ڪراچي (دلچسپ نيوز) دنيا ۾ ماڻهو گاڏين جي دونهين بابت ڪافي حساس آهن، جنهن جي خاتمي لاءِ بجلي تي هلندڙ گاڏين کي عام ڪرڻ جي ڪوشش جاري آهي، پر دنيا مان 20 وڏن سامونڊي جهاز سڄي دنيا جي گاڏين جي تيل ساڙڻ جيتري آلودگي پکيڙين ٿا.
15 کان 20 وڏن سامونڊي جهازن سبب هڪ پاسي آلودگي پکڙجي رهي آهي ته ٻي پاسي جهازن مان نقصانڪار گيسون به خارج ٿين ٿيون.
هوڏانهن گڏيل قومن جي ميري ٽائم تنظيم 2020 جي شروع ۾ جهازن مان سلفر جي خارج ٿيڻ جي حد طئي ڪرڻ تي رضامند ٿي وئي آهي، پر اڃا تائين ان تي ڪم ناهي ٿيو. جڏهن ته يورپين پارليامينٽ به 2021 کان سامونڊي جهاز راني کي يورپين يونين ايميشن ٽريڊنگ اسڪيم ۾ شامل ڪرڻ جو اشارو ڏنو آهي.
20 سامونڊي جهاز دنيا جي گاڏين کان وڌيڪ گدلاڻ پکيڙين ٿا
چين ۾ ماءُ جو قاتل نينگر عدالتي ڪارروائي بنا آزاد
هونان (دلچسپ نيوز) وچ چين ۾ پوليس ماءُ کي قتل ڪندڙ نينگر کي بنا عدالتي ڪارروائي ۽ سزا ڏيڻ جي آزاد ڪري ڇڏيو.
صوبي هونان جي شهر انجايانگ سان تعلق رکندڙ 12 ورهين جي شاگرد ووبنگ کي ماءُ جي قتل الزام ۾ گرفتار ڪيو ويو هو، پر پوليس کيس سزا ڏيڻ بنا آزاد ڪيو. نينگر پنهنجي ماءُ کي رڌڻي ۾ استعمال ٿيندڙ چاقو جي مدد سان قتل ڪيو هو.
ووبنگ کي ماءُ 2 ڊسمبر تي سگريٽ چورائڻ تي مارڪٽ ڪئي هئي، نينگر جي ڏاڏي شڪي ٿي ڪمري ۾ ڏٺو ته هر پاسي رت هو.
ياد رهي ته چين ۾ ڏوهاري سرگرمين تي سزا ڏيڻ جي قانوني عمر 14 سال آهي، ان ڪري پوليس نينگر کي سزا ڏيڻ بنا آزاد ڪيو.
صالح پٽ ۾ زميني تڪرار تان هٿياربندن ھٿان پيرسن قتل
صالح پٽ (ن پ ا) صالح پٽ ڀرسان زمين جي تڪرار تان پيرسن قتل ٿي ويو،ان ڏس ۾ صالح پٽ ڀرسان ڳوٺ ڪريم بخش مڱريو ۾ زمين جي تڪرار تان پنجن جوابدرن گھر م ستل 70 ورهيه ڏاتر ڏنو ولد محمد پناھ مڱريو کي بندوق جا فائر ڪري قتل ڪري ڇڏيو، اھڙي اطلاع بعد صالح پٽ پوليس واقعي واري ھنڌ پھچي مقتول ڏاتر ڏنو مڱريو جو لاش کڻائي تعلقه اسپتال روھڙي مان پوسٽ مارٽم ڪرائڻ بعد لاش وارثن حوالي ڪري ڇڏيو، جڏھن ته آخري اطلاعن تائين واقعي جو ڪيس داخل نه ٿي سگھيو آهي ۽ نه وري ڪا گرفتاري ٿي سگھي آھي ، صالح پٽ پوليس ٻڌايو ته مقتول ڏاتر ڏنو مڱريو جي پٽ محمد نواز مڱريو ٻڌايو آھي ته اسان جو پنھنجي سئوٽن سان زمين جو تڪرار ھلندڙ آھي جنهن تي عبدالفتاح مڱريو سميت پنجن جوابدارن اسان جي گھر ۾ گھڙي گھر اندر ستل سندن پيءُ کي بندوق جا فائر ڪري قتل ڪري ڇڏيو آھي ،پوليس مطابق فريادي ٿاڻي تي نه آيا آھن جيئن فريادي ٿاڻي تي ايندا ته ڪيس داخل ڪيو ويندو.
