شاھ رخ خان
ممبئي (شوبز نيوز) بالي ووڊ ڪنگ شاهه رخ خان چيو آ هي ته سندس نئين فلم زيرو اهڙن ماڻهن جي ڪهاڻي آهي جيڪي ظاهري طور ته محرومين جو شڪار آهن پر هو زندگي کي ڀرپور طريقي سان جيئڻ سيکارين ٿا. برطانوي خابرو اداري بي بي سي کي انٽرويو ڏيندي بالي ڪنگ خان چيو ته شاهه رخ خان چيو ته فلم جي ڪهاڻي تمام گهڻي منفرد آهي. هن چيو ته هو پنهنجو فلمون ڪڏهن به ناهي ڏسندو، فلم جون ڪجهه جهلڪيون فلم يونٽ سان ڏسندو آهيان، ان کانپوءِ فلم ڪڏهن به ناهيان ڏسندو. زيرو ابتدا کان شروع ڪرڻ جي ڳالهه آهي.
ممبئي (شوبز ڊيسڪ) سال 2018 کي شادين جو سال چئجي ته غلط نه هوندو، هن سال ڪيترن ئي مشهور شخصيتون ۽ ستاره به شادي جي ٻنڌڻن ۾ ٻڌجي ويا، پر گوگل موجب هلندڙ سال برطانوي شهزادي هيري ۽ آمريڪي اداڪاره ميگهن مارڪل جي شادي سڀني کان مشهور شادي رهي، جڏهن ٻي نمبر تي بالي ووڊ اداڪاره پريانڪا ۽ آمريڪي گلوڪار نڪ جوناس جي شادي سڀ کان وڌيڪ گوگل تي ڳولي وئي. گوگل تي هلندڙ سال سڀ کان گهڻو ڳولي ويندڙ شادين جي لسٽ ۾ شهزادي هيري ۽ ميگهن مارڪل جي شادي پهرين نمبر تي آهي، جوڙي مئي مهيني ۾ شادي ڪئي هئي. گوگل موجب صارفين ٻي نمبر تي پريانڪا ۽ نڪ جوناس جي شادي کي سڀ کان وڌيڪ ڳوليو. لسٽ ۾ ٽئين نمبر تي ملڪه برطانيه الزبٿ ٻئين جي پوٽي شهزادي يوجين جي شادي آهي. چوٿين نمبر تي آمريڪي ٽيٽو آرٽسٽ، ماڊل، ليکڪ ۽ ٽي وي شخصيت ڪيٽ وون ڊي ۽ رافيل ريز جي شادي آهي. انهن کانسواءِ سال 2018 ۾ سڀ کان وڌيڪ ڳوليون ويندڙ شادين جي لسٽ ۾ بالي ووڊ اداڪاره دپيڪا پڊوڪون ۽ اداڪار رنوير سنگهه جي شادي پنجين نمبر تي آهي. هوڏانهن هن سال ڪيترن ئي پاڪستاني فنڪارن به شاديون ڪيون، پر ڪا به ان لسٽ ۾ جاءِ ٺاهڻ ۾ ڪامياب نه ٿي سگهي.
ممبئي (شوبز نيوز) بالي ووڊ جي ننڍي نواب سيف علي خان جي نياڻي سارا علي خان بالي ۾ نالو ڪمائي ورتو آهي، پر ويجهڙ ۾ هن ڪافي وٿ ڪرن دوران هڪ خواهش جو اظهار ڪيو هو، جيڪا خواهش سندس پوري ٿي وئي آهي. سمبا جي مشهوري دوران رنوير سنگهه سارا علي خان کي آريان ڪارتڪ سان ملايو ته هوءَ خوش ٿي وئي. سارا علي خان فلم ڪيدرناٿ ذريعي بالي ۾ پير پاتو هو، جنهن کانپوءِ سندس ايندڙ فلم سمبا 28 جنوري تي ريليز ڪئي ويندي.
