ممبئي (شوبز نيوز) بالي ووڊ ۾ منفرد فلمن جي ڪري مشهور ريچا چڍا پنهنجي ايندڙ فلم ۾ ڪيريئر ۾ پهريون ڀيرو وڪيل جو ڪردار ادا ڪندي. سندس فلم سيڪشن 375 کي اجي بهل ڊائريڪٽ ڪري رهيو آهي. فلم ۾ ڪردار سان انصاف ڪرڻ لاءِ هن ممبئي مان هڪ مشهور وڪيل کان ٽريننگ وٺڻ شروع ڪري ڇڏي آهي. سندس چوڻ آهي ته ڪردار ادا ڪرڻ کان اڳ هو وڪالت جي باري ۾ ڄاڻ حاصل ڪرڻ چاهي ٿي. ريچا چڍا فلم جي حوالي سان ڳالهائيندي چيو ته هوءَ هڪ اهڙي وڪيلياڻي جو ڪردار ادا ڪري رهي آهي، جيڪا ڪيس صرف انصاف ڏيارڻ لاءِ وڙهندي آهي.
ممبئي (شوبز نيوز) بالي ووڊ ادڪار ارجن رامپال ڏکيائين ۾ ڦاسي پيو آهي، هڪ ڪمپني کان کنيل قرض وقت تي نه ڏيڻ خلاف مٿس ڪيس داخل ڪيو ويو آهي. واءِ ٽي اينٽرٽينمينٽ ڪمپني پاران ارجن رامپال کي هڪ سال لاءِ 12 سيڪڙو وياج تي هڪ ڪروڙ روپيا ڏنا هئا، جيڪي ارجن رامپال ادا ڪري نه سگهيو آهي. ارجن رامپال پاران ڪمپني کي هڪ چيڪ ڏنو، پر اهو وقت تي پاس ناهي ٿيو.
ممبئي (شوبز نيوز) هندو انهاپسند تنظيم شو سينا جي سربراهه بال ٺاڪري تي بالي ووڊ فلم ٺاهي پئي وڃي، جنهن ۾ نواز الدين صديقي مرحوم بال ٺاڪري جو ڪردار ادا ڪري رهيو آهي. نوازالدين صديقي پاران بال ٺاڪري جي روپ ۾ نظر ايندو، جڏهن ته ان حوالي سان نواز الدين صديقي جون تصويرون پڻ وائرل ٿي رهيون آهن. فلم جو نالو ٺاڪري ٻڌايو پيو وڃي، جڏهن ته فلم جي هدايتڪاري پڻ شو سينا ايم پي اي سنجي رائوت ڏني آهي. فلم کي ايندڙ سال مارچ ۾ پيش ڪرڻ جا امڪان آهن، جڏهن ته نوازالدين صديقي سان گڏ امرتا رائو، عبدل القادر امين، انوشڪا جهادو ۽ ٻيا اهم ڪردار ادا ڪندا. فلم کي هندي، مراٺي ۽ انگريزي ۾ پيش ڪيو ويندو.
ممبئي (شوبز نيوز) فلم دنگل ۾ عامر خان سان گڏ پنهنجي ڪيريئر جي ڪامياب شروعات ڪندڙ فاطمه ثنا شيخ ۽ عامر خان وچ ۾ لاڳاپن جو خبرون ڀارتي ميڊيا ۾ هلي رهيون هيون. فلم دنگل ۾ فاطمه ثنا شيخ عامر خان جي ڌيءُ جو ڪردار ادا ڪيو هو. ان کانپوءِ عامر خان ۽ فاطه ثنا جي هڪ ٻي فلم سيڪريٽ سپر اسٽار پڻ ريليز ٿي هئي، جنهن ۾ عامر خا ن پڻ ڪردار ادا ڪيو هو.
فاطمه ثنا شيخ پاران ميڊيا تي هلندڙ خبرن کي بي بنياد قرار ڏيندي چيو ته اهڙي قسم جون خبرون ٻڌڻ افسوسناڪ آهي، اهڙن افواهن سبب سندس پريشانين ۾ واڌارو آيو آهي. فاطمه جو چوڻ هو ته اهڙين خبرن ڪري سندس خاندان به پريشان ٿيو هو. کي فرق نٿو پوي ته ماڻهو ڇا ٿا چون، ماڻهن جو ڪم ڳالهيون ڪرڻ آهي، جڏهن ته هوءَ سکي رهي آهي ته اهڙي قسم جي افواهن سان ڪيئن منهن ڏجي.
