خوشاب (م ڊ)خوشاب ۾ پيءُ هٿان 5 ورهين جي معصوم ٻاڙي فوت ٿي وئي ، پوليس جوابدار کي گرفتار ڪري ورتو آهي . پوليس موجب خوشاب جي شڪرڪوٽ واري علائقي ۾ افغان مهاجرن جي گهر ۾ پئسن جي ڏيتي ليتي تان جهيڙو ٿي پيو جنهن ۾ جوابدار پنهنجي 5 ورهين جي ڌي کي ڪاوڙ ۾ کڻي پٽ تي اڇلايو جنهن جي نتيجي ۾ ٻارڙي ٿڏي تي فوت ٿي وئي . اطلاع تي پوليس پهچي فوتي ٻارڙي جي پيءَ باچا خان ۽ سندس ڏاڏي کي گرفتار ڪري ورتو . فوتي ٻارڙي جي ڏاڏي پوليس کي ٻڌايو ته سندس پٽ اڪثر گهر ۾ جهيڙا ڪندو آهي ۽ هن پئسا نه ڏيڻ تي ڌي کي ڪاوڙ ۾ اچي قتل ڪيو .هن ٻڌايو ته سندس پٽ نافرمان آهي ،هو اڪثر کيس به تشدد جو نشانو بڻائيندو آهي .
خوشاب ۾سنگدل پيءُ معمولي جهيڙي تان معصوم ڌيءُ کي قتل ڪري ڇڏيو
شڪرڪوٽ ۾ گهريلو جهيڙي ۾ پيءُ 5 ورهين جي ٻارڙي کي زمين تي اڇايو، جنهن ۾ هو فوت ٿي وئي
جوابدار باچا خان والد کان پئسا گهريا نه ڏيڻ تي هن ڪاوڙ ۾ اچي معصوم ٻارڙي کي پٽ تي اڇلايو
گڙھي خيرو:دڪان کي کاٽ.ھزارين رپيا چوري
ڳڙهي خيرو(رپورٽر)لعل شاھ بري ۾ اڻ ڄاتل چور درگاھ لعل شاھ بري جي فقير عبدالغفار شيخ جي منيارڪي دڪان کي کاٽ ھڻي ھزارين روپين جو سامان چوري ڪري ويا.دڪان جي سامھون ڪجھ فوٽن تي پوليس چوڪي ھجڻ باوجود چور چوري ڪري آساني سان فرار ٿي ويا..
فرانس ۾ ٻلي برف باري ڏسي رقص ڪرڻ شروع ڪري ڇڏيو
سيزن ۾ پهريون ڀيرو ٻلي برف باري ڏٺي ته جهومڻ شروع ڪري ڇڏيو، وڊيو وائرل
پيرس (دلچسپ) فرانس ۾ ٻلي برف باري ڏسڻ کانپوءِ جهومڻ لڳي جنهن جي وڊيو انٽرنيٽ تي تمام گهڻي وائرل ٿي رهي آهي. سڄي دنيا ۾ برف باري کي جتي ماڻهو لطف اندوز ڪن ٿا، اتي جانور به خوشي جو اظهار ڪرڻ کان رهي نٿا سهگهن، اهڙو ئي اظهار فرانس ۾ هڪ ٻلي ڪيو. فرانس جي ان ٻلي جڏهن پهريون ڀيرو برف ڏٺي ته جهومڻ لڳي، ٻلي کي پڪڙڻ لاءِ مالڪ به ڪوششون ڪرڻ لڳو، جنهن دوران ڏسڻ وارا به خوش ٿيندا رهيا.
سنڌ هاءِ ڪورٽ حيدرآباد بار ايسوسيئيشن جون چونڊون جاري
صدارتي عهدي لاءِ نثار دراني ۽ جگديش آر مولاڻي وچ ۾ سخت مقابلي جو امڪان
سنڌ هاءِ ڪورٽ حيدرآباد بار جي چونڊ جو حتمي نتيجو 24 ڊسمبر تي جاري ڪيو ويندو
حيدرآباد (رپورٽر) سنڌ هاءِ ڪورٽ حيدرآباد بار ايسوسيئيشن جي چونڊ لاءِ پولنگ جاري آهي، صدارتي عهدي لاءِ نثار دراني ۽ جگديش آر مولاڻي وچ ۾ سخت مقابلي جو امڪان ظاهر ڪيو پيو وڃي.
