ٽنڊوآدم (ن پ ا)ٽنڊي آدم ۾ نوجوان گهرڀاتين کان ناراض ٿي زهر پي ڇڏيو،ان ڏس ۾ٽنڊوآدم جي علائقي رشيد ڪالوني ۾ 25 ورهيه نوجوان محمد نذير پٽ محمد مائٽن کان ناراض ٿي زهريلي دواپي آپگهات جي ڪوشش ڪئي، جنهن کي وارثن تعلقي آسپتال آندو .
الزام لڳندا رهندا آهن، سمورا ثبوت عدالت ۾ڏينداسين:رحمان ملڪ
سکر (رپورٽر)پيپلزپارٽي اڳواڻ اڳوڻي وفاقي گهرو وزير رحمان ملڪ چيو آهي ته نالا اي سي ايل ۾ شامل ٿيندا آهن ۽ نڪرندا آهن، اها ڪا نئين ڳالهه ناهي، آصف زرداري اڳ به جيل ڪاٽيو پر مٿس ڪوبه ڪيس داخل نه ٿيو، الزام لڳندا رهندا آهن، پ پ سمورا ثبوت عدالت ۾ پيش ڪندي، هن چيو ته پرويز مشرف کي ڏيهه واپس آڻڻ حڪومت جي ذميواري آهي.
حيدرآباد ۾ پوليس موبائلون ڏوهارين کي پڪڙڻ بدران ڀاڄيون ڍوئڻ لڳيون
حيدرآباد(رپورٽ:فقير سليم)حيدرآباد ۾ پوليس جون موبائلون ڏوهارين خلاف ڪاررواين ڪرڻ بجاءِ ڀاڄيون ڍوئڻ لڳيون،ان ڏس ۾ هڪ فوٽو جنرلسٽ جي ڪئمرا ڀاڄيون ڍوئنيدڙ هڪ پوليس وين نمبر ايس پي 562 اي جي تصوير پنهنجي ڪئمرا ۾ فلمبند ڪري ورتي
معاشي ترقي لاءِ رڪاوٽون ختم ڪري رهيا آهيون:اسد عمر
اسلام آباد (رپورٽر) ناڻي واري وفاقي وزير اسد عمر چيو آهي ته معيشت جي ترقي لاءِ رڪاوٽون ختم ڪري رهيا آهيون، ناڻي جي ذخيرن کي وڌائڻ لاءِ اڃا وڌيڪ قدم کڻنداسين، ناڻي واري وفاقي وزير اسد عمر پريس ڪانفرنس ڪندي چيو ته پيداوار ۽ روزگار ۽ سيڙپڪاري ۾ واڌ ڪرڻي آهي، غيرملڪي ڪمپنين کي پاڪستان ۾ سيڙپڪاري تي راضي ڪرڻ لاءِ ڪوششون ڪري رهيا آهيون،انهن سان رابطي ۾ آهيون، اسان کي ايڪسپورٽ کي وڌائڻ ۽ هنرمندي کي هٿي ڏيڻ جي اهم ضرورت آهي،
لکي غلام شاهه ڀرسان ڪارنهن تڪرار،وڌيڪ هڪ زخمي فوت،مارجي ويلن جو انگ 4 ٿي ويو
مارجي ويلن ۾ سجاول خروس، سندس پٽ بلاول ۽ ڀائٽيا عابد ۽ نعمت الله شامل،ڌريون مورچا بند
مقتولن جا لاش پوسٽ مارٽم لاءِ لکي غلام شاهه منتقل ڪيا ويا،آءِ جي سنڌ واقعي جو نوٽيس ورتو
لکي غلام شاھ(رپورٽ:فھيم حيدر منگي ) لکي غلام شاھ لڳ محمود آباغ ٿاڻي جي ڪچي واري علائقي ۾ ڪارنهن تڪرار جي معاملي جو وڌيڪ هڪ زخمي فوت ٿي ويو آهي،جنهن بعد مارجي ويلن جو انگ 4 ٿي ويو،ڳوٺ متارو خروس ۾ ڪارنهن تڪرار تان خروس برادريء جي ٻن ڌرين عبدالقادر عرف انگاري خروس ۽ سجاول خروس جي ٻن ڌرين ۾ پراڻي ڪارنهن تڪرار تان بدنام ڌاڙيل عبدالقادر عرف انگاري خروس ڌر جي ماڻهن جديد هٿيارن سان ڳاڙھي (عورت واري ڌر) سجاول خروس جي گهرن تي حملو ڪري ڏنو. جنهن جي نتيجي ۾ سجاول خروس جي ڌر جا پيءُ ،پٽ سجاول ۽ بلاول ،ڀائٽيو عابد خروس نعمت الله سميت 4 ڄڻا قتل ٿي ويا آهن. جڏهن ته هڪ ڄڻو موج علي خروس زخمي ٿي پيو ،واقعي بعد علائقي ۾ خوف حراس ڇائنجي ويو. ڌريون مورچا بند آهن جڏهن ته آباد ملاڻي ايٽ محمود آباد پوليس واقعي واري جاءِ تي پهچي لاشن کي تحويل ۾ وٺي لاشن کي پوسٽ مارٽم لاءِ لکي سول اسپتال منتقل لاشن جو پوسٽ مارٽم ڪري وارثن حوالي ڪيو ويو .چئني مقتولن جا لاش ڳوٺ متارو خروس پهچڻ تي ڪهرام مچي ويو . جڏھن ته ٻنهي ڌرين ۾ وڌيڪ خونريزي جو خطرو آهي،هوڏانهن آءِ جي سنڌ واقعي جو نوٽيس ورتو آهي.
