ڪڙيو گهنور )ن پ ا) گولاڙچي ويجهو شادي نه ڪرائڻ تان نوجوان آپگهات ڪري ڇڏيو.
گولاڙچي جي گراڙي ٿاڻي جي حد ۾ 22 سالن جي نوجوان دودو ڀيل جو وڻ ۾ ڦاهو لڳل لاش هٿ آيو، سندس وارثن جو چوڻ آهي ته دودو ڀيل ڪافي عرصي کان شادي ڪرائڻ جي ضد ڪري رهيو هو، في الحال انڪار ڪرڻ تي هن انتهائي قدم کنيو.
آپگهات ڪندڙ نوجوان جو لاش وڻ مان لاهي وارثن حوالي ڪيو ويو
گولاڙچي ويجهو شادي نه ڪرائڻ تان نوجوان آپگهات ڪري ڇڏيو
ٿر ۾ خوراڪ ۽ بيمارين وگهي وڌيڪ 3 ٻار فوت
سول اسپتال مٺي ۾ وڌيڪ ٽي معصوم ٻار موت جو شڪار ٿي ويا
فوتي ٻارن جو انگ 50 ٿي ويو، امداد قدم کڻون پيا: ڊي سي ٿرپارڪر
مٺي ( ن پ ا)سول اسپتال مٺي ۾ خوراڪ جي کوٽ ۽ مختلف بيمارين وگهي وڌيڪ ٽي ٻارڙا موت جو شڪار ٿي ويا آھن. جنهن کان پوءُ هلندڙ مهيني فوتي ٻارڙن جو انگ 50 ٿي ويو ۽ هلندڙ سال ٻارن جي فوتگين جو انگ 620 تي پهچي ويو آهي. تازو فوت ٿيل 3 ٻارڙن ۾ 18 مهينن جو ڀيرجي، 17 مهينن جو مدن ۽ چار سالن جو سلمان ساهڙ شامل آھن. اسپتال ۾ وڌيڪ ٻ 40 ٻارڙن کي ميل نيوٽريشن ۽ نرسري وارڊن ۾ داخل ڪيو ويو آھي جنهن کان پوءُ اسپتال داخل ٻارن جو انگ 60 ٻڌايو وڃي ٿو، ٻئي پاسي ڊپٽي ڪمشنر ٿرپارڪر آصف جميل شيخ چيو آهي ته ٿر جي ڏڪار متاثرين جي مدد لاءِ امدادي سرگرميون روزانه جي بنياد تي صاف ۽ شفاف طريقي سان جاري آهن. اهڙو اظهار هن ضلعي ۾ هلندڙ امدادي سرگرمين بابت تفصيلي رپورٽ بابت جاري ڪيل بيان ۾ ڪيو. هن وڌيڪ چيو ته ضلعي جي سمورن تعلقه اسپتالن ۾ 136 پنجن سالن کان ننڍن ۽ وڏن ٻار جي علاج ڪرائڻ لاءِ او پي ڊي ٿي جنهن مان 28 ٻارڙن کي اسپتالن ۾ داخل ڪيو ويو جڏهن ته 22 ٻارڙن کي بهتر علاج جون سهولتون فراهم ڪري صحت ياب بڻائي ڊسچارج ڪيو ويو. اهڙي ريت 31 بنيادي صحت مرڪزن ۽ 18 گورنمينٽ ڊسپينسرين مان 765 ٻارڙن جو علاج ڪيو ويو. اهڙي طريقي سان لائيو اسٽاڪ کاتي ٿرپارڪر پاران ڊپٽي ڊائريڪٽر لائيو اسٽاڪ جي سربراهي ۾ روزانه جي بنياد تي 07 ڳوٺن ۾ وٽنري ڪئمپن ذريعي جانورن جي ويڪسينيشن ۽ بيمار جانورن جو علاج ڪيو پيو وڃي . اهڙي ريت آبادي جي ڀلائي واري کاتي ٿرپارڪر پاران ضلعي ۾ ڪئمپس لڳائي خانداني منصوبه بندي جي اهميت ۽ طريقي ڪار متعلق آگاهي فراهم ڪرڻ لاءِ 137 عورتن کي خانداني منصوبه بندي جا آگاهي پروگرام سان گڏوگڏ مختلف پروگرام منعقد ڪيا پيا وڃن. ڊپٽي ڪمشنر ٿرپارڪر پنهنجي رپورٽ ۾ ڄاڻائيندي چيو ته ٿر جي ڏڪار متاثرين ۾ مفت ڪڻڪ ورهاست وارو ڪم پڻ روزانه جي بنياد تي صاف ۽ شفاف نموني سان هلندڙ آهي، جنهن ۾ پهرين مرحلي تحت ٿر جي 2 لک 46 هزار 411 ڏڪار متاثر خاندانن ۾ 50 ڪلو جي حساب سان مفت ڪڻڪ ورهائي وئي آهي جڏهن ته ٻئين مرحلي تحت هن وقت تائين 2 لک 38 هزار 816 خاندانن ۾ مفت ڪڻڪ ورهائي چڪا آهيون.