هاءِ ڪورٽ بار ايسوسيئيشن جي پولنگ صبح نائين وڳي شروع ٿيڻي هئي پر ووٽر لسٽ وقت سر نه ملڻ سبب وقت وڌايو ويو، جنهن بعد پولنگ 10 وڳي شروع ٿي، جيڪا شام 6 وڳي تائين جاري رهندي.
هاءِ ڪورٽ بار ايسوسيئشن جي صدارتي عهدي تي نثار دراني ۽ جگديش آر مولاڻي وچ ۾ مقابلي جو امڪان آهي، جڏهن ته لائبريري سيڪريٽري لاءِ چار اميدوار ميدان تي لٿل آهن، خزانچي لاءِ بشير احمد عالماڻي ۽ محسن گوپانگ ۾ سخت مقابلي جو امڪان ظاهر ڪيو پيو وڃي، چونڊ جو حتمي نتيجو 24 ڊسمبر تي جاري ڪيو ويندو
جهول پوليس ڌاڙيل اسد جوڻيجو کي هاف فراءِ ڪرڻ بعد گرفتار ڪري ورتو، ٻيو فرار
گشتي پوليس سان مقابلي بعد 3 ڌاڙيل اوندهه جو فائدو وٺي فرار ٿي ويا: ايس ايس پي سانگهڙ
فرار ٿي ويل ڌاڙيلن جي ڳولا لاءِ ڇاپن جو سلسلو جاري آهي: ايس ايس پي ذيشان شفيق
سانگهڙ(رپورٽر) جهول پوليس مبينا مقابلي دوران هڪ ڌاڙيل کي زخمي حالت ۾ رپيٽر سميت گرفتار ڪرڻ جي دعويٰ ڪئي آهي، 3 فرار ٿي ويا.
ايس ايس پي سانگهڙ ذيشان شفيق صديقي موجب نوان آباد بوبي روڊ تي رات دير سان گشتي پوليس تي هٿياربندن فائرنگ ڪئي، جنهن بعد مقابلو ٿيو، ايس ايس پي دعويٰ ڪئي ته مقابلي دوران فائرنگ جي ڏي وٺ ۾ گولي لڳڻ سبب هڪ ڌاڙيل زخمي اسد الله جوڻيجو ٿي پيو، جڏهن ته 3 ڌاڙيل اوندهه جو فائدو وٺي فرار ٿي ويا.
ايس ايس پي چيو ته، زخمي ڌاڙيل وٽان هڪ رپيٽر ۽ 7 ڪارتوس هٿ آيا، ڄنگهه ۾ گولي لڳڻ سبب زخمي ٿيل ڌاڙيل کي حراست ۾ وٺي سول اسپتال سانگهڙ منتقل ڪيو ويو ، فرار ٿي ويل ڌاڙيلن جي گرفتاري لاءِ ڇاپن جو سلسلو جاري آهي.
ذيشان شفيق موجب گرفتار ڪيل ڌاڙيل ڦرلٽ ۽ ٻين سنگين ڪاررواين جي 8 ڪيسن ۾ پوليس کي گهربل هو، وڌيڪ جاچ ڪئي پئي وڃي.
ڪراچي ۾ ڦر مزاحمت دورن هڪ ڄڻو مارجي ويو، ٻيو ذاتي دشمني ۾ قتل، پوليس 6 ڏوهارين کي گرفتار ڪري ورتو
پي آءَ بي ڪالوني ۾ هٿياربندن جي فائرنگ ۾ ماجد نالي شخص قتل،واقعو ذاتي دشمني قرار
ڪراسنگ تي ڦر مزاحمت دوران فائرنگ ۾ قاسم قتل ٿي ويو، جوابدار فرار
ڪراچي (رپورٽر)ڪراچي ۾ هٿياربندن جي فائرنگ ۾ 2 ڄڻا حياتيون وڃائي ويٺا جڏهن ته پوليس مختلف علائقن ۾ ڪارروايون ڪندي مختلف ڪيسن ۾ گهربل 6 جوابدارن کي گرفتار ڪري ورتو آهي .ڪورنگي جي پي آءَ بي ڪالوني ۾ هٿياربندن جي فائرنف ۾ ماجد نالي هڪ شخص قتل ٿي ويو .پوليس جو چوڻ آهي ته واقعو ذاتي دشمني تان پيش آيو .جڏهن ته ڪورنگي ڪراسنگ تي ڦر دوران مزاحمت تي هٿياربندن جي فائرنگ ۾ قاسم قتل ٿي ويو ،جوابدار واقعي بعد فرار ٿيڻ ۾ ڪامياب ٿي ويا .بهادرآباد ۾ پوليس ڪارروائي ڪندي هڪ ڀتي خور کي گرفتار ڪري ورتو .ملير سٽي واري علائقي ۾ به پوليس ڪارروائي ڪنديهڪ منشيات فروش کي گرفتار ڪري ورتو آهي .ڀينس ڪالوني ۾پوليس گرفتار گٽڪي جي فيڪٽري تي ڇاپو هڻي مالڪ کي گرفتار ڪيو ويو .