ممبئي (شوبز نيوز) بالي ووڊ جي ڪوئين ڪنگنا راناوت پنهنجي ايندڙ فلم جي باري ۾ ايترو تي پراميد آهي، جو سندس چوڻ آهي ته هن جا نقاد ايندڙ فلم ڏسڻ کانپوءِ پنهنجا وار بند ڪري ڇڏيندا. انڊين ايڪسپريس موجب
ڪنگنا راناوت جو چوڻ هو ته سندس خيال آهي ته جيڪي هن ۽ فلم خلاف ڳالهائي رهيا آهن، اهي فلم ڏسڻ کانپوءِ پنهنجي وات بند ڪري ڇڏيندا.
سندس چوڻ هو ته شروع ۾ کيس اها فلم ڏکي لڳي پر فلم ٽيم جي مدد سان بهترين ڪم ڪيو ويو آهي. ڪنگنا فلم ۾ اهم ڪردار ادا ڪرڻ سان گڏ پهريون ڀيرو ڪو ڊائريڪشن پڻ ڏئي رهي آهي. فلم جي ليکڪ جي حوالي سان ڪنگنا چيو ته هن ايندڙ فلم به ساڳيو ڪهاڻيڪار لکي رهيو آهي، جيڪا هڪ پيار جي ڪهاڻي آهي. ڪنگنا راناوت جي مانيڪارانيڪا ايندڙ سال نمائش لاءِ پيش ڪئي ويندي.
ممبئي (شوبز ڊيسڪ) بالي ووڊ اداڪاره سونم ڪپور پنهنجي پيءُ انيل ڪپور جي سالگره جي موقعي تي پيغام جاري ڪري سڀني کي جذباتي ڪري ڇڏيو.
سماجي رابطن واري ويب سائيٽ انسٽاگرام تي بيان جاري ڪندي سونم ڪپور چيو ته فلم انڊسٽري ۾ منهنجي 10 ورهين جي ڪيريئر ۾ پهريون ڀيرو والد گڏ فلم ۾ اچي رهيو آهي ۽ منهنجي شادي ٿيندي به ڏٺي.
سونم ڪپور چيو ته زندگي ڏکئي ۽ خوبصورت به آهي، توهان جي ٿورائتي آهيان ته مون کي محبت ڪرڻ سيکاري منهنجي جذبن کي هوا ڏني ۽ پرورس ۾ اخلاقيات جو سبق سکياريو.
سونم ڪپور پيغام سان گڏ فلم “ايڪ لڙڪي جو ديکا تو ايسا لگا” جي سيٽ جي ڪميرا جي پردي جي هڪ تصوير به جاري ڪئي.
ممبئي (شوبز ڊيسڪ) بالي ووڊ اداڪار راجڪمار رائو چيو آهي ته وڏي بجيٽ ڪنهن فلم جي ڪاميابي جي وڏي ضمانت ناهي هوندي، فلم کي مواد ڪامياب بڻائي ٿو ۽ مواد ئي فلم جي بجيٽ جو فيصلو ڪري ٿو.
فلم “ايڪ لڙڪي ڪو ديکا تو ايسا لگا” جون جهلڪيون جاري ڪرڻ وقت راج ڪمار رائو چيو ته فلم “ايڪ لڙڪي ڪو ديکا تو ايسا لگا” جو مواد تمام سٺو آهي، جيڪو فلم کي ڪامياب ڪندو.
ان فلم ۾ راج ڪمار رائو سان گڏ سونم ڪپور، انيل ڪپور، وڌ ونود چوپڙا ۽ جوهي چاولا آهن.
ممبئي (شوبز ڊيسڪ) بالي ووڊ جي نامياري اداڪار عامر خان چيو آهي ته فلم جي ڪهاڻي ڏسي فلم ڪرڻ جو فيصلو ڪندو آهيان.