ننگرپارڪر جي دڪاندارن کي 4 جنوري تائين حددخليون هٽائڻ جي مهلت
اسٽنٽ ڪمشنر دڪاندارن سان ملاقات ڪري کين پاڻمرادو حددخليون هٽائڻ جي هدايت ڪئي
حددخليون نه هٽايون ويون ته 4 جنوري کان انتظاميه پاران هٽايون وينديون:اسسٽنٽ ڪمشنر
ننگرپارڪر (ن پ ا ) سپريم ڪورٽ جي حڪم تي سڄي ملڪ وانگر ننگرپارڪر ۾ حددخليون هٽائڻ لاء انتظاميه سرگرم ٿي وئي آهي، ان سلسلي ۾ اسسٽنٽ ڪمشنر ننگرپارڪر نورالدين هنگورجو شهر جي دڪانن جي مالڪن سان گڏجاڻي ڪئي ۽ ننگرپارڪر شهر جو دورو ڪري روڊ جي ماپ ڪري شهرين کي غيرقانوني اڏاوتون ختم ڪرڻ لاء سختي سان هدايتون جاري ڪيون . ان موقعي تي اسسٽنٽ ڪمشنر دڪانن جي مالڪن کي هدايت ڪئي ته ننگرپارڪر شهر جي مين روڊ کان ڪاسبو روڊ تائين 40 فوٽن تائين روڊن جي ويجهو ڪيل غيرقانوني اڏاوتون پاڻمرادو ختم ڪيو وڃن ۽ شهر ۾ روڊ جي وچ سينٽر کان روڊ جي ٻنهي پاسن تائين 20 فوٽ هڪ طرف ۽ روڊ جي سينٽر کان 20 فوٽ ٻئي طرف تائين ڪيل غيرقانوني اڏاوتون ختم ڪيون وڃن . ٻي صورت ۾ 4 کان 6 جنوري 2019ع تي ننگرپارڪر ۾ غيرقانوني اڏاوتن خلاف ڪرين مشين جي ذريعي ڪاروائي ڪري انتظاميه پاڻ ڊهرائيندي . جنهن کانپوء شهري سخت پريشان آهن شهري ذولفقار کوسو ، ولي محمد ، غازي خان ۽ ٻين جو چوڻ آهي ته ننگرپارڪر ننڍڙو ۽ تاريخي شهر جي حيثيت رکي ٿو ان ۾ 40 فوٽن جي بجاءِ 25 کان 30 فوٽن تائين حددخليون هٽايون وڃن . ننگرپارڪر شهر ورهاڱي کان اڳ ڪاروباري مرڪز سڏيو ويندو هو ۽ مارڪيٽ پڻ ورهاڱي اڳ جي ٺهيل آهي ، پراڻي مارڪيٽ ڊاهڻ کانپوءِ شهر تاريخي بجاء کنڊر جو ڏيک ڏيندو . ٻي طرف اسسٽنٽ ڪمشنر ننگرپارڪر نورالدين هنگورجو ٻڌايو ته سپريم ڪورٽ جي حڪم تي پوري ملڪ وانگر ٿرپارڪر ضلعي ۾ غيرقانوني حددخليون ختم ڪري روڊن کي ويڪرا ڪرڻ لاء ڪاروائي جو عمل جاري آهي ۽ ٿرپارڪر ضلعي جي مختلف شهرن مٺي ،اسلام ڪوٽ ۽ چيلهار ۾ غيرقانوني حددخليون هٽائڻ لاء آپريشن مڪمل ٿي چڪو آهي ۽ ننگرپارڪر ،ڏانوڌاندل ۽ ويراواهہ ۾ 4 کان 6 جنوري 2019ع تي حددخلين جي خلاف آپريشن ڪيو ويندو .
