾ صحافين اڳيان دانهيندي چيو ته چيئرمين ٽائون ڪاميٽي محرابپور فاروق لوڌي منهنجي ٻن مهينن کان پگهار بند ڪري ڇڏي آهي.

مٺياڻي (ن پ ا)مٺياڻي شھر جي نوشھرو فيروز بس اسٽاپ تي تيز رفتا ڪار مٺياڻي جي رھواسي گونگي نوجوان نصير مڱڻھار کي ٽڪر ھڻي سخت زخمي ڪري وڌو جنھن کي زخمي حالت م مٺياڻي اسپتال آندو ويو جتي سندس حالت نازڪ ھئڻ ڪري کيس سول اسپتال نوشھرو فيروز نيو ويو، جڏھن ته حادثي دوران اتي موجود ماڻھن ڪار ڊرائيور زاھد کوسو کي پڪڙي مٺياڻي پوليس حوالي جنھن بعد پوليس سندس گاڏي کي به تحويل ورتو .

مٺياڻي(ن پ ا)نوشھرو فيروز بس اسٽاپ تي تيز رفتا ڪار واٽھڙو گونگي نوجوان نصير مڱڻھار کي ٽڪر ھڻي سخت زخمي ڪري وڌو جنھن کي مٺياڻي اسپتال آندو ويو. حالت نازڪ ھئڻ ڪري کيس سول اسپتال نوشھرو فيروز ريفر ڪيو ويو. جڏھن تھ حادثي دوران اتي موجود ماڻھن ڪار ڊرائيور زاھد کوسو کي پڪڙي مٺياڻي پوليس حوالي ڪيو. پوليس گاڏي کي بھ تحويل ۾ ورتو. جڏھن تھ واقعي بابت اڃان تائين ڪو بھ ڪيس داخل ناھي ٿيو.

ٺاروشاھ(ن پ ا)ٺاروشاھ ۽ آسپاس جي ڪيترن ئي ڳوٺن جي سوين ماڻهن جي علاج جو واحد مرڪز رورل هيلٿ سينٽر ٺاروشاھ عوام لاءِ بي لاڀ بڻجي ويو. اسپتال ۾ ڊاڪٽر نه هئڻ ۽ طبي سهولتون نه ملڻ خلاف ايس يو پي، جسقم، نوجوان اتحاد جي اڳواڻن رضا بهڻ، نادر راڄپر، لالا جانشير ڏاهري، پريل کوسو، جي ايم سومرو ۽ ٻين جي اڳواڻيءَ ۾ شهرين پريس ڪلب اڳيان احتجاج ڪيو. مظاهرين دانهيو ته ٺاروشاھ اسپتال ۾ ڊيوٽي تي مقرر ڊاڪٽر ڊيوٽي ڪرڻ بجاءِ پنهنجون پرائيويٽ ڪلينڪس هلائين ٿا، جنهن سبب پري پري جي ڳوٺن کان سرڪاري اسپتال ۾ ايندڙ مريض اسپتال ۾ ڊاڪٽر موجود نه هئڻ ڪري سخت پريشانين کي منهن ڏين ٿا ۽ پرائيوٽ ڪيلنڪن تي علاج ڪرائڻ تي مجبور آهن. هنن سيڪريٽري هيلٿ ۽ ٻين بالا آفيسرن کان مطالبو ڪندي چيو ته ڊيوٽي ۾ غفلت ڪندڙ ڊاڪٽرن خلاف ڪاروائي ڪري اسپتال ۾ ڊاڪٽرن کي ڊيوٽي تي پابند ڪيو وڃي ۽ مريضن لاءِ علاج جون بهتر سهولتون فراهم ڪيون وڃن.

نوشهروفيروز(رپورٽر) مٺياڻي جي رهواسي غلام عباس سولنگي سول فيملي جج ۽ مئجسٽريٽ غلام محمد ميتلي جي عدالت ۾ پبلڪ انٽريسٽ CRPC 133 تحت واٽر ڪورس ۾ گندو پاڻي ڇوڙ ڪرڻ واري درخواست تي فيصلو ڏيندي معاملو ٽائون ڪاميٽي مٺياڻي حوالي ڪري ڇڏيو. درخواست گذار عدالت ۾ چيئرمين ٽائون ڪاميٽي مٺياڻي محمد بخش چانڊيو، انجنيئر ايريگيشن سب ڊويزن نوشهروفيروز، انجنيئر پبلڪ هيلٿ، ٽائون ڪاميٽي نوشهروفيروز، ڳوٺاڻن غلام علي، منظور علي سولنگي، روشن علي سميت 12 ڄڻن کي پٽيشن ۾ ذميوار قرار ڏيندي موقف اختيار ڪيو ته ٽائون ڪاميٽي مٺياڻي سميت مٿين سرڪاري ادارن پاران ڳوٺ موليڏنو سولنگي جو گندو پاڻي لکين رپين جي لاڳت سان ٺاهيل واٽر ڪورس ۾ ڇوڙ ڪيو وڃي ٿو. گندو پاڻي ڇوڙ ڪرڻ جي ڪري علائقي ۾ انيڪ بيماريون جنم وٺي رهيون آهن.

