ڪراچي (م ڊ) وزيراعظم جي خاص صلاحڪار شهزاد اڪبر چيو آهي ته جعلي اڪائونٽس بابت جي آءِ ٽي حڪومت نه سپريم ڪورٽ جي حڪم تي جوڙي وئي، جي آءِ ٽي ان ڪري ٺهي جيئن معاملي جي تهه تائين پهچي سگهجي، وزيراعظم جي صلاحڪار هڪ نجي ٽي وي چينل سان ڳالهائيندي چيو ته جي آءِ ٽي سان تعلق هجڻ جو الزام هنيو پيو وڃي پر ان جو ثبوت به ڏنو وڃي، عدالتي حڪم تي جوڙيل جي آءِ ٽي ۾ حڪومت جي ڪا به مداخلت نه هئي، هڪ سوال جي جواب م هن چيو ته عليمه خان سرڪاري عهدو ڪڏهن ناهي رکيو،جيڪڏهن اپوزيشن ان خلاف جي آءِ ٽي بڻائڻ چاهي ٿي ته عدالت وڃي،
سيتاروڊ: آبادگارن جو پاڻي کوٽ خلاف سڪل شاخ ۾ بيهي احتجاج
سيتاروڊ(ن پ ا) جوهي برانچ ۽ بيگو ديرو شاخ جي آبادگارن پاڻي جي کوٽ خلاف سڪل شاخ ۾ بيهي احتجاجي مظاهرو ڪرڻ بعد ڌرڻو هنيو.
آبادگارن يعقوب کوسو، عبدالهادي کونهارو، مظھر علي چانڊيو، مشھور ميمڻ، سليمان سومرو ۽ ٻين جي اڳواڻي ۾ آبادگارن جوهي برانچ جي سڪل پيٽ ۾ بيهي مظاهرو ڪيو ويو، جنهن بعد سيتاروڊ جي مختلف رستن تان مارچ ڪندي هڪ آفيس جي سامهون ڌرڻو هنيو.
آبادگار اڳواڻن چيو ته جوهي برانچ ۽ بيگو ديرو شاخ ۾ پاڻي جي کوٽ خلاف گذريل هڪ سال کان دانهي رهيا آھيون پر ڪير به دانهن ورنائڻ وارو ڪو ناهي، پاڻي نه هجڻ سبب اسان جون زمينون سڪي ٺوٺ ٿي ويون آهن ۽ اسان جا ٻچڙا بکون ڪاٽڻ تي مجبور آهن.
آبادگارن چتاءُ ڏنو ته پاڻي کوٽ جو نوٽيس وٺي پاڻي جي فراهمي يقيني نه بڻائي وئي ته احتجاجي تحريڪ جاري رکي ويندي
عمران خان جو منشور ئي اپوزيشن جو خاتمو آهي: نويد ڏيرو
سانگھڙ( رپورٽر) پيپلزپارٽي جي اڳواڻ نويد ڏيرو چيو آهي ته وزيراعظم پاڪستان عمران خان نه ڪو قائد اعظم جي ڏنل سبقن مان سکيو آهي نه ئي قائد عوام جي ڏنل درس تي هلي رهيو آهي ان جو هڪ منشور آهي ته اپوزيشن کي ختم ڪيو وڃي. سانگھڙ ۾ قائد اعظم جي جنم ڏينهن جي حوالي سان تقريب کي خطاب ڪندي هن چيو ته عوامي ليڊر جي هڪ نشاني آهي ته هو ڪا ڳالهه ڪندو ته سئو ڀيرا سوچي ڳالهه ڪندو پاڪستان پيپلز پارٽي عوامي پارٽي آهي جيڪا قائد اعظم جي منشور تي هلي رهي آهي ان موقعي تي ڊپٽي ڪمشنر سانگھڙ نثار حمد ميمڻ جو چوڻ هو ته قائد اعظم محمد علي جناح جي ڪيل ملڪ لا۽ خدمتون اڻوسرندڙ آهن سندن ڪيل خدمت ي سبق سمجهي اسان ي مدد ڪرڻ گھرجي ملڪ ۽ قوم جي لا۽ عوام کي گڏجي قائد اعظم جي ڏنل سبق تي هلي ملڪ ۽ قوم جي خدمت ڪنداسين سانگھڙ ضلعي ۾ عوام جي خدمت ڪندو رهندس ضلعي چيئرمين خادم حسين رند جو چوڻ هو ته قائد اعظم جي زندگي بابت روشني وڌي . سالگرهه تقريب ۾ دپٽي ڪمشنر سانگھڙ نثار آحمد ميمڻ ، ڊسٽرڪٽ ايجوڪيشن آفيسر يار محمد بالادي.پي پي ٽڪٽ هولڊر معشوق چانڊيو،ڊسٽرڪٽ سانگھڙ جي نمائندن،۽ ليڊيزاڳواڻن۽ چيمبر آف ڪامرس ۽ شهرين وڏي انگ ۾ شرڪت ڪئي.