لاڏلي جي ڦاٽل دهلن للڪاريو آھي، مقابلو ڪبو:آصف زرداري
بلاول منهنجو ۽ بينظير جو پٽ آهي، انکي ڪيئن ڊيڄاريندئو؟ : ڳڙهي خدا بخش ۾ خطاب
ڳڙهي خدا بخش ڀٽو ( رپورٽر) اڳوڻي صدر آصف علي زرداري چيو آهي ته لاڏلي جي ڦاٽل دهلن ٻيهر للڪاريو آهي، سازشن جو مقابلو ڪنداسين، ڳڙهي خدا بخش ڀٽو ۾ شهيد بينظير ڀٽو جي ورسي جي موقعي تي جلسي کي خطاب ڪندي آصف علي زرداري چيو ته اسان ڪيسن کان نه اڳ ڊناسين نه هاڻي ڊڄنداسين، اڄ لاڏلي جي ڦاٽل دهلن اسان کي ٻيهر للڪاريو آهي، هن چيو ته جمهور ي طريقي سان اليڪشن کٽي ٻيهر واپس اينداسين، حڪومت ۾ اچي پاڪستان ۽ معيشت کي سنڀالينداسين، هن چيو ته بلاول منهنجو ۽ بينظير جو پٽ آهي، انکي ڪيئن ڊيڄاريندئو، اسان پهرين به سازشن جو مقابلو ڪيو ۽ هاڻي به ڪنداسين، جيالا لاڏلي جي ظلمن کي منهن ڏيڻ جي طاقت رکن ٿا، هن حڪمرانن تي تنقيد ڪندي چيو ته جيڪو ڪم ڪرڻ ڄاڻيندو آهي ان لاءِ 100 ڏينهن گهڻا آهن، اسان 100 ڏينهن ۾ مشرف کي گهر پهچايو، هنن حڪمرانن کي ٽي وي تي بڪواس ڪرڻ کانسواءِ ڪجهه ناهي ايندو، پاڙيسري ملڪن کان تمام گهڻي مدد ملڻ باوجود هنن کان ملڪ نٿو سنڀالجي، هو نه ڏسي سگهن ٿا، نه ٻڌن ٿا، هن چيو ته هو جيڪو عمل ڪندا انهن کي اهڙلو ئي جواب ڏينداسين.
ڪٺ پتلي ون يونٽ لاءِ آيو، آمريتي قوتن سان ويڙهه ڪنداسين ۽ 18هين ترميم تي هر قسم جي حملي کي روڪينداسين: بلاول
آصف زرداري جو وڏو گناهه اهو اهي ته هن پاڪستان کپي جو نعرو هنيو: پ پ چيئرمين
ڪٺ پتلي کي حڪومت ڏيڻي هئي ته کيس پريڪٽس ڪرايو ها: ڳڙهي خدا بخش ۾ خطاب
ڳڙهي خدا بخش ڀٽو (رپورٽر) پاڪستان پيپلزپارٽي جي چيئرمين بلاول ڀٽو زرداري جي آءِ ٽي رپورٽ کي هڪ ڀيرو ٻيهر رد ڪندي چيو آهي ته ملڪ ۾ ون يونٽ لڳائڻ لاءِ ڪٺ پتلي کي آندو ويو، هن ويڙهه ۾ اڳئين مورچي تي هوندس، سليڪٽيڊ وزيراعظم کي اندازو ئي ناهي ملڪ هٿن مان نڪري پيو، جيڪڏهن حڪومت ڪٺپلي کي ڏيڻي هئي ته ٿوري ان کي پريڪٽس ڪرايو ها، ڳڙهي خدابخش ۾ شهيد بينظير ڀٽو جي روسي موقعي تي جلسي کي خطاب ڪندي پ پ چيئرمين بلاول ڀٽو زرداري چيو ته نام نهاد ٺيڪدار نشي ۾ گم آهي، وفاق ڪمزور ٿيندو پيو وڃي، اچو غيرجمهوري قوتن خلاف پاڻ کي نئين جنگ لاءِ تيار ڪيون، مان اڳئين مورچي تي ٿيندس، هي اها ئي جنگ آهي جيڪا شهيد ذوالفقار علي ڀٽو ۽ بينظير ڀٽو وڙهي، اسان سڀ ڀٽو آهيون، ويڙهه لاءِ تيار آهيون، بلاول ڀٽو چيو ته اڄوڪي ڏينهن تي منهنجي امڙ ۽ اوهان جي ليڊر کي کسيو ويو. شهيد بينظير ڀٽو جي خواب کي پورو ڪرڻو آهي، اسان جيلون ڏٺيون، آمرن جو مقابلو ڪيو، تون ڪهڙي باغ جي موري آهين؟