پنڊي جو بدصورت نيب ترجمان آهي، حڪومت ڪرپشن جي حق ۾ آهي: راڻا ثناءُ الله/مشاهد الله
اسلام آباد (م ڊ) مسلم ليگ (ن) ميان نوازشريف خلاف عدالتي فيصلو مفروضن تي ٻڌل قرار ڏئي ڇڏيو، قانون جنگ وڙهڻ جو اعلان، پنجاب جي اڳوڻي قانون واري وزير راڻا ثناءُ الله اڳوڻي وفاقي وزير احسن اقبال، ن ليگ ترجمان مريم اونگزيب، سنڌ جي اڳوڻي گورنر محمد زبير ۽ مشاهد الله سيد سان گڏ پريس ڪانفرنس ڪندي چيو ته نوازشريف خلاف عدالت جو فيصلو مفروضن تي ٻڌل آهي، ان خلاف قانون جنگ وڙهي ويندي، سزا به عدالت ٻڌائي ۽ انصاف به اها ئي ڪندي، راڻا ثناءُ الله جو چوڻ هو ته عدالتن جو احترام آهي، نوازشريف 165 پيشيون ڀوڳي ان جو ثبوت ڏنو، هن چيو ته ڪنهن به عدالتي فيصلي خلاف ن ليگ احتجاج ناهي ڪندي، مهانگائي خلاف احتجاج ڪنداسين، هن چيو ته موجوده احتساب ن ليگ لاءِ نئون ناهي، ماضي ۾ به ان کي منهن ڏنو، پنڊي جي خوبصورت شهر ۾ هڪ بدصورت شخص رهندو آهي، پنڊي جو بدصورت شخص نيب جو ترجمان بڻيل آهي،ان موقعي تي مشاهد الله خان ڳالهائيندي چيو ته موجوده حڪومت ڪرپشن خلاف نه ان جي حق ۾ آهي، بيشمار ثبوت موجود آهن، هي جيڪو موجوده فيصلو آهي، ان تي ڳالهه اسانجو قانون حق آهي، حڪومت جو هڪ تڪراري وزير هر روز عدليا يا نيب جو ترجمان بڻجي ڳالهائيندو آهي، اپوزيشن خلاف انتقامي ڪارروايون ڪيون پيون وڃن، جيڪڏهن اسان کي پاڪستان سان وفادار هجڻ جي سزا ڏني پئي وڃي ته ڀوڳڻ لاءِ تيار آهيون، احسن اقبال چيو آهي ته سليڪٽيڊ وزيراعظم ملڪ ۾ سليڪٽيڊ احتساب ڪري رهيو آهي، حڪومت وينٽي ليٽر تي زنده آهي، اپوزيشن خلاف انتقامي ڪارروايون ڪيون پيون وڃن، اسان ان خلاف قانوني جنگ وڙهنداسين،نوازشريف خلاف نيب ڪوبه ثبوت پيش نه ڪري سگهيو، فيصلي ۾ شروع کان آخر تائين هڪ لفظ به نه هو ته ڪهڙي قسم جي ڪرپشن ڪئي وئي آهي، موجوده احتساب عمل ٻه رخو آهي، ليگي اڳواڻن کي جاچ دوران گرفتار ڪيو، جلد پارليامينٽ اندران ۽ ٻاهران خوشخبري ملندي، بنا فرق جي احتساب ٿيو ته اڌ ڪابينا اندر هوندي، ڇا عمران خان، جهانگير ترين، عليما خان جون آف شور ڪمپنيون ناهن؟، ملڪ ۾ مهانگو فرنس آئل آندو ويو، ڊالر مهانگائي جي انتها تي پهتو آهي، حڪومت چوي ٿي اسان کي اگهه بابت خبر ناهي، سنڌ جي اڳوڻي گورنر محمد زبير جو چوڻ هو ته احتساب جي نالي تي انتقام ورتو پيو وڃي، عليمه خان پاران ڏنڊن ڀرڻ مان ثابت ٿي ويو ته هن ڏوهه قبول ڪيو آهي پر ان جو احتساب نه پيو ٿئي، مصدق ملڪ جو چوڻ هو ته عمران خان هٽلر جو مثال ڏئي پاڻ کي به هٽلر ثابت ڪيو.