ممبئي ۾ اسڪرپٽ رائٽنگ جي هڪ مقابلي ۾ جج جي حيثيت سان شامل اداڪار عامر خان چيو ته هدايتڪار، اداڪار ۽ ٽيڪنڪ ڪار بيشڪ هڪ فلم جو اهم حصو هوندا آهن، پر فلم جي شروعات ڪهاڻيڪار سان ٿيندي آهي، جنهن سبب ئي مان فلم کان اڳ ڪهاڻي تي نظر وجهندو آهيان.
عامر خان جو چوڻ هو ته منهنجي نظر ۾ ڪنهن فلم جو سڀ کان اهم حصو يا روح ڪهاڻي ئي هوندي آهي، فلم جي ڪهاڻي اهڙي هجڻ گهرجي جيڪا انتهائي تفريح سان گڏ دلچسپ هجي ۽ ڪردارن کي تمام سٺي طرح ٻڌايو يا ٺاهيو وڃي.
ممبئي (شوبز ڊيسڪ) بالي ووڊ اداڪاره جيڪولين فرنينڊس ڪرسمس يتيم ٻارڙن ۽ ڪينسر جي مريضن سان گڏ ملهائي.
اداڪاره جيڪولين فرنينڊس ڪرسمس کان اڳ شام ڪيترن ئي يتيم خانن جو دورو ڪيو ۽ سانتا ڪلاز جو روپ ڪري ٻارڙن ۾ تحفا ورهايا.
اداڪاره جو چوڻ هو ته ڪرسمس خوشيون ورهائڻ جو نالو آهي، ان لاءِ مون ان موقعي جي شروعات نيڪي سان ڪرڻ کي اوليت ڏني آهي.
ذريعن موجب جيڪولين ٻارڙن سان گڏ نچندي ۽ ڳائيندي به رهي، ان سان گڏ تعليم حاصل ڪرائڻ جي اهميت تي به ڳالهه ٻولهه ڪئي.
ڪرسمس جي موقعي تي اداڪاره جيڪولين فرنينڊس ڪينسر اسپتال به وئي ۽ اتي مريضن جي عيادت ڪندي مريض ٻارڙن ۾ تحفا ورهايا.
لاس اينجلس (شوبز ڊيسڪ) آمريڪي گلوڪاره ريحانه جي گانن جو نئون البم ايندڙ سال ريليز ڪرڻ جو اعلان ڪيو ويو. سماجي رابطي رابطن واري ويب سائيٽ انسٽاگرام تي ريحانه پنهنجي گانن جي نئين البم جي ريليز جو اعلان ڪندي چيو ته اڃا تائين البم جو حتمي نالو ناهي چونڊيو.
ريحانه جو ان البم کان اڳ 2016 ۾ ”انسٽي“ نالي گانن جو اٺون البم آيو هو.
بوسٽن (شوبز ڊيسڪ) آمريڪي رياست ميسا چوسٽس ۾ آسڪر ايوارڊ ماڻيندڙ اداڪار ڪيون اسپيسي تي 18 ورهين جي نوجوان سان بدفعلي الزام ۾ فرد لاڳو ڪيو ويو آهي.
نانٽڪيٽ جي مقامي عدالت ۾ ان ڪيس جي وڌيڪ ٻڌڻي 7 جنوري تي ڪئي ويندي، جڏهن ته اسپيسي جي وڪيل اڃا تائين عدالت کي ڪو به جواب ناهي ڏنو.
پرڏيهي ميڊيا موجب ڪيون اسپيسي تي الزام آهي ته هن 2 سال اڳ 18 ورهين جي نوجوان کي جنسي زيادتي جو نشانو بڻايو هو.
گذريل سال نومبر مهيني ۾ هڪ ٽي وي چينل جي صحافي هيدر الزام هنيو ته سندس 18 ورهين جي پٽ کي اسپيسي 2016 جي جولاءِ مهيني ۾ بدفعلي جو نشانو بڻايو.