، ڳڙهي خدابخش: هي ڪهڙو احتساب آهي، جنهن جو نشانو رڳو اپوزيشن آهي، ماضي وانگر اڳوڻي صدر آصف زرداري خلاف ظلم ڪيو پيو وڃي، اسين ڄمي مقابلو ڪنداسين، آصف زرداري جو وڏو گناهه اهو اهي ته هن پاڪستان کپي جو نعرو هنيو، پاڪ، ايران گيس لائين منصوبو ڏنو، اڄ اهو مڪمل ٿئي ها ته گيس بحران نه هجي ها،آصف زرداري 18 هين ترميم کي آئين جي اصل روح ۾ بحال ڪيو، 18هين ترميم تي هر حملو روڪينداسين، هي ڪٺ پتلي اين ايف سي ايوارڊ مان صوبن کي ملندڙ حصو کسڻ چاهي ٿو، پر اسان ايئن ٿيڻ نه ڏينداسين، سڀني يزيدن کي چوان ٿو منهنجي جسم ۾ شهيد بينظير ڀٽو ۽ شهيد ذوالفقار ڀٽو جو رت آهي، غيرجمهوري قوتن جو مقابلو ڪنداسين، جلد ملڪ کي ڪٺ پتلي کان به آجو ڪرائينداسين، هن مني لانڊرنگ ڪيس ۾ جي آءِ ٽي رپورٽ کي ڪوڙو قرار ڏيندي چيو ته جي آءِ ٽي رپورٽ رڳو ڪوڙ آهي، مني لانڊرنگ کان ڳالهه ناشتي جي بلن تائين پهتي، عدالت کي پوليٽيڪل انجنيئرنگ لاءِ استعال ڪيو پيو وڃي، اميد آهي معزز جج صاحب رپورٽ کي ردي جي ٽوڪري ۾ اڇلائيندا، هن چيو ته جيڪڏهن اوهان ۾همٿ آهي ته بي نامي وزيراعظم ۾ هٿ وجهي ڏيکاريو، اوهان کان ايس ايس پي ظاهر جا قاتل نٿا ملن، باقي منهنجي ناشتي جو بل ملي ويو، هن چيو ته هي ڪهڙو وزيراعظم آهي جنهن کي رپئي جو ملهه گهٽجڻ جي خبر ناهي،هنن کان بلوچستان جي مائرن جو آواز به برداشت نٿو ٿئي، نوازشريف جي سزا کانپوءِ پنجاب ۾ جيڪي نعرا لڳا انهن جو تصوير به نه ڪيو هو، هن حڪمرانن کان سوال ڪندي چيو ته ٻڌايو بينظير ڀٽو ۽ ذوالفقار علي ڀٽو جي خون سان ڪڏهن انصاف ٿيندو؟سندس خون سان ڪڏهن انصاف ٿيندو، بلاول ڀٽو جذباتي تقرير ڪئي، شعر پڙهي ماحول گرمائي ڇڏيو.
“پنھنجو ڪم ڇُٽو” قاضي احمد پوليس ھاڻي صحافت سيکارڻ لڳي
قاضي احمد (ن پ ا) قاضي احمد پوليس پنهنجي ڪارڪردگي بهتر ڪرڻ بدران صحافين کي صحافت سيکارڻ جو ڪم پنهنجي ڪُلهن تي کڻي ورتو. قاضي احمد پريس ڪلب ۾ تقريب دوران خطاب ڪندي ايڊيشنل ايس ايڇ او امام بخش مري پوليس جي ڪارڪردگي ۽ ڪاروهنوار کي بهتر ڪرڻ لاءِ اسٽريٽجي يا پاليسي ٻڌائڻ بدران صحافين کي صحافت سيکارڻ جي ڪوشش ڪئي. تقريب کي خطاب ڪندي ايڊيشنل ايس ايڇ او چيو ته صحافي سرڪاري طور تصديق ڪرائڻ کانپوءِ خبر ڏيندا ته کين پريشاني جو منهن ڏسڻو نه پوندو. اُن موقعي تي ڊي ايس پي مقبول ميمڻ عوام کي باخبر رکڻ لاءِ صحافين کي پوليس جي ڪارڪردگي رپورٽ ڏيڻ بدران صحافتي ضابطه اخلاق جون ڪاپيون ورهايون. ايڊيشنل ايس ايڇ او ۽ ڊي ايس پي جو وڌيڪ چوڻ هو ته ڪوڊ آف ڪنڊڪٽ جي ڀڃڪڙي کان پاسو ڪرڻ ڪامياب صحافت جي ضمانت آهي.