آمريڪي رانديگر اڪيلي سر انٽارڪٽيڪا پار ڪري ورتو
انٽار ڪٽيڪ (دلچسپ نيوز) آمريڪي رانديگر ۽ مهم جُو ڪولن او بريڊي سرد خطي انٽارڪٽيڪا پار ڪري هڪ نئون اعزاز پنهنجي نالي ڪري ورتو.
آمريڪي ميڊيا موجب ڪولن پنهنجي سفر ۾ 932 ڪلوميٽر جو تمام ڏکيو فاصلو 54 ڏينهن ۾ طئي ڪيو ۽ ان سان گڏ هڪ ٽرالي سان ٻڌل 170 ڪلوگرام سامان کي به گهليو.
اهڙي ڪارنامي تي سڄي دنيا ۾ کيس پذيرائي ملي رهي آهي ۽ ماڻهو ڪولن جي وڏي همت مان تمام گهڻو متاثر ٿيا.
ڪولن سمهڻ بنا آخري ڀيرو لڳاتار 32 ڪلاڪن تائين سفر ڪيو ۽ تازو 125 ڪلوميٽر جو فاصلو طئي ڪيو، جنهن کي انٽارڪٽيڪ جي ميراٿن ڊوڙ قرار ڏنو. ڪارنامو سرانجام ڏيڻ بعد ڪولن پنهنجي وارثن کي روئيندي پيغام ڏنو ته هو هڪ ڪمري ۾ بند ٿي ان مهم تي سوچيندو رهيو ۽ ڪم ڪرڻ جو پڪو ارادو ڪيو.
ٽنڊو الهيار:تيز رفتار مزدا پيادل ويندڙ نوجوان کي چيڀاٽي ڇڏيو
ٽنڊوالهيار(رپورٽر)ميرپورخاص ٽنڊوآدم مين روڊ جي بس اسٽاپ بهادر موري ويجهو تيز رفتار مزده پيادل ويندڙ 15 ورهين جي نوجوان شيرمحمد مري کي چپڀاٽي ڇڏيو،نتيجي ۾ نوجوان فوت ٿي ويو،سندس لاش سول اسپتال ٽنڊوالهيار منتقل ڪيو ويو جڏهن ته مزده ڊرائيور فرار ٿي ويو آھي.
نوابشاهه پوليس جو جوا جي اڏي تي ڇاپو: 3 جوابدار گرفتار
نوابشاهه( رپورٽر ) تعلقه ٿاڻي جي پوليس جوا جي اڏي تي ڇاپو 3 هڻي جوابدار گرفتار ڪري ورتا،ان ڏس ۾تعلقه ٿاڻي نوابشاهه جي پوليس دعويٰ ڪئي آهي ته انهن بلاول مائنر جي ڀرسان هلندڙ جوا جي اڏي تي ڇاپو هڻي ٽن جوارين بلو شر، علي حسن زرداري ۽ محب علي زرداري کي گرفتار ڪري انهن جي قبضي مان 8 هزار روپيا روڪ، تاش جي ڊٻي، هڪ موٽر سائيڪل بغير ڪاغذن جي هٿ ڪئي ۽ جوابدارن خلاف پنج جوا ايڪٽ تحت ڪيس داخل ڪري ڇڏيو.