اسپتال جون ايمبولينسون بااثرن جي استعمال هيٺ، هڪڙي گاڏي به گم
نوابشاهه: اسپتال ۾ 6 ايمبولينسون آھن جنھن مان ٻہ نہ ھلڻ جي برابر آھن جڏھن تہ 3 ايمبولينس بولان جيڪي مريضن کي کڻڻ بجاء پنھنجي بااثر ماڻھن جي مريضن کي ٻين اسپتالن لاء شفٽ ڪرڻ لاء رکيون ويون آھن جڏھن ته ٻن ڪارن مان ھڪڙي ڪار ايم ايس جي استعمال مہ آھي جڏھن تہ ٻي ڪار جي خبر ناھي تہ ڪنھن جي استعمال ۾ آھي.
ٽِڪي ڦوٽَي ۾ به پنهنجا نوازي، معياري دوائون بااثرن کي ملڻ لڳيون
نوابشاهه: معياري ء ملٽي نيشنل ڪمپنين جون دوائون ضلعي جي آفيسرن ء با اثر ماڻھن کي ايل پي ڪري ڏنيون وينديون آھن جيڪي اسپتال ۾ داخل ئي نه ھوندا آھن.اهڙي پنهنجا نوازي باوجود اختيار ڌڻي ننڍ ستل آهن عوام جون داد فرياد ٻڌڻ لاءِ ڪنهن وٺ به ٽائم ناهي
ڪلوئي ۾ امدادي سامان نھ ملڻ خلاف مختلف ڳوٺن جي رھواسين جو احتجاج
ڳوٺ کاڙڪ، آرڏو، سارھوڙ، پاٽار ۽ ٻين ڳوٺن جي رھواسين ٻئي ڏينھن بھ احتجاج ڪيو
ڳورھاري عورتن لاءِ ايندڙ امدادي سامان من پسند ماڻهن ۾ ورهايو پيو وڃي، متاثر پريشان حال آھن: ڳوٺاڻا
ڪلوئي( ن پ ا) ڪلوئي تعلقي جي مختلف ڳوٺن ۾ ڳورهاري ۽ ڪمزور عورتن کي ملندڙ امدادي سامان نه ملڻ خلاف ڏڪار سٽيل ڳوٺاڻن ٻئي ڏينهن به دانهيندي پريس ڪلب ڪلوئي پهچي احتجاج ڪيو. ڳوٺ کاڙڪ، لوهه سنجراڻي، آرڏو، سارهوڙ، پاٽار ۽ ٻين ڳوٺن جي رهواسين منظور لنڊ، حاجي محمد، الهورايو سنجراڻي، منگل رام ۽ ٻين صحافين آڏو دانهيندي چيو ته صحت کاتي ٿرپارڪر پاران ملندڙ ڳورهاري ۽ ڪمزور عورتن جو امدادي سامان من پسند ماڻهن ۾ ورهايو پيو وڃي، جڏھن تھ ڪجھھ علائقن ۾ جيڪو امدادي ملي پيو، انھن بيگن مان بھ سامان ڪڍيو پيو وڃي. ھنن چيو تھ ڳوٺ گڏر ۾ امدادي سامان سان ڀريل گاڏي پهتي ته لسٽن ۾ نالا شامل نه هئڻ ۽ راشن نه ملڻ سبب ڪيترن ئي ڏڪار متاثر عورتن ۽ مردن امدادي سامان سان ڀريل گاڏي جو گهيراءٌ ڪري ورتو. ڳوٺاڻن جو چوڻ ھو تھ صورتحال خراب ٿيڻ جي خدشي سبب ڪلوئي پوليس ڪئي وئي. پوليس پھچي گھيراءُ ڪندڙ ماڻھن کي ھٽايو ۽ ڊپٽي ڪمشنر رڳو دلاسا ڏيندو رھيو. ڏڪار متاثر ڳوٺاڻن اعلي اختيارين کان امدادي سامان جي منصفاڻي ورڇ ۽ لسٽن ۾ نالا شامل ڪرڻ جو مطالبو ڪيو آھي.
