مريخ جون نيون تصويرون جاري، نئين ڄاڻ ملڻ جو سلسلو جاري

مريخ جي هيٺين تهه بابت معلوم ڪرڻ لاءِ پڻ تحقيق ڪئي پئي وڃي

مريخ جي 82 ڪلوميٽر ڊگهي ۽ 1.8 اونهين ڪلوميٽر هنڌ تي برف جا نشان دريافت

واشنگٽن (دلچسپ) مريخ تان نئين ڄاڻ ملڻ جو سلسلو جاري آهي، هڪ طرف يورپ جي خلائي اداري اي ايس ايف برف سان ڀريل هڪ کڏ جي تصوير جاري ڪئي وئي آهي، ته ٻي طرف ناسا جو مشن ان سائٽ به مختلف اوزارن ذريعي مريخ بابت نئين ڄاڻ حاصل ڪرڻ جي ڪوشش ڪئي پئي وڃي. مريخ تي برف هجڻ جا ثبوت مليا آهن، مريخ جي 82 ڪلوميٽر ڊگهي هنڌ تي برف جا نشان مليا آهن. ناسا ۽ يورپي خلائي اداري پاران موڪليل اهي تصويرون مارز ايڪسپريس هاءِ ريزوليشن ڪيمرا ذريعي ڪڍيو ويون آهن. يورپي خلائي اداري پاران موڪليل مشن مريخ تي ايندڙ زلزلي بابت ڄاڻ به معلوم ڪري سگهي ٿو. ياد رهي ته مريخ بابت ڄاڻ حاصل ڪرڻ لاءِ ڪيترائي خلائي مشن لانچ ڪيا ويا آهن، جن ۾ اڪثريت آمريڪي خلائي مشن جي آهي.

والاريل ڪشمير ۾ ڀارتي فوج هٿان وڌيڪ 6 ڪشميري شهيد

ضلعي آرام پورا ۾ ڀارتي فوج آپريشن ڄاڻائيندي 6 نوجوان کي شهيد ڪيو

ضلع ڪپواڙا ۾ اڻ ڄاتل هٿياربندن جي فائرنگ ۾ 2 ڀارتي فوجي مارجي ويا

سري نگر (ا ڊ) والاريل ڪشمير ۾ ڀارتي فوج جي جارحيت جاري آهي، ضلعي پلوامه ۾ آپريشن ڪندي وڌيڪ 6 نوجوانن کي شهيد ڪري ڇڏيو آهي. ڀارتي فوج، سي آر پي ايف ۽ اسپيشل آپريشن گروپ ترال جي علائقي آرام پورا ۾ گڏيل آپريشن ڪيو، جنهن دوران نوجوانن کي گرفتار ڪري کين تشدد جو نشانو بڻايو. ڪشميري ميڊيا موجب ان دوران فائرنگ ۾ 6 ڪشميري مارجي ويا، جڏهن ته احتجاج ٿيڻ جي خطري کان انتظاميا وادي ۾ انٽرنيٽ توڙي موبائل فون سروس بند ڪري ڇڏي. ٻي پاسي وادي جي ضلعي ڪپواڙه ۾ اڻ ڄاتل ماڻهن جي فائرنگ ۾ 2 ڀارتي فوجي مارجي ويا، ۽ هڪ زخمي ٿي پيو. مارجي ويل ڀارتي فوجين ۾ جمال بهادر ٿاپا ۽ صوبيدار رامن ٿاپا هئا.

ملير پوليس ڪارروائي ڪندي صحت لاءِ هاڃيڪار کاڄرو تيل تحويل ۾ وٺي ڇڏيو، 3 جوابدار گرفتار

پوليس مختلف علائقن ۾ صحت لاءِ هاڃيڪار کاڄرو تيل سپلاءِ ڪندڙخلاف ڪريڪ ڊائون ڪيو

ملير(رپورٽر)ملير ڪينٽ پوليس گشت دوران شھر جي مختلف علائقن ۾صحت لاءِ نقصانڪار ڪوڪنگ آئل جي سپلاء کي ناڪام بنائيندي3 جوابدارن سيجل , جبران ۽ محمد نعيم کي گرفتار ڪري سندن قبضي مان ڪوڪنگ آئل جي ڊرم سان ڀريل سوزوڪي پڪ اپ هٿ ڪري ورتي.