مورو )رپورٽر) ڀريا تعلقي جي ڳوٺ مٺو خان سولنگي واسي نوجوان ڪاشف سولنگي ۽ ناري روزينه بيگم سولنگي نوشھروفيروز جي عدالت ۾ شادي ڪري ڇڏيي آھي جنهن بعد جوڙو مورو پريس ڪلب تحفظ لاء پهچي ويو۔ جتي ناري روزينه بيگم صحافين کي ٻڌايو ته مان پنهنجي رضا خوشي سان شادي ڪئي آهي مائٽن منهنجي پسند کانسواء منهنجي شادي ڪنهن ٻئي هنڌ ڪرائڻ پئي چاهي جيڪا مون کي پسند نه هئي جنهن ڪري مون اهڙو قدم کڻي عدالت ۾ شريعت محمدي موجب ڪاشف سولنگي سان نڪاح ڪيو آھي اسان خوش زندگي گذاري رهيا آھيون پر منهنجا مائٽ اسانجي شادي مان خوش نه آهن هو مونکي ۽ منهنجي مڙس ۽ ان جي مائٽن کي جاني ۽ مالي نقصان پهچائڻ جون ڌمڪيون ڏئي رهيا آهن. اسان کي اسانجي مائٽن کان تحفظ ڏئي داخل ڪيل ڪوڙا ڪيس ختم ڪيا وڃن ۽ اسانکي جيئڻ جو حق ڏنو وڃي.

پڊعيدن (ن پ ا) پڊعيدن جا روڊ ۽ پلون ٽٽي تباهه ٿي ويون، مرمتي ڪم نه ٿيڻ خلاف رهواسين ڌرڻو هنيو. پڊعيدن کان نوشھروفيروز، ڀرياروڊ، نوابشاھ ۽ ٻين شهرن ڏانهن ويندڙ روڊ ۽ انهن تي قائم پلون ٽٽي تباهه ٿي ويون آهن. رهواسين رحمت الله مري، شاهه بيگ مري ۽ ٻين نوابشاهه روڊ تي ڌرڻو هنيو، جنهن سبب ٽريفڪ معطل ٿي وئي. ان موقعي تي مظاهرين دانهيو ته حڪومتي بي حسي سبب روڊ رستا تباهه آهن، جنهن سبب حادثا به معمول بڻيل آهن. هنن مطالبو ڪيو ته روڊن ۽ پلن جي مرمت ڪرائي تڪليف کان بچايو وڃي.

نوشهروفيروز(ن پ ا) نوشهروفيروز ضلعي جي مختلف شهرن ۽ ڳوٺن ۾ چوپائي مال ۾ مختلف بيمارين وبائي صورت اختيار ڪري ورتي، ڪيترائي ڍور مري ويا، ڳوٺاڻن ڊاڪٽرن جي ٽيم اماڻڻ جو مطالبو ڪيو آهي
ضلعي جي مختلف شهرن توڙي ڳوٺن ۾ چوپايو مال ۾ ڳنڍ، گوگهو، ٻيڪ، ڦڦڙن جي بيماري، گُهمرو، مهاڙو واريون بيماريون تيزي سان پکڙجڻ لڳيون، جنهن ڪري مالوند ماڻهن جا وٿاڻ خالي ٿيڻ لڳا آهن.
ڦل ڀرسان ديهه مينگهلو ۾ ڳوٺ ڌڻي بخش کوسو ۽ سومر کوسو ۾ پراسرار بيماري سبب 20 کان وڌيڪ مينهون ۽ ٻڪريون مري ويون، ڳوٺ زوار محمد خاصخيلي ۾ 4 ٻڪريون، 3 ڇيلا مري ويا. ڳوٺ خدا بخش شاهه ۾ هڪ مينهن مري وئي، ڳوٺ مٺا خان مري ۾ 2 ٻڪريون مري ويون، ابڙان شهر ۾ هڪ ٻڪري، 3 مينهون مري ويون ۽ ڀرنڊ ۾ 6 ٻڪريون مري ويون.
ڳوٺاڻن جو چوڻ هو ته بيمارين وگهي اسان جو مال مري رهيو آهي، اطلاع ڏيڻ باوجود لائيو اسٽاڪ کاتي جو عملو ناهي پهتو ۽ ڊاڪٽر گهر ويٺي پگهارون کڻي رهيا آهن، سنڌ سرڪار معاملي جو نوٽيس وٺي ڊاڪٽرن جي ٽيم موڪلي وڌيڪ چوپائي مال کي بچايو وڃي.
ٻئي طرف لائيو اسٽاڪ کاتي جي ڊپٽي ڊائريڪٽر راج ڪمار رابطو ڪرڻ تي ٻڌايو ته کين مختلف ڳوٺن ۾ جانورن ۾ پيدا ٿيل بيمارين بابت ڳوٺاڻن آگاهه ناهي ڪيو، تنهن هوندي به سياري ۾ نزلي، زڪام ۽ ٻين بيمارين کان بچاءُ لاءِ اي پي آر، اي پي پي ويڪسين ڪرڻ جو سلسلو جاري آهي، جيڪڏهن ڳوٺاڻا اطلاع ڏيندا ته بيمار جانورن جو ڳوٺن ۾ وڃي علاج ڪيو ويندو.