ٿر ۾ معصوم ٻارڙن جيان قدرتي حسن مور پکين تي بھ موت جا لامارا
ڪلوئي ويجھو ڳوٺ ڪيڙ ٻارو ۾ راڻي کيت بيماري وگھي وڌيڪ 2 مور پکي مري ويا
ھن مھيني مرندڙ مورن جو انگ وڌي 14 ٿي ويو، ڳوٺاڻا دوا درمل ڪرڻ لڳا، وائيلڊ لائيف کاتو ننڊ ستل
ڪلوئي( ن پ ا) ڪلوئي تعلقي جي ڳوٺن ۾ ٿر جو فطري حسن مور پکي پراسرار بيمارين ۾ مبتلا هجڻ سبب تيزيءَ سان ختم ٿيڻ لڳو آھي. ڳوٺ ڪيڙ ٻارو ۾ راڻي کيت بيماري وگھي وڌيڪ 2 مور مري ويا، جنهن بعد ھلندڙ مهيني دوران مختلف بيمارين وگهي مرندڙ مورن جو انگ وڌي 14 ٿي ويو آهي. اھڙي ريت ڳوٺ ڪيڙ ٻارو سميت کاڙڪ، لس ۽ ٻين ڳوٺن ۾ ڪيترائي مور پکي پراسرار بيمارين ۾ وڪوڙيل آهن، جن جو ڳوٺاڻا پنهنجي مدد پاڻ تحت دوا درمل ڪري رهيا آهن پر وائلڊ لائف کاتو ٿرپارڪر منظر تان غائب آهي. ڳوٺاڻن مير محمد نهڙيو، ربڏنو نهڙيو، اميد علي لنڊ ۽ ٻين لاڳاپيل ادارن کان فوري طور مرندڙ مورن طرف ڌيان ڏيارڻ جي گهر ڪئي آھي.
ڏاھلي ويجھو اسڪول 3 سالن کان بند، رھواسين جو عدالت وڃڻ جو اعلان
ڳوٺ ڪٻڙي جو پرائمري اسڪول بند ھئڻ خلاف ڳوٺاڻن ميڊيا آڏو دانھيو
54 سال پراڻو اسڪول بند ھئڻ ڪرڻ بند ٿي ويو، ٻارڙن جو مستقبل داءَ تي لڳل آھي: ڳوٺاڻا
عمرڪوٽ (ن پ ا) ڏاھلي تعلقي جي ڳوٺ ڪٻڙي جو پرائمري اسڪول بند پيل آھي پر تعليم کاتي جي عملدار اسڪول کولرائڻ لاءِ ڪو بھ قدم نھ کنيو ۽ نھ ئي ٻارڙن جي تعليم متاثر ٿيڻ جو نوٽيس ورتو ويو. انڪري ڳوٺاڻن مسئلي جي حل لاء قانوني جدوجھد ڪرڻ جو فيصلو ڪري ورتو آھي. رھواسي حاجي عبدالرئوف راھمون ڇاڇرو پريس ڪلب پهچي ميڊيا کي ٻڌايو ته تاريخي ڳوٺ ڪٻڙي جو 54 سال پراڻو پرائمري اسڪول ٽن سالن کان بند پيل آھي، جنھن سبب سوين شاگردن جو مستقبل داءَ تي لڳل آھي، جڏھن تھ استاد عباس راھمون اسڪول رڪارڊ ۽ جي آر رجسٽر گم ڪري ڇڏيو آھي. ھن چيو تھ تعليم کاتو خاموش بڻيل آھي، ڊائريڪٽر پرائمري اسڪولز ميرپورخاص سان ملاقات ڪري جاچ جو مطالبو ڪنداسين، بھتر موٽ نھ ملي تھ عدالت جو رخ ڪيو ويندو. ڳوٺاڻن تعليم واري وزير، سيڪريٽري تعليم ۽ وس وارن کان نوٽيس وٺي بند پيل اسڪول کولرائڻ جو مطالبو پڻ ڪيو.