جعلي اڪائونٽ ڪيس ۾ جي آءِ ٽي خانه پوري ڪئي، هر سوال جو جواب ڏينداسين
پي ٽي آءِ بي سهارا پارٽي آهي، جن کي ڪير به نه سڃاڻيندو هو اهي به وزيراعظم ٿي ويا
حيدرآباد (رپورٽر) پيپلزپارٽي جي مرڪزي اطلاعات سيڪريٽري مولا بخش چانڊيو چيو آهي ته تحريڪ انصاف بي سهارا آهي، بي سهارا پارٽي جو وزيراعظم گهڻو وقت نه هلي سگهندو، حيدرآباد ۾ پريس ڪانرنس ڪندي مولا بخش چانڊيو چيو ته جن کي ڪير سڃاڻيندو ئي نه هو اهي به وزيراعظم بڻجي ويا، جي آءِ ٽي رڳو پنهنجي خانا پوري ڪئي آهي معاملو عدالت ۾ آهي عدالت جيڪي سوال ڪندي ان جو جواب ڏينداسين، هن چيو ته جي آئي ٽي جهانگير ترين ۽ ذلفي توڙي ڪي پي ڪي جي وزيراعلي تي جي آءِ ٽي ڇو نه نه ٿي ٺهي؟ موٽو ۽ شيرو جو خرچ ڪٿان ٿو اچي، اسلام آباد محل ۾ خان صاحب رهي ٿو ان جو خرچ ڪٿان ايندو آهي؟ ٻڌايو وڃي.
سڀ ڄاڻن ٿا تھ ن ليگ جي ضياءُ انجنيئرنگ ڪئي،احسن اقبال تي گهڻو اعتماد هوندو هو
نواز-زرداري جي واردات هڪ جهڙي آهي، سنڌ جي 35 سيڪڙو بجيٽ زرداري گروپ ڏانهن وئي
اسلام آباد (م ڊ) سڌ سماءَ واري وفاقي وزير فواد چوڌري چيو آهي ته ٺڳز آف پاڪستان حڪومت تي الزام هنيا، دنيا جي سڀ کان وڏي مني لانڊرنگ نيٽ ورڪ کي نواز-زرداري خاندانن گڏجي هلايو، سڀ ڄاڻن ته نواز ليگ جي انجنيئرنگ ڪئي، احسن اقبال وساري ڇڏيو آهي، ن ليگ اڳواڻن جي پريس ڪانفرنس جي رد عمل ۾ وفاقي وزير فواد چوڌري چيو ته نوازشريف صاحب جنرل ضياءَ کان اڳ ته ڪائونسلر به نه چونڊيو هو، ن ليگ جي انجنيئرنگ ضياءُ ڪئي، احسن اقبال تاريخ وساري ڇڏي آهي، ضياءُ الحق مٿس گهڻو اعتماد ڪندو هو، هن چيو ته نوازشريف ۽ آصف زرداري جي واردات جو طريقو هڪ جهڙو آهي، پنجاب جي سڀ کان وڏي منصوبي جي رقم حسن ۽ حسين نواز ڏانهن وئي، سنڌ جي ترقي جي بجيٽ جا 35 سيڪڙو زرداري گروپ کي ملندا رهيا، عدالتي فيصلي جو جواب اهو ڏنو پيو وڃي ته اسان چور آهيون ته ڇا ٿيو؟. هن چيو ته پي ٽي آءِ کي اهو مينڊيٽ آهي ته اسان کي احتساب ڪرڻو آهي، سمورا ڪيس اسانجي حڪومت کان اڳ جا آهن، اسان حڪومت اچي انهن سمورن معاملن کان پاڻ کي ڌار ڪيو، ادارن کي ڪم ڪرڻ ڏنوسين، ن ليگ جاچ ۾ نيب سان سهڪار نه ڪيو، هن چيو ته جاتي امرا 100 ايڪڙن تي ٺهيل آهي، 700 ملازم آهن، نوازشريف جي پٽ جي لنڊن ۾ اربين ڊالرز جي ملڪيت آهي، ان موقعي تي حماد اظهر چيو ته نيب ۽ جي آءِ ٽي جيترو ڏکين ٽرانزيڪشن تي ڪم ڪيو، اهو ساراهه جوڳو آهي، عليمه خان مني ٽريل ثابت نه ڪري سگهي ها ته ان سان اهو ئي ٿئي ها هنن سان ٿي رهيو آهي،، نوازشريف کي هر جاءِ تي صفائي جو موقعو مليو، هاڻي هاءِ ڪورٽ ۾ به ان کي موقعو ملندو ته ٻڌائي پئسا ڪٿان آيا؟.