فرانس ۾ ٻلي برف باري ڏسي رقص ڪرڻ شروع ڪري ڇڏيو

سيزن ۾ پهريون ڀيرو ٻلي برف باري ڏٺي ته جهومڻ شروع ڪري ڇڏيو، وڊيو وائرل

پيرس (دلچسپ) فرانس ۾ ٻلي برف باري ڏسڻ کانپوءِ جهومڻ لڳي جنهن جي وڊيو انٽرنيٽ تي تمام گهڻي وائرل ٿي رهي آهي. سڄي دنيا ۾ برف باري کي جتي ماڻهو لطف اندوز ڪن ٿا، اتي جانور به خوشي جو اظهار ڪرڻ کان رهي نٿا سهگهن، اهڙو ئي اظهار فرانس ۾ هڪ ٻلي ڪيو. فرانس جي ان ٻلي جڏهن پهريون ڀيرو برف ڏٺي ته جهومڻ لڳي، ٻلي کي پڪڙڻ لاءِ مالڪ به ڪوششون ڪرڻ لڳو، جنهن دوران ڏسڻ وارا به خوش ٿيندا رهيا.

پڊعيدن ۾ خيرپور ميرس آل سنڌ لٽل والي بال ٽورنامينٽ جو فاتح

سائو وساڻ ٽيم راڻيپور جي حامد ٽڳڙ ٽيم کي هارائي ٽورنامينٽ کٽي

رانديون لاءِ ميدان نه هجڻ سبب ٽيلنٽ ضايع ٿئي ٿو، سرڪار قدم کڻي: رانديگر

پڊعيدن (رپورٽر) پڊ عيدن ۾ خيرپور ميرس جي سائو وساڻ ٽيم راڻيپور جي حامد ٽڳڙ ٽيم کي شڪست ڏئي ميموريل آل سنڌ لٽل والي بال ٽورنامينٽ پنهنجي نالي ڪري ورتي.
وارڊ نمبر 6 ۾ سماجي اڳواڻ عبدالوحيد سومرو جي ياد ۾ ڪرايل ميموريل آل سنڌ لٽل والي بال ٽورنامينٽ جي فائنل ۾ خيرپور ميرس سخت مقابلي بعد راڻيپور جي ٽيم کي شڪست ڏئي اعزاز ماڻيو. فاتح ٽيم کي ٽرافي ۽ انعامي رقم ڏني وئي.
ٽورنامينٽ ۾ قربان علي ٻرڙو والي بال ڪلب لاڙڪاڻو، سائو وساڻ والي بال ڪلب خيرپور ميرس، ڪرونڊي والي بال ڪلب، حامد ٽڳڙ والي بال ڪلب راڻيپور، دادو والي بال ڪلب، ڪوٽ لالو والي بال ڪلب ۽ مرحوم عبدالوحيد والي بال ڪلب پڊعيدن جي ٽيمن حصو ورتو.
ٽونامينٽ ۾ خاص مهمان پڊعيدن ٽائون چيئرمين شڪيل احمد راڄپر ميڊيا سان ڳالهائيندي چيو ته ڪامريڊ عبدالوحيد سومرو هڪ سماجي اڳواڻ ھو، جنهن جي نالي سان هي والي بال ٽونامينٽ ڪرائي وئي آھي، راندين جا مقابلا ڪرائڻ تي انجنيئر صديق سومرو ۽ سومرا برادري کي مبارڪ پيش ڪيان ٿو.
ٻئي پاسي يو سي ٻيلاواھ چيئرمين امداد حسين راڄپر ٻڌايو ته پڊعيدن ۽ ڀرپاسي ۾ راندين جا ميدان نه هجڻ ڪري نوجوان نسل کي ڏکياين کي منهن ڏئي رهيو آهي، راندين جا ميدان سرڪاري سطح تي ڏنا وڃن.