2008ع ۾ قائم لائبريري 10 لک ساليانو بجيٽ باوجود ترقي نه ماڻي
خيرپور: ڳوٺ سوهو ڪناسره ۾ ثقافت کاتي پاران سال 2008ع ۾ عطا محمد حامي جي نالي سان لائبريري ته قائم ڪئي وئي ۽ هر سال لائبريري کي 10 لک 30 هزار گرانٽ به ملندي رهي آهي. اُن باوجود انتظامي بي ڌياني سبب لابريري جي ڪتابن ۾ ڌوڙ ۽ اڏوهي چڙهي وئي آهي. ڇاڪاڻ جو عطا محمد حامي سياست ۾ به گهڻي دلچسپي رکندو هو، تنهن ڪري 1951ع ۾ خيرپور رياست جي ليجسليٽو اسيمبلي جي ميمبرشپ لاءِ چونڊ وڙهي ۽ ڪامياب ٿيڻ کانپوءِ خيرپور جي ليجسليٽو اسيمبلي ۾ اپوزيشن ليڊر جو ڪردار ادا ڪندي عوام لاءِ ڀرپور آواز اٿاريندو رهيو. عطا محمد حامي ايوب خان جي آمريت دوران فاطمه جناح جي حمايت ۾ به ڀرپور چونڊ مهم هلائي. اڳوڻي وزيراعظم شهيد ذوالفقار علي ڀٽو پاڪستان پيپلز پارٽي قائم ڪئي ته عطا محمد اُڻ ۾ شموليت اختيار ڪئي ۽ ساهه جي آخري گهڙين تائين پيپلز پارٽي سان سلهاڙيل رهيو.
حامي جو لاڙو سڄي ڄمار پ پ سان رهيو، علم ۽ ادب ۾ به غيرمعمولي خدمتون
خيرپور: عطا محمد حامي جو سموري حياتي سياسي لاڙو پيپلز پارٽي ڏانهن هو پر علم ۽ ادب ۾ به سندس وڏويو خدمتون هيون .حامي جي قلمي پورهئي تي نه رڳو حامي يادگار ڪميٽي پر مقامي سطح تي پيپلز پارٽي طرفان به ڪانفرنسون ڪوٺايون وينديون آهن. افسوسناڪ پهلو هي به آهي ته حامي يادگار ڪميٽي تي الزام لڳندا رهيا آهن ته اُها سياسي اثررسوخ ۾ اچي من پسند ماڻهن کي ايوارڊز ڏيندي رهي آهي. ڊاڪٽر عطا محمد حامي استاد جي پيشي سان به بخوبي نڀايو. پهرين هُن ناز هاءِ اسڪول ۾ ٻارن کي تعليم سان روشناس ڪرايو ۽ بعد ۾ ڪميشن جو امتحان پاس ڪري ليڪچرار ٿيو. پهرين سندس ٽنڊي محمد خان جي ڪاليج ۾ ڊيوٽي لڳائي وئي پر اُن کانپوءِ کيس ممتاز ڪاليج خيرپور ۾ بدلي ڪيو ويو
“حامي وسري ويو” خيرپور ۾ حامي جي نالي سان لائبريري ۽ ٻيا ادا لاپرواهه انتظاميا حوالي
ڳوٺ سوهو ڪناسره ۾ اک کوليندڙ عطا محمد حامي سنڌي ادب ۽ تاريخ ۾ پنهنجو الڳ نانءُ ڪمايو،
حامي جي نالي سان قائم لائبريري ساليانو فنڊز ملڻ باوجود بي ڌياني جو شڪار، خاص علاج نٿو ٿئي
خيرپور (پورٽ: عرفان ڦلپوٽو) سنڌ جي صوفي شاعرن شاھ لطيف ۽ سچل سرمست کانپوءِ عروضي شاعري جي پوري دسترس رکندڙ ۽ محقق ڊاڪٽر عطا محمد حامي جي ورسيءَ تي ميلو لڳايو وڃي ٿو. خيرپور جي ڪوٽڏيجي تعلقي جي ڳوٺ سوھر ڪناسره ۾ مدفن عطا محمد حاميءَ جي ورسي جون مھيني جي پھرين ھفتي ۾ ملھائي ويندي آهي، جنھن ۾ ٻين پيرن، درويشن توڙي صوفين جي ميلن جيان هن ميلي ۾ به اسٽالز لڳايا وڃن ٿا ۽ مختلف علائقن کان آيل ماڻهو من جون