سارا خان ۽ ڪارتڪ آريان
ممبئي (شوبز ڊيسڪ) بالي ووڊ سلطان سلمان خان هر سال جيان هن ڀيري به سالگره کي منفرد بڻائڻ جو فيصلو ڪيو آهي. ڀارتي ميڊيا موجب سلمان خان 27 ڊسمبر تي 53 ورهين جو ٿيندو، سلمان خان سالگره کي منفرد بڻائڻ لاءِ هن ڀيري فارم هائوس جي چونڊ ڪئي آهي، جتي سالگره تقريب 26 ڊسمبر کان شروع ٿيندي ۽ 28 ڊسمبر تي ختم ٿيندي. سالگره ۾ سلمان خان جا ويجها دوست ۽ ڀائر ارباز خان ۽ سهيل خان سميت ٻيا خاندان جا ماڻهو شريڪ ٿيندا.
بالي ووڊ سلطان سلمان خان
مودي بالي ووڊ انڊسٽري اڳواڻن سان ملاقات ڪري رھيو آھي
ممبئي (شوبز نيوز) ممبئي ۾ ڀارتي وزيراعظم نريندر مودي پاران بالي ووڊ انڊسٽري جي اڳواڻن سان ملاقات ڪئي جنهن دوران هن انڊسٽري ۾ ايندڙ ڏکيائين کي حل ڪرڻ ۾ بالي ووڊ ستارن جي مدد ڪرڻ جي پيش ڪش ڪئي، پر حيراني طور ان ملاقات ۾ سڄي بالي ووڊ انڊسٽري مان هڪ به عورت شامل نه هئي. ان گڏجاڻي کانپوءِ نريندر مودي کي توڙي بالي ووڊ جي مرد اداڪارن توڙي هدايتڪارن کي سخت تنقيد جو نشانو بڻايو پيو وڃي. اداڪارا ديا مرزا پاران اڪشي ڪمار ۽ نريندر مودي کي تنقيد جو نشانو بڻائيندي چيو ته سڄي بالي ووڊ انڊسٽري مان هڪ به عورت کي گڏجاڻي ۾ گهرائڻ جو سبب ڇا هو؟ مودي ۽ بالي ووڊ انڊسٽري جي ماڻهن جي ملاقات ۾ ڪنهن به عورت جي شامل نه هجڻ تي ماڻهن پاران مٿن سخت تنقيد جو نشانو بڻايو، جڏهن ته اڪشي ڪمار توڙي ٻين بالي ووڊ اسٽارن رد عمل ۾ ڪو به جواب ناهي ڏنو.
لاس اينجلس (شوبز نيوز) هالي ووڊ جي ايڪشن ۽ دهشت سان ڀرپور فلم گاڊزيلا سيريز جي نئين فلم گاڊزيلا: ڪنگ آف دي مونسٽرز” جو ٽريلر جاري ڪيو ويو آهي. فلم جي هدايتڪاري مائيڪل ڊائونٽري ڏني آهي، جڏهن ته اسٽار ڪاسٽ ۾ اداڪار بريڊلي وائٽ فورڊ، ملي بوبي برائون، وارا فرميگا، ڪيلي شينڊلر، چارلس سينڊلر شامل آهن. فلم جي ڪهاڻي ديو گاڊزيلا بلا تي ٻڌل آهي، جيڪا هڪ ييرو ٻيهر انساني دنيا ۾ تباهي مچائڻ لاءِ آئي آهي. جاپاني ۽ ليجنڊري سينيما تحت ٺهيل فلم کي ايندڙ سال مارچ ۾ سينيما گهرن ۾ پيش ڪيو ويندو.
هالي ووڊ فلم “گاڊزيلا”جو پوسٽر
لاس اينجلس (شوبز نيوز) هالي ووڊ جي ٿري ڊي اينيميٽڊ ڪاميڊي فلم “دي سيڪريٽ لائيف پيٽس 2” جو ٽريلر جاري ڪيو ويو آهي. فلم جو پهريون حصو 2016ع ۾ جاري ڪيو ويو هو، جڏهن ته فلم جي سيڪيول کي ٿري ڊي ۾ پيش ڪيو ويندو. هدايتڪار ڪرس رينائوڊ جي فلم ڪهاڻي گهر ۾ پاليل جانورن جي زندگي جي چوڌاري گهمي ٿي. فلم ۾ مزاح سان گڏ تجسس به شامل آهي، جڏهن ته پالتو جانورن جي حرڪتن سبب گذريل ڀيري به فلم مداحن کي تمام گهڻو متاثر ڪيو هو، پر هن سال مداحن کي وڌيڪ انتظار ڪرڻو پوندو ڇو ته فلم کي ايندڙ سال 7 جون تي ريليز ڪيو ويندو.