پنگريو لڳ گم ڄاڻايل نينگر هٿ
پنگريو(ن پ ا)پنگريو لڳ مدرسي جامع حنفيه سلطان المدارس مان پراسرار طريقي سان گم ٿيل نينگر 13 ورهيه محبت ولد رمضان ملاح ڳولا بعد هٿ اچي ويو آهي ،نينگر محبت ملاح ٻڌايو ته قاري عبدالباسط مدرسي کان هٽي ڪري ذاتي ڪم وٺندو آهي ۽ جواب ڏيڻ تي تشدد پڻ ڪندو آهي جنهن ڪري مجبور ٿي خوف مان نڪتو هئس .
پني عاقل جرڳو : الزام هيٺ آيل شخص جي ڀائيٽي سان زيادتي جي تصديق
معصوم تقويٰ سان زيادتي ٿي آهي: ميڊيڪل رپورٽ پڌري، جرڳو ناھي ڪيو : واگھو
پنوعاقل)ن پ ا)جرڳي جي الزام هيٺ آيل وڏيري ڪريم بخش واگهو جي ڀائٽي ستن سالن جي تقوي ڌي غلام قادر واگهو جي ميڊيڪل رپورٽ ۾ زيادتي جي تصديق ٿي وئي، واضع رهي ته ڪجه ڏينهن اڳ سڱ چٽي ۾ پنجن سالن جي شمائلا واري معاملي کانپوءِ ڪريم بخش واگهو جي ڀائٽي جو اڳئين ڌر تي زيادتي جو الزام هنيو هو، اها به بار بار ترديد ڪندو آيو ته مون ڪوبه جرڳو ناهي اصل معاملو لڪائڻ لاءِ اهو ڊرامو رچايل آهي، هوڏانهن ايس پي سکر اسد رضا جي حڪم تي ايف آءِ آر به ٿي پر اڳ ۾ ضمانت ٿي وئي ٻنهي ڌرين تي ڪيس داخل ڪيل هئا ڪنهن جي به گرفتاري عمل ۾ نه اچي سگهي. واپاري ڪريم بخش واگهو پاران پريس ڪانفرنس ڪندي چيو ته منهنجي ڀائٽي سان زيادتي جي ميڊيڪل رپورٽ اچي وئي آهي جنهن ۾زيادتي جي تصديق ٿي وئي آهي پوليس هن مهل تائين انهن کي گرفتار ناهي ڪيو منهجي مٿان به ڪوڙو ڪيس ڪيو ويو آهي زيادتي جو شڪار تقوي جي والد چيو ته منهجي نياڻي سان ظالمن ظلم ڪيو آهي آءِجي سنڌ ايس پي صاحب مون سان انصاف ڪن، اسان وٽ ڪوبه جرڳو ناهي ٿيو معاملي کي لڪائڻ ڪوڙو ڊرامو ڪيو ويو آهي.