نئن گاج ڊيم جي اڏاوت: سُپريم ڪورٽ وفاقي سرڪار کان ٽائيم شيڊول طلب ڪري ورتو
جيڪڏهن عدالت مداخلت نه ڪري معاملا رولڙي جو شڪار ٿي ويندا آهن: چيف جسٽس
سنڌ سرڪار کي منڇر ڍنڍ سبب منصوبي تي خدشا آهن: وفاقي سرڪار
اسلام آباد ( ن پ ا ) سپريم ڪورٽ وفاقي سرڪار کان نئن گاج ڊيم جي اڏاوت بابت ٽائيم شيڊول طلب ڪري ورتو.
سپريم ڪورٽ لاهور رجسٽري ۾ نئن گاج ڊيم جي اڏاوت بابت ڪيس جي ٻڌڻي ٿي، جنهن دوران وفاقي وزير خسرو بختيار ۽ فيصل واوڊا پيش ٿيا، چيف جسٽس چيو ته اوهان کي افتتاح ڪرڻ جي ضرورت هوندي آهي، اسان کي ڊيم جي اڏاوت جو ٽائيم فريم ڏيو.
وفاقي وزير خسرو بختيار چيو ته پاڻي وسيلن کي خاص اهميت ڏئي رهيا آهيون، ڀاشا ۽ مهمند ڊيم به اسان جي ترجيح ۾ شامل آهن، سنڌ سرڪار کي منڇر ڍنڍ سبب منصوبي تي خدشا آهن، چيف جسٽس چيو ته جيڪڏهن عدالت مداخلت نه ڪري معاملا رولڙي جو شڪار ٿي ويندا آهن.
وفاقي وزير خسرو بختيار چيو ته نئن گاج ڊيم لاءِ ناڻي ۽ پاڻي بجلي وارين وزارتن سان رابطو ڪري رهيا آهيون، چيف جسٽس چيو ته ڪابينا ڇا جي هوندي آهي، اوهان پنهنجي ساٿي وزير سان سڌي ڳالهه ڪري سگهو ٿا، پاڻي ۽ صحت جي معاملن ۾ دير برداشت نه ڪيو ويندو، سمورن اسٽيڪ هولڊرز کي گڏ کڻي هلو.
چيف جسٽس هدايت ڪئي ته بيوروڪريسي جي معاملن جي ڪري معاملو رولڙي جو شڪار نه ٿئي
جيڪب آباد: فوٽ بال گرائونڊ ۾گوڏي جيڏو گندو پاڻي
فيفا پاران 4 ڪروڙ 50 لک روپين سان ٺھيل فوٽ بال گرائونڊ بي لاڀ بڻيل
شھر جي گندي پاڻي جو ڇوڙ گرائونڊ ۾ ڪيو ويو آھي. شھري بيمارين سبب پريشان
جيڪب آباد(ن پ ا) جيڪب آباد ۾ فيفا انتظاميه پاران 4 ڪروڙ 50 لک جي لاڳت سان تعمير ڪرايل شاھ عبداللطيف اسٽيڊيم ۾ ميونسپل ڪميٽي جي لاپرواهي ۽ نااهلي سبب شهر جو نيڪال ٿيندڙ سمورو گندو پاڻي ڇوڙ ڪيو پيو وڃي. جنهن سبب فٽبال گرائونڊ ۾ گوڏي جيڏو گندو پاڻي بيهجي ويو. گرائونڊ ۾ گندو پاڻي بيهڻ سبب هڪ پاسي شهري مختلف بيمارين ۾ وڪوڙجي ويا آهن ته ٻئي پاسي فٽبال راند جو شوق رکندڙ رانديگر به پريشانين ۾ مبتلا ٿي ويا آهن ڇاڪاڻ ته سموري ضلعي ۾ واحد شاھ عبداللطيف اسٽيڊيم ئي آھي جنهن ۾ فٽبال جا ميڇ ٿين ٿا. شهر توڙي ٻهراڙي مان ايندڙ رانديگر اسٽيڊيم ۾ بيٺل گوڏي جيڏو پاڻي ڏسي مايوس ٿي بنا ڪنهن راند روند جي واپس پنهنجن ماڳن ڏانهن موٽي وڃن ٿا.
جعلي اڪائونٽس ۽ مني لانڊرنگ ڪيس سومر تي ٻڌڻي لاءِ مقرر
چيف جسٽس جي سربراهي ۾ سپريم ڪورٽ جي 2 رڪني بينچ ٻڌڻي ڪندي
اسلام آباد ( ن پ ا ) سپريم ڪورٽ ۾ جعلي بينڪ اڪائونٽس ۽ مني لانڊرنگ ڪيس ايندڙ سومر تي ٻڌڻي لاءِ مقرر ڪندي اڳوڻي صدر آصف زرداري سميت نوٽيس جاري ڪيا ويا.
