ملي سائرس سوشل ميڊيا ذريعي آسٽريلوي اداڪار سان شادي جي تصديق ڪئي
ليام هيمسورٿ ۽ ملي سائرس آچر ڏينهن شادي ڪئي، خاص تقريب به ٿي
لاس اينجلس (شوبز نيوز) آمريڪي پاپ ڳائڻي ملي سائرس آسٽريلوي اداڪار سان شادي جي تصديق ڪري ڇڏي آهي. سوشل ميڊيا ذريعي جاري ڪيل بيان ۾ ملي سائرس پنهنجي ور سان گڏ مٺي جي تصيور شيئر ڪئي، هن شادي جي حوالي سان تصوير به شيئر ڪئي، جيڪا آچر ڏينهن ٿيڻ جون خبرون ميڊيا تي هلي رهيون آهن. ٻئي ڄڻا ڏهه سال اڳ “لاسٽ سانگ” فلم جي شوٽنگ دوران مليا، جنهن کانپوءِ سندن وچ ۾ لاڳاپن جون خبرون هلنديون رهيون آهن. جوڙي پاران 2012ع ۾ مڱڻي ڪئي هئي پر اها هڪ سال اندر ئي ختم ٿي وئي هئي، پر هلندڙ سال نومبر ۾ هڪڀيرو ٻيهر سندن شادي جون خبرون سامهون آيون هيون.
مان پنهنجا چيل لفظ واپس نه وٺندس: نصيرالدين شاهه جو ردعمل
اداڪار جي حمايت ۾ ڪيترائي شوبز ستارا توڙي سياسي اڳواڻ نڪري آيا
ممبئي (شوبز نيوز) ڀارت جي ڀلوڙ اداڪار نصيرالدين شاهه ڀارت ۾ انتهاپسندن جي تنقيد کانپوءِ جواب ڏيندي چيو آهي ته هو پنهنجا لفظ واپس نه وٺندو، هن جيڪو چيو کيس ان تي ڪو به افسوس ناهي. ڪجهه ڏينهن پهريان ڀارت ۾ وڌندڙ انتهاپسندي خلاف ڳالهائڻ تي نصيرالدين شاهه کي انتهاپسندن پاران تنقيد جو نشانو بڻائيندي کيس غدار قرار ڏنو ويو هو، پر سندس حمايت ۾ ڪيترائي اداڪار توڙي سياسي اڳواڻ به ميدان تي آيا. نصيرالدين شاهه چيو ته هن جيڪو چيو ان تي قائم آهي، کيس پنهنجن لفظن تي ڪو به افسوس ناهي.
سلمان خان بالي ووڊ باڪس آفيس جو به سلطان، تڪراري به رهيو
سلو ڀائي درجنين بالي ووڊ جون مشهور ۽ ڪامياب فلمون ڪري چڪو
ممبئي (شوبز نيوز) بالي ووڊ جو سلطان سلمان خان 53 ورهين جو ٿي ويو آهي. سلمان خان 27 ڊسمبر 1965ع ۾ سليم خان جي گهر ڄائو. هن بيوي هو تو ايسي سان پنهنجي فلمي ڪيريئر جي شروعات ڪئي پر سندس پهرين ڪامياب فلم جنهن ۾ هن هيرو طور ڪم ڪيو اها ميني پيار ڪيا” هئي جيڪا 1989ع ۾ ريليز ٿي هئي. ميني پيار ڪيا، ڀارت سان گڏ عالمي سطح تي ڪامياب ٿي. ان کانپوءِ سلمان خان باغي، صنم بيوفا ۽ ٻيون فلمون ڪري بالي ووڊ ۾ پير ڄمايو. انداز اپنا اپنا باڪس آفيس تي ناڪام ٿي پر نقادن پاران سلمان جي ان فلم ۾ اداڪاري جي ساراهه ٿي. سلمان خان 2009ع کانپوءِ وڏيون ڪاميابيون ماڻيندو رهيو آهي، جنهن جي شروعات وانٽڊ سان ٿي. سلمان خان دبنگ فلم پڻ ڪيترائي رڪارڊ ٽوڙيا. سلمان جي ايندڙ فلم ڀارت جلد ريليز ٿيندي، جڏهن ته هو پنهنجي ڪيريئر ۾ جيل ڪاٽي چڪو آهي، جڏهن ته مختلف اداڪارائن سان سندس لاڳاپا پڻ خبرن ۾ رهيا آهن.
سينسر بورڊ پاران فلم ٽريلر جا ڊائلاگ تبديل ڪرڻ جو چئي ڇڏيو
ممبئي (شوبز نيوز) هندو انهاپسند تنظيم شو سينا جي سربراهه بال ٺاڪري تي بالي ووڊ فلم ٺاهي پئي وڃي، جنهن ۾ نواز الدين صديقي مرحوم بال ٺاڪري جو ڪردار ادا ڪري رهيو آهي. نوازالدين صديقي پاران بال ٺاڪري جي روپ ۾ نظر ايندو، جڏهن ته ان حوالي سان نواز الدين صديقي جون تصويرون پڻ وائرل ٿي رهيون آهن. ٺاڪري نالي فلم جي ٽريلر تي ڀارتي سينسر بورڊ پاران اعتراض واريا آهن، جنهن کانپوءِ فلم جي ٽريلر ۾ تبديلي آندي ويندي. فلم کي ايندڙ سال 23 جنوري تي ريليز ڪرڻ جو امڪان آهي. فلم جي هدايتڪاري پڻ شو سينا ايم پي اي سنجي رائوت ڏني آهي.
