وارنر بال خراب ڪرڻ لاءِ چيو، جنهن تي مون عمل ڪيو: بينڪرافٽ غلطي جي وڏي قيمت ادا ڪرڻي پئجي وئي، ڪيريئر خطري ۾ پيو
ميلبورن (اسپورٽس ڊيسڪ) بال ٽيمپرنگ ۾ سزا ڪاٽيندڙ آسٽريلوي اوپنر بينڪرافٽ بال خراب ڪرڻ جي سموري ذميواري ڊيوڊ وارنر تي مڙهي ڇڏي آهي. آسٽريلوي ڪرڪيٽ بورڊ پاران بال خراب ڪرڻ جو ڏوهه ثابت ٿيڻ تي ڪپتان اسٽيون سمٿ، نائب ڪپتان ڊيوڊ وارنر ۽ بينڪرافٽ مٿان هڪ هڪ سال جي پابندي لڳائي. آسٽريليا ۽ ڏکڻ آفريڪا ۾ ٽيسٽ دوران بينڪرافٽ بال کي خراب ڪرڻ جي ڪوشش ڪئي هئي، جنهن تي هو پڪڙجي پيو هو. فاڪس اسپورٽس کي انٽرويو ڏيندي بينڪرافٽ جو چوڻ هو ته ڊيوڊ وانر کيس بال خراب ڪرڻ لاءِ چيو جيڪو هن ڪيو. سندس چوڻ هو ته کيس غلطي جي وڏي قيمت ادا ڪرڻي پئجي وئي، جنهنڪري منهنجو ڪيريئر خطري ۾ پئجي ويو.
پهرين ٽيسٽ ۾ زخمي هارث سهيل جي جڳهه تي شان مسعود کي ٽيم ۾ شامل ڪيو ويو
سينچورين (اسپورٽس ڊيسڪ) پاڪستان ۽ ڏکڻ آفريڪا وچ ۾ پهرين ٽيسٽ ميچ ۾ پاڪستان ٽاس کٽي پهريان بيٽنگ جو فيصلو ڪري ورتو آهي. سينچورين جي سپر اسپورٽس پارڪ ۾ ٻنهي ملڪن وچ ۾ ميچ سرفراز احمد ٽاس کٽي بيٽنگ جو فيصلو ڪيو. پاڪستان طرفان محمد عباس، شاداب خان ۽ هارث سهيل زخمي هئڻ ڪري ٽيسٽ ميچ ۾ شرڪت نه ڪري سگهيا، جڏهن ته فخر زمان فٽ ٿي ٽيم جو حصو هوندو. سينچورين جي پچ بالرن لاءِ سازگار ٻڌائي پئي وڃي، جيڪا تيز ۽ بائونسي آهي، جڏهن ته پچ تي بال سوئنگ ٿيڻ جا امڪان پڻ آهن. پاڪستان جي ٽيم ۾ فخر زمان، امام الحق، اظهر علي، اسد شفيق، شان مسعود، بابر اعظم، سرفراز احمد، حسن علي، ياسر شاهه، محمد عامر ۽ شاهين آفريدي شامل هوندا. ڏکڻ آفريڪا طرفان ڊيل اسٽين کي پنهنجي ملڪ طرفان سڀ کان وڌيڪ وڪيٽون حاصل ڪرڻ لاءِ هڪ وڪيٽ جي ضرورت آهي، جنهن سان ڊيل اسٽين شان پولاڪ جو 422 وڪيٽن جو رڪارڊ ٽوڙيندو.
