سنڌڙي (ن پ ا) سنڌڙي ڀرسان پني عاقل جي ٽيم مزمل ڪلب ٽيون آل سنڌ شهيد مخدوم عبدالرحيم گرهوڙي شوٽنگ والي بال ٽورنامينٽ کٽي ورتو. هڱورني ۾ ٿيل ٽورنامينٽ ۾ مزمل ڪلب ٽنڊي الهيار جي ٽيم ٿيٻا ڪلب کي سخت مقابلي بعد 10-12 تان شڪست ڏئي اعزاز پنهنجي نالي ڪيو. ان موقعي تي خاص مهمان راندين جي اڳوڻي وفاقي وزير پير آفتاب شاھ جيلاني جي پٽ پير حسن شاہ، ھڱورنو ٽائون جو چيرمين ميرعلي رضا ٽالپر ۽ ٻين فاتح ٽيم کي انعام ڏنا. جڏهن ته ٽورنامينٽ ۾حيدرآباد، ميرپور خاص ۽ کپري سميت مختلف شهرن جي 16 ٽيمن حصو ورتو.
پشاور (اسپورٽس ڊيسڪ) آرمي پبلڪ اسڪول سانحي کي 4 سال مڪمل ٿيڻ تي پشاور زلمي جي چيئرمين جاويد آفريدي چيو آهي ته زلمي اسڪول ليگ جي ٽرافي سدائين شهيد ٻارڙن جي نالي سان ٿيندي. جاويد آفريدي جو چوڻ هو ته اسڪول ليگ کي آرمي پبلڪ اسڪول جي شهيدن نالي ڪرڻ سان شهيدن جي ياد سدائين ڏياريندي رهندي ۽ نئين نسل ۽ شاگردن کي ڏکين حالتن ۾ زندگي جي ڊوڙ ۾ اڳتي وڌائڻ ۽ کين همٿ ڏيڻ جو مثال به جوڙيندي.
لاھور (اسپورٽس ڊيسڪ) پي ايس ايل فرنچائزز طرفان ٽيڪس ۾ ڇوٽ لاءِ ايندڙ هفتي عدالت وڃڻ جو امڪان آهي، سومر تي قطعي فيصلو ٿيندو. ميڊيا رپورٽن موجب پي ايس ايل جي گذريل ٽنهي ايڊيشنز ۾ لاڳت کان وڌيڪ خرچ اچڻ تي پريشان فرنچائزز مالڪ انتظار ۾ آهن ته حڪومت سندن درخواست تي همدردي طور غور ڪندي ٽيڪس ڇوٽ ڏيڻ جو فيصلو ڪندي. هڪ فرنچائز ذريعن موجب ڀارت ۾ آءِ پي ايل فرنچائزز کي 10 سالن تائين ٽيڪس ڇوٽ ڏني وئي هئي. پي ايس ايل کي به سهولت ڏني وڃي ته مالي مسئلا گهٽجي ويندا، اميد آهي ته پنجاب جو وڏو وزير عثمان بزدار ۽ ناڻي واري وفاقي وزير اسد عمر طرفان هاڪاري جواب ملندو. ذريعن موجب ٻي صورت ۾ عدالت وڃي فرنچائزز پنهنجو موقف پيش ڪنديون. ان سلسلي ۾ اڳڀرائي لاءِ فرنچائزز حڪمت عملي جوڙي ورتي آهي، جنهن تي سڀاڻي کان غور ويچار ڪيو ويندو.
ڍاڪا (اسپورٽس ڊيسڪ) بنگلاديش جي ون ڊي ڪپتان مشرفي مرتضيٰ چيو آهي ته هو چاهيندي به عمران خان جهڙو مقام ماڻي نٿو سگهي. بنگلاديشن جي عام چونڊن ۾ حڪمران پارٽي عوامي ليگ طرفان حصو وٺندڙ مشرفي مرتضيٰ جو پاڪستاني وزيراعظم بابت چوڻ هو ته حقيقت اها آهي ته جنهن مقام تي عمران خان پهتو آهي، اتي ماڻهو چاهيندي به نٿا پهچي سگهن، منهنجي خواهش رڳو خيراتي مدد ۽ راندين لاءِ ڪجهه ڪرڻ جي آهي. هن چيو ته چونڊن واري تڪ جي بهتري لاءِ ڪم ڪندس.