سپريم ڪورٽ ۾ جعلي بينڪ اڪائونٽس ۽ مني لانڊرنگ ڪيس جي ٻڌڻي چيف جسٽس ميان ثاقب نثار ۽ جسٽس اعجاز الاحسن تي ٻڌل سپريم ڪورٽ جي 2 رڪني بينچ 31 ڊسمبر سومر ڏينهن ڪندي.
سپريم ڪورٽ اڳوڻي صدر آصف زرداري، سندس ڀيڻ فريال ٽالپر، بحريه ٽائون جي سربراهه ملڪ رياض، زين ملڪ، انور مجيد، عبدالغني مجيد، نمر مجيد ۽ ٻين کي نوٽيس جاري ڪري ڇڏيا، اٽارني جنرل، جي آءِ ٽي سربراهه ۽ ميمبرن، پراسيڪيوٽر جنرل نيب، آءِ جي سنڌ، آءِ جي جيلز کي به نوٽيس جاري ڪيا ويا.
حيدرآباد:سال 2018 ۾ شھر مان 95 لاوارث لاش مليا
12 لاش تازو ڄاول ٻارن جا ھئا.مختلف حادثن ۾ 145 ماڻھو فوت ٿيا
بي گھر ٿيل 39 عورتن ۽ 83 بيمارن کي ايڌي ھوم رسايو ويو.معراج ايڌي
حيدرآباد(ن پ ا)ھلندڙ سال 2018 ۾ شھر جي مختلف علائقن مان 95 لاوارث لاش مليا جن مان 12 لاش تازو ڄاول ٻارن جا ھئا. ايڌي سينٽر موجب ھلندڙ سال شھر ۾ مختلف حادثن ۾ 145 ماڻھو فوت ٿيا جڏھن تھ زخمين جو تعداد 335 رھيو. معراج ايڌي موجب حيدرآباد مان پنھنجن جي ھٿان بي گھر ٿيل 39 عورتن کي ايڌي ھوم ڪراچي پھچايو ويو جڏھن تھ شھر جي مختلف رستن تي لاوارث پيل 83 بيمارن کي ايڌي ھوم منتقل ڪيو ويو.سال دوران شھر جي مختلف علائقن مان 10 خودڪشي ڪندڙن کي اسپتال پھچايو ويو، ٻي طرف 21 لاشن کي غسل ڪفن ڏئي وارثن حوالي پڻ ڪيو ويو. معراج ايڌي موجب سال 2018 ۾ مجموعي طور تي 24 ھزار مريضن ۽ لاشن کي اسپتال کان گھر ۽ گھر کان اسپتال رسايو ويو.
بحريھ ۽ اومني جي سربراھن سوڌو ٻين جا نالا بھ اي سي ايل ۾
ملڪ رياض، انور مجيد، نديم الطاف، سيد علي رضا، بشارت محمود ۽ علي اڪبر ابڙو جا نالا فهرست ۾ شامل
ملڪ رياض، انور مجيد، حسين لوائي ۽ ٻين جا نالا اي سي ايل ۾ شامل
اسلام آباد ( ن پ ا ) بحريه ٽائون جي سربراهه ملڪ رياض، اومني گروپ جي سربراهه انور مجيد، چيف آفيسر خواجا سلمان يونس سميت اومني گروپ سان واسطو رکندڙ علي ڪمال مجيد، انور ماجد خواجا، نازلي مجيد، نمر مجيد خواجا، محمد عارف خان، حسن بروهي، مصطفيٰ ذوالقرنين ماجد جا نالا به اي سي ايل ۾ وڌيا ويا.
سمٽ بينڪ جي اڳوڻي سربراهه حسين لوائي، ساڳي بينڪ جي موجوده صدر احسن رضا دراني، آپريشن مينيجر ناصر شيخ، سنڌ بينڪ جي صدر احسن طارق، صدر بلال شيخ، مينيجر ثروت عظيم، مينيجر مختيار احمد، گروپ هيڊ ڪريڊٽ نديم الطاف، نيشنل بينڪ جي هيڊڪارپوريٽ مسعود ڪريم خواجا، نديم الياس، نيشنل بينڪ جي صدر سيد علي رضا، ڪمرشل اينڊ ريٽيل سربراهه عامر صديقي، حوالا ڊيلر بشارت محمود، گئليڪسي ڪنسٽرڪشن ڪي ڊاڪٽر دنشا، ايڪسيئن سنڌ ڪول اٿارٽي علي اڪبر ابڙو، سي اي او پاڪ ايٿنل طاهر محمود، بلڊر محمد وسيم، پارڪ لين لميٽڊ جي محمد يونس، بلڊر نعيم احمد خان ۽ ٻين جا نالا شامل ڪيا ويا
سنڌ جي موجوده ۽ اڳوڻن ڪامورن جا نالا به اي سي ايل ۾ شامل ڪيا ويا
آغا واصف، احسن طارق، محمد بلال شيخ ۽ خورشيد جمالي جا نالا اي سي ايل ۾ رکيا ويا
حسن رضا عباسي عظيم اڪرام ۽ مقصود نقوي جا نالا اي سي ايل ۾ شامل ڪيا ويا
اسلام آباد (رپورٽر) مني لانڊرنگ جي جاچ لاءِ سُپريم ڪورٽ طرفان جُڙيل جي آءِ ٽي جي رپورٽ آڌار وفاقي سرڪار طرفان اي سي ايل ۾ شامل ڪيل نالن جي فهرست سنڌ سان واسطو رکندڙ ڪامورن جا نالا به شامل آهن. توانائي شعبي جي سيڪريٽري آغا واصف، سنڌ بئنڪ جي صدر احسن طارق، ايس اي سي پي جو ايگزيڪيوٽو ڊائريڪٽر علي عظيم اڪرام، سنڌ بئنڪ جو صدر محمد بلال شيخ ۽ ايس ٽي ڊي سي جي سي اي او حسن رضا عباسي جا نالا اي سي ايل ۾ شامل ڪيا ويا آهن. اُن کانسواءِ ايم اي ڪسلنٽنٽ جي سي اي او خورشيد جمالي ۽ پروڪيورڪميٽي جي ميمبر مقصود نقوي جا نالا اي سي ايل ۾ شامل ڪيا ويا.
