پيرجوڳوٺ:( ن پ ا) ٽنڊومستي لڳ تيز رفتار مزدا جو موٽرسائيڪل کي زوردار ٽڪر، 8 سالا معصوم ٻارڙي فوت، سندس پيءُ، ماءُ سخت زخمي ان ڏس ۾ ٽنڊومستي قومي شاهراه ڀرسان ٽنڊومستي پوليس اسٽيشن اسٽاپ وٽ تيز رفتار لوڊر مزده سامهو هلندڙ موٽرسائيڪل کي زوردار ٽڪر هنيون جنهن جي نتيجي ۾ 8 ورهين جي معصوم ٻارڙي شڪيلان ڌيء رانوت شنباڻي موقعي تي فوت ٿي وئي، جڏهن ته سندس پيءُ رانوت شنباڻي ۽ ماءُ امينت شنباڻي سخت زخمي ٿي پيا، اطلاع تي ٽنڊومستي پوليس پهچي لاش ۽ زخمين کي خيرپور اسپتال منتقل ڪرايو جتان ضروري ڪاروائي بعد لاش وارث وارثن حوالي ڪيو، ٽرالر ڊرائيور فرار ٿي ويو.

ڪنب(رپورٽر) ڪوٽڏيجي تعلقي اندر ڪتامار مهم شروع نه ٿي سگهي جنهن سبب هڪ عورت سميت پنجن ڄڻن کي ڇتن ڪتن ڏاڙھي وڌو . ان سلسلي ۾ ٻڌايو پيو وڃي ته ڪ مهيني دوران پنجاه کان وڌيڪ مرد، عورتون ۽ ٻارڙا ڇتن ڪتن جو شڪار ٿي چڪا آھن. گذريل ڏينهن ڇتن ڪتن هڪ عورت سميت پنجن ڄڻن کي ڏاڙھي وڌو جن ۾ الطاف حسين ،امان نويد احمد شر ،محبت خان راڄپر ۽۽ مسمات خورشيد شامل آھن جن کي ڪوٽڏيجي اسپتال آندو ويو جتي کين ويڪسين ڪئي وئي. هتان جي شهرين جو چوڻ آهي ته ڪتا مار مهم شروع نه ٿيڻ جي ڪري ڪتن جو آزار وڌي ويو آهي. هنن مطالبو ڪيو ته جلد ڪتا مار مهم شروع ڪري خوف ختم ڪيو وڃي.

ڪنب(رپورٽر) ڪوٽڏيجي تعلقي اندر ڪتامار مهم شروع نه ٿي سگهي جنهن سبب هڪ عورت سميت پنجن ڄڻن کي ڇتن ڪتن ڏاڙھي وڌو . ان سلسلي ۾ ٻڌايو پيو وڃي ته ڪ مهيني دوران پنجاه کان وڌيڪ مرد، عورتون ۽ ٻارڙا ڇتن ڪتن جو شڪار ٿي چڪا آھن. گذريل ڏينهن ڇتن ڪتن هڪ عورت سميت پنجن ڄڻن کي ڏاڙھي وڌو جن ۾ الطاف حسين ،امان نويد احمد شر ،محبت خان راڄپر ۽۽ مسمات خورشيد شامل آھن جن کي ڪوٽڏيجي اسپتال آندو ويو جتي کين ويڪسين ڪئي وئي. هتان جي شهرين جو چوڻ آهي ته ڪتا مار مهم شروع نه ٿيڻ جي ڪري ڪتن جو آزار وڌي ويو آهي. هنن مطالبو ڪيو ته جلد ڪتا مار مهم شروع ڪري خوف ختم ڪيو وڃي.