مرادون پوريون ڪرڻ لاءِ باسون باسين ٿا. سنڌي ٻوليءَ تي پي ايڇ ڊي ڪندڙ ڊاڪٽر عطا محمد حامي جي عملي تدبر کان اڻڄاڻ ماڻهن کيس ھڪ پير بڻائي ڇڏيو آهي. “سکائون باسبيون پيرن تي پڙ وجھبا چلا ڪڍبا- سوين سيڪ جا سڳا تنھنجي ملڻ لئه سورڻا پوندا” جھڙي شاعري سرجيندڙ ڊاڪٽر عطا محمد حاميءَ جي مزار کي ماڻهن شفاء جو دڳ بڻائي ڇڏيو آهي. عطا محمد حامي لاءِ مشهور آهي ته هو پنهنجي حياتيءَ ۾ گهرجائو ماڻهن جي مدد ڪندو هو ۽ ڏکويل کي دلاسا ڏيندو هو. سندس اُن ئي وَڙُ جي ڪري ٻهراڙي جي ماڻهن مٿس بُذرگ هستي طور يقين ڪيو آهي ۽ اڃا به اُن ئي يقين سان عطا محمد حامي جي مقبري تي اچن ٿا ته باس باسڻ سان سندس گهرجون پوريون ٿي وينديون، ڏک ڏولاوا ختم ٿي ويندا. عطا محمد حامي 1982 ۾ فوت ٿي ويو ۽ سندس حياتيءَ ۾ ئي شاگرد سندس ادبي خدمتن تي ڪانفرنسون ڪوٺائيندا هئا.
خانپورمھر م سيپڪو ايڪسين جي کلي ڪچھري، صارفين شڪايتن جا دفتر کولي ڇڏيا
ايڪسيئن گھوٽڪي ارشاد بلوچ کلي ڪچهري ۾ عوام جا مسئلا ٻڌا، واڌو بل اماڻڻ وارو مسئلو حل ڪرڻ جي خاطري
صارفين سيپڪو خانڳڙهه خلاف واڌو بلن سميت شڪايتون ڪيون، جنهن تي ايڪسئين آفيسرن کي سخت ڇنڊ پٽي
خانپور(رپورٽر)خانپورمھر م سيپڪو ايڪسين گھوٽڪي کلي ڪچھري ڪري عوام جا مسئلا ٻڌا عوام پاران شڪايتن جا انبار لڳائي ايڪسيئن پاران موقعي تي مسئلا حل ڪيا ايڪسيئن گھوٽڪي ارشاد بلوچ ميڊيا سان ڳالھائيندي چيو ته صارفين ڏانھن آيل واڌو بل ڪٽيا آھن، جڏھن ته سيپڪو سب ڊويزن خانڳڙھ جي صارفين کي مسئلن مان ڪڍڻ لاء ھر ممڪن ڪوشش ڪئي ويندي. خانپورمھر جي سيپڪو آفيس م ايڪسيئن گھوٽڪي ارشاد بلوچ پاران منعقد ڪرايل کلي ڪچھري ۾ سوين صارفين شرڪت ڪري سيپڪو خانڳڙھ جي عملي خلاف شڪايتن جا انبار لڳائي ڇڏيا جڏھن ته ايڪسيئن گھوٽڪي پاران صارفين جا مسئلا ٻڌي عملي پاران اماڻيل واڌو بلن جي فوري ڪٽوتي ڪندي صارفين کي مڪمل سھڪار جو واعدو ڪيو.. صارفين سيپڪو خانڳڙهه خلاف واڌو بلن سميت شڪايتون ڪيون، جنهن تي ايڪسئين آفيسرن کي سخت ڇنڊ پٽي کلي ڪچھري بعد ايڪسيئن سيپڪو گھوٽڪي ارشاد بلوچ، انچارج ايس ڊي او امان الله ميراڻي، سٽي انچارج رياض عباسي، ربنواز ڪلوڙ ء ٻين سان گڏجي پريس ڪانفرنس ڪندي چيو ته لڳ ڀڳ 8 سئو صارفين جا مسئلا ٻڌي انھن کي حل ڪيو آھي کلي ڪچھري ڪرڻ جو مقصد صارفين جون شڪايتون ۽ اھنج معلوم ڪرڻ ھيو، ھن چيو ته سيپڪو سب ڊويزن خانڳڙھه ۾ زبون حال تارون توڙي ٿنڀا نوان لڳرائڻ جو عمل جلد شروع ڪيو ويندو، ھن چيو ته مون عملي کي تنبيھه ڪئي آھي ته صارفين سان ناجائزيون بند ڪري ساڻن بھتر ورتاء ڪيو وڃي.