چائلڊ پورن هٽائڻ ۾ ناڪامي تي واٽس ايپ تي تنقيد

بيت المقدس (انٽرنيشنل ڊيسڪ) واٽس ايپ چائلڊ پورنوگرافي پيکڙڻ کي روڪڻ ۾ ناڪام ٿيڻ تي تنقيد ڪئي پئي وڃي. ٻن اسرائيلي آئن لائن حفاظتي ڌڙڻ نيتوي رشيٽ ۽ اسڪرين سيورز پاران جاري ڪيل هڪ رپورٽ ۾ ڄاڻايو ويو آهي ته واٽس ايپ گروپ ڳولڻ بنهه سولو آهي، جن ۾ جنسي تشدد ۽ بدفعلي جو نشانو بڻايل ٻارڙن جا وڊيوز ۽ تصويرون شيئر ڪيون وڃن ٿيون.
رپورٽ موجب ٽئين ڌر جو ايپس واٽس گروپن ۾ شامل ٿيڻ لاءِ لنڪ مهيا ڪن ٿيون، جن ۾ فحش مواد لاءِ ڀاڱا ٺهيل آهن، جيڪي چائلڊ پورنوگرافي لاءِ استعمال ٿين ٿيون.
ان مسئلي جي حل لاءِ محققن فيس بوڪ سان رابطو ڪيو، پر فنانشل ٽائمز سميت ٻين خابرو ادارن انڪشاف ڪيو ته اڃا تائين ڪيترائي اهڙي قسم جا ڪيترائي واٽس گروپ متحرڪ آهن. چائلڊ پورنو گرافي جي هڪ گروپ ۾ آمريڪا سميت مختلف ملڪن جا 256 ميمبر آهن. جنهن بعد واٽس ايپ انهن گروپن ۾ شامل اڪائونٽن کي بلاڪ به ڪيو هو. هوڏانهن اهو پڻ ٻڌايو ويو ته سياري دوران چائلڊ پورنو گرافي جي گروپن کي رپورٽ ڪرڻ لاءِ هڪ هاٽ لائين پڻ آهي.
ٻي پاسي واٽس ايپ ڪمپني جي ترجمان جو چوڻ هو ته ٻارڙن جي بدفعلي تي زيرو ٽالرنس واري پاليسي ڪمپني رکي ٿي، اسان هٿرادو ذهانت سميت جديد ٽيڪنالاجي اعتراض جوڳي مواد جي پروفائيل اڪائونٽن ۽ تصويرن کي اسڪين ڪرڻ لاءِ استعمال ڪري رهيا آهيون. هن چيو ته اهڙي قسم جو مواد پکيڙيندڙ شڪي اڪائونٽن کي پڻ بلاڪ ڪيو ويو آهي. ترجمان جو چوڻ هو ته ڪمپني گم ٿيل ۽ نشانو بڻايل ٻارڙن بابت قانون لاڳو ڪندڙ ادارن ۽ ٻين رپورٽ جي درخواستن کي عمل ۾ آڻي ٿي.
هوڏانهن تازو واٽس ايپ ٻارڙن کي بدفعلي جو نشانو بڻائڻ خلاف قانونن جي ڀڃڪڙي تي 10 ڏينهن اندر هڪ لک 30 هزار اڪائونٽ بند ڪري ڇڏيا آهن.