ڪراچي (اسپورٽس ڊيسڪ) قومي ڪرڪيٽ ٽيم جي اڳوڻي ڪپتان شاهد آفريدي هاڻوڪي ڪپتان سرفراز احمد کي ٽيسٽ ڪرڪيٽ ڇڏڻ جو مشورو ڏئي ڇڏيو. ڪراچي ۾ ميڊيا سان ڳالهائيندي شاهد آفريدي چيو ته سرفراز احمد کي ٽيسٽ ڪرڪيٽ ڇڏڻ گهرجي، کيس گهرجي ته هو ون ڊي ۽ ٽي ٽوئنٽي ڪرڪيٽ تي ڌيان ڏئي. هن چيو ته عالمي ڪپ ويجهو آهي، سرفراز احمد ذهني طور اڳ ئي تيار رهي، آئون اڳ ٽنهي طرز واري ڪرڪيٽ ۾ سرفراز احمد جي ڪپتاني جي حمايت ۾ هئس، پر هاڻي سرفراز احمد کي گهرجي ته هو ٽيسٽ ڪرڪيٽ ڇڏي ون ڊي ۽ ٽي ٽوئنٽي تي ڀرپور ڌيان ڏئي. هڪ سوال جي جواب ۾ شاهد آفريدي چيو ته گذريل ڪيترن ئي سالن کان ڪراچي ۾ امن واپس آيو آهي، سڄي ملڪ ۾ امن ۽ امان جي صورتحال بهتر آهي، ملڪي حالتن جي بهتري جو ڪريڊٽ اسانجي سڪيورٽي ادارن ڏانهن وڃي ٿو، پاڪستان جو سڀ کان وڏو مسئلو دهشتگردي هو.
ڪيپ ٽائون (اسپورٽس ڊيسڪ) قومي ڪرڪيٽ ٽيم جي هيڊ ڪوچ مڪي آرٿر چيو آهي ته پاڪسستان ٽيم جي بالنگ ڏکڻ آفريقا جي ڀيٽ ۾ گهڻي بهتر آهي، پاڪستان کي ڏکڻ آفريڪا ۾ پهرين سيريز کٽڻ جا امڪان آهن. ڏکڻ آفريڪا جي دوري تي پهچڻ بعد مڪي آرٿر دعويٰ ڪئي ته پاڪستان جي نوجوان بيٽنگ لائن هاڻي پاڪستان جي هوم گرائونڊ گڏيل عرب امارات کان وڌيڪ پرڏيهه ۾ بهتر بيٽنگ ڪري ٿي، ڇو ته هاڻي پاڪستاني بيٽسمين ليگ اسٽمپ تي نٿا بيهن، جڏهن ته هر بالر کي سٺي نموني منهن ڏين ٿا. مڪي آرٿر چيو ته اسان لاءِ اصل چيلنج 350 کان 400 رنسون ٺاهڻ آهي، جيڪڏهن ائين ڪرڻ ۾ ڪامياب وياسين ته اسان ڪهڙي به ڪنڊيشنز ۾ 20 وڪيٽون وٺڻ جي صلاحيت رکون ٿا.
