نئي دهلي (شوبز ڊيسڪ) بالي ووڊ ڪاميڊين راجپال ياديو جيل ۾ به قيدين کي کلائڻ تي مجبور ڪري ڇڏيو. ڀارتي ميڊيا موجب راجپال ياديو جيل ۾ هجڻ باوجود پاڻ کي مزاحيه پرفارمنس ڏيڻ کان روڪي نه سگهيو، نئي دهلي جي تهار جيل ۾ هڪ ويهڪ ڪوٺائي وئي، جنهن ۾ ڀارت جي ڪيترن ئي شاعرن کي گهرايو ويو، شاعرن سان ملاقات دوران راجپال ياديو اسٽيج تي مزاحيه اداڪاري ڪئي، جنهن کي ڏسندي اتي موجود قيدين ۽ جيل اختياريون به کلڻ کي روڪي نه سگهيون. جيل اختيارين جو چوڻ هو ته تهار جيل ۾ وڏي عرصي بعد ڪو مشهور چهرو نظر آيو آهي، اسٽيج تي بالي ووڊ اداڪار کي پرفارم ڪندي ڏسي اتي موجود ماڻهو اچرج ۾ پئجي ويا. هنن چيو ته تهار جيل ۾ سياستدانن، ڪرڪيٽرن، گينگسٽرن ۽ دهشتگردن سميت ڪيتريون ئي شخصيتون قيد ڪاٽي چڪيون آهن، پر گذريل 10 سالن ۾ اهو پهريون ڀيرو ٿيو آهي جو جيل ۾ هڪ مزاحيه اداڪار جي انٽري ٿي آهي.
نالي وارن بالي ووڊ ستارن جي فلم “گلي بواءِ” برلن فلم فيسٽيول ۾ ڏيکاري ويندي
ممبئي (شوبز نيوز) نالي وارن بالي ووڊ اسٽارز عاليا ڀٽ ۽ رنوير سنگهه جي ايندڙ فلم گلي بواءِ ريليز ٿيڻ کان اڳ ئي اعزاز ماڻي ورتو آهي. گلي بواءِ کي برلن انٽرنيشنل فلم فيسٽيول ۾ ڏيکاريو ويندو. فلم جي هيرو رنوير سنگهه فلم جي حوالي سان خبر کي سوشل ميڊيا تي شيئر ڪندي چيو ته 69 هين برلن فلم فيسٽيول م گلي بواءِ کي چونڊيو ويو آهي، زبردست. برلن انٽرنيشنل فلم فيسٽيول 7 فيبروري کان 17 فيبروري تائين جاري رهندو. عالمي سطح جي ان سالياني فلم فيسٽيول ۾ هر سال سڄي دنيا مان بهترين چونڊ فلمون ڏيکاريون وينديون. گلي بواءِ کي اڃان تاِن ريليز ناهي ڪيو ويو، فلم مڪمل طور تي تيار آهي ۽ ايندڙ سال فلم کي 14 فيبروري تي ريليز ڪيو ويندو. فلم جي هدايتڪاري زويا اختر ڏني آهي.