لاس اينجلس (شوبز نيوز) وچ اوڀر جي مشهور تاريخي ڪهاڻي الادين بابت هالي ووڊ فلم ٺاهي پئي وڃي، جنهن ۾ مرڪزي ڪردار مينا مسعود ادا ڪندو، جڏهن ته ول سمٿ جيني ۽ نومي اسڪاٽ جاسمين بڻجندي. الادين جو نيون جهلڪيون جاري ڪيون ويون آهن، جنهن ۾ ول سمٿ ۽ مرڪزي ڪردار پاران پنهنجي مداحن نالي پيغام پڻ جاري ڪيو آهي. فينٽسي ۽ جادو سان گڏ ايڪشن سان ڀرپور فلم ايندڙ سال مئي ۾ ريليز ٿيندي. ڊزني جي ان فلم جو تمام گهڻو انتظار ڪيو پيو وڃي، جڏهن ته تاريخي فلم کي جديد ٽيڪنالاجي جي مدد سان ٺاهيو پيو وڃي. فلم جي هدايتڪاري گاءِ رچي ڏني آهي، جڏهن ته فلم کي موشن پڪچرز ڊزني والٽ اسٽوڊيو جي مدد سان ٺاهيو پيو وڃي.
ممبئي (شوبز نيوز) بالي ووڊ اينٽرٽينمينٽ انڊسٽري ۾ ڪاميڊي ڪنگ طور مشهور ڪپيل شرما پنهنجي شادي جي ٻي آجياڻي واري تقريب ڪوٺائي جنهن ۾ بالي ووڊ جي مشهور اداڪارن شرڪت ڪئي. ڪپيل شرما ۽ گيني ڇاترا جي شادي جي آجياڻي واري تقريب ۾ ديپڪا پڊوڪون، رنوير سنگهه، ڪيرتي سونن، اروشي، ريکا، روينه ٽنڊن، ڪرن جوهر، اميشا پٽيل، ڪارتڪ آريان، انيل ڪپور، ڀارتي سنگهه، سهيل خان، سليم خان، جتيندر، ڌرميندر، تشار ڪپور، سائنا نهوال سميت شوبز سان گڏ ٻين شعبن جي شخصيتن پڻ شرڪت ڪئي. ان موقعي تي رنوير ۽ دپيڪا رقص ڪري ماحول کي خوبصورت ۽ رومانوي بڻائي ڇڏيو.
ممبئي (شوبز ڊيسڪ) بالي ووڊ جي نامياري اداڪار نصر الدين شاهه جي بيان تي انتهاپسندن جي ڌمڪين ۽ حڪومتي وزيرن بعد اداڪار انوپم کير به خاموشي ٽوڙيندي نصير الدين شاهه کي سخت تنقيد جو نشانو بڻايو آهي.
ڀارتي ميڊيا موجب انوپم کير نصير الدين شاهه جي بيان تي تنقيد ڪندي چيو ته کيس ڀارت ۾ اڃا ڪيتري آزادي گهرجي؟
انوپم کير جو چوڻ هو ته ڀارت ۾ ماڻهو آرمي چيف خلاف ڳالهائي سگهن ٿا ۽ فوج تي پٿراءُ ڪري سگهن ۽ ايئر چيف مارشل کي به برو ڀلو چئي سگهن ٿا، ان کان وڌيڪ نصر الدين شاهه کي اڃا ڪيتري آزاد کپي؟
لاهور (شوبز ڊيسڪ) ٽي وي ۽ فلم جي مشهور اداڪار احسن خان چيو آهي ته شوبز ۾ ڪم ڪندي ڊگهو عرصو گذريو آهي پر اڄ تائين سکڻ جو عمل جاري آهي.
هڪ انٽرويو ۾ احسن خان جو چوڻ هو ته خدا جي ذات ٿورڙي وقت ۾ جيتري مقبوليت ڏني آهي، ان جو تصور به نه ڪيو هو، پر ان باوجود سمجهان ٿو ته هاڻي گهڻو ڪجهه سکڻ باقي آهي.
هن چيو ته جڏهن ڪنهن به پراجيڪٽ ۾ ڪم ڪندو آهيان ته سدائين پنهنجي سينيئرن کان سکڻ جي ڪوشش ڪندو آهيان ۽ مون کي انهن مان ڪجهه نه ڪجهه سکڻ لاءِ ضرور ملي ٿو.