سريلنڪا نيوزيلينڊ کي پهرين اننگز ۾ 178 رنسن تي آئوٽ ڪري ڇڏيو سائوٿي ۽ واٽلنگ نيوزيلينڊ جي ٻڏندڙ ٻيڙي کي سهارو ڏيندي اسڪور ڪيو
ڪرائيسٽ چرچ (اسپورٽس ڊيسڪ) نيوزيلينڊ ۽ سريلنڪا وچ ۾ ٽيسٽ ميچ دوران هڪ ئي ڏينهن 14 وڪيٽون ڪري پيون. باڪسنگ ڊي ٽيسٽ ۾ سريلنڪن ڪپتان دنيش چنديمل ٽاس کٽي پهريان ميزبان ٽيم کي کيڏڻ جي دعوت ڏني ته سرنگا لڪمل ۽ ڪمارا تباهي ڪندڙ بالنگ ڪندي نيوزيلينڊ جا 66 رنسن تي 6 رانديگر پويلن موڪلي ڇڏيا. ٽم سائوٿي زبردست مزاحمت ڪندي نيوزيلينڊ کي مڪمل تباهي کان بچائي ورتو. ٽم سائوٿي ۽ بي جي واٽلنگ پاران ڀائيواري ڪندي اسڪور کي 172 رنسن تائين پهچايو. ٽم سائوٿي 68 رنسون ٺاهيون، جڏهن ته واٽلنگ 46 رنسون ٺاهيون. سريلنڪا طرفان لڪمل ڪيريئر بيسٽ بالنگ ڪندي 5 شڪار ڪيا ۽ ڪمارا 3 وڪيٽون حاصل ڪيون. جواب ۾ سريلنڪا پڻ ڍينگو ڍيري ثابت ٿيڻ لڳي ۽ ٽم سائوٿي بيٽنگ کانپوءِ بالنگ ۾ پاڻ ملهايو ۽ 3 شڪار ڪندي سريلنڪا جا 40 رنسن تي 4 وڪيٽون ڪرائي ڇڏيون. ڏينهن جي پڄاڻي تي سريلنڪا 4 وڪيٽن جي نقصان تي 88 رنسون ٺاهي ورتيون آهن. اينجلو ميٿيوز ۽ سلوا ٻئين ڏينهن جي راند جي شروعات ڪندا.
پاڪستان 8 سالن کانپوءِ ساڳي گرائونڊ تي ٽيسٽ ميچ کيڏندو وڪيٽ فاسٽ بالرن لاءِ سازگار هوندي، بيٽنگ ٽيم جي ڪارڪردگي ۾ اهم
سينچورين (اسپورٽس ڊيسڪ) پاڪستان ۽ ڏکڻ آفريڪا وچ ۾ پهرين ٽيسٽ ميچ ۾ مقابلو ڪندا، سينچورين جي سپر اسپورٽس پارڪ ۾ ٻنهي ملڪن وچ ۾ ميچ 1 وڳي شروع ٿيندي. پاڪستان طرفان محمد عباس زخمي هئڻ ڪري ٽيسٽ ميچ ۾ شرڪت نه ڪري سگهندو، جڏهن ته فخر زمان فٽ ٿي ٽيم جو حصو هوندو. سينچورين جي پچ بالرن لاءِ سازگار ٻڌائي پئي وڃي، جيڪا تيز ۽ بائونسي آهي، جڏهن ته پچ تي بال سوئنگ ٿيڻ جا امڪان پڻ آهن. پاڪستان جي ٽيم ۾ فخر زمان، امام الحق، اظهر علي، اسد شفيق، حارث سهيل، بابر اعظم، سرفراز احمد، حسن علي، ياسر شاهه، محمد عامر ۽ شاهين آفريدي شامل هوندا. ڏکڻ آفريڪا طرفان ڊيل اسٽين کي پنهنجي ملڪ طرفان سڀ کان وڌيڪ وڪيٽون حاصل ڪرڻ لاءِ هڪ وڪيٽ جي ضرورت آهي، جنهن سان ڊيل اسٽين شان پولاڪ جو 422 وڪيٽن جو رڪارڊ ٽوڙيندو.
ساهيول جي محمد حبيب 24 منٽن ۾ 8 ڪلوميٽر طئي ڪري پهرين پوزيشن ماڻي
فيصل آباد (اسپورٽس ڊيسڪ) فيصل آباد ۾ قائد اعظم جي ڏهاڙي جي موقعي تي خانگي اسڪولن جي ايسوسي ايشن طرفان پنجاب ميراٿن ڊوڙ جو مقابلو ڪرايو ويو. ڊوڙ ۾ 700 ايٿليٽس شرڪت ڪئي، جن مان ساهيوال جي محمد حبيب 8 ڪلوميٽر جو ڊگهو فاصلو 24 منٽن ۾ طئي ڪري پهرين پوزيشن ماڻي.