لاهور (اسپورٽس ڊيسڪ) پاڪستاني ڪرڪيٽرن ڪامران اڪمل، عمر اڪمل ۽ عدنان اڪمل جي ماءُ لاڏاڻو ڪري وئي. سماجي رابطن واري ويب سائيٽ ٽوئيٽر تي ماءُ جي لاڏاڻي جي خبر ڏيندي عدنان اڪمل ماڻهن کان مغفرت جي دعا لاءِ درخواست ڪئي. ملتان ۾ جاري نيشنل ٽي ٽوئنٽي ڪپ دوران لاهور وائٽس ۽ راولپنڊي ريجن جو ٽيمون ملتان ڪرڪيٽ اسٽيڊيم جي ڊريسنگ روم گڏ ٿي اڪمل ڀائرن سان تعزيت جو اظهار ڪيو. اڪمل ڀائرن جي ماءُ جي لاڏاڻي تي مختلف ماڻهن پاران تعزيت جو سلسلو جاري آهي، جڏهن ته پنجاب جي وڏي وزير عثمان بزدار به تعزيت جو اظهار ڪيو.
پرٿ ( اسپورٽس نيوز ) آسٽريليا جي ڀارت خلاف چئن ٽيسٽ ميچن تي ٻڌل سيريز جي ٻي ميچ ۾ بيٽنگ جاري آهي، ٽيسٽ ميچ جي پهرين ڏينهن جي راند جي پڄاڻي تي آسٽريليا 6 وڪيٽن تي 277 رنسون ٺاهي ورتيون آهن. آسٽريلوي ڪپتان ٽم پين پرٿ ٽيسٽ ۾ ٽاس کٽي پهريان بيٽنگ ڪرڻ جو فيصلو ڪيو. آسٽريليا طرفان مارڪس هيرس ۽ ايرون فنچ اننگز جي شروعات ڪئي. ٻنهي اوپنرن شاندار راند جو مظاهرو ڪندي پهرين وڪيٽ لاءِ 112 رنسن جي ڀائيواري قائم ڪندي پنهنجون ففٽيون مڪمل ڪيون. آسٽريليا جي پهرين وڪيٽ 112 رنسن تي ڪري جڏهن ايرون فنچ 6 چوڪن جي مدد سان 50 ٺاهي جسپريت بمرا جي ايل بي ڊبيلو ٿيو، جنهن بعد عثمان خواجه به وڏي اننگز کيڏڻ ۾ ناڪام ثابت ٿيو ۽ 5 رنسن تي ياديو جو شڪار بڻيو. مارڪس هيرس کي 70 رنسن تي واهاري آئوٽ ڪيو. هينڊس ڪومب کي 7 رنسن تي اشانت شرما پويلين جو رستو ڏيکاريو. هڪ موقعي تي آسٽريليا جون تڪڙيون چار وڪيٽون ڪري پيون پر شان مارش ۽ ٽي ايم هيڊ جي سٺي ڀائيواري سان آسٽريليا کي سهارو مليو. هيڊ کي اشانت شرما، جڏهن ته مارش کي وهاري آئوٽ ڪيو. پهرين ڏينهن جي راند جي پڄاڻي تائين آسٽريليا 6 وڪيٽن تي 277 رنسون ٺاهيون، ڪپتان ٽم پين 16 ۽ پيٽر ڪمنز 11 رنسن تي ٻي ڏينهن جي راند جي شروعات ڪندا.
ڪريو، نئين شادي واريون چمڪندڙ نظر. دودو ٻن تصويرن کي ورهايو، ڪنناڻي روايتون ۽ پهريون ڀيرو آنند ڪيج جي تقريب مان ٻيو. هونئن به ٻه ڀيرا ملڪ ڪومو ڪوم ۾ پنهنجي شادي جي شادي کان روانو ٿي ويا آهن، ماڻهن کي ننڍن ننڍن جي ڄاڻ بابت معلومات جي لاء اکين سان ڏسي رهي آهي. پدنون ۽ سنگھ جي پگهار جون تصويرون تصويرون بدترين فوٽوشيماٽ (پر مزاحيه تصوير) بعد ۾ ڀارت جي شادي ٿيل سنگ ميلن جي اسٽاڪ تصويرن تي تيزي ڪئي، نو نوى وارث سندن سوشل ميڊيا فيڊس تي سرڪاري اعلانات ڪيون آهن.