خيرپور (ن پ ا) آءِ جي موٽر وي اي ڊي خواجا ۽ ڊي آءِ جي موٽر وي محمد سليم آرائين جي خاص هدايتن تي موٽر وي پوليس بيٽ 27 ڪرم آباد پاران روڊ سيفٽي جي قانون ۽ احتياطي تدبيرون اختيار ڪرڻ جي حوالي سان گورنمينٽ هاءِ اسڪول ٻٻرلوءِ ۾ جاڳرتا سيمينار منعقد ڪيو ويو. سيمينار کي خطاب ڪندي سي پي اي قيصر شهزاد، ايڊمن آفيسر انور سعيد ۽ اسڪول جي پرنسپل سعدالله ڀيو چيو ته سفر دوران سيٽ بيلٽ، هيلمٽ جي استعمال ۽ ٽريفڪ قانون جي پابندي ڪرڻ سان پنهنجي ۽ ٻين جون جانيون بچائن ممڪن هوندو جڏهن ته اوورلوڊنگ ۽ تيز رفتاريءَ سبب حادثا پيش ايندا آهن جنهن ۾ جاني ۽ مالي نقصان ٿيندو آهي. هنن وڌيڪ چيو ته باءِ پاس ۽ شهر جي روڊن تي گاڏيون هلائڻ دوران احتياط ڪرڻ سان وڏي نقصان کان بچي سگهجي ٿو ۽ ٽريفڪ قانون تي عمل ڪرڻ اسان سڀني جو اخلاقي، قانوني ۽ شهري فرض آهي.

خيرپور (رپورٽر) پي پي ايڇ آءِ سکر ڊويزن پاران خيرپور جي سچل آڊيٽوريم هال ۾ کاتي جي آفيسرن، ملازمن ۽ ورڪرن کي بهتر ڪارڪردگي پيش ڪرڻ تي ايوارڊ ڏيڻ جي سلسلي ۾ تقريب منعقد ڪئي وئي. تقريب کي خطاب ڪندي تقريب جي مهمان خاص پيپلزپارٽي جي مرڪزي اطلاعات سيڪريٽري ۽ ايم اين اي ڊاڪٽر نفيسه شاهه چيو ته اڄ جي معاشري ۾ عورتن بهتر مقام ماڻيو آهي جيستائين اسان جي معاشري ۾ عورتون ڊاڪٽر، ليڪچرار، پوليس آفيسر، سياستدان، جج ۽ ٻين سٺن عهدن تي نه پهچنديون تيستائين معاشري ۾ ترقي مشڪل آهي تقريب ۾ وڏي پيماني تي ليڊي ڊاڪٽر ۽ نرسون ڏسي خوشي ٿي رهي آهي. هن چيو ته پيپلزپارٽي سنڌ اندر صحت جي شعبي ۾ پي پي ايڇ آءِ جهڙي بهترين اداري جو قيام عمل ۾ آندو. تقريب کي پي پي ايڇ آءِ سنڌ جي چيف ايگزيڪيوٽو آفيسر غلام علي سومرو خطاب ڪندي چيو ته پي پي ايڇ آءِ جي ڪم ۾ بي انتها سڪون آهي اسان ماڻهن جي خدمت ڪري دلي سڪون حاصل ڪيون ٿا. تقريب ۾ سکر ڊويزن جي ڊاڪٽرن، ڊاڪٽرياڻين، نرسين، پيرا ميڊيڪل ۽ اسٽاف کي بهتر ڪاڪردگي پيش ڪرڻ تي ايوارڊن سان نوازيو ويو. ان موقعي تي ڊائريڪٽر هيلٿ سروسز عبدالستار چانڊيو، ريجنل ڊائريڪٽر سکر رياض راهوجو، مظهر ويسر، ذيشان منگي، بشير جاگيراڻي، آصف نظير ڪلوڙ خطاب ڪندي چيو ته پي پي ايڇ آءِ جو اسٽاف ڏينهن رات محنت ڪري عوام جي خدمت ڪري رهيو آهي. تقريب ۾ ڊاڪٽر اعجاز جماڻي، ڊاڪٽر صفي الله مهيسر، ڊاڪٽر اعجاز سمون، خير محمد خميساڻي، فياض راهوجو، عارف عباسي، ڊاڪٽر وزير بوزدار اسد شر ۽ ٻين پڻ شرڪت ڪئي.