پاڪستان هٿان پريڪٽس ميچ ۾ ڏکڻ آفريڪا اليون کي شڪست

بينوئي (اسپورٽس ڊيسڪ) پاڪستان پريڪٽس ميچ ۾ ڏکڻ آفريڪا انويٽيشن اليون کي شڪست ڏئي ڇڏي. ميچ جي ٽئين ڏينهن 197 رنسن جي هدف جي جواب ۾ امام الحق ۽ حارث سهيل جي شاندار بيٽنگ سبب پاڪستان گهربل هدف 4 وڪيٽن تي حاصل ڪري ڪاميابي ماڻي. بينوئي ۾ کيڏيل پريڪٽس ميچ جي ٽئين ڏينهن حارث سهيل 73 ۽ امام الحق 66 رنسن جي شاندار اننگ کيڏي. هوڏانهن ڏکڻ آفريڪا ۽ پاڪستان جي ٽيمن ۾ ٽن ٽيسٽ ميچن تي ٻڌل پهرين ميچ 26 کان 30 ڊسمبر تائين سنچورين ۾ کيڏي ويندي.

استادن جي لانگ مارچ رنگ لاتو،سرڪار پاران سندن مطالبا منظور

اسپيشل سيڪريٽري تعليم غلام عباس کيڙو ساڻن ملاقات ڪري مطالبا تسليم ڪيا

استادن جي 12 مطالبن مان 10 مطالبا منظور ڪيا آهن:اسپيشل سيڪريٽري تعليم

ملير (ناز شر) آل سنڌ پرائمري ٽيچرز ايسوسي ايشن جي جدوجهد رنگ لاٿو، استادن جا سمورا مطالبا منظور، تعليم کاتي جو اسپيشل سيڪريٽري غلام عباس ڏيٿو، ڊائريڪٽر سيڪنڊري ڪراچي حامد ڪريم استادن جي بک هڙتالي ڪيمپ ملير پريس ڪلب تي پهچي استادن کي جوس پياري هڙتال ختم ڪرائي، ڪانٽريڪٽ تي ڀرتي ڪيل سنڌ يونيورسٽي، اين ٽي ايس نوٽيفڪيشن جاري ڪيو ويو آهي ۽ اقراءَ پاس استادن کي جلد پڪو ڪرڻ جو نوٽيفڪيشن جاري ٿيندو، ان موقعي تي سيڪريٽري اسپيشل غلام عباس ڏيٿو صحافين سان ڳالهائيندي چيو ته استادن جا مطالبا جائز آهن ۽ اڄ اسين ان سلسلي ۾ ملير پريس ڪلب آڏو ويٺل پ ٽ الف جي مرڪزي بک هڙتالي ڪيمپ تي پهچي سڄي سنڌ جي استادن کي يقين ٿا ڏياريون ته انهن سان ڪنهن به قسم جي زيادتي ٿيڻ نه ڏينداسين، استادن جي 12 مطالبن مان 10 مطالبا منظور ڪندي سنڌ يونيورسٽي ۽ اين ٽي ايس پاس ڪندڙ استادن جي پڪي ڪرڻ جو نوٽيفڪيشن جاري ڪيو ويو آهي جڏهن ته باقي رهيل اين ٽي ايس ۽ اقراءَ يونيورسٽي ٽيسٽ پاس ڪندڙ استادن جو نوٽيفڪيشن به 15 ڏينهن اندر جاري ڪيو ويندو، هن چيو ته بايو ميٽرڪ سسٽم ضلعي سطح تي آڻڻ لاءِ ڪميٽي ٺاهي وئي آهي جنهن تي پڻ جلد عمل ڪيو ويندو، هن چيو ته ڪراچي جي پرائمري استادن جا رهيل پروموشن هڪ مهيني اندر ڪري استادن مان بيچيني ختم ڪئي ويندي، ان موقعي تي پ ٽ الف جي مرڪزي صدر حاجي شفيع محمد سٺيو چيو ته سنڌ حڪومت خاص ڪري وزير تعليم سيد سردار شاهه ٿورائتا آهيون جن استادن جي جائز مطالبن کي تسليم ڪندي اڄ اسپيشل سيڪريٽري تعليم غلام عباس ڏيٿو کي استادن جي بک هڙتالي ڪيمپ تي ڳالهين لاءِ موڪليو ۽ استادن جي ڏنل 12 هن نقطن واري چارٽر آف ڊيمانڊ مان 10 مطالبا تسليم ڪيا آهن ۽ سنڌ جي استادن ۾ ڦهليل بيچيني ختم ڪرائي آهي، هن چيو ته ڳڙهي خدا بخش شهيدن جي مزار تان نڪتل لانگ مارچ مطالبن جي مڃتا بعد اڄ باقائدي ختم ڪندي اعلان ٿا ڪيون .