اي سي ايل ۾ شامل ڪيل 172 نالن ۽ عھدن جي مڪمل فهرست
آصف زرداري، بلاول ڀٽو، فريال ٽالپر، مراد علي شاھ، ملڪ ريا ض، انور ۽ حسين لوائي جا نالا اي سي ايل ۾ شامل ڪيا ويا
فھرست ۾ موجودھ توڙي اڳوڻن ڪامورن جا بھ نالا شامل، نجي توڙي سرڪاري بئنڪ جي سربراھن جا نالا بھ اي سي ايل ۾ وڌا ويا
اسلام آباد (رپورٽ: ايم بي سومرو) مني لانڊرنگ بابت جاچ جندڙ جي آءِ ٽي جي رپورٽ تحت وفاقي سرڪار جن 72 اهم شخصيتن جي نالا اي سي ايل ۾ شامل ڪيا آهن. اُهي هيٺين ريت ترتيبوار ڏنا ويا آهن.
عبدالغني انصاري، اومني گروپ جي عبدالغني مجيد، پنڪ ريزيڊنسي جي عبدالجبار، سنڌ واسي عبدالمومن ڏاهري، چاچڙ اينڊ سنسز جي عبدالقدوس چاچڙ، ابوبڪر، عديل شاهه راشدي، آفتاب حسين پٺاڻ، توانائي جي سيڪريٽري آغا واصف، احسن احسن، سمٽ بينڪ جي صدر احسن رضا دراني، سنڌ بينڪ جي صدر احسن طارق، ايڪسيئن سنڌ ڪول اٿارٽي علي اڪبر ابڙو، ايس اِي سي پي جي ايگزيڪيوٽو ڊائريڪٽر علي عظيم اڪرام، اومني گروپ جي علي ڪمال مجيد، ايم پي اي علي نواز مهر، عامر پٽ محمد الياس، ڪمرشل اينڊ ريٽيل جي سربراهه عامر صديقي، امجد آفتاب ۽ اومني گروپ جي سربراهه انور مجيد خواجا جا نالا اي سي ايل ۾ شامل ڪيا ويا.
اشفاق احمد لغاري، ٿڌاڻي انٽرپرائيزز جي اشوڪ چتر ٿڌاڻي، اشرف ڊي بلوچ ڪنسٽرڪشن جي شهزاد جتوئي، اڳوڻي صدر ۽ ايم اين اي آصف علي زرداري، حوالا ڊيلر بشارت محمود، سنڌ بينڪ جي صدر بلال شيخ، پ پ چيئرمين ۽ ايم اين اي بلاول ڀٽو زرداري، دائود خان، دائود مورڪس، احسان علي چوڌري، احسن الاهي، سيد عامر شهزاد، فهد حسين، فهد سلطان احمد، فرمان علي، ايم پي اي فريال ٽالپر، غلام حسين، غلام مصطفيٰ ميمڻ، سيڪريٽري لينڊ يوٽلائيزيشن غلام مصطفيٰ ڦل، غلام قادر، غلام النبي، حافظ ربنواز اينڊ ڪمپني جي حافظ ربنواز، حاجي مريد اڪبر، حاجي سراج دين سومرو، حماد شاهد، حارس اينڊ ڪمپني جي حارس ۽ سي اي او ايس ٽي ڊي سي حسن رضا عباسي جا نالا اي سي ايل ۾ وڌا ويا.