خيرپور (رپورٽر)خيرپور ميونسپل ڪميٽي خيرپور جو هڪ اهم اجلاس چيئرمين سيد امجد علي شاهه جيلاني جي صدارت هيٺ ٿيو. اجلاس ۾ وائيس چيئرمين يار محمد ڦلپوٽو سميت مختلف وارڊن جي ڪائونسلرن عبدالوهاب سومرو، محمد جمن سهتو، محمدعلي انصاري، وجيهه الدين حيدر، سعيد احمد ابڙو ۽ ٻين شرڪت ڪئي. اجلاس ۾ مختلف وارڊن جي ڪائونسلرن سيد امجد علي شاهه اڳيان شڪايتن جا انبار لڳائي ڇڏيا ۽ چيو ته شهر ۾ گندگيءَ جا ڍير لڳل آهن ۽ گٽرن جو گندو پاڻي روڊن، رستن ۽ گهٽين ۾ بيٺل آهي جنهن ڪري سندن وارڊن جا رهواسي بار بار کين اهڙيون شڪايتون ڪن ٿا پر ميونسپل کاتي جو عملو سندن هڪ به نه پيو ٻڌي. هنن سيد امجد علي شاهه اڳيان گهر ڪئي ته ميونسپل ڪميٽي جي عملي جو قبلو درست ڪيو وڃي ۽ کين مختلف وارڊن جي صفائي سٿرائي واري معاملي ۾ پابند بڻايو وڃي. ان موقعي تي سيد امجد علي شاهه ڪائونسلرن کي مخاطب ٿيندي چيو ته هو مختلف وارڊن ۾ صفائي سٿرائي جي معاملي ۾ عملي کي پابند بڻائيندو ۽ غفلت ڪندڙن خلاف ڪاروائي ڪئي ويندي. بعد ۾ صحافين جي سوالن جا جواب ڏيندي سيد امجد علي شاهه جيلاني چيو ته ميونسپل ڪميٽي خيرپور ۾ وائيٽ ڪالر ملازمن پاران پنهنجي فرضن ۾ ڪوتاهي ڪرڻ تي سندن خلاف ڪاروائيون جاري آهن فرض نه ادا ڪندڙ ملازمن جون پگهارون پڻ بند ڪيون ويون آهن.

فيض گنج (ن پ ا) سنڌي ادبي سنگت شاخ اڪري جون چونڊون ضلعي رابطا سيڪريٽري لالڻ چنو جي اڳواڻي ۾ ٿيون، جنهن ۾ ساگر امير حيدر شر ۽ غلام فريد هاليپوٽو چونڊ معاون طور شريڪ رهيا، سيد علي مدد شاھ سيڪريٽري چونڊجي ويو جڏهن ته ڪائونسلر عادل مظفر شر، جوائنٽ سيڪريٽري امداد علي احساس، آڊيٽر سيد صغير عباس شاھ، خزانچي محمد اقبال موروجو کي چونڊيو ويو، جڏھن تہ ڪاروباري ڪاميٽي ۾ آرزو عابد شر غلام فريد هاليپوٽو خالد حسين ڏاھري نائب علي شاد وفا علي حسن شر چونڊيا ويا.

ڳڙهي خيرو: سپتال جو ايم ايس مريضن سان پنهنجي اڍنگي رويي سبب مشهور آهي.اڪثر مريضن جي وارثن سان منهن ماري ڪرڻ سندن معمول بڻيل آهي ۽ اهڙو واقعو ڪجھ ڏينهن اڳ به پيش آيو ٻٻر محلي جي رهوسي ظفرالله ٻٻر جڏهن پنهنجي 16 ڏينهن اڳ ڄاول معصوم پٽ کي اسپتال آندو ته ڊاڪٽر ٻار کي ڏسي چيو ته هن کي هتي ڇو کڻي آيو آهين هي ته مرڻ تي آهي اهڙي ڳالھ ٻڌي ٻار جي پي پريشاني وچان ڊاڪٽر کي ايلاز ڪيا ته منهنجي پٽ کي فرسٽ ايڊ ڏئي ايمبولينس ۾ لاڙڪاڻي ريفر ڪيو جنهن تي ڊاڪٽر هن تي ٺٺوليون ڪيون ۽ کيس چيو ته بيھ تنهنجي لاءِ جهاز ٿو گهرايان.ان کان علاوھ سول اسپتال ايندڙ مريضن کي اهو به چوندو رهندو آهي ته سرڪاري اسپتال ۾ ڇا پيو آهي جو اوهان ڀڳا بيٺا آهيو.شهر جي سياسي سماجي ۽ مذهبي ڌرين اعليٰ اختيارين کان گهر ڪئي آهي ته اهڙي راشي ڊاڪٽر کي هٽائي ڪنهن انسان دوست ۽ ايماندار ڊاڪٽر کي سول اسپتال جو ايم ايس مقرر ڪيو وڃي ته جيئن شهري سول اسپتال کان لاڀ حاصل ڪري سگهن.