پ پ قيادت جو اي سي ايل ۾ نالو شامل ڪرڻ بدمعاشي آهي: ترجمان
پرويز مشرف جو نالو اي سي ايل ۾ ناهي، آصف زرداري جو نالو شامل ڪيو ويو: عامر پراچا
پي ٽي آءِ انتقام کي احتساب پئي ڪوٺي، ڪيس کي منهن ڏينداسين
ڪراچي (م ڊ) اڳوڻي صدر آصف علي زرداري جي ترجمان جو نالو اي سي ايل ۾ شامل ڪرڻ تي رد عمل اچي ويو، ترجمان آصف علي زرداري چيو آهي ته عدالتي فيصلي کان پهرين نالو اي سي ايل ۾ شامل ڪرڻ بدمعاشي آهي، پرويز مشرف جو نالو اي سي ايل ۾ ناهي، آصف زرداري جو شامل ڪيو ويو، ترجمان آصف زرداري عامر فدا پراچا جو چوڻ هو ته پي ٽي آءِ انتقام کي ڪرپشن خلاف ڪارروائي قرار ڏئي رهي آهي، آصف زرداري ملڪ کان ٻاهر نه پيو وڃي، ڪيسن کي منهن ڏينداسين
اوٻاوڙي جا 2 يتيم ٻارڙا اپاهج،امڙ علاج لاءِ گهر جو سامان به وڪڻي ڇڏيو
معصوم الله بخش ۽ اڪرم ٿهيم امڙ جي سهاري تي زندگي گذارڻ تي مجبور
ٻئي ٻارڙا هلڻ ڦرڻ کان به لاچار،امڙ گهرن ۾ ڪم ڪار ڪري سندن علاج ڪرائي ٿي
اوٻاوڙو(ن پ ا) اوٻاوڙو جي خانپور محلي جا رهواسي 2 يتيم معصوم ٻارڙا 12 ورهين جو الله بخش ٿهيم ۽ 6 ورهين جو اڪرم ٿهيم ڄنگھن جي پراسرار بيماري ۾ مبتلا ٿي ويا آهن جنهن سبب معصوم ٻارڙا هلڻ ڦرڻ کان لاچار بڻجي ويا آهن ۽ ڪنهن به تڪ جي چونڊيل نمائندن متاثر خاندان سان واهر نه ڪئي آهي ان سلسلي ۾ معذور ٻارڙن جي امڙ ۽ مامي منير احمد ٿهيم پنهنجي اخبار کي ٻڌايو آهي ته ٻارڙا ننڍپڻ کان صحتياب هيا پر 3 يا 4 سالن جي عمر ۾ منهنجي ٻارڙن کي پراسرار بيماري وڪوڙي وئي ،جنهن سبب معصوم ٻارڙا هلڻ ڦرڻ کان لاچار بڻجي ويا آهن، ٻارڙن جي امڙ جو چوڻ هو ته گهر جو سامان کپائي ٻارڙن جو علاج ڪرائي رهيا آهيون پر علاج ڪرائڻ باوجود به ڪو فرق نه پيو آهي ۽ اسان غريب آهيون انهن جو پيءُ وفات ڪري ويو آهي ۽ مان ماڻهن جي گهرن ۾ ڪم ڪري انهن کي پالي رهي آهيان هن چيو ته آئون غريب بيواهه عورت آهيان ماڻهن جي گهرن ۾ ٻوهاري ڪري گهر جو گذر سفر ڪندي آهيان، مان هن وقت ٻچڙن جي علاج لاءِ سخت پريشاني کي منهن ڏئي رهي آهيان اسان وٽ ايتري رقم ناهي جو اسان ٻچڙن جو علاج ڪراچي يا لاهور مان ڪرائي سگهون ۽ اسان هن تڪ جي چونڊيل نمائندن توڙي وزير اعلي سنڌ ۽ ٻين اعلي اختيارين کي اپيل ڪيون ٿا ته منهنجي ٻچڙن جو سرڪاري خرچ تي علاج ڪرايو وڃي .
دادو: پوليس جا ڇاپا، بڪيز ذريعي سٽو کيڏندڙ 20 ڄڻا گرفتار
شهر جي مختلف هوٽلن تان گرفتار ٿيلن ۾ هڪ نينگر به شامل
نينگر گرفتار ناهي، پيءُ جي گرفتاري دوران روئڻ سبب نينگر کي وٺي آياسين: پوليس
دادو ( ن پ ا ) پوليس ڪرڪيٽ تي سٽو کيندڙ 20 ڄڻن کي گرفتار ڪري ورتو، پوليس هڪ نينگر کي به ٿاڻي تي وٺي آئي، پوليس جو چوڻ آهي ته نينگر کي حراست ۾ ناهي ورتو ويو، جوا کيڏندڙ پيءُ جي گرفتاري دوران روئڻ سبب نينگر کي به وٺي آياسين.
پوليس موجب شهر جي ڪاليج روڊ، ملاح چوڪ ۽ ٻين هنڌن تي ڊي ايس پي دادو رسول بخش سيال جي اڳواڻي ۾ پوليس اٽالن اوچتو هوٽلن تي ڇاپا هڻي 20 کان وڌيڪ ماڻهن کي گرفتار ڪري ورتو.
گرفتار جوابدارن کي اي سيڪشن ٿاڻي تي ڪمري ۾ بند ڪيو ويو، گرفتار ٿيلن ۾ هڪ 7 ورهين جو نينگر به شامل آهي، جنهن جي باري ۾ پوليس جو موقف سامهون آيو آهي ته نينگر کي گرفتار ناهي ڪيو ويو، هو جوا کيندڙ پيءُ سان گڏ موجود هو، پنهنجي جي گرفتاري دوران روئي رهيو هو، جنهن سبب کيس پيءُ سان گڏ ٿاڻي تي آندو ويو.