چيئرمين پي ڊي ايس آءِ ڊي حسن ميمڻ، سمٽ بينڪ جي سربراهه حسين لوائي، عمران حيدر، عمران خان پٽ ظهير خان، عمران منصور علي جيواڻي، سنڌ جي توانائي جي وزير امتياز شيخ، مدني ٽي وي جي اقبال احمد خان، عرفان سليمان، جگديش جڳديش، نياز محمد خان اينڊ برادرس جي جهانزيب خان، جسوت ڪمار، ڪامران علي، ڪنول ڪمار، ڊپٽي ڪمشنر ملير قاضي جان محمد، خالد حسين، خالد مسعود چنا، اومني گروپ جي چيف آفيسر خواجا ايم سلمان يونس، خدا بخش ڪرٽيو، خرم نياز، سي اي سو ايم اي ڪنسلسٽنٽ خورشيد جمالي، پنڪ ريزيڊنسي جي اسلم قريشي، ايم عمير، گئليڪسي ڪسنٽرڪشن جي ڊاڪٽر دنشا، مجين فاطمه، بحريه ٽائون جي سربراهه ملڪ رياض، ڊي جي ايس بي سي اَي منظور قادر ڪاڪا، مسعود نقوي، مسعود الحسن، نيشنل بينڪ جي هيڊ ڪارپوريٽيڊ مسعود ڪريم شيخ، مئراج، محمد منعاف، سنڌ بينڪ جي مينيجر ثروت عظيم، محمد افضل، محمد احسن، محمد اعجاز هارون، محمد اڪمل، ايم اي سي انجنيئرنگ محمد علي چنا جا نالا اي سي ايل جي فهرست ۾ شامل آهن.
اومني گروپ جو محمد عارف خان، محمد اسد علي، نور محمد مغل جو پُٽ محمد اشرف مغل، محمد آصف، محمد فيصل پُٽ عبدالحبيب، محمد حنيف پُٽ شڪور، اومني جو ملازم محمد حسن بروهي، محمد عمران، محمد اقبال، ودود انجنيئرنگ جو محمد طيب اقبال، اوسز ڊرلنگ ڪارپوريشن جو محمد جهانگير يوسف، محمد جلال، محمد جاويد علوي، سنڌ بئنڪ جو مئنيجر محمد اختر احمد، محمد مشتاق پُٽ عبدالعزيز، محمد نعيم، سمٽ بئنڪ جو آپريشن مئنيجر محمد ناصر شيخ، محمد قدير، محمد رديف قريشي، محمد رفيق قريشي، محمد رشيد، محمد ساجد، محمد شبير، محمد شهزاد عالم، محمد سهيل، محمد طاهر محمود، محمد يوسف، وسيم بلڊرز جو محمد وسيم، محمد ياسين، پارڪ لين پرائيويٽ لميٽيڊ جو محمد يونس ڪدوائي، محمد يوسف، محمد يوسف عباسي پُٽ فجو خان عباسي، پنڪ ريزيڊنسي جو محمد يوسف ايڌي، ايم پي اي مڪيش چاولا، اومني گروپ مصطفيٰ ذوالقرنين ماجد، پيرامائونٽ بلڊرز جو نديم احمد خان، سنڌ بئنڪ جو گروپ هيڊ ڪريڊٽ نعيم الطاف ۽ نيشنل بئنڪ آف پاڪستان جو سربراهه نديم انور الياس جا نالا شامل ڪيا ويا آهن.
نديم حاڪم الدين مانڊوي والا، رياض لالجي، نويد اقبال، اومني گروپ جي نازلي مجيد، اومني گروپ جو نمر مجيد خواجه، ايڊيشنل سيڪريٽري فنانس نثار احمد شيخ، اڳوڻو وڏو وزير قائم علي شاهه، رائو محمد خالد، صاحبزاده ذيشان رحمان، سيف الدين، ٽيڪنومين ڪائنيٽڪس پرائيويٽ لميٽڊ جو سيد آصف محمود، سجاول خان، ساجد حسين، ساجد عباسي، سلمان سلمان، سيڪريٽري لينڊ يوٽيلائيزيشن ثاقب سومرو، سردار احمد، سعد سُمير، شبير وزير خان، شاهد علي، شاهد علي پُٽ محمد سلطان، شهزاده ڪامران انصاري، شيخ فيض الرحمان پُٽ شيخ منصور الحق، سراج شاهد پُٽ محمد شاهد، ايم پي اي سهيل انور سيال، سيڪريٽري فنانس سهيل راجپوت، نيشنل بئنڪ جو صدر سيد علي رضا، ٽيڪنومين ڪائنيٽڪس پرائيويٽ لميٽيڊ سيد عارف علي، سيد اسد عباس زيدي پُٽ توقير حسين زيدي، سيد ڪاشف رضا پُٽ سيد علي نقي اعجاز، وڏو وزير مراد علي شاهه، سيد نصرت علي پُٽ سيد ثروت علي، علي حسن زرداري پُٽ مير خان زرداري، ايس ٽي ڊي سي ڊائريڪٽر سيد شاهنواز نادر، سيڪريٽري انڊسٽريز سيد ضمير حيدر، ٽيڪنومين ڪائنيٽڪس اومني جو سيد زيشان علي وارسي، طٰحه رضا پُٽ نقي رضا، ايس اي سي پي جو وقت چيئرمين طاهر محمود، ايم بي سي اينڊ سنز جو طارق عزيز چنا، طارق بيگ پُٽ مرزا رب بخش، اي ون انٽرنيشنل جو طارق سلطان، ووڊ انجنيئرنگ جو سي اي او عذير تحسين، سمٽ بئنڪ جو ظهير اسماعيل، ذيشان احمد پُٽ محمد اقبال ۽ ميمبر آر اينڊ ايس (بي او آر) ۽ ايگزيڪيوٽو ڊائريڪٽر ايس اي سي پي عابد حسين جا نالا شامل ڪيا ويا آهن.
