ممبئي (اسپورٽس ڊيسڪ) بالي ووڊڪنگ شاهه رخ خان چيو آهي ته عامر خان ۽ سلمان خان لاءِ دل ۾ دوستي کان وڌيڪ گهڻي عزت آهي. هڪ انٽرويو ۾ شاهه رخ خان چيو ته جڏهن اسان ٽئي خان هڪ ٻئي سان ملندا آهيون ته ڪڏهن به ڪم بابت ناهيون ڳالهائيندا پر سمورو وقت هڪ ٻئي سان مذاق ڪرڻ ۾ گذاريندا آهيون.
شاهه رخ خان چيو ته جڏهن اسان ملندا آهيون ته اسان کي اها خبر پوندي آهي ته اسان دوست آهيون، مستي مذاق سميت ٻين شين دوران اسان ٽئي هڪ ٻئي جي ڏکن سکن سان گهڻو اثرا انداز به ٿيندا آهيون.
هن چيو ته هڪ ڀيري عامر خان سان ملاقات دوران چيو هو ته جيڪڏهن ماڻهو اسان کي ائين ڳالهائيندي ۽ کلندي ڏسن ته چوندا ٽئي خان بلڪل به اسٽار نٿا لڳن.

ڪراچي (شوبز ڊيسڪ) پاڪستاني فلم اسٽار ريما خان چيو آهي ته فلم انڊسٽري بابت منهنجي سوچ هاڪاري آهي ۽ اسان جي فلم انڊسٽري وڌيڪ بهتر ۽ ترقي جي راهه تي اچي سگهي ٿي. هن چيو ته هن وقت پاڪستان انڊسٽري ڏکئي دور مان گذري رهي آهي، پر مستقبل مان سٺيون اميدون رکڻ گهرجي.
ڪراچي پريس ڪلب ۾ پريس ڪانفرنس ڪندي ريما خان چيو ته فنڪار پبلڪ پراپرٽي هوندو آهي، جيڪو عام کي خاص بڻائي ٿو ان توهان تي حق هوندو آهي ۽ پاڪستان کان ٻاهر رهندي مون تي ذميواري آهي ته مان پاڪ سر زمين جي نالي کي وڌيڪ سنواريان.
هن چيو ته اڄ مون جيڪا مشهوري ماڻي آهي، اهو سڀ ڪجهه پاڪستان سبب آهي، جنهن مون تي جڏهن به تنقيدڪئي ته مون دل تي نه ورتو.
سندس چوڻ هو ته روين ۾ تبديلي آڻي ئي اسان بهتري ڏانهن وڌي سگهون ٿا.

لنڊن (شوبز ڊيسڪ) نوبل انعام ماڻيندڙ پاڪستاني شاگردياڻي ملالا يوسف زئي فلم “زيرو” ڏسڻ بعد بالي ووڊ ڪنگ شاهه رخ خان نالي وڊيو پيغام جاري ڪندي شاهه رخ جي اداڪاري جي واکاڻ ڪئي آهي.
شاهه رخ جي اداڪاري جي واکاڻ ڪندي ملالا يوسف زئي چيو ته فلم ڏسي تمام سٺو لڳو، فلم مزاح سان ڀرپور هئي، جيڪا منهنجي خاندان کي ڏاڍي وڻي.
ملالا چيو ته شاهه رخ آئون توهان جي وڏي مداح آهيان، توهان سان ٽوئيٽر تي ڳالهائڻ سٺو لڳندو آهي، اميد آهي ته هڪ ڏينهن توهان آڪسفورڊ يا برطانيه آيا ته ضرور ملاقات ٿيندي، ۽ اهو ڏينهن مون لاءِ وڏو ڏهاڙو هوندو. هن وڌيڪ چيو ته توهان بهترين ۽ حيرت انگيز شخص آهيو، هر ڪو توهان کي اها ڳالهه چوندو هوندو پر آئون هڪ ڀيرو ٻيهر ورجائي رهي آهيان ته توهان حيرت انگيز ۽ سٺا انسان آهيو.

ممبئي (شوبز ڊيسڪ) شاهه رخ خان، قطرينه ڪيف ۽ انوشڪا شرما جي فلم “زيرو” شوقينن ۽ نقادن کي ته متاثر نه ڪري سگهي، پر ڀارتي ڪپتان ويرات ڪوهلي فلم جي واکاڻ ڪندي پنهنجي گهرواري انوشڪا شرما جي ڪردار مان متاثر ٿيو آهي.
ويرات ڪولهي فلم “زيرو“ ڏسڻ بعد واکاڻ ڪندي پنهنجو رايو پڻ ڏنو.
سماجي رابطن واري ويب سائيٽ ٽوئيٽر تي ويرات ڪوهلي لکيو ته فلم “زيرو” ڏٺي، فلم ۾ ڀرپور مذاح ڏسي ڏاڍو مزو ورتو، فلم ۾ هر ڪنهن پنهنجو ڪردار زبردست نموني نڀايو آهي.
ويرات ڪوهلي چيو ته فلم ۾ خاص طور انوشڪا شرما جي اداڪاري پسند آئي، ڇاڪاڻ ته مون محسوس ڪيو انوشڪا جو ڪردار چيلنجنگ هو ۽ هوءَ تمام بهترين هئي.

ممبئي (شوبز ڊيسڪ) ڀارت ۾ انتهاپسند پارٽين نامياري اداڪار نصير الدين شاهه تي تنقيد ڪندي چيو آهي ته کين ڀارت ڇڏي پاڪستان وڃڻ گهرجي.
شيوسينا جي ميمبر منيشا ڪياندي چيو آهي ته جيڪڏهن نصير الدين شاهه کي ڀارت ۾ رهندي پريشاني ٿئي ٿي ته هو پاڪستان منتقل ٿي وڃي. هن چيو ته اسان جذبا بلڪل ساڳي ريت مجروح ٿيا آهن جيئن اڳ عامر خان ۽ سندس گهرواري ڪرن رائو به اهڙو بيان ڏنو هو.
سندس چوڻ هو ته نصير الدين شاهه ٻيون اداڪار آهي، جنهن ڀارت ۾ رهندي ۽ فائدو وٺندي اهڙي قسم جي ٻولي استعمال ڪئي آهي، جيڪڏهن هو هتي پاڻ کي فٽ محسوس نٿو ڪري ته کيس پاڪستان وڃڻ گهرجي.