اي سي ايل ۾ نالو آيو ته ڇا ٿيو؟ گهمڻ لاءِ پنهنجو ملڪ ئي وڏو آهي: منظور وساڻ
ننڍن ننڍن جيلن ۾ رهڻ جا عادي ٿي ويا آهيون، حڪومت جو بھ وارو ايندو: پ پ اڳواڻ
پي ٽي آءِ سياسي خودڪشي ڪري رهي آهي، کين حڪومت هلائڻ نٿي اچي: وساڻ
ڪراچي (رپورٽر) پ پ اڳواڻ منظور وساڻ چيو آهي ته اي سي ايل ۾ نالو آيو ته ڇا ٿيو، گهمڻ لاءِ پنهنجو ملڪ ئي وڏو آهي. ڪراچي ۾ ميڊيا سان ڳالهائيندي پ پ اڳواڻ منظور وساڻ چيو ته پارٽي قيادت جو اي سي ايل نالو ڏنو ويو آهي ته ڇا ٿي پيو، اسان اِتي پيا گهُمنداسين، پاڪستان وڏو ملڪ آهي. هُن چيو ته اسان ننڍن ننڍن جيلن ۾ رهڻ جا عادي ٿي ويا آهيون، ڪراچي ۾ ميڊيا، هن وقت اپوزيشن جو وارو آهي، ڪجهه عرصي کانپوءِ پي ٽي آءِ حڪمرانن جو به وارو ايندو، بچندو ڪير به نه. هڪ سوال جي جواب ۾ منظور وساڻ چيو ته 2020ع ۾ عمران خان جو ڪوبه سياسي مستقبل نظر نٿو اچي، پي ٽي آءِ حڪومت نٿي هلائي سگهي ۽ سياسي خودڪشي ڪري رهي آهي.
ٺل ۾ ريڊ ڪمشنر جو پوليس چوڪي تي ڇاپو، 3 ناحق باندي بازياب
ٺل(رپورٽر)ٺل لڳ ريڊ ڪمشنر پوليس چوڪي تي ڇاپو هڻي ناحق باندي بڻيل 3 ڄڻا بازياب ڪرائي ورتا سيشن جج جي حڪم تي ريڊ ڪمشنر عزيز الله جمالي ٺل جي اي سيڪشن ٿاڻي جي اوڍاڻو پوليس چوڪي تي ڇاپو هنيو، ڇاپي دوران پوليس چوڪي ۾ واڙيل ناحق باندي بڻيل ٽن ڄڻن غلام فريد گولو علي بخش انڙ ۽ محمد اسحاق گولو کي بازياب ڪرائي ورتو ،ڇاپي دوران ٽنهي ڄڻن کي هٿڪڙيون لڳل هيون ،جنهن بعد رڪارڊ چيڪ ڪيو ويو ته ٽنهي ڄڻن جي ڪابه انٽري ٿيل نه هئي ڇاپي بعد ريڊ ڪمشنر عزيز الله جمالي پاران ايس ايڇ او اي سيڪشن ٺل کي سڀاڻي رڪارڊ سميت طلب ڪري ورتو ،ناحق باندي بڻيل ٽنهي ڄڻن ٻڌايو ته اسانکي ناحق گرفتار ڪري پوليس چوڪي اوڍاڻي تي هٿڪڙيون هڻي ڪري ويهاريو ويو جڏهن ته اسان مٿان تشدد پڻ ڪيو هنن چيو ته اسان نٿان ڪوبه ڪيس داخل ٿيل ناهي پر پوليس ٻه لک روپيا رشوت طلب ڪري رهي هئي.