سنڌ جي وزيرن ۽ ايم پي ايز جا نالا بھ اي سي ايل ۾ شامل
امتياز شيخ پاران اي سي ايل ۾ نالو شامل ڪرڻ کي چيلنج ڪرڻ جو اعلان،انتقامي ڪارروائي آهي:مڪيش چاولا
اسلام آباد/ ڪراچي ( نمائندن وٽان) سنڌ جي موجوده ۽ اڳوڻن وڏن وزيرن کانسواءِ صوبائي وزير ۽ ايم پي ايز به مني لانڊرنگ ۽ جعلي بينڪ اڪائونٽس ڪيس جي زد ۾ اچي ويا، سندن نالا به ايل سي ايل ۾ وڌا ويا.
وفاقي سرڪار پاران اي سي ايل ۾ شامل ڪيل 172 ڄڻن جي فهرست ۾ سنڌ جي وڏي وزير مراد علي شاهه، اڳوڻي وڏي وزير قائم علي شاهه، توانائي جي وزير امتياز شيخ، ايم پي اي فريال ٽالپر، علي نواز مهر، مڪيش چاولا جا نالا به شامل ڪيا ويا آهن.
ڄاڻايل سمورن ماڻهن تي پرڏيهه وڃڻ جي پابندي لڳائيندي سندن نالن جي فهرست ملڪ جي سمورن ايئرپورٽ اختيارين ڏانهن اماڻي وئي آهي.
صوبائي وزير امتياز شيخ ايگزٽ ڪنٽرو ل لسٽ ۾ نالو اچڻ تي حيرت جو اظهار ڪندي اهڙي عمل کي عدالت ۾ چيلنج ڪرڻ جو فيصلو ڪيو آهي.پنهنجي اخبار سان ڳالهائيندي امتياز شيخ چيو ته منهنجو ڪجهه نه اچي نه وڃي،نه ڪا انڪوائري نه شڪايت نه ئي دانهن آهي ان باوجود منهنجو نالو ايگزٽ ڪنٽرول لسٽ ۾ ڏنو ويو آهي .آئون هن وقت شڪارپور ويٺو آهيان،ڪراچي اچي اهڙي فيصلي کي عدالت ۾ چيلنج ڪندس
صوبائي وزير مڪيش چاولا رابطو ڪرڻ تي ٻڌايو ته منهنجو نالو جي آءِ ٽي ۾ ناهي نه ئي مون خلاف ڪو ڪيس هلي رهيو آهي پوءِ خبر ناهي منهنجو نالو اي سي ايل ۾ ڇو شامل ڪيو ويو آهي.آئون ان کي انتقامي ڪارروائي سمجهان ٿو،پارٽي قيادت جيڪو فيصلو ڪندي آئون ان تي عمل ڪندس.
ميھڙ:گم ٿيل مستري جو پتو نھ پئجي سگھيو
4 ڏينھن اڳ گم ٿيل مستري غلام محمد کوسو جا وارث سخت پريشان
ميهڙ(ن پ ا) ڳوٺ حاصل کوسو جو رهواسي نلڪن جو مستري غلام محمد کوسو کي گم ٿئي 4 ڏينهن گذري ويا پر سندس پتو نه پئجي سگھيو.مستري غلام محمد کوسو جا وارث سخت پريشان آھن.سندن چوڻ آھي تھ اسن جي ڪنھن سان دشمني ڪونھي.پوليس کيس بازياب ڪرائي
اڳوڻي صوبائي وزير ڊاڪٽر صغير احمد به لائون لڌيون
ڊاڪٽر صغير احمد جي شادي جي تقريب گذريل رات ڪراچي ۾ ٿي، تقريب ۾ پي ايس پي اڳواڻن سوڌو ٻين شخصيتن جي شرڪت
ڊاڪٽر صغير جي وليمي جي تقريب 29 ڊسمبر تي ڊي ايڇ اي گالف ڪلب ۾ ٿيندي
ڪراچي( م ڊ ) پاڪ سر زمين پارٽي جو اڳواڻ ڊاڪٽر صغير احمد شادي جي ٻنڌڻ ۾ ٻڌجي ويو
اڳوڻي صوبائي وزير ڊاڪٽر صغير احمد جي شادي جي تقريب گذريل رات ڪراچي ۾ ٿي، وليمي جي تقريب 29 ڊسمبر تي ڊي ايڇ اي گالف ڪلب ۾ ٿيندي.