ڳڙهي خيرو(ن پ ا)ڳڙهي خيرو تعلقه اسپتال ۾ هڪ ليڊي ڊاڪٽر،هڪ گائناڪالوجسٽ ۽ ٽي مڊوائيوز آهن. اسپتال جو ليڊي عملو صبح 10 بجي کان 3 بجي ڪم ڪري ٿو پر 3 بجي کان پوءِ ڪا به ليڊي ڊاڪٽر ۽ باقي ليڊي عملو نه هئڻ ڪري ويم لاءِ ايندڙ عورتون مشڪلاتن ۾ گهيرجي ويون آهن. شهرين عبدالفتاح جمالي،نادر علي ٻرڙو،جمال منگي ۽ ٻين پنهنجي اخبار کي ٻڌايو ته ايم ايس ڊاڪٽر قربان لانگاھ پاڻ به ڊيوٽي نه ڪندو آهي ۽ ڪڏهن ڪڏهن اسپتال ايندو آهي پر هن پنهنجي عملي کي به ڇوٽ ڏئي ڇڏي آهي.ليڊي ڊاڪٽر ۽ مڊوائيوز صبح جي وقت ڊيوٽيون ڪن ٿيون ۽ رات جو ڪنهنجي ڊيوٽي نه هئڻ ڪري ويم واريون عورتون مشڪلاتن کي منهن ڏئي رهيون آهن.ڪيترائي دفعا ايم ايس کي گذارش ڪئي آهي ته ليڊي ڊاڪٽر ۽ هڪ مڊ وائيف جي ديوٽي ڏينهن جو ۽ گائناڪالوجسٽ ، ٻي مڊوائيف ۽ نرس جي ڊيوٽي رات جو لڳائي وڃي ته جيئن رات جو ايندڙ مريضن کي به سهولت ٿي پئي پر راشي ايم ايس ڪجھ ٻڌڻ لاءِ تيار نه آهي.

ڳڙهي خيرو: زڪوات فنڊ مان غريب مريضن جي علاج لاءِ ملندڙ لکين روپيه به اسپتال انتظاميه جي ڪرپشن جي نظر ٿيڻ لڳي آهي 2010 جي مها ٻوڏ کان پوءِ ڪنهن به غريب مريض جو زڪوات فنڊ مان علاج نه ڪرايو ويو آهي،جڏهن ته ڪيترائي غريب مريض زڪوات فارم ڀرائي ايم ايس وٽ پهچن ٿا ته ايم ايس اهو چئي کين موٽائيندو رهندو آهي ته زڪوات فنڊ بند آهي ۽ وٽن ڪوبه اهڙو فنڊ نه آهي جنهن مان ڪنهن غريب مريض جو علاج ڪرائي سگهجي. شهرين سعادت حسين ،جاويد علي بروهي،عبدالحميد لُهر ۽ ٻين دانهيندي ٻڌايو ته مريضن لاءِ اسپتال ۾ ٿڌي ۽ صاف پاڻي جو به بندوبست نه ٿيل آهي،وارڊن جا پکا ۽ اي سيون غائب آهن جڏهن ته هڪ جنريٽر صحيح حالت ۾ موجود آهي پر ان ۾ به تيل نه وجهرايو وڃي ٿو،ان سهولتن لاءِ صحت کاتي پاران بجيٽ ملي ٿي جيڪا مريضن جي سهولت بجاءِ ڪرپشن جي نظر ڪئي پئي وڃي.