ججن ۽ جنرلن جو احتساب ڇو نٿو ٿئي؟ جي آءِ ٽي جهڙي ڪوڙي رپورٽ ڪڏهن ناهي ڏٺي: بلاول ڀٽو
عليمه خان ۽ جهانگير ترين کي اين آر او ڇو مليو؟ اسان کي ضرورت ناھي: پ پ چيئرمين
مراد علي شاهه جهڙو بهترين وڏو وزير ڪنهن به صوبي ۾ ناهي، مٿس سئو سيڪڙو اعتماد آهي
گهوٽڪي (م ڊ) پ پ چيئرمين بلاول ڀٽو زرداري اي سي ايل ۾ نالا شامل ٿيڻ واري معاملي تي ردعمل ظاهر ڪندي چيو ته ايس اي ايل ۽ نوٽيسز کان نٿا ڊڄون، اسان نه پر گُجر خان جلد ڀڄي ويندو. گهوٽڪي ۾ ميڊيا سان ڳالهائيندي بلاول ڀٽو زرداري چيو ته اسان ڪٺ پتلي حڪمرانن کان نه ڀڄنداسين، اسان ڀڄڻ وارن مان نه آهيون، پر گُجر خان جلد ڀڄي ويندو. هن چيو ته اي سي ايل ۽ نوٽيسز کان نٿا ڊڄون، احتساب ڪرڻو آهي ته سڀني جو ڪرڻ گهرجي، عليم خان ۽ عليمه خان جو به احتساب ڪيو وڃي، ڪير به مقدس ڳئون نه آهي. هڪ سوال جي جواب ۾ بلاول ڀٽو زرداري چيو ته سنڌ جي وڏي وزير مراد علي شاهه تي مون کي سئو سيڪڙو اعتماد آهي، پيپلز پارٽي ۾ ڪوبه فارورڊ بلاڪ نه ٺهي رهيو آهي، پر ماڻهن جا اجايو دماغ ٺهي رهيا آهن. بلاول ڀٽو زرداري چيو ته ججز ۽ جنرلز جو احتساب ڇو نٿو ٿئي، جي آءِ ٽي جهڙي ڪوڙي رپورٽ ڪڏهن به نه ڏٺي آهي.
خيرپور ۾ ڦورن ھٿان زخمي ٿيل قائدعوام يونيورسٽي جو شاگرد چئن ڏينھن کان بيھوش
خيرپور (رپورٽر)چار ڏينهن اڳ خيرپور ۾ اي سيڪشن ٿاڻي جي حد پوليس چوڪي واري ڳوٺ ڀرسان هٿياربندن هٿان ڦر دوران مزاحمت ڪرڻ تي زخمي ڪيل قائد عوام يونيورسٽي اسلام آباد جو شاگرد عرفان ڦلپوٽو اڃان تائين هوش ۾ اچي نه سگهيو آهي نه ئي واقعي ۾ ملوث ڄاڻايل جوابدارن جي گرفتاري عمل هيٺ اچي سگهي آهي. ان سلسلي ۾ عرفان ڦلپوٽي جي والد وقار احمد ڦلپوٽو، ڀاءُ مرتضيٰ ڦلپوٽي ۽ ڏاڏي حاجي رستم ڦلپوٽو پريس ڪلب خيرپور ۾ صحافين اڳيان دانهيندي ٻڌايو ته عرفان چار ڏينهن گذرڻ جي باوجود بيهوشي واري حالت ۾ سکر جي اسپتال ۾ داخل آهي. هنن آءِ جي سنڌ، ڊي آءِ جي سکر ۽ ايس ايس پي خيرپور کان مطالبو ڪيو ته واقعي جو نوٽيس وٺي واقعي ۾ ملوث جوابدارن کي فوري طور تي گرفتار ڪيو وڃي ٻي صورت ۾ سخت احتجاج ڪيو ويندو.
