حيدرآباد(رپورٽر) نيو وحدت ڪالوني ايڪشن ڪميٽي پاران نيو وحدت ڪالوني ۾ صفائي نه ٿيڻ ۽ صفائي عملو نه هجڻ خلاف حيدرآباد پريس ڪلب سامهون احتجاجي مظاهرو ڪيو ويو، ان موقعي تي شاهد سومرو، افتخار چارڻ، غلام نبي ۽ ٻين چيو ته نيو وحدت ڪالوني جا صفائي ورا پراڻا 4ملازم 2 سال اگ رٽائرڊ ٿي ويا آهن، پر هن وقت تائين سندنجاءَ تي ڪو به صفائي وارو مقرر ناهي ڪيو ويو، جنهن سبب ڪالوني جي گٽرن وارو پاڻي گهٽين ۾ بيٺل آهی، هنن لاڳاپيل اختيارين کي اپيل ڪئي ته نيو وحدت ڪالوني ۾ ڀنگي مقرر ڪري نيو وحدت ڪالوني ۾ صفائي ڪرائي وڃي .

حيدرآباد(ن پ ا) ڪشمور جي علائقي غوثپور جي رهواسين پوليس زيادتين خلاف حيدرآباد پريس ڪلب سامهون احتجاج ڪيو ان موقعي تي محمد سليمان دانهيندي چيو ته جمعي جي نماز واري ٽائم تي سندس موٽر سائيڪل مسجد اڳيان چوري ٿي وئي جتي مسجد اڳيان 2 پوليس اهلڪار به موجود هئا. موٽرسائيڪل چوري جي رپورٽ غوثپور ٿاڻي تي داخل ڪرائي آهي پوليس موٽرسائيڪل ڳولڻ جي بدران سندس کي خاموش رهڻ لاءِ ڌمڪائي رهي آهي ٻئي طرف خيرپورناٿن شاهه جي رهواسين سڪندر علي چانڊيو ، عبدالواحد لغاري ۽ صداقت چانڊيو پاران ميونسپل ڪميٽي ڪي اين شاه جي انتظاميه خلاف علامتي بک هڙتال ڪئي، هنن چيو ته گذريل اٺن سال کان هو ڪي اين شاهه ميونسپل ڪميٽي ۾ ملازم هيا، پر ميونسپل ڪميٽي ۾ سياسي گروپ بندي هجڻ ڪري گذريل 6 سالن کان سندن جي پگهار بند ڪئي وئي آهي نوڪري ختم ڪئي وئي آهي . هنن وزير اعلي سنڌ کي اپيل ڪئي ته ڄاڻايل معاملن جو نوٽيس وٺي ساڻن انصاف ڪيو وڃي.

ڄام صاحب ( ن پ ا) ڄام صاحب ۾ عيسائي برادري پاران برادري پاران ڪرسمس جي حوالي سان جشن پروگرام ٿيو جنهن ۾ عيسائي برادري عورتن ۽ بارن سميت وڏي انگ ۾ شرڪت ڪئي . پروگرام ۾ ٽيبلوز ۽خاڪا پيش ڪيا ويا ۽ ڪرسمس جو ڪيڪ ڪاٽيو ويو ۽ مسيح برادري جي اڳواڻن دلاور مسيح ، شوڪت مسيح ، جيمس مسيح ۽ٻين پاران آيل مھمان ڊاڪٽر نظام الدين ڀٽي ، محمد صالح زرداري، جاويد پلھه ۽ ٻين کي اجرڪ پارايا . مسيح برادري جي اڳواڻن صحافين سان ڳالھائيندي چيو ته اسان جي عبادت ڪرڻ لاءِ ڄام صاحب ۾ چرچ نه ھئڻ ڪري سخت پريشان آھيون جيئن ته ھر ڪنھن کي عبادت ڪرڻ جو حق آھي ۽ ھرڪو پنھنجي عبادت گاھ ۾ عبادت ڪندو رھي ٿو مگر اسان جي شھر ۾ اسان جي لاءِ عبادتگاھ چرچ ناهي .اسان اعليٰ اختيارين کان گھر ٿاڪيون ته اسان کي چرچ ٺھرائي ڏنو وڃي ته جيئن اسان عبادت جي ڏينھن ۾ عبادت ڪري سگھون .

پکو ( ن پ ا) سردي جي لهر ۾ واڌ کانپوءِ ٻين شهرن وانگر پکي شهر ۾ به گرم ڪپڙن توڙي ڊرائي فروٽ جي وڪري ۾واڌ اچي وئي آهي .شهر ۾ مختلف هنڌن تي لنڊي جا گرم ڪپڙا وڪرو ڪيا پيا وڃن .اسٽالن تي گرم کٿا،لويون، جوتا جيڪيٽ ، جوراب ، ڪوٽ، مفلر ۽ ٻيا گرم ڪپڙا رکيا ويا آھن ، اسٽالن تي سج اڀرڻ سان ئي علائقي جي ڪيترن ڳوٺن يارو ديرو، گهوگهاري،ديدڙ، چانڊو وليج نور محمد مغيري يار محمد علي محمد ورک، ڳوٺ سميت ٻين ڳوٺن جا ماڻھون پھچي گرم ڪپڙن جي خريداري ڪن ٿا . سيزن جو فائدو وٺندي گرم ڪپڙا وڪرو ڪندڙن به قيمتن ۾ واڌ ڪري ڇڏي آهي . گرم ڪپڙا خريد ڪندڙن جي عبدالجبار، سلطان،سليم،وسيم،ستار مغيري،زاهد خشڪ، محمد وسيم ، ممتاز، ۽ ٻين دانهون ڪندي ٻڌايو ته شهر جي مڙني علائقن ۾ افغاني پٺاڻن جي لوڌ پهچي وئي آهي لنڊي جا سوئيٽر ،جيڪٽ، ٽوپلا ، جوراب، پراڻا جوتا ۽ ٻئي سامان جا اگهه وڌائي ڇڏيا آهن . شهر ۾ مڱ، لاهوري گجرون ، توڙي سوپ به وڪرو ٿي رهيو .

پوليس ڪانسٽيبل گهران ڪاوڙجي المنظر پهتي، جتي هن سنڌو درياهه ۾ ٽپو ڏئي آپگهات ڪرڻ جي ڪوشش ڪئي ته ڀر ۾ موجود پوليس اهلڪار کيس ڏسي ورتو ۽ فوري طور کيس پڪڙي آپگهات ڪرڻ کان روڪيو.
آپگهات جي ڪوشش ڪندڙ هيڊ ڪانسٽيبل انيلا شيخ حيدرآباد جي رهواسڻ آهي، ڄامشورو پوليس کيس وارثن حوالي ڪري ڇڏيو

روھڙي: ريلوي اسٽيشن تي ڪسٽم پوليس جو ڪوئيٽا کان ايندڙ اڪبر ايڪسپريس تي ڇاپو ھنيو آھي. ڇاپي دوران لکين رپين جي ملڪيت جا ڪمبل، سائيڪلون، ھيلميٽ، گاڏين جا اسپيئر پارٽس ۽ ٻيو سامان ھٿ ڪرڻ جي دعويٰ ڪئي وئي آھي.