نوشهروفيروز(رپورٽر) ضلعي جي مختلف شهرن توڙي ڳوٺن اندر چوپايو مال ۾ ڳنڍ، گوگهو، ٻيڪ، ڦڦڙن جي بيماري، گُهمرو، مهاڙو جي بيماري وبائي صورت اختيار ڪري وئي آهي جنهن ڪري مالوند ماڻهن جا وٿاڻ خالي ٿيڻ لڳا آهن. ڦل ڀرسان ديهه مينگهلو ۾ ڳوٺ ڌڻي بخش کوسو، سومر کوسو ۾ پراسرار بيماري سبب 20 کان وڌيڪ مينهون ۽ ٻڪريون مري ويون. ڳوٺ زوار محمد خاصخيلي ۾ سائينداد خاصخيلي جون 4 ٻڪريون، منور خاصخيلي جا 3 ڇيلا مري ويا. ڳوٺ خدا بخش شاهه جي رهواسي صيف علي شاهه جي مينهن مري وئي، ڳوٺ مٺا خان مري ۾ ديدار مري جون 2 ٻڪريون مري ويون، ابڙان شهر ۾ استاد سليمان چنه جي ٻڪري استاد عبدالغني جون 3 مينهون مري ويون، ڀرنڊ جي رهواسي امام الدين سولنگي، انور سولنگي جون 6 ٻڪريون مري ويون. ان موقعي تي ڳوٺاڻن جو چوڻ هو ته اسان جو مال مري رهيو آهي لائيو اسٽاڪ کاتي کي اطلاع ڏيڻ باوجود عملو ناهي پهتو ۽ ڊاڪٽر گهر ويٺي پگهارون کڻي رهيا آهن. هنن حڪومت سنڌ سميت اعليٰ اختيارين کان مطالبو ڪيو ته فورن مال جي ڊاڪٽرن جي ٽيم موڪلي وڌيڪ چوپائي مال جي حياتين کي بچايو وڃي. ٻئي طرف لائيو اسٽاڪ کاتي جي ڊپٽي ڊائريڪٽر راج ڪمار رابطو ڪرڻ تي ٻڌايو ته کين مختلف ڳوٺن ۾ جانورن ۾ پيدا ٿيل بيمارين بابت ڳوٺاڻن آگاهه ناهي ڪيو ان هوندي به سياري جي هلندڙ موسم آهر نزلي، زڪام ۽ ٻين بيمارين کان بچاءَ لاءِ اي پي آر، اي پي پي ويڪسين ڪرڻ جو سلسلو جاري آهي جيڪڏهن ڳوٺاڻا اطلاع ڏيندا ته بيمار جانورن جي ڳوٺن ۾ وڃي ان جي سهائتا ڪنداسين..

چونڊڪو: ٽائون آفيسر ممتاز علي انڙ رابطو ڪرڻ تي ٻڌايو ته مان ملازمن جي پگهارن جي شيٽ تي صحيح ڪري جي آڊٽ ڪرائي آهي صرف چيئرمين صحيح ڪري ته پگهارون جاري ڪيون وڃن پر چيئرمين صحيح نٿو ڪري ته مان ڇا ٿو ڪري سگهان.

ڳڙھي حسن(ن پ ا)سب ڊويزن ڳڙهي حسن جي ٿاڻي آر ڊي 44 جي حد ڳوٺ پٺاڻ خان گهنيو وٽ صدام حسين ڪنراڻي جي موٽر سائيڪل ھٿياربندن ڦر ڪئي ٿوري مفاصلي تي موٽر سائيڪل جو گيئر ڀڄي پوڻ سبب ڦورو موٽر سائيڪل ڇڏي پاڻ فرار ٿي ويا. آرڊي 44 پوليس ننڊ ستل آھي۔ وڌيڪ آرڊي 44 جي ايس ايڇ او اختيار علي ناريجو سان رابطو ڪرڻ جي ڪوشش ڪئي وئي رابطو نٿي سگھيو.