ڪشمور(رپورٽر) ڪشمور کان پري سنڌ بلوچستان جي دنگ تي ڳوٽ ھيتم جکراڻي جو علائقو آھي جتي ھن جديد دور ۾ به سب سھولتن کان محروم آھي اتي پيئڻ جي پاڻي کان محروم آھن جتي انسان جانور گڏ ھڪ تلاء ۾ پاڻي گڏ پيئن ٿا ھي تصوير ھتان جا چونڊيل نمائندن کان سوال آھي.
ھن دور ۾به ماڻھن سان اھو جٺ ڪيستائين رھندو

جاروار (ن پ ا) جروار جي ڳوٺ عبدالواحد بوزدار جو رهواسي 23سالا علي احمد ملاڻو گذريل ڏينهن هيپاٽائيٽس سي وگهي گنمبٽ جي اسپتال ۾ فوت ٿي ويو ,فوتي نوجوان جو لاش گهر پهچڻ تي ڪهرام مچي ويو ,فوتي جو ڀاء حسين بخش ملاڻو رابطو ڪرڻ تي ٻدايو ته ڪيترين ئي مهينن کان منهنجو ڀاء هيپاٽائيٽس سي جي بيمار ۾ مبتلا هو ,هن جي علاج لاء 50کان 60لک گهري رهيا هئا پر اسان غريب هجڻ سبب پنهنجي ڀاء جو علاج نه ڪرائي سگهياسين.
,هن چيو ته ڪيترائي دفعا حڪومت پاڪستان ڏي سرڪاري خرچ تي علاج لاء درخواستون موڪليون پر اهو جواب مليو ته وزيراعظم فنڊ بند ڪري ڇڏيا آھن ,

تنگواڻي (مقامي نيوز ) تنگواڻي ۾ پير هيبت شهيد جو ميلو گذريل ٻن ڏينهن کان جاري آهي، جنهن ۾ سنڌ ۽ بلوچستان مان زائرين پهچي ويا آهن، جڏهن ته زائرين جي اچڻ جو سلسلو جاري آهي. ميلي ۾ مٺائين هار سينگار جون بازارون لڳي ويون آهن، ميلي جي سيڪيورٽي لاءِ تعلقي جي مختلف ٿاڻن مان 50 اهلڪار پڻ مقرر ڪيا ويا آهن. ميلي دوران ملهه مقابلا پڻ جاري آهن. ميلي ۾ ملهه پهلوانن هڪ ٻئي تي جاٺن سان وار ڪندي هڪٻئي کي ميدان ۾ ليٺائي خوب داد وصول ڪيو، پهرين ڏينهن ميلي ۾ ماستر الياس ميربحر پهرين ۽ برڪت ميربحر ٻئين، جڏهن ته عيسى ميراڻي 3 جوڙ جي مقابلن ۾ مخالفن کي دسي مقابلا کٽي ورتا. ميلي دوران فيصل آباد جي ٽيم جادو ۽ ڪرتب بازن جا منظر ڏسڻ لاءِ ماڻهن جو ميڙ متل آهي.

جوھي (ن پ ا) جوھي تعلقي جي آبادگارن جي 6 مھينا احتجاجي تحريڪ ـ وڏي وزير ـ سيڪريٽري آبپاشي جي حڪمن ۽ رينجرس