پي ايس پي ۾ شموليت کان اڳ ڊاڪٽر صغير احمد متحده قومي موومينٽ (ايم ڪيو ايم ) جو حصو هو، ڊسمبر 2015 تي مڪاني چونڊن لاءِ هن ايم ڪيو ايم جي پليٽ فارم تان چونڊ مهم به هلائي هئي
ڊاڪٽر صغير ايم ڪيو ايم جي ٽڪيٽ تي سنڌ اسيمبلي جو ميمبر بڻيو ۽ صحت جي وزير طور خدمتون ادا ڪيون
شهبازشريف جي پي اي سي چيئرمين طور مقرري چيلينج
شهبازشريف تي ڪرپشن جا الزام آهن، ڪميٽي جو چيئرمين نه ٿو ٿي سگهي: درخواستگذار
لاهور( م ڊ ) قومي اسيمبلي ۾ اپوزيشن ليڊر شهبازشريف جي چيئرمين پي اي سي طور مقرري لاهور هاءِ ڪورٽ ۾ چيلينج ڪئي وئي آهي.
ايڊووڪيٽ اظهر صديق پاران لاهور هاءِ ڪورٽ ۾ داخل ڪرايل درخواست ۾ وفاقي سرڪار ۽ قومي اسيمبلي جي اسپيڪر کي ڌر بڻايو ويو آهي، درخواستگذار موقف اختيار ڪيو ته شهبازشريف تي ڪرپشن جا الزام آهن، تنهنڪري هو پي اي سي جي چيئرمين شپ نه ٿو سنڀالي سگهي.
درخواست ۾ استدعا ڪئي وئي ته شهبازشريف کي پبلڪ اڪائونٽس ڪميٽي جو چيئرمين بڻائڻ وارو قدم ڪالعدم قرار ڏنو وڃي.
ياد رهي ته ڪرپشن جي الزام هيٺ آشيانه هائوسنگ ڪيس ۾ گرفتار شهبازشريف کي 21 ڊسمبر تي پي اي سي جو بنا مقابلي چيئرمين چونڊيو ويو، سندس صدارت ۾ پهريون اجلاس اڄ ٿي رهيو آهي
سانگھڙ: گھر جي ڇت ڪرڻ سبب عورت سميت 2 نينگريون فوت
ڳوٺ گھنڊڻ ۾ صبح جو اوچتو گھر جي ڇت ڪري پئي.ھڪ ٻارڙو بھ زخمي
سانگھڙ(ن پ ا)ڳوٺ گھنڊڻ ۾ گھرجي ڇت ڪرڻ سبب عورت سميت 2 نينگريون فوت ٿي ويون جڏھن تھ ھڪ ٻارڙو زخمي ٿي پيو. ٻار کي اسپتال پھچايو ويو.گھر ۾ موجود ماڻھو صبح جو ناشتو ڪري رھيا ھئا تھ اوچتو ڌماڪي سان گھر جي ڇت ڪري پئي.واقعي سبب ڳوٺ ۾ قيامت برپا ٿي وئي.
اينٽي ڪرپشن جي جاچ رڳو ڍونگ! ڪنڌڪوٽ جي پوليس ۽ تعليم کاتن ۾ 60ڪروڙ کان وڌيڪ گهوٻيون
پوليس ۾ جعلي ڀرتيون، ڪوڙن بلن جي مد ۾ ڪرپشن، ڪنهن وک کڻڻ جي تڪليف نه ڪئي
تعليم کاتي ۾ به ڀينگ 17ڪروڙ ڳڙڪائجي ويا، اينٽي ڪرپشن ڪاغذي ڪارروائي ڪري آجي!