اوٻاوڙو ڀرسان ٽريڪٽر جو موٽرسائيڪل کي ٽڪر،ٻه ڀينرون فوت،ڀاءُ زخمي

ناريون ڄڃ سان واپس اچي رهيو هيون ته حادثو پيش آيو،خوشيون ماتم ۾ تبديل

اوٻاوڙو )ن پ ا)اوٻاوڙو لڳ لانگهو روڊ آئي بي اي ڪاليج وٽ ڪمند سان ڀريل ٽريڪٽر ٽرالي جو موٽر سائيڪل کي ٽڪر نتيجي ۾ 2 ڀينرون موقعي تي فوت ۽ سندس ڀاءُ شديد زخمي ٿي پيو ان ڏس ۾ اوٻاوڙو لڳ لانگهو روڊ آئي بي اي ڪاليج وٽ ڪمند سان ڀريل ٽريڪٽر ٽرالي موٽر سائيڪل کي زوردار ٽڪر هنيو جنهن جي نتيجي ۾ ڳوٺ حبيب چوهاڻ جون رهواسي 2 ڀينرون رضيه چوهاڻ ۽ نازيه چوهاڻ موقعي تي فوت ٿي ويون ۽ سندس ڀاءُ رياض چوهاڻ شديد زخمي ٿي پيو ۽ جڏهن ته فوتين ۽ زخمين کي آس پاس جي ماڻهن تعلقه اسپتال اوٻاوڙو پهچايو جتي وارث اسپتال پهچي ويا ۽ لاش پوسٽ مارٽم بعد وارثن حوالي ڪيا ويا ۽ ٻنھي ڀينرن جا لاش گهر پهچڻ تي روڄ راڙو مچي ويو ۽ گهر ۾ قيامت صغران جو منظر هو هر هڪ اک آلي ڳوٺ ۾ سوڳوار وارو ماحول ڇائنجي ويو،فوتي جيڪي ڏهرڪي شادي سان ويا هيا ۽ جيڪي ڄڃ سان واپس گهر اچي رهيا هيا ته رستي ۾ آئي بي اي ڪاليج وٽ هي حادثو پيش آيو ۽ جڏهن ته ٽريڪٽر ڊرائيور ٽريڪٽر ٽرالي ڇڏي فرار ٿي ويو.

تنگواڻي ۾ هٿياربندن ڳوٺاڻي شيرو جکراڻي کي قتل ڪري ڇڏيو

بگٽي برادري جي هٿياربندن ڳوٺ قيصر جکراڻي تي حملوڪري فائرنگ ڪئي
تنگواڻي(رپورٽر)تنگواڻي ڀٽائي ڪالوني پوليس ٿاڻي جي حد ڳوٺ قيصر جکراڻي ۾ بگٽي برادري جي هٿياربندن ڳوٺاڻي شيرو جکراڻي کي گوليون هڻي قتل ڪري ڇڏيو.