ڳڙهي خيرو: عالمي سماجي اداري آءِ سي آر سي ۽ سنڌ گورنمينٽ پاران ٺهرايل ٽراما سينٽر به مريضن لاءِ بي لاڀ بڻيل آهي.عالمي اداري پاران لکين روپين جي لاڳت سان ٺهرايل ٽراما سينٽر ۽ اسپتال ۾ موجو الٽراسائونڊ مشين،اي سي جي مشين ۽ ڏندن جي چڪاس واريون مشينون ۽ ليبارٽري جو ٻيو سامان به ايم ايس ڊاڪٽر قربان لانگاھ جي بي ڌياني سبب خراب ٿيڻ لڳو آهي. اسپتال لاءِ آيل ايئرڪنڊيشنر مبينا طور ايس ايم گھر کڻائي ويو آهي. الٽراسائونڊ مشين جيڪا اڳ ۾ هفتي ۾ ٻه دفعا هلائي ويندي هئي اهو سلسلو به بند ڪيو ويو آهي..شهرين عبدالغني کوکر،عبدالمجيد لهر،نذير حسين بروهي،لياقت دايو،ظفرالله بروهي ۽ ٻين دانهيندي چيو ته عالمي سماجي اداري پاران ٺهرائي ڏنل ٽراما سينٽر کي ڊاڪٽرن پنهنجو آرام گاھ بڻائي ڇڏيو آهي.ٽراماسينٽر جيڪو هڪ جديد اسپتال هئڻ گهرجي ها کي ڊاڪٽرن رڳو ڪانفرنسن لاءِ استعمال ڪري رهيا آهن.شهرين وڌيڪ دانهيو ته بند الٽرسائونڊ کوليو وڃي،ڏندن جو ڊاڪٽر گهرائي بيڪار پيل سامان کي ڪارآمد بڻائي ماڻهن کي لاڀ ڏنو وڃي ۽ خراب اي سي جي مشين جي به مرمت ڪئي وڃي ته جيئن بي لاڀ بڻيل سامان کي لاڀائتو بڻائي شهرين کي سهولت ڏني وڃي.

ڳڙهي خيرو: تعلقه اسپتال جي ٽن ايمبولينسن مان ٻه خراب حالت ۾ اسپتال ۾ موجود آهن جڏهن ته اسپتال جي پيرا ميڊيڪل اسٽاف کي پوليو ۽ ٻين ويڪسينيشن مهمن لاءِ فراهم ڪيل ٽن گاڏين ما به ٻه گاڏيون خراب حالت ۾ اسپتال ۾ موجود آهن جنهن سبب پوليو ورڪر تعلقي جي ڏورانهن علائقن ۾ نه ٿا پهچي سگهن ۽ هر پوليو مهم دوران ڪافي ٻار پوليو جي قطرن کان محروم رهن ٿا ۽ گاڏيون خراب هئڻ ڪري نوان ڄاول ٻار پڻ ويڪسين ۽ ٽڪن کان محروم رهن ٿا. اسپتال جي ٻن مان هڪ جنريٽر کي به ٻاهر ڦٽو ڪيو ويو آهي،جنهن سبب نامعلوم ماڻهن گاڏين ۽ جنريٽر جا قيمتي پرزا ڪڍي ڇڏيا آهن ۽خالي گاڏين ۽ جنريٽر جو کو کو وڃي بچيو آهي.