. فلم ۾ نوازالدين صديقي سان گڏ امرتا رائو، عبدل القادر امين، انوشڪا جهادو ۽ ٻيا اهم ڪردار ادا ڪندا. فلم کي هندي، مراٺي ۽ انگريزي ۾ پيش ڪيو ويندو.
سلمان نئين فلم ڀارت جي بجيٽ 150 مان گهٽائي 80 ڪروڙ تائين رکڻ جي هدايت ڪئي
ممبئي (شوبز ڊيسڪ) بالي ووڊ سلطان سلمان خان کي به فلمون فلاپ ٿيڻ جو ڊپ ٿيڻ لڳو. سلمان پراڊڪشن ٽيم کي پنهنجي ايندڙ فلم ”ڀارت“ جي بجيٽ گهٽائڻ جي هدايت ڪري ڇڏي.
فلمن جي ناڪامي جو خوف سپر اسٽار سلمان خان کي وڪوڙي ويو، سلمان خان پنهنجي ايندڙ فلم ڀارت جي پراڊڪشن ٽيم کي سختي سان هدايت ڪئي آهي ته فلم جي بجيٽ جيتري ٿي سگهي، گهٽ ڪئي وڃي.
ميڊيا رپورٽن موجب سلمان خان ۽ ڪترينه ڪيف جي فلم “ڀارت” جي بجيٽ 150 ڪروڙ کان وڌيڪ هئي، پر هاڻي سلمان خان فلم جي بجيٽ 80 ڪروڙ تائين رکڻ جي هدايت ڪئي آهي، ته جيئن فلم جي ناڪامي جي صورت ۾ گهٽ نقصان برداشت ڪرڻو پوي.
جي او رسالي نڪ جوناس کي سال جي اسٽائلش شخص جي اعزاز سان نوازيو
ممبئي (شوبز ڊيسڪ) بالي ووڊ اداڪاره پريانڪا چوپڙا جو ور نڪ جوناس کي 2018 جي اسٽائلش شخصيت قرار ڏنو ويو آهي.
ڀارتي ميڊيا موجب جي او ميگزين نڪ جوناس کي 2018 جو سڀ کان اسٽائلش شخص جو اعزاز ڏنو آهي.
نڪ جوناس اهو اعزاز 64 ماڻهن کي هارائي ماڻيو، گذريل سال اهو اعزاز پريانڪا چوپڙا جي ويجهي دوست ڊيوڊ جانسن کي مليو هو.
مڙس کي اهو اعزاز ملڻ تي اداڪار پريانڪا چوپڙا انسٽاگرام تي پنهنجي ۽ ور نڪ جوناس جي تصوير به جاري ڪئي. تصوير سان گڏ پريانڪا پنهنجي مڙس جي واکاڻ به ڪئي.
ممبئي (شوبز ڊيسڪ) بالي ووڊ ڪنگ شاهه رخ خان به سلمان خان جي فلمن جي چونڊ جو نڪتو.
ڀارتي ميڊيا موجب شاهه رخ خان جو چوڻ هو ته سلمان خان کي فلمن ۽ جذبن جي سٺي سمجهه آهي ۽ هو ڄاڻي ٿو ته فلم ۾ ماڻهو ڇا ڏسڻ پسندا ڪندا. هن چيو ته هڪ دوست طور مون کان پڇندو آهي ته فلم ۾ ڇا آهي؟ ماڻهن کي پسند ايندي يا نه.
ڪنگ خان جو وڌيڪ چوڻ هو ته سلمان کي فلمن جي تمام گهڻي سمجهه آهي.
هوڏانهن تازو ريليز ٿيل شاهه رخ خان جي فلم ”زيرو“۾ سلمان مختصر ڪردار نڀايو.
ممبئي (شوبز ڊيسڪ) بالي ووڊ جي مشهور نوجوان اداڪار راجڪمار رائو ۽ سونم ڪپور نئين ايندڙ فلم ”ايڪ لڙڪي ڪو ديکا تو ايسا لگا“ ۾ هم جنس پرست جا ڪردار نڀائيندا.
ڀارتي ميڊيا موجب فلم ”اومرتا، نيوٽن ۽ استري“ جهڙين ننڍي بجيٽ سان ٺهندڙ سپر هٽ فلمون ڏيندڙ راجڪمار رائو پنهنجي نئين ايندڙ فلم ”ايڪ لڙڪي ڪو ديکا تو ايسا لگا“ ۾ هم جنس پرست جي ڪردار ۾ نظر ايندو، جيڪو سندس ٻين ڪردارن کان بلڪل منفرد آهي.
ذريعن موجب فلم جي ڪهاڻي به هم جنس پرستي تي ٻڌل آهي، جنهن جي خاص ڳالهه اها آهي ته فلم ۾ هم جنس پرست ناري جو ڪردار سونم ڪپور نڀائي رهي آهي، جڏهن ته سندس والد جو ڪردار سندس اصلي پيءُ انيل ڪپور پاڻ نڀائيندو.