ڀارتي اداڪار نصير الدين شاهه کي سچ ڳالهائڻ مهانگو پئجي ويو

انتهاپسندن نصير الدين شاهه کي غدار قرار ڏيندي ڌمڪائڻ شروع ڪري ڇڏيو

ڀارتي شهر آهيان، ملڪ جي بهتري لاءِ جيڪو سٺو لڳو، اهو چئي ڏنو: نصير الدين شاهه

ممبئي (شوبز ڊيسڪ) ڀارت ۾ انتهاپسندن نامياري اداڪار نصيرالدين شاهه کي غدار قرار ڏيندي ڌمڪائڻ شروع ڪري ڇڏيو. پرڏيهي ميڊيا موجب جڳ مشهور ڀارتي اداڪار نصير الدين شاهه کي انتهاپسند ڌڙن روايتي شدت پسندي جو منهن ڏيڻو پئي رهيو آهي.
اتنهاپسند ڌڙا اداڪار جي سچ تي ٻڌل بيان تي آپي مان نڪري ويا، نصير الدين شاهه کي غدار قرار ڏيندي ڌمڪين تي لهي آيا.
اداڪار نصر الدين شاهه انتهاپسندن جي جواب ۾ چيو ته آئون به ڀارتي شهري آهيان ۽ هڪ فڪرمند ڀارتي جي حيثيت سان مون کي پنهنجي ملڪ جي بهتر مستقبل بابت جيڪو بهتر لڳو اهو چئي ڏنو.
ان کان اڳ هڪ انٽرويو ۾ نصير الدين شاهه چيو ته ڀارت ۾ رهي پنهنجي ٻارڙڻ لاءِ فڪرمند آهي، ڇاڪاڻ ته هتي ڳئون جي حياتي ڪنهن پوليس اهلڪار جي زندگي کان به وڌيڪ قيمتي آهي.

‎پيرجو ڳوٺ ۾ڪارنهن معاملي تان ڇڪتاڻ،فائرنگ ۾ نوجوان مرڻينگ

ڳوٺ پيارو اڄڻ ۾ اڄڻ برادري جي هڪ ڌر ٻئي ڌر جي نوجوان مٿان فائرنگ ڪري ڏني

مبارڪ اڄڻ گولي لڳڻ سبب زخمي،ڳڻتي جو ڳي حالت ۾ اسپتال منتقل

پيرجوڳوٺ(ن پ ا) پيرڳوٺ لڳ ڪارنهن معاملي تان فائرنگ، گوليون لڳڻ ڪري نوجوان سخت زخمي اسپتال منتقل،ان ڏس ۾ پيرڳوٺ لڳ ڳوٺ پيارو خان اڄڻ ۾ اڄڻ برادري جي ٻن ڌرين ۾ ڪارنهن معاملي تان ڇڪتاڻ ٿي جنهن ۾ هڪ ڌر طرفان فائرنگ ڪئي وئي جنهن جي نتيجي ۾ نوجوان مبارڪ اڄڻ سخت زخمي ٿي پيو جنهن کي ڳڻتي واري حالت ۾ خيرپور اسپتال منتقل ڪيو ويو جتي سندس حالت ڳڻتي واري ٻڌائي وڃي ٿي. ان ڏس ۾ ٻڌايو وڃي ٿو ته اڄڻ برادري جي دين محمد ۽ مبارڪ اڄڻ واري ڌرين ۾ ڪارنهن معاملي تان ڇڪتاڻ ٿي جنهن ۾ هڪ ڌر جي جوابدار فائرنگ ڪري ڄاڻايل نوجوان کي زخمي ڪيو.