ترقي پسند شاعر جون ايلياء جا ”شايد، يعني، ليڪن، گمان، گويا ۽ فرنود“ نالي ڪتاب ڇپجي چڪا
ايلياء 8 ورهين جي ڄمار ۾ پهريون شعر لکيو، ٿوري عرصي ۾ وڏي مقبوليت ماڻي پاڻ مڃايائين
ڪراچي (ڪلچرل نيوز) نامياري شاعر جون ايلياء جون 87هون جنم ڏهاڙو ملهايو پيو وڃي. اردو شاعر، فلسفي ۽ پروگريسوِ مارڪسوادي جون ايلياء ڀارت جي اتر پرديش جي علائقي امروهه ۾ 14 ڊسمبر 1931 تي اک کولي. اترپرديش جي ناليواري خاندان ۾جنم وٺندڙ جون ايلياء ڀيڻن ۽ ڀائرن ۾ سڀ کان ننڍو هو. سندس پيءُ علامه شفيق حسن ايليا کي فن ۽ادب سان وڏو لڳاءُ هو، ان کانسواءِ هو هو نجمومي ۽ شاعر پڻ هو. اهڙي علمي ماحول جون ايلياء جي طبيعت به اهڙي ٺاهي. جون ايلياء پهريون اردو شعو رڳو 8 ورهين جي ڄمار ۾ لکيو. جون کي مختلف ٻولين سان وڏو لڳاءُ هو، اهڙي طرح هن عربي ۽ فارسي کانسواءِ انگريزي ۽ جزوي طور عبراني ۾ به مهارت حاصل ڪري ورتي. جون ايلياء فلسفي، اسلامي تاريخ، مسلم صوفي ريتن رسمن، مسلم مذهبي سائنس، اولهه جي ادب سميت ٻين موضوعن تي علم حاصل ڪيو. 1957ع تي پاڪستان لڏي ڪراچي کي رهائشگاهه بڻايو. اتي هو ٿوري عرصي ۾ ئي شهر جي ادبي ڌرين ۾ وڏو مشهور بڻجي ويو. سندس شاعري وڏي مطالعي جي عادت جو چٽو ثبوت هئي، جنهن سبب ئي کيس وڏي انگ ۾ مداح ۽ پذيرائي ملي. جون ايلياء جو پهريون شعري مجموعو سندس 60 ورهين جي ڄمار ۾ شايع ٿيو. ٻيون شاعري مجموعو ”يعني“ سندس لاڏاڻي بعد 2003 ۾ شايع ٿيو، ۽ ٽيون شاعري مجموعو ”گمان“ 2004 ۾ ڇپيو. جون ايلياءَ جي شاعري جي مشهور ڪتابن ۾ ”شايد، يعني، گمان، گويا ۽ فرنود شامل آهن. انهن کانسواءِ سندس ڪتاب رموز به 2016 ۾ ڇپجي چڪو. جون ايلياء نه رڳو شاعر پر ايڊيٽر ۽ ترجمه نگار پڻ هو. جون ٻولي جي معاملي ۾ خاص هو، روايتي رسمن ۾ سندس لهجو شامل آهي، جون ايلياء شاعري ۾ سدائين نون موضوعن کي ڇيڙيو. جون ايلياء 8 نومبر 2002 تي 70 ورهين جي ڄمار
ميگهن مارڪيل گوگل تي سڀ کان وڌيڪ ڳولي ويندڙ شخصيت بڻجي وئي. ٻڌايو وڃي ٿو ته ”آئڊيل“ نه ڳولي سگهڻ سبب جون ايلياء جي طبيعت ڪاوڙيل ۽ ڀٽڪيل ٿي پئي.
بالي ووڊ ۾ پنهنجي ڌيءُ جو سٺو مستقبل ڏسي رهيو آهيان: سيف علي خان
ممبئي (شوبز نيوز) بالي ووڊ جي ننڍي نواب سيف علي خان پنهنجي ڌيءُ سارا علي خان جي پهرين فلم ڪيدرناٿ جي ڪاميابي تي تمام گهڻو خوش آهي ۽ سندس ڪاميابي تي هر هنڌ تعريف ڪري رهيو آهي. سارا علي خان کي فلم انڊسٽري جو نئون اسٽار ڪوٺيو پيو وڃي. سيف علي خان ڀارتي ميڊيا کي ڏنل انٽرويو ۾ چيو ته سارا ڪيدرناٿ ۾ سندس اميد کان وڌيڪ سٺي اداڪاري ڪئي آهي، مان پنهنجي ڌيءُ لاءِ ڏاڍو خوش آهيان. سندس چوڻ هو ته فلمن ۾ ڪم ڪرڻ جو فيصلو سارا جو هو ۽ ان پنهنجي پرفارمنس ذريعي فيصلو صحي ثابت ڪيو آهي، سندس بالي ووڊ ۾ روشن مستقبل ڏسي رهيو آهيان. سيف علي خان چيو ته ماڻهن سارا جي اداڪاري جي تعريف ڪري بالي ووڊ سندس آجيان ڪئي آهي. سارا علي خان جي اداڪاري جي سندس ماٽيلي ماءُ ڪرينا ڪپور ۽ سوها علي خان به تعريف ڪئي هئي.