ڪنڌڪوٽ(رپورٽ:عمران کوسو)اينٽي ڪرپشن جي جاچ رڳو ڍونگ! ڪنڌڪوٽ جي پوليس ۽ تعليم کاتن ۾ 60ڪروڙ کان وڌيڪ گهوٻيون، عملدارن کي کلي ڇوٽ، پوليس ۾ 2013 کان 17ع جعلي ڀرتين، ڪوڙن بلن جي مد ۾43 ڪروڙ ڪرپشن ٿي، ڪيس داخل ٿيڻ باوجود ڪنهن وک کڻڻ جي تڪليف نه ڪئي، تعليم کاتي ۾ به ڀينگ، چئن سالن ۾ ساڍا 17ڪروڙ ڳڙڪائجي ويا، سنڌ سرڪار جي حڪم تي اينٽي ڪرپشن ڪاغذي ڪارروائي ڪري آجي آهي. پنهنجي اخبار کي مليل ڄاڻ ۽ اينٽي ڪرپشن جي 40 صفحن تي ٻڌل رپورٽ موجب، ڪنڌڪوٽ جي پوليس کاتي ۾ 2013ع کان 2017ع ۾ 43 ڪروڙ رپيا ڪرپشن جو انڪشاف ٿيو آهي. مليل ڄاڻ موجب ايس ايس پي آفيس جو اڳوڻو اڪائونٽنٽ بشير احمد ٻرڙو،گل زبير ڊومڪي، ضلعي جي ناڻي واري آفيس جي اڳوڻي اڪائونٽنٽ عبدالعزيز بلو، حسن الدين ديناري، سليمان ميراڻي، سب اڪائونٽنٽ غلام مصطفيٰ لاشاري، نيشنل بئنڪ جي 6 ملازمن ممتاز سولنگي، ڪريم بخش دائودپوٽو، صدرالدين چنو ۽ الله ڏنو چنو سميت 17 عملدارن جي ڪرپشن جي انڪشاف کانپوءِ سنڌ سرڪار نوٽيس وٺندي اينٽي ڪرپشن کي جاچ جو حڪم ڏنو. پنهنجي اخبار کي مليل ڄاڻ موجب پوليس کاتي ۾ ڪرپشن جو ماسٽر مائينڊ ڪشمور ڪنڌڪوٽ پوليس کاتي جو اڳوڻو اڪائونٽنٽ بشير ٻرڙو نيشنل بينڪ مان خزاني آفيس جي نالي تي ڪوڙين آءِ ڊيز ذريعي ڪروڙين رپيا ڪڍرائي قومي ناڻي کي نقصان پهچايو. سنڌ حڪومت جي هدايت تي اينٽي ڪرپشن جي سرڪل آفيسر شاهد بشير کوسو عملدارن خلاف ڪيس داخل ڪرايو، پر جوابدارن جلد عدالتن مان ضمانتون حاصل ڪري ورتيون. ذريعن موجب، 2012 کان 2014 ع ۾ يونس چانڊيو، عمر طفيل، عمر سلامت سميت ٻين ايس ايس پيز جي دور ۾ ڪرپشن جا کاتا کوليا ويا. ڪرپشن ڪيس ۾ نامزد جوابدار اڳوڻو اڪائوٽنٽ بشير ٻرڙو 7 مهينن کان منظر عام تائين غائب ٿي دبئي فرار ٿي ويو آهي. اينٽي ڪرپشن ٽيم ڪيس جي جاچ ۾ اڳڀرائي ڪرڻ ۾ مڪمل طور ناڪام نظر اچي رهي آهي، جڏهن ته ڪرپٽ ڪامورن کي مختلف وقتن تي ڇوٽ به ڏيڻ جو سلسلو جاري آهي، ڪنڌڪوٽ جي تعليم کاتي ۾ جعلي ڀرتين ذريعي ڪروڙين رپين جي ڪرپشن جي جاچ ڪاغذي ڪارروائي تائين محدود ٿي وئي. پنهنجي اخبار کي مليل ڄاڻ موجب ڪامورن 115 جعلي ڀرتيون ڪري 2012 کان 2015ع تائين پگهارن جي مد ۾ 17 ڪروڙ ڪرپشن ڪئي. اينٽي ڪرپشن پاران مليل رپورٽ موجب، اڳوڻو پرنسپل ايجوڪيشن عبدالرحيم بهلڪاڻي آفيسرن کي پئسا ڏئي 115 جعلي ڀرتيون ڪرايون، جڏهن ته جعلي ملازمن جي نالي تي ماهور 25 هزار پگهار به مقرر ٿي، جيڪو ٽن سالن تائين جاري رهيو. ذريعن موجب ڪيس ۾ ڄاڻائي ڪاموري استاد، چوڪيدار، پٽيوالا ۽ ٻين پوسٽن تي 115 ڄڻن کي ڀرتي ڪرائي ڪوڙيون آءِ ڊيز ٺهرائي پئسا ڪڍرائيندو رهيو. اينٽي ڪرپشن موجب جعلي ڀرتين جو اڳوڻو پرنسپل اسپيشل ايجوڪيشن ڪشمور ڪنڌڪوٽ عبدالرحيم بهلڪاڻي، سيڪشن آفيسر ڪراچي ڊاڪٽر ڪشور ڪمار، سيڪشن آفيسر ڪراچي ناز پروين، اڳوڻو ميڊيڪل آفيسر ڪنڌڪوٽ هيرالدين گجراڻي، ايم ايس ڪنڌڪوٽ سول اسپتال نظير احمد اعواڻ ۽ ٻين خلاف ڪيس داخل ڪيو، پوليس ۽ تعليم کاتي جي ڪرپٽ ڪامورن اينٽي ڪرپشن عملدارن سان ڳجهي ريت معاهدو ڪري گرفتار نه ڪرڻ جي صورت ۾ ڳري رقم ڏيڻ جي آڇ ڪئي آهي. پنهنجي اخبار کي مليل ڄاڻ موجب اينٽي ڪرپشن عملدارن ڏيتي ليتي ڪري معاملو لئه مٽي ڪرڻ لاءِ به تيار آهن، پر ڪيس عدالت ۾ هئڻ سبب کين ڏکيائيون پيش اچي رهيون آهن.