ڪوٽڙي بئراج ڏانهن سالياني بندي سبب پاڻي فراهمي بند، گڊو وٽ 25 سيڪڙو کوٽ رڪارڊ، نارا ۽ روهڙي جي پاڻي ۾ ڪٽوتي
تربيلا مان کڻت گهٽائڻ بعد سطح 14 سئو 16 فوٽ ٿي، دريائي وھڪرن ۾ بھتري نھ آئي
سکر(رپورٽ: ممتاز بخاري) سکر بيراج وٽان سالياني بندي سبب ڪوٽڙي بئراج ڏانهن ويندڙ پاڻي مڪمل طور بند ڪيو ويو آھي. سکر بيراج جي واهن کي سندن گھرج 26 ھزار ڪيوسڪ بجاءِ 17940 ڪيوسڪ فراھم ٿي رھيو آهي، ٻي پاسي آبپاشي کاتي سنڌ پاران نارا ۽ روھڙي ڪئنالن مان پنج پنج سئو ڪيوسڪ گھٽائي دادو ۽ کيرٿر ڪئنالن ۾ واڌارو پاڻي ڇڏيو ويو آهي. ھوڏانھن سڀاڻي ڪوٽڙي بئراج جي بندي شروع ڪئي پئي وڃي. سکر ڪنٽرول موجب ھر سال جيان 6 جنوري تي ڪوٽڙي ڏانھن پاڻي ڇڏيو ويندو. تربيلا ڊيم مان به کڻت گھٽائڻ بعد پاڻي ذخيرن ۾ معمولي واڌارو ٿيو آهي. پاڻي جي سطح 1416.70 ريڪارڊ ڪئي وئي آهي. پاڻي آمد 16000 ڪيوسڪ مان he10000 ڪيوسڪس جاري ڪيو پيو وڃي. گڊو بيراج وٽ پاڻي جي کوٽ وڌي 25 سيڪڙو کان مٿي ٿي وٿي آهي، جتي پاڻي جي آمد گھٽجي 26504 ٿي وٿي آهي.
چونڊڪو ٽائون جي چيئرمين ۽ ٽي او ۾ اختلاف، ٽن مهينن کان پگھارون بند
آفيسرن جي اختلافن جو نتيجو 400 جي لڳ ڀڳ ننڍا ملازم ڀوڳڻ لڳا
پگھار نه ملڻ جي ڪري صفائي عملي ڪم ڇڏي ڏنو، شهر ۾ گندگي
نارو(رپورٽ:رحيم بخش ناريجو) ٽائون ڪاميٽي چونڊڪوجي چيئرمين ۽ ٽائون آفيسروچ ۾ ملازمن جي پگهارن ۽ حصي پتي تان مبينا اختلاف پيدا ٿي ويا آهن جنهن سبب ٽائون ڪاميٽي چونڊڪو جي 400 جي لڳ ڀڳ ملازمن جون ٽن مهينن کان پگهارون بند ڪيون ويون آهن ملازمن جون پگهارون بند هجڻ سب سندن ٻچا بکون ڪاٽڻ تي مجبور آهن پگهارون جاري نه ٿيڻ سبب صفائي عملي شهر ۾ ڪم ڪرڻ ڇڏي ڏنو آهي نيشنل بئنڪ.مين بازار.مين بس اسٽينڊ ۽ هندو برادري جي عبادت گاه مندرن ٻاهران گندگي جي ڍيرن سميت سمورو شهر گندگي جي ورچڙهي ويو آهي ۽ ناليون ابتيون وهڻ لڳيون آهن جڏهن ته اعتماد جوڳن ذريعن مان معلوم ٿيو آهي ته ملازمن جي پگهارن سميت سموري بجيٽ هڙپ ٿيڻ جو انڪشاف ٿيو آهي ٽائون ڪاميٽي جو چيئرمين ۽ ٽائون آفيسر ڪجھ هفتن کان غائب مان غائب آهن ۽ ڪوبه ملازم آفيس اچڻ لاء تيارناهي ۽ ٽائون جي آفيس ويراني جو ڏيک ڏئي رهي آهي ڪم ڪار لاء ايندڙ شهري آفيس خالي ڏسي مايوس ٿي موٽي وڃن ٿا شهر جي ويراني ۽ تباهي تي شهر جون سياسي سماجي ڌريون ۽ ٽائون ڪاميٽي چونڊڪوجا چونڊيل ميمبر خاموش تماشائي بڻيل آهن.