پوليس موجب گرفتار جوابدار هوٽلن تي بڪيز ذريعي ڪرڪيٽ راند تي جوا پئي کيڏي رهيا هئا، اطلاع تي کين ڪارروائي ڪري گرفتاريون ڪيون ويون
“عمرو ڪرڻ چاهيان ٿو”، رائو انوار پاران اي سي ايل مان نالو ڪڍڻ جي استدعا
رائو انوار اي سي ايل مان نالو ڪڍڻ لاءِ سپريم ڪورٽ ۾ درخواست جمع ڪرائي ڇڏي
پرڏيهه وڃڻ جي صورت ۾ ٽرائل ۾ ڪا رنڊڪ پيش نه ايندي: رائو انوار جو موقف
ڪراچي( ن پ ا) نقيب الله قتل ڪيس جي مک جوابدار اڳوڻي ايس ايس پي ملير رائو انوار عمري جي ادائيگي خاطر اي سي ايل مان نالو ڪڍڻ لاءِ سپريم ڪورٽ ۾ درخواست داخل ڪرائي ڇڏي.
درخواست ۾ رائو انوار موقف اختيار ڪيو ويو ته عمري تي وڃڻ چاهيان ٿو، تنهن ڪري ايل سي ايل مان نالو ڪڍيو وڃي پرڏيهه وڃڻ جي صورت ۾ ٽرائل ۾ ڪا به رنڊڪ پيش نه ايندي.
رائو انور چيو ته منهنجا ٻار ٻچا پرڏيهه ۾ ترسيل آهن، ان ڪري به منهنجو پرڏيهه وڃڻ ضروري ٿي پيو آهي، زندگي کي خطرو هئڻ سبب نه منهنجا ٻار پاڪستان اچي سگهن ٿا ۽ نه ئي مان اي سي ايل ۾ نالو هجڻ ڪري پرڏيهه وڃي سگهان پيو.
رائو انوار درخواست ۾ سپريم ڪورٽ کي نالو اي سي ايل مان ڪڍڻ جي استدعا ڪندي موقف اختيار ڪيو ته بينظير ڀٽو قتل ڪيس، ايان علي ڪيس ۽ 12 مئي سانحي جي ڪيس ۾ جوابدارن جا نالا اي سي ايل ۾ ناهن وڌا ويا
آصف زرداري، بلاول ڀٽو، فريال ٽالپر، مراد شاهه، انور مجيد ۽ ملڪ رياض سميت 172 بااثر شخصيتن جا نالا اي سي ايل ۾ شامل
وفاقي ڪابينا پاران جي آءِ ٽي طرفان مني لانڊرنگ معاملن ۾ شامل ڄاڻايل ماڻهن جي پرڏيهه وڃڻ تي پابندي جي منظوري
جي آءِ ٽي کي غيرسنجيدا وٺندڙ آصف زرداري کي جلد احساس ٿيندو، هي پراڻو پاڪستان ناهي: فواد چوڌري
اسلام آباد (رپورٽ: ايم بي سومرو) وفاقي ڪابينا پ پ جي چيئرمين بلاول ڀٽو، اڳوڻي صدر آصف زرداري، فريال ٽالپور، سنڌ جي وڏي وزير سيد مراد علي شاھ ۽ انور مجيد سوڌو مني لانڊرنگ بابت جوڙيل جي آءِ ٽي رپورٽ ۾ شامل 172 ڄڻن جا نالا اِي سي ايل ۾ شامل ڪري سندس پرڏيهه وڃڻ تي پابندي لاڳو ڪرڻ جي منظوري ڏئي ڇڏي آهي. وزيراعظم عمران خان جي صدارت ۾ خميس ڏينهن ٿيل وفاقي ڪابينا جي اجلاس ۾ اهم فيصلو ڪيو ويو آهي. اجلاس ۾ 20 نڪاتي ايجنڊا تي غور ڪيو ويو. اجلاس دوران ڪراچي ۾ ٽارگيٽ ڪري قتل ڪيل ايم ڪيو ايم جي اڳوڻي اڳواڻ علي رضا عابدي جي مغفرت لاءِ دعا ڪئي وئي، جڏهن ته وفاقي وزير نورالحق قادري جي والد جي وفات تي ڏک جو اظهار ڪيو ويو. وفاقي ڪابينا جي اجلاس ۾ ڪيل فيصلن بابت پريس ڪانفرنس ڪندي سڌ سماءُ جي وفاقي وزير فواد حسين چوڌري چيو ته سپريم ڪورٽ ۾ مني لانڊرنگ بابت رپورٽ پيش ڪئي وئي آهي. جي آءِ ٽي رپورٽ ۾ هوش اڏائيندڙ انڪشاف ڪيا ويا آهن ته پوري صوبي کي يرغمال