خانواھڻ: شھرين پاران جوا ۽ منشيات جا اڏا پوليس سرپرستي ۾ ھلڻ جو الزام
خانواھڻ(ن پ ا)پوليس غير قانوني ڌنڌن کي ڪمائي جو ذريعو بڻائي جوا ۽ منشيات جي واھپي جي کلي ڇوٽ ڏيئي ڇڏي آھي، جنھن سبب خانواھڻ جي سمورن شھري توڙي ٻھراڙي وارن علائقن خانواھڻ، تنيا، بقا شاهه ۽ٻين ننڍن توڙي وڏن ڳوٺن ۽ شهر جي مين چوڪن ۽ پاڙن ۾ جوا جا اڏا ۽ڪچي شراب جون بٺيون پوليس جي سرپرستي ۾ هلي رهيون آهن جتان اسڪولي شاگردبه ڪچو شراب خريدڪري واپرائين ٿاجنهن سبب شاگردن جي تعليم تباھ ٿي رهي آهي. ان کان علاوه گٽڪو، مين پڙي، زيڊ 21، سفينا، رجني جهڙين زهريلين شين جووڪروعام ٿي ويوآهي ۽ جوا جا اڏا پڻ شھر جي مختلف علائقن ۾ سرعام بنان ڪنھن ڊپ ڊاءُ جي ھلي رھيا آھن، جنھن سبب خانواھڻ ۽ ان جي آسپاس ھڪ طرف ڏوھاري سرگرمين ڪر کنيو آھي تھ ٻئي طرف نوجوان نسل پڻ تباھ ٿي رھيو آھي. ذريعن موجب منشيات ۽ جوا جي اڏن تان پوليس ھر مھيني لکين روپين جون منٿليون وصول ڪري رھي آھي، پوليس انتظاميا جي ناقص ڪاڪردگي سبب عوام ۾ عدم تحفظ جي لھر پئدا ٿي ويئي آھي، خانواھڻ جي ينگ ايڪشن ڪميٽي، شھري اتحاد، واپاري ايسوسيئيشن ملاح ويلفيئر جماعت اھلسنت غوثيا انجمن جي اڳواڻن غلام نبي سولنگي، سيد زاڪر علي شاهه، ڪامريڊ غلام رسول جلباڻي ۽ ٻين سياسي، سماجي ڌرين پوليس انتظاميا جي ان ڪڌي عمل جي سخت لفظن ۾ مذمت ڪندي چتاء ڏنو آھي تھ پوليس انتظاميا پنھنجو قبلو درست ڪري خانواھڻ مان سماجي براين جو خاتمو نھ آندو تھ احتجاج جو ھر رستو اختيار ڪيو ويندو.
ٺل: ڪارنھن الزام ھيٺ آيل نوجوان تي 5 لک چٽي، ڳوٺ نيڪالي
ٺل)رپورٽر)باھو کوسا ۾ ڪارنھن الزام ھيٺ آيل نوجوان تي پنج لک چٽي وجھي کيس ھميشھ لاءِ ڳوٺ نيڪالي ڏني وئي ان ڏس ۾ باهو کوسو ٿاڻي جي حد ڳوٺ عبدالله بنگلاڻي ۾ بنگلاڻي ۽ مرهيٽا برادري ۾ ھلندڙ ڪارو ڪاري تڪرار جو جرڳو بنگلاڻي برادري جي چيف مقدم جهانگير خان بنگلاڻي جي سر پينچ هيٺ ٿيو، ملهار خان بنگلاڻي ۽ سردار مرهيٽو جون ڳالهيون ٻڌڻ کان پوءِ سردار خان مرهيٽو مٿان ڪارنهن جو الزام ثابت ٿيڻ بعد مٿس پنج لک چٽي وڌي وئي،جنهن هڪ لک موقعي تي ادا ويا ،جهولي جهلڻ تي ويھ ھزار معاف ڪيا ويا باقي رقم ٽن قسطن ۾ ادا ڪندو، نوجوان کي ھميشھ لاءِ ڳوٺ نيڪالي ڏني وئي، فيصلو قبول ڪرڻ بعد ڌرين کي ڀاڪر پارايا ويا، مرهٽا برادري موجب ڏيتي ليتي جي تڪرار کي ڪارنهن جو رنگ ڏنو ويو هو.