گندگي جا ستايل شهري روڊن تي نڪري آيا، ٽائون عملي خلاف احتجاج
عملو صفائي ڪرڻ لاء تيار ناهي، ملازم چون ٿا اسان کي پئسا ڏيو: شهري
آفيس شڪايت کڻي وڃون ٿا ته ڪير ملي نٿو، ڪمشنر سکر نوٽيس وٺي
چونڊڪو: شهر ۾ صفائي نه ٿيڻ خلاف شهرين سريچند مل.وجيش.۽ ٻين هندو محله جي مک چونڪ تي احتجاجي مظاهرو ڪندي چيو ته هڪ مهيني کان صفائي عملو شهر ۾ صفائي ڪرڻ لاء تيار ناهي ملازمن کي صفائي لاء چئون ٿا ته هو چون ٿا اسان کي پئسا ڏيو اسان جون ٽن مهينن کان پگهارون بند آهن ٻچا بکون ڪاٽي رهيا آهن آفيس ۾ شڪايت کڻي وڃون ٿا ته آفيس ۾ ڪير ملي نٿو هنن ڪمشنر سکر.ڊي سي خيرپور کي اپيل ڪئي ته هن مسئلي جو نوٽيس ورتو وڃي. ان سلسلي ۾ ٽائون ڪاميٽي چونڊڪو جي چيئرمين ممتاز علي آرادين سان رابطي ڪرڻ جي ڪوشش ڪئي وئي پر سندس موبائل نمبر تي ڪوڊ لڳل هو ۽ رابطو نه ٿي سگهيو
چيئرمين صحيح ڪري ته پگهارون جاري ٿي وينديون: ٽائون آفيسر
چونڊڪو: ٽائون آفيسر ممتاز علي انڙ رابطو ڪرڻ تي ٻڌايو ته مان ملازمن جي پگهارن جي شيٽ تي صحيح ڪري جي آڊٽ ڪرائي آهي صرف چيئرمين صحيح ڪري ته پگهارون جاري ڪيون وڃن پر چيئرمين صحيح نٿو ڪري ته مان ڇا ٿو ڪري سگهان.
کوسڪي پوليس پاران هڪ جوابدار 10 ليٽر شراب سميت گرفتار ڪرڻ جي دعويٰ
نندو شهر(رپورٽر) کوسڪي پوليس پاران هڪ جوابدار 10 ليٽر شراب سميت گرفتار ڪرڻ جي دعويٰ وئي آهي. ان سلسلي ۾ کوسڪي پوليس جو چوڻ آهي ته ڳجھي اطلاع تي ڪارروائي ڪري منشيات فروش متاري کوسي کي 10 ليٽر ڪچي شراب سميت گرفتار ڪيو آهي. هن چيو ته گرفتار جوابدار تي گناهه نمبر 3/4 ايف آءِ آر نمبر 150/2018 منشيات ايڪٽ تحت ڪيس داخل ڪري ورتو.
حيدرآباد ۾ ڪينسر ۾ مبتلا اڌڙوٽ آپگهات ڪري ڇڏيو
حيدرآباد (بيورو رپورٽ) حيدرآباد ۾ ڪينسر جي مرض ۾ مبتلا همراهه آپگهات ڪري ڇڏيو. ڀنگي پاڙي جي رهواسي 50سالن جي لڇمڻ داس پکي ۾ رسو ٻڌي زندگي جو ڏيئو اجهائي ڇڏيو. مقامي ماڻهن جي اطلاع تي پوليس پهچي لاش تحويل ۾ وٺي اسپتال آندو، جتان ضروري ڪارروائي کانپوءِ وارثن حوالي ڪيو ويو. وارثن موجب لڇمڻ ڪينسر جي مرض ۾ مبتلا هئڻ سبب ذهني پريشاني جي ور چڙهيل هوندو. هوڏانهن پوليس ٻڌايو ته واقعو آپگهات لڳي رهيو آهي، وڌيڪ جاچ ڪئي پئي وڃي.