بڻائي سنڌ حڪومت کي مني لانڊرنگ ۾ استعمال ڪيو ويو. وفاقي ڪابينا ان تي غور ڪرڻ بعد آصف زرداري، فريال ٽالپور، مراد علي شاھ سميت جي آءِ ٽي رپورٽ ۾ جن 172 ڄڻن جا نالا شامل آهن، انهن جا نالا اِي سي ايل ۾ شامل ڪرڻ جو فيصلو ڪيو ويو آهي. هن چيو ته آصف زرداري چيو هو ته مان جي آءِ ٽي کي سنجيدگي سان نه ٿو وٺان. اميد آهي ته هاڻي جي آءِ ٽي کي سنجيده وٺندو. هي پراڻو پاڪستان نه آهي جو سوديبازي ٿئي، هي نئون پاڪستان آهي هت قومي خزاني جي هڪ هڪ روپئي جو حساب ٿيندو. ملڪ ۾ احتساب بنا خوف ۽ خطري جي جاري رهندو. جن کي احتساب بابت سنجيدگيءَ جو احساس نه ٿو ٿئي اهو ڪجهه ڏينهن اندر ٿي ويندو. ڪجهه ماڻهن کي ته احساس ٿي ويو آهي، هو ظاهري طور کلي رهيا آهن. هن چيو ته وفاقي ڪابينا ايف آءِ جي ڪارڪردگي جي تعريف ڪئي. وزيراعظم جي آءِ ٽي ۽ ٻين معاملن ۾ ايف آءِ اي پاران ڏيکاريل ڪارڪردگي جي تعريف ڪئي. هن پيپلز پارٽيءَ جي احتجاج ڪرڻ بابت سوال جي جواب ۾ چيو ته حيران آهيان ته سنڌ جا پئسا انور مجيد ۽ هنن لٽيا، انهن پئسن کي بچائڻ لاءِ سنڌ جي انهن ماڻهن کي روڊن تي نڪرڻ لاءِ چئي رهيا آهن جن جو پئسو هنن لٽيو آهي. هن چيو ته ذوالفقار علي ڀٽو ۽ بينظير ڀٽو جي پيپلز پارٽي جو آصف زرداري جي پيپلز پارٽي سان ڪو تعلق نه آهي. 1970 ۾ ذوالفقار علي ڀٽي ته غريبن کي حق ڏيارڻ لاءِ پارٽي ٺاهي هئي، هاڻي آصف زرداري جي پارٽي ۾ ته عجيب ۽ غريب ماڻهو آهن. آصف زرداري جي پارٽي وارا ته هارين کي ٽريڪٽر ۽ ڀاڻ تي مليل سبسڊي جا پئسا به کائي ويا. هنن جو ذوالفقار علي ڀٽو ۽ بينظير ڀٽو جي پارٽي سان سطحي تعلق آهي. ڇا 31 ڊسمبر تي آصف زرداري گرفتار ٿيندو جي سوال جي جواب ۾ هن چيو ته الله ڪري ائين ئي ٿئي، پر اسان ڇا چئي سگھون ٿا، اسان کي ڪهڙي خبر آهي. هن سنڌ ۾ گورنر راڄ بابت پڇيل سوال جي جواب ۾ چيو ته سنڌ هجي يا پنجاب، بلوچستان هجي يا ڪي پي ڪي جي حڪومت اسان سڀ آئين جا پابند آهيون ۽ ڪابه حڪومت آئين جي خلاف ورزي نه ٿي ڪري سگھي. اميد آهي ته اهڙو موقعو نه ايندو. هن ٻڌايو ته وفاقي ڪابينا جي اجلاس ۾ ڪراچي جي صورتحال تي به غور ڪيو ويو. ڪراچي ۾ اچانڪ صورتحال خراب ٿي آهي. علي رضا عابدي قتل ٿيو ۽ اهڙا واقعا ٿيا آهن جن مان لڳي ٿو ته گينگ ٻيهر سرگرم ٿي رهيا آهن. هن چيو ته ڪراچي جو امن معيشت سان واڳيل آهي. ڪراچي جو امن خراب ڪرڻ جي ڪنهن کي اجازت نه ڏينداسين. هن چيو ته الطاف حسين برطانيا ۾ ويهي هت ماڻهن کي قتل ڪرڻ جا حڪم ڏيڻ جهڙيون تقريرون ڪيون، پر برطانيا حڪومت سندس خلاف ڪاروائي نه ڪئي آهي جنهن تي وفاقي ڪابينا ڳڻتي جو اظهار ڪيو آهي. فيصلو ڪيو ويو آهي ته وفاقي حڪومت برطانيا جي حڪومت اڳيان اهو