ڳڙھي حسن(رپورٽ: محمد حسن کوسو) پ پ جي ايم پي اي ڊاڪٽر سھراب سرڪي جي اباڻي ڳوٺ ڳڙھي حسن م آئي ايڇ ايس جي سرڪاري اسپتال جي عملي پاران غريب مريضن کي ريلف نٿو ڏنو وڃي . ان حوالي سان علائقي جي رهواسين جون شڪايتون آهن ته مريضن جو صحيح علاج نٿو ڪيو وڃي، اسپتال ۾ اٽڪل ڊاڪٽرنسميت 40 کان وڌيڪ عملو مقرر ٿيل آھي جنھن ۾ ڊيوٽي صرف 25 ماڻھن جي لڳل آھي. انھن م بہ 12 کان 15 ماڻھو ڪم ڪن ٿا ۽ باقي عملو غائب آھي جيڪي مفت جون پگھارون کڻي رھيا آھن.۽ اسپتال ويران ٿيل آھي ۽ ڳڙھي حسن ۽ آس پاس جي غريب عوام کي ھتي ڪو بہ ريلف نٿو ملي بيمار مريضن کي جيڪب آباد ۽ ٺل نيو وڃي ٿو .مريضن جو چوڻ آهي ته اسپتال عملوچوندو آهي ته اسان وٽ دوائون ناھن ۽ دوائون جي کوٽ آھي ۽ وڌيڪ معلوم ٿيو آھي ته ڳڙھي حسن جي آئي ايڇ ايس سرڪاري اسپتال جي لا۽ آيل دوائون، ڳڙھي حسن.دوڙ.باھوکوسو.ڪريم بخش کوسو.جي پراويٽ اسپتالن ۽ ميڊيڪل اسٽورن تي اڌ قيمت تي وڪرو ڪيا وڃن ٿا ۽ ھتي جي غريب عوام کي دوائون نٿا ڏين.۽ غريب ويچارا بيماري جي حالت م پراويٽ ڪلينڪن تي ڦرجڻ لڳا ۽ ڳڙھي حسن جي سرڪاري اسپتال م مقرر عملو ڊيوٽي ڪرڻ بدران  پنھنجا  پراويٽ ڪلينڪن کولي ويھي رھيا ۽ ڪي ڀوتارن جا دادلا پنھنجا ذاتي ڪم ڪار ڪرڻ لڳا سرڪاري اسپتال م آيل مريض تڙپي تڙپي مجبوري جي حالت م جيڪب آباد ۽ ٺل مان علاج ڪرڻ تي مجبور آھن ۽ ھتي آئي ايڇ ايس سرڪاري اسپتال م ڇتي ڪتي جو ويڪسين به نٿو ملي ۽ وڌيڪ ھتي جي رھواسين اعجاز ڪنڊراڻي۔گل محمد۔عبدالجبار۔ربنواز شڪيل احمد ۽ ٻين شڪايتون ڪندي چيو ته ۔ڳڙھي حسن جي سرڪاري اسپتال جي لا۽ آيل ڪروڙين روپين جون سرڪاري دوائون ويڪرو ڪري رڪارڊ ڪرپشن ڪيو وڃي ٿو. ھتان جي رھواسين سڪريٽري ھلٿ ۽ صحت کاتي جي صوبائي وزير کان مطالبو ڪيو ته آئي ايڇ ايس ڳڙھي حسن جي سرڪاري اسپتال جي ڪرپٽ عملي کي ھٽائي ايماندار عملي مقرر ڪيو وڃي. ٻي پاسي رابطي ڪرڻ تي ضلعي جيڪب آباد جي ڊي ايڇ او عبدالغفار رند ٻڌايو آھي ته عوام جي ڪا به شڪايت آھي ان کي ختم ڪنداسين ۽ جيڪو به ڊاڪٽر ڊيوٽي نه ڪندو ان خلاف ڪاروائي ڪئي ويندي۔۽ وڌ کان وڌ عوام کي ريلف ڏنو ويندو۔

شاهپورجهانيان(رپورٽر) شاهپور جهانيان کان 6 ڪلوميٽر پري مقيم شاھ مان 15 ڏينهن اڳ پرڻيل ڪنوار گم ٿي وئي.وارثن پاران پنجاب مان آيل مائٽن تي اغوا جو الزام جڏھن تھ علائقي ۾ ناري جو مرضي سان نڪري وڃڻ جو چئوٻول آھي.ناري جي والد بشير شاھ ۽ ٻين گهرڀاتين موجب سندن 18 ساله ڌي مائرا شاھ جي 15 ڏينهن اڳ پنهنجي نوابشاھ واسي مائٽ ساجد شاھ سان شادي ٿي هئي.هنن ٻڌايو ته اسانجي نياڻي شادي بعد پهريون ڀيرو ملڻ آئي ته پنجاب جي شهر دنياپور مان آيل مائٽ عمران شاھ ۽ زاهد شاھ 2 پاڙيسري ڀائرن ناصر علي ۽ نادر علي جي مدد سان اسان جي نياڻي کي اغوا ڪري ويا آھن.سندس بازيابي ۾ وس وارا مدد ڪرائين.جڏهن ته علائقي ۾ چوئوٻول آھي ته ناري پنهنجي مرضي سان مائٽ سان نڪري وئي آھي.رابطو ڪرڻ تي حد جي ٿاڻي جي ايس ايڇ او ثناء الله پنهور ٻڌايو ته ناري جا وارث ٿاڻي تي ناهن آيا جي ايندا ته سندن مرضي موجب قانوني ڪري ڪنداسين۔