جانورن بابت اينيميٽڊ فلم
ممبئي (شوبز ڊيسڪ) بالي ووڊ اداڪاره ڪرينه ڪپور خان ۽ سيف علي خان جي پٽ جي نالي تي فلم ”تيمور“ ٺاهي ويندي. ڀارتي ميڊيا موجب فلمساز مڌر ڀنڊارڪرني سيف ۽ ڪرينه جي پٽ جي نالي سان فلم جو نالو به رجسٽرڊ ڪرائي ڇڏيو. جڏهن ته فلم جا وڌيڪ تفصيل سامهون نه ناهن آيا. تميور جي ڏاڏي ۽ ماضي جي مشهور اداڪاره شرميلا ٽئگور پنهنجي پوٽي جي وڌندڙ مقبوليت تي ڳڻتي جو اظهار ڪندي چيو آهي ته جيڪڏهن تيمور جي شهرت اهڙي طرح وڌندي رهي ته هو عام ٻارن وانگر پنهنجو ننڍپڻ نه جيئي سگهندو. ياد رهي ته اداڪار رنوير سنگهه به تيمور خان سان گڏ ڪم ڪرڻ جي خواهش ظاهر ڪري چڪو آهي، جڏهن ته اداڪار اجي ديوگن تيمور کي بالي ووڊ انڊسٽري جو سڀ کان مشهور ”خان“ جو لقب ڏنو آهي.
ڪرينھ ڪپور، سيف علي خان ۽ سندن پٽ تيمور علي خان
ڪراچي (انٽرنيشنل ڊيسڪ) شرمين عبيد چنائي بعد هڪ ٻي پاڪستاني عورت جي فلم آسڪر ايوارڊ لاءِ نامزد ٿي وئي. پاڪستاني ڄائي نارويئن فلمساز ارم حق جي فلم ”ماڻهو ڇا چوندا“ کي 91هين اڪيڊمي ايوارڊ لاءِ پرڏيهي ٻولين جي فلم جي ڪيٽيگري ۾ نامزد ڪيو ويو آهي. جڏهن ان فلم ۾ 16 ورهين نِشا جو مرڪزي ڪردار ماريه موزدا نڀايو آهي. فلم جي ڪهاڻي هڪ ناري جي چوڌاري ڦري ٿي جنهن کي ناروي ۾ رهندي ثقافتي ٽڪراءَ جي صورتحال کي منهن ڏيڻو پوي ٿو ۽ والدين جي دٻاءَ تي کيس پنهنجو گهر ڇڏي پاڪستان ۾ خاندان وارن سان گڏ رهڻ تي مجبور ڪيو ويندو آهي. پاڪستان ۾ ان ناري کي پنهنجي ثقافت اختيار ڪرڻ جو چيو ويندو آهي. فلم ۾ ڀارتي اداڪارن عادل حسين ۽ شيبا چڍا سميت روهت صراف ۽ اڪائولي کنه به اداڪاري جا جوهر ڏيکاريا آهن. ارم حق جو چوڻ آهي ته فلم جي ڪهاڻي سندس پنهنجي ڪهاڻي آهي. سندس والدين پاڪستان مان آهن، جن کين اغوا ڪري پاڪستان ۾ هڪ سال تائين رهڻ تي مجبور ڪيو. فلم جي اسڪريننگ جو انتظام ممبئي ۾ رائل نارويجيئن قونصل خاني ڪيو هو.