اپوزيشن کي ماٺ رکڻ لاءِ گرفتاري لاءِ ڌمڪايو پيو وڃي: بختاور ڀٽو زرداري
اسلام آباد (م ڊ) اڳوڻي صدر آصف علي زرداري جي نياڻي بختاور ڀٽو زرداري چيو آهي ته ڪٺ پتلي ليڊر آڻڻ لاءِ 2018 جي اليڪشن چورائي وئي، ضمني چونڊ ۾ پي ٽي آءِ سڀ ڪجهه وڃايو، سندن غيرقانوني ووٽ بينڪ جو ٻيو ڪهڙو ثبوت ڏجي، ضمني چونڊن ۾ شڪست باوجود تحريڪ انصاف پاڻ کي اڃا حڪمراني جو حقدار سمجهي ٿي، جنهن تي حيرت آهي، هن چيو ته حيران ۽ پريشان آهيان ته عليمه خان کان ڪمپنين ۽ ملڪيتن جي مني ٽريل ڇو نه پڇي وئي؟ هاڻي اپوزيشن کي خاموش ڪرائڻ لاءِ گرفتاري جون ڌمڪيون ڏنيون پيون وڃن.
ڪراچي ۾ رينجرز جي ڪارروائي، 16 جوابدار گرفتار
ڪراچي (م ڊ) ڪراچي ۾ رينجرز جي ڪارروائي، 16 جوابدار گرفتار، رينجرز ترجمان موجب رينجرز مدينه ڪائوني، ملير، بلديا ٽائون ۽ شاهراهه فيصل ۾ڪارروائي ڪري گرفتاريون ڪيون، گرفتار جوابدار اسٽريٽ ڪرائيم ۽ منشيات جي وڪري ۾ ملوث آهن.
ماٿيلي ۾ ڳوٺاڻن جو يوسي چيئرمين خلاف مظاهرو
ميرپور ماٿيلو(رپورٽر) ميرپور ماٿيلو ۾ ايس ايس پي جي آفيس آڏو گھوٽڪي جي ڳوٺاڻن پاران يو سي چيئر مين خلاف احتجاجي مظاهرو ڪيو ويو, ڳوٺ گاهي سندراڻي جي رھواسي ڳوٺاڻن عورتن ۽ ٻارڙن سميت پاڪ ڪتاب کڻي احتجاج ڪندي وڏيري خلاف نعرا ھنيا, ان موقعي تي ڳوٺاڻن قلندربخش سندراڻي, ڪمال الدين, مسمات سسئي ۽ ٻين چيو ته ڪشمور واسي بااثر وڏيري ۽ يوسي چيئرمين شفقت عرف شفلو سندراڻي سندن خلاف ظلمن جي انتھا ڪري ڇڏي آھي, ڳوٺاڻن الزام ھنيو ته ڄاڻايل وڏيرو اسان جو 12 ايڪڙن تي پوکيل ڪمند جي واڍي ڪرڻ نه ٿو ڏي, ان کان علاوھ ڪجھ ڏينھن اڳ اسان جي نوجوان شمس الدين کي اغوا ڪري کڻي ويو جنھن کي ھڪ ڏينھن تائين يرغمال بڻائڻ بعد آزاد ڪيو, ھنن چيو تـ وڏيري سندن مٿان ڪشمور ضلعي جي مختلف ٿاڻن تي ڪوڙيون ايف آء آرون پڻ داخل ڪرايون آھن, ڳوٺاڻن مطالبو ڪيو ته وڏيري خلاف ڪارروائي ڪري ساڻن انصاف ڪيو وڃي.
گهوٽڪي لڳ ڪار جي ٽڪر ۾ موٽر سائيڪل سوار فوت
گهوٽڪي (ن پ ا) گهوٽڪي ويجهو ڪار جي ٽڪر ۾ موٽر سائيڪل سوار فوت ٿي ويو. رحمو والي لڳ جي ٽي روڊ تي ڪار ۽ موٽر سائيڪل ۾ ٽڪر ٿي پيو. حادثي جي نتيجي ۾ موٽرسائيڪل سوار ڳوٺ واڳڻي واسي 18 سالن جو شهزادو شر ٿڏي تي فوت ٿي ويو. مقامي ماڻهن فوتي جو لاش اسپتال منتقل ڪندي پوليس کي اطلاع ڏنو. پوليس ڪار ڊرائيور کي گرفتار ڪري گاڏي تحويل ۾ وٺي ڇڏي. هوڏانهن فوتي نوجوان جو لاش گهر پهچڻ تي ڪهرام مچي ويو، سندس امڙ کي بيهوشي جا دورا پئجي رهيا هئا.