لاهور (اسپورٽس ڊيسڪ) پاڪستاني ڪرڪيٽر محمد حفيظ لاهور قلندرز جي نوجوان رانديگرن کي عالمي ڪرڪيٽ جو تجربو منتقل ڪرڻ لاءِ ميدان ۾ اچي ويو.
ڪرائسٽ چرچ (اسپورٽس ڊيسڪ) نيوزلينڊ ٽيم جي بهترين فاسٽ بالر ٽم سائوٿي کي ٽيسٽ ڪرڪيٽ ۾ اڳوڻي ڪيوي بالر ڪرس مارٽن جي گهڻين وڪيٽن جو رڪارڊ ٽوڙڻ لاءِ وڌيڪ ٻن وڪيٽن جي ضرورت آهي.
سنچورين (اسپورٽس ڊيسڪ) پاڪستان ٽيم جي ڪپتان سرفراز احمد کي ٽيسٽ ڪرڪيٽ ۾ وڪيٽن پويان 150 شڪار مڪمل ڪرڻ لاءِ وڌيڪ 2 شڪار گهربل آهن.
لاس اينجلس (آسڪر ايوارڊ ماڻيندڙ ليونارڊو ڊي ڪيپريو جي فائونڊيشن ماحولياتي تبديلي خلاف جنگ جي مهم لاءِ 100 ملين ڊالر فنڊ گڏ ڪري ورتو.
لاهور (اسپورٽس ڊيسڪ) پي سي بي جي اڳوڻي چيئرمين نجم سيٺي شهريار خان خلاف قانوني ڪارروائي جو فيصلو ڪري ورتو.
راولپنڊي (اسپورٽس ڊيسڪ) پي ٽي اي ٽن وڪيٽن تان زونگ کي دلچسپ مقابلي بعد شڪست ٽيلي ڪام ٽي 20 ٽورنامينٽ کٽي ورتي.
سنچورين (اسپورٽس ڊيسڪ) ڏکڻ آفريڪا جو اسٽار بالر ڊيل اسٽين چيو آهي ته منهنجي ذهن ۾ شان پولاڪ جي رڪارڊ کان وڌيڪ هدف آهن، جن کي ماڻڻ لاءِ هر ڪوشش ڪندس.
پشاور (اسپورٽس ڊيسڪ) پنجاب ڌمال ڪئپيٽل ڪمانڊر اسلام آباد کي 6 وڪيٽن تان هارائي پهرين پاڪستان پريميئر ليگ ويل چيئر کٽي ورتي.
دبئي (اسپورٽس ڊيسڪ) پاڪستان ۽ ڏکڻ آفريڪا وچ ۾ پهرين ٽيسٽ ميچ سڀاڻي کان شروع ٿيندي، سيريز کٽڻ جي صورت ۾ پاڪستان وٽ رينڪنگ بهتر ڪرڻ جو موقعو موجود آهي. پاڪستان ڏکڻ آفريڪا خلاف سيريز وائيٽ واش ڪرڻ جي صورت ۾ ڇهين نمبر تي اچي سگهي ٿي، جڏهن ته هڪ جي مقابلي ۾ ٻن ميچن تان کٽڻ جي صورت ۾ پڻ ڇهين نمبر تي اچي سگهي ٿي. ڏکڻ آفريڪا وٽ به پاڪستان کي وائيٽ واش ڪرڻ جي صورت ۾ ٻي نمبر تي اچڻ جو موقعو موجود آهي. ٻي پاسي بالر توڙي بيٽسمين پنهنجي ڪارڪردگي ذريعي پوائنٽون وڌائڻ جي ڪوشش ڪندا.
باقراڻي(رپورٽر) باقراڻي ۾ شھيد شفيق احمد عباسي جي ياد ۾ ڪرايل والي بال ٽورنامينٽ الشھباز باقراڻي ٽيم کٽي ورتي.