مامرو اٿاريندي. وفاقي وزير چيو ته ڏکڻ آفريڪا جا گينگ ڪراچي ۾ متحرڪ آهن، ڏکڻ آفريڪا جي حڪومت اڳيان معاملو اٿارڻ لاءِ وفاقي ڪابينا پرڏيهي وزارت کي حڪم ڏنو آهي. انهي ملڪ جي زمين پاڪستان ۾ دهشتگردي لاءِ استعمال ٿي رهي آهي. وفاقي ڪابينا ڪراچي ۽ اسلام آباد ۾ لڳل سيڪيورٽي ڪئمرائن واري معاملي تي غور ڪيو. ڪراچي ۾ اڪثر ڪئمرائون ڪم نه ڪري رهيو آهن. ٻنهي شهرن ۾ ان مد ۾ ڪروڙين روپيا خرچ ٿيا آهن. وفاقي ڪابينا گھرو وزارت کي جانچ جو حڪم ڏنو آهي. وفاقي ڪابينا 15 جنوري بعد به موبائل رجسٽريشن ڪرائڻ جي منظوري ڏني آهي، پر 15 جنوري بعد موبائل رجسٽريشن ڪرائيندڙن کي 10 سيڪڙو ڪسٽم ڊيوٽي ادا ڪرڻي پوندي. هن چيو ته اسان موبائل امپورٽ ڪرڻ جي دلشڪني ڪرڻ چاهيون ٿا. وفاقي ڪابينا اتر وزيرستان ۽ مڪران ۾ موبائل سروس فراهم ڪرڻ جي به منظوري ڏني آهي. ڪابينا نيپرا چيئرمين جي سروس اسٽرڪچر جي به منظوري ڏني آهي. وفاقي ڪابينا چين جي مارڪيٽ ۾ بانڊ جاري ڪرڻ، فرخ سبزواري کي ايس اِي سي پي جو نئون چيئرمين مقرر ڪرڻ، اسٽيل مل ۽ ايف آءِ اي کي ضمني بجيٽ ڏيڻ جي به منظوري ڏني آهي. هن چيو ته اسٽيل مل جون 2019 تائين جون رهتون ادا ڪيون وينديون. گذريل حڪومتن اسٽيل مل جو ٻيڙو ٻوڙيو، هاڻي اسٽيل مل هلندي. هن هڪ سوال جي جواب ۾ چيو ته پارليامينٽ ۾ اسان اڪثريت ۾ آهيون. قانونسازي ۾ ڪا ڏکيائي ڪانهي، پيپلز پارٽي ۽ ن ليگ جا ميمبر به اسان جي سپورٽ ڪندا ڇو جو اهي ڪنهن جي لٽ مار ۾ ڇو حصو ٿيندا.
لکي غلام شاهه ۾ زميني تڪرار 3 حياتيون ڳڙڪائي ويو، آءِ جي سنڌ نوٽيس ورتو
خانپور ڀرسان ڪچي ۾ خروس برادري جي هڪ ڌُر جي هٿياربندن جو اوطاق تي حملو
ڌُريون مورچابند، آءِ جي سنڌ نوٽيس وٺندي ايس ايس پي شڪارپور کان رپورٽ طلب ڪري ورتي
شڪارپور(ن پ ا) ڳوٺ نادر شاهه ۾ اوطاق تي هٿياربندن جي حملي دوران فائرنگ جي نتيجي ۾ پيءُ پٽ 3 ڄڻا مارجي ويا، هڪ زخمي ٿي پيو.
ڳوٺ نادر شاهه جي رهواسين موجب پراڻي تڪرار سبب لاڙڪاڻي لڏي ويل سجاول خروس، سندس پٽ بلاول ۽ ڀائيٽو عابد خروس گهمڻ لاءِ ڳوٺ آيا ته هٿياربندن اوطاق تي حملو ڪري ڏنو، جنهن دوران انڌاڌنڌ فائرنگ جي نتيجي ۾ ٽئي ڄڻا مارجي ويا، جڏهن ته هڪ ڄڻو نعمت الله خروس زخمي ٿي پيو.
حملي بعد هٿياربند فائرنگ ڪندا فرار ٿي ويا، ٽن ڄڻن جي مارجي وڃڻ بعد ڇڪتاڻ سبب ڌريون مورچابند ٿي ويون، جنهن سبب علائقي ۾ ڏهڪاءُ پکڙجي ويو.
ڳوٺاڻن موجب واقعو جتوئي برادري جي ٻن ڌرين ۾ پراڻي ڪارنهن تڪرار جو نتيجو آهي، جنهن تان هڪ ڌر جا ماڻهو شڪارپور مان لاڙڪاڻي لڏي ويا هئا، جنهن بعد جرڳي ذريعي ڌرين وچ ۾ ٺاهه ڪرايو ويو هو، اڄ جيئن ئي ٽئي ڄڻا گهمڻ لاءِ ڳوٺ آيا ته هٿياربندن حملو ڪيو.