ڏهرڪي پوليس جو ڪارنامو، نينگر سان بدفعلي جي وڊيو وڪرو، گرفتار جوابدار به آزاد
ڇهين درجي جي شاگرد نويد کي ٻن جوابدارن کنڀي بدفعلي جو نشانو بڻائڻ بعد وڊيو رڪارڊ ڪئي
فضل ۽ علي گرفتار، نينگر جي والد کي وڊيو وڪرو، فيصلي جي آسري تي جوابدار آزاد
ڏھرڪي(رپورٽ: اعظم سهرياڻي) ڏهرڪي پوليس انسانيت جا ليڪا لتاڙي ڇڏيا، شاگرد سان بدفعلي ڪندڙ جوابدارن کي آزاد ڪري وڊيو وڪرو ڪرڻ جو انڪشاف ٿيو آهي. گذريل ڏينهن ڏھرڪي جي القطب ٽائون جي رهواسي عبدلجبار جي پٽ ڇهين درجي جي شاگرد نويد احمد کي جوابدارن فضل ۽ علي کنڀي مبينا بدفعلي جو نشانو بڻائڻ بعد سندس وڊيو رڪارڊ ڪئي. نينگر جي والد جي فرياد تي پوليس ٻنهي جوابدارن کي گرفتار ڪيو، جڏهن ته بااثرن وچ ۾ پئي پورهيت کي ٺاهه لاءِ راضي ڪري معاملو لئه مٽي ڪرائي ڇڏيو. نينگر جي والد عبدالجبار پنهنجي اخبار کي ٻڌايو ته مسڪين آھيان ڏهرڪي ٿاڻي جي پوليس اهلڪار (ش) 15هزار رپيا وٺي جوابدارن وٽان مليل وڊيو ڏني. هن دانهيو ته عزت خاطر پوليس اهلڪار کي پئسا ڏئي ماٺ ڪئي، پر ظلم وڏو ٿيو آهي. هوڏانهن الزام هيٺ آيل پوليس اهلڪار شفيق رابطي ڪرڻ تي اعتراف ڪندي ٻڌايو ته مان عبدلجبار کان 15 هزار ورتا آهن، جيڪي ٻي ڌر کي وڊيو جي مد ۾ ڏيڻا آهن. ٻئي پاسي ايس ايڇ او امام الدين ٻڌايو ته مونکي معاملي جي ڄاڻ ناهي، جيڪڏهن پوليس اهلڪار وڊيو وڪرو ڪئي آهي ته ان خلاف ڪارروائي ڪئي ويندي.
مٺياڻي جي دڪاندار ايسوسيشن ڌڙابندي جو شڪار، نئين چونڊن جو اعلان
مٺياڻي(رپورٽر) مٺياڻي جي دڪاندار ايسوسيئشن م ڌڙا بندي ھڪ گروپ پاران چونڊيل باڊي تي الزام ھڻندي نئين سر اليڪشن ڪرائڻ جو اعلان ڪندي چيو تہ 20 جنوري تي ٽائون ڪاميٽي جي چيئرمين محمد بخش چانڊيو جي نگراني م چونڊ ڪرائ ي ويندي جڏھن تہ پنھنجي حمايتي دڪاندارن جي نوشھرو فيروز چوڪ کان مين چوڪ تائين ريلي ڪڍي ان موقعي تي مظھر مشوري. صاحب چانڊيو. مسرور چانڊيو ء ٻين جو چوڻ ھو تہ ھڪ گروھ بنا اليڪشن ڪرائڻ جي دڪاندارن جي يونين تي قبضو ڪري ورتو آھي جيڪي اليڪشن واري عمل کان ڀڄي رھيا آھن اسان جمھوري طرح اليڪشن ڪرائڻ جا حامي آھيون ء ھر حال م اليڪشن ٿيندي جڏھن تہ ٻئي گروپ جي اڳواڻن وقار شيخ. امداد ملڪ. منصور چغتائي سان رابطي ڪرڻ تي ھنن جو چوڻ ھو تہ ڪجھ ٻاھريان ماڻھو دڪاندار يونين م ڏفيڙ پيدا ڪري رھيا آھن جڏھن تہ ھر سال آگسٽ جي مھيني م اليڪشن ٿيندي آھي ء ڪنھن جي بہ خواھش تي وقت کان پھرين چونڊ نٿي ڪرائي سگھجي .