اسلام آباد: جي آءِ ٽي جي رپورٽ موجب فريال ٽالپر کي زرداري ۽ بحريه گروپس جي ڪمپني JV-OPAL-225 پاران هڪ ارب 22 ڪروڙ رپين جي ادائگي ڪئي وئي. انهي ڪمپني جي عمارت جنهن پلاٽ تي قائم ڪئي وئي تنهن جو مالڪ حاڪم علي زرداري آهي.
عليمه خان جو احتساب ڪير ڪندو؟ ملڪ ۾ مڙهيل حڪومت وينٽيليٽر تي زنده آهي
اسلام آباد (م ڊ) مسلم ليگ ن جي اڳواڻ احسن اقبال چيو آهي ته سليڪٽيڊ وزيراعظم ملڪ ۾ سليڪٽيڊ احتساب ڪري رهيو آهي، حڪومت وينٽي ليٽر تي زنده آهي، اسلام آباد ۾ پريس ڪانفرنس ڪندي احسن اقبال چيو ته اپوزيشن خلاف انتقامي ڪارروايون ڪيون پيون وڃن، اسان ان خلاف قانوني جنگ وڙهنداسين، نوازشريف خلاف نيب ڪوبه ثبوت پيش نه ڪري سگهيو، فيصلي ۾ شروع کان آخر تائين هڪ لفظ به نه هو ته ڪهڙي قسم جي ڪرپشن ڪئي وئي آهي، موجوده احتساب عمل ٻه رخو آهي، ليگي اڳواڻن کي جاچ دوران گرفتار ڪيو ويندو آهي، جڏهن ته تحريڪ انصاف ۽ ان جي اڳواڻن خاص رعايت حاصل آهي، هن چيو ته هڪ اهڙي حڪومت مڙهي وئي آهي جيڪا وينٽي ليٽر تي زنده آهي.
ڪراچي ( ن پ ا ) ڊي آءِ جي سائوٿ جاويد عالم اوڍو ڪراچي جي مختلف گرجا گهرن جا دورا ڪري سڪيورٽي جو جائزو ورتو ۽ مسيحي برادري کي ڪرسمس جون واڌايون به ڏنيون
ڊي آءِ جي سائوٿ جاويد عالم اوڍو ۽ ايس ايس پي سائوٿ سيد پير محمد شاهه ڪراچي جي ٽرينيٽي چرچ پهتا، جتي هنن ڪرسمس جي موقعي تي مسيحي برادري کي واڌايون ڏنيون.
ڊي آءِ جي جاويد عالم اوڍو پاران مسيحي برادري کي گلدستو ۽ ڪيڪ به پيش ڪيو ويو.
ان کانسواءِ ڊي آءِ جي ۽ ايس ايس پي ڏکڻ شهر جي مختلف گرجا گهرن جا دورا ڪري سڪيورٽي جو جائزو ورتو.
فلم جي ڪهاڻي چراغ ۾ قيد جن ۽ الادين جي زندگي چوڌاري گهمي ٿي
لاس اينجلس (شوبز نيوز) وچ اوڀر جي مشهور تاريخي ڪهاڻي الادين بابت هالي ووڊ فلم ٺاهي پئي وڃي، جنهن ۾ مرڪزي ڪردار مينا مسعود ادا ڪندو، جڏهن ته ول سمٿ جيني ۽ نومي اسڪاٽ جاسمين بڻجندي. الادين جو نيون جهلڪيون جاري ڪيون ويون آهن، جنهن ۾ ول سمٿ ۽ مرڪزي ڪردار پاران پنهنجي مداحن نالي پيغام پڻ جاري ڪيو آهي. فينٽسي ۽ جادو سان گڏ ايڪشن سان ڀرپور فلم ايندڙ سال مئي ۾ ريليز ٿيندي. ڊزني جي ان فلم جو تمام گهڻو انتظار ڪيو پيو وڃي، جڏهن ته تاريخي فلم کي جديد ٽيڪنالاجي جي مدد سان ٺاهيو پيو وڃي. فلم جي هدايتڪاري گاءِ رچي ڏني آهي، جڏهن ته فلم کي موشن پڪچرز ڊزني والٽ اسٽوڊيو جي مدد سان ٺاهيو پيو وڃي.