نوابشاھ:صوفي راڳي نديم سولنگي پاران سيوھڻ پوليس خلاف احتجاج
نوابشاھ(ن پ ا) مشهور صوفي راڳي نديم فراز سولنگي پنهنجي سازندن سان گڏ راڳ ڳائي نوابشاھ پريس ڪلب ٻاهران احتجاجي مظاهرو ڪرڻ بعد بک هڙتال ڪندي چيو ته 3 ڏينهن اڳ مان محمد علي سهتي جي شادي جي ڪاڄ ۾ سيوهڻ پهتس ته اتي موجود ٺارو شاھ سان تعلق رکندڙ ايس ايڇ او سڪندر وڳڻ سندس ساٿي نظر مڱڻيجي مون مٿان حملو ڪري مونکي ۽ منهنجي ننڍن ڀائرن کي سخت تشدد جو نشانو بڻايو جنهن جي ڪري آئون بيهوش ٿي ويس تنهن کان پوء ڀت ۾ موجود ماڻهن منھنجي انهن کان جان ڇڏائي اسپتال آندو جتان مان سيوهڻ ٿاڻي تي پهتس ۽ مون سيوهڻ ٿاڻي جي ايس ايڇ او ايوب نائچ کي مون مٿان سڪندر وڳڻ ۽ سندس ساٿين پاران ٿيل تشدد جو ڪيس داخل ڪرڻ لاءِ چيو پر ايس ايڇ او منهنجي داد رسي ڪرڻ بجاءِ مونکي لاڪ اپ ڪري ٻن سپاهن سان گڏجي سخت تشدد ڪيو ۽ مونکي 4 ڪلاڪ لاڪ اپ ۾ بيگناهه بند ڪرڻ بعد آزاد ڪيو. هن چيو ته اسين فنڪار ماڻهو امن جا اسير آهيون پر مونکي دلي صدمو پهتو آهي ته وزير علي سنڌ جي تڪ سيوهڻ شهر ۾ سڪندر وڳڻ ۽ سيوهڻ جي ايس ايڇ او ايوب نائچ ۽ سندن ساٿين مون تي ۽ منهنجي معصوم ڀائرن تي تشدد ڪيو آهي. ھن مطالبو ڪيو تھ انهي معاملي جو نوٽس وٺي ٻنهي پوليس اهلڪارن خلاف ڪاروائي ڪئي وڃي ٻئي صورت ۾ سڄي سنڌ ۾ احتجاجي تحريڪ هلائندا سين.
آرمي چيف 22 دهشتگردن جي ڦاھي سزا جي منظوري ڏئي ڇڏي
راولپنڊي (م ڊ) آرمي چيف 22 دهشتگردن کي موت جي سزا جي منظوري ڏئي ڇڏي، آءِ ايس پي آر مطابق آرمي چيف جنرل قمر جاويد باجوا 22 خطرناڪ دهشتگردن جي موت جي سزا منظوري ڪئي آهي، آءِ ايس پي آر موجب دهشتگردن جي ڪاررواين ۾ پاڪ فوج جي 19 جوانن سميت 176 ماڻهو شهيد ٿيا هئا، 217 ماڻهو زخمي ٿيا هئا، جڏهن ته فوجي عدالت ۾ ٻن جوابدارن کي ڏوهه ثابت نه ٿيڻ تي ازاد ڪيويو، آرمي چيف 15 وڌيڪ سزا مليل دهشتگردن کي جيل موڪلڻ جي به منظوري آهي.
سنڌ مان رڙيون اچن پيون،مني لانڊرنگ خلاف آپريشن جو اعلان
ساليانو 10 ارب جي مني لانڊرنگ ٿئي پئي، آءِ ايم ايف وٽ وڃڻ جي جلدي ناھي: عمران خان
اسلام آباد (رپورٽر) وزيراعظم عمران خان چيو آهي ته سنڌ مان ڪالهه کان رڙيون اچڻ شروع ٿي ويون آهن، مني لانڊرنگ خلاف ملڪي تاريخ جو سڀ کان وڏو آپريشن ڪرڻ وڃي رهيا آهيون، وزيراعظم آفيس ۾ صحافين سان ڳالهه ٻولهه ڪندي وزيراعظم عمران خان چيو ته پاڪستان مان ساليانو 10 ارب ڊالرز جي مني لانڊرنگ ٿئي ٿي، سمورن مسئلن جو سبب بي انتظامي آهي، ماضي ۾ بنيادي ڍانچي جي سڌاري تي ڪنهن به ڌيان نه ڏنو، هن چيو ته آءِ ايم ايف وٽ وڃڻ جا جلدي ناهي، آءِ ايم ايف بهتر شرطن تي پاڪستان کي قرض ڏيندو، واضع ڪريان ٿو هاڻي ملڪ ۾ ڪنهن به قسم جو بحران ناهي، مني بجيٽ عوام دشمن نه هوندي، غربت جي خاتمي جي وڏي پروگرام جو جلد اعلان ڪندس، هن چيو ته ڀارت ۾ هاڻي پاڪستان سان بهتر لاڳاپن تي بحٿ شروع ٿي ويو آهي.