لاهور (شوبز ڊيسڪ) پاڪستاني اداڪاره صوبيه خان چيو آهي ته شادي بعد اداڪاري ڏکيو ڪم نه پر شوبز لاءِ في الحال وقت ناهي، هاڻوڪي دور ۾ پرڻيل ادڪارائون پهرين صف ۾ شامل آهن. صوبيه خان چيو ته اداڪاري جو فن خوش قسمت ماڻهن کي ملندو آهي، پنهنجي ڪم ۾ وڌيڪ بهتري آڻڻ لاءِ ڪوششون وٺي رهيا آهن. هن چيو ته پاڻ کي ڪڏهن پهرين نمبر اداڪاره تصور ناهي ڪيو، سدائين سکڻ جو عمل جار رهندو آهي. سندس چوڻ هو ته ذاتي مصروفيتن سبب اسڪرين تي نظر نٿي اچان، لڳاتار ڪم سبب ٿڪجي پئي هيس، ان ڪري ڪجهه وقت لاءِ خاندان سان گڏ گذارڻ چاهيان ٿي.
پاڪستاني ڄائي نارويئن فلمساز ارم حق
لاس اينجلس (شوبز ڊيسڪ) بلاڪ بسٽر گاڊزيلا سيريز جي نئين ايڪشن ڊرامه فلم ”گاڊزيلا؛ ڪنگ آف دي مونسٽرز“ جون نيون جهلڪيون جاري ڪيون ويون. هدايتڪار مائيڪل ڊائوٽري جي هن فلم ۾ اداڪار بريڊلي، وائٽ فورڊ، ملي بوبي برائون، وارا فرميگا، ڪيلي شينڊلر ۽ چارلس ڊينس اهم ڪردارن ۾ نظر ايندا. فلم جي ڪهاڻي گاڊزيلا نالي ڏندڪٿائي مونسٽر تي ٻڌل آهي، جيڪو هڪ ڀيرو ٻيهر انساني دنيا مان تباهي آڻڻ پهچي ٿو. فلم ايندڙ مارچ مهيني ۾ سينما گهرن جي زينت بڻجندي.
ممبئي (شوبز ڊيسڪ) بالي ووڊ اداڪار رنوير سنگهه چيو آهي ته هو شادي بعد به پنهنجي شخصيت نه مٽائيندو. ڀارتي ميڊيا موجب اداڪار جو چوڻ هو ته شادي بعد به هو پنهنجي شخصيت کي تبديل نه ڪندو ۽ نه ئي هو چاهي ٿو ته سندس گهرواري دپيڪا به پنهنجي شخصيت تبديل ڪري. رنوير سنگهه چيو ته شادي هڪ بهترين شيءِ آهي، جنهن بعد هڪ زبردست طاقت محسوس ڪري رهيو آهيان، جنهن ۾ مونکي خوشي محسوس ٿي رهي آهي. رنوير نوجوانن کي به جلد شادي ڪرڻ جو مشورو ڏنو.
بالي ووڊ اداڪار رنوير سنگهه
ڪراچي (شوبز ڊيسڪ) بالي ووڊ جي مشهور اداڪار راج ڪپور جا مداح اڄ سندس 94هين سالگره ملهائي رهيا آهن. 14 ڊسمبر 1924 تي پشاور ۾ جنم وٺندڙ راج ڪپور جو اصل نالو رنبير راج ڪپور هو، سندس والد پرٿوي راج ڪپور مشهور اداڪار ۽ فلمساز هو. 1935 ۾ چائلڊ آرٽسٽ طور فلم نگري ۾ پير رکندڙ راج ڪپور نه رڳو اداڪاري پر فلمسازي ۽ هدايتڪاري جي ميدان ۾ به پاڻ مڃايو. سندس فلمون ”آواره ۽ بوٽ پالش“ ڪينز فلم فيسٽيول ۾ گولڊن پام ايوارڊ لاءِ به نامزد ڪيون ويون. ليجنڊ اداڪار راج ڪپور کي 2 نيشنل فلم ايوارڊ ۽ 9 فلم فيئر ايوارڊ مليا. 1988 ۾ راج ڪپور کي فلمسازي بابت هندستان جو وڏي ۾ وڏو اعزاز دادا صاحب ڦالڪي ايوارڊ سان نوازيو ويو. راج ڪپور 2 جون 1988 تي دهلي ۾ لاڏاڻو ڪري ويو. راج ڪپور جي هدايتڪار طور آخري فلم ”حنا“ هئي، جيڪا سندس لاڏاڻي بعد ريليز ڪئي وئي، ۽ اها فلم به هٽ وئي.
مشهور اداڪار راج ڪپور