مٺي ۾ سهولتن جي کوٽ وڌيڪ ٻن ٻارن جي حياتي کسي ورتي

سول اسپتال مٺي ۾ علاج هيٺ 2 ٻارڙيون فوت ٿي ويون ، 45 ٻارڙا داخل ، وارث پريشان

هلندڙ سال دوران 606 ٻارڙا فوت ٿي چڪا ، حڪومت سکڻن اعلانن کانسواءِ ڪي قدم نه کنيا

مٺي(رپورٽر) سول اسپتال مٺي ۾ خوراڪ جي کوٽ ۽ مختلف بيمارين وگهي وڌيڪ ٻه ٻارڙيون فوت ٿي ويون جنهن کانپوءِ هلندڙ مهيني دوران فوتي ٻارڙن جو انگ وڌي 39 ٿي ويو آهي جڏهن ته هلندڙ سال دوران فوت ٿيل ٻارڙن جو انگ 606 ٿي ويو آهي .فوتي ٻارڙن ۾ ڳوٺ ٻگهليار جي محبوب سميجو جي تازي ڄاول ٻارڙي ۽ ڳوٺ پٻي جي وانڊ جي رهواسي ڀاڻجي ڀيل جو تازو ڄاول ٻارڙو شامل، اسپتال ۾ هن وقت 45 ٻارڙا زير علاج آهن . سهولتن جي کوٽ سبب روز ٻاڙرا فوت ٿي رهيا آهن پر حڪومت ان طرف ڌيان ڏيڻ لاءِ تيار ناهي .

پي ايس ايل جا نشرياتي حق وڪرو ڪيا ويا،دلچسپي وٺندڙ سڀني اميدوارن جا ٿورائتا آهيون: احسان ماني

لاهور (اسپورٽس ڊيسڪ) پاڪستان ڪرڪيٽ بورڊ پي ايس ايل جي نشريات وارا حق وڪرو ڪري ڇڏيا. پي سي بي جي پڌرائي موجب نشرياتي ۽ لائيو اسٽريمنگ جي معاملا طئي ڪيا ويا آهن، ان حوالي سان ٻين تفصيلن تي غور ويچار ڪندي ميڊيا کي ڄاڻ ڏني ويندي.
پي سي بي موجب بلز ڪنسورشيم سان ٽن سالن جو معاهدو ڪيو ويو آهي، هن سال جي معاهدي سان بورڊ کي گذريل معاهدي جي ڀيٽ ۾ 358 سيڪڙو وڌيڪ پئسا ملندا.
هوڏانهن چيئرمين پي سي بي احسان ماني جو چوڻ هو ته هدف کان وڌيڪ حاصل ڪرڻ ۾ ڪامياب ٿيا آهيون، معاهدو ان ڳالهه جي شاهدي آهي ته شوقين اسپانسرز جي پي ايس ايل ۾ گهڻي دلچسپي آهي. هن چيو ته نشرياتي حقن ۾ دلچسپي وٺندڙ سڀني اميدوارن جا ٿورائتا آهيون.

مصري قبيلي ۾ ڪوڙ پڪڙڻ لاءِ گرم لوهه زبان تي رکڻ واري رسم اڄ تائين رائج

قاهره (دلچسپ نيوز) مصر جي هڪ قبيلي ۾ هن دور ۾ به قديم زماني جي رسم “بشعه” ذريعي ڪوڙ ۽ سچ جو فيصلو ڪيو وڃي ٿو. اتر اوڀر مصر جي بدوي قبيلي عياده ۾ ان رسم موجب شڪي همراهه کي ٽانڊن تي گرم ڪيل لوهي چمچي کي پنهنجي زبان سان چٽڻو پوي ٿو. جيڪڏهن شڪي همراهه ڪوڙو آهي ته سندس زبان سڙِ ويندي آهي، جڏهن ته معصوم (سچي) همراهه کي ان سان ڪجهه به ناهي ٿيندو.
تاريخ ۾ اها رسم قديم ميسوپوٽيميا ۾ به رائج هئي جيڪا تڏهن کان ئي هلندي پئي اچي. بدوي قبيلا سوين ورهين کان ان رسم تي عمل ڪندا پيا اچن ٿيا، پر عياده کانسواءِ ٻيا هڙئي قبيلا ان رسم تان هٿ کڻي ويا آهن. اردن ۽ سعودي عرب ۾ ان رسم تي پابندي آهي، پر مصر ۾ ان جي اجازت آهي.
آفريقي اسلامي ملڪ به ان رسم کي غير اسلامي سمجهن ٿا. بشع کي ڪوڙو پڪڙڻ وارو اوائلي اوزار به چيو وڃي ٿو.

پويون 1 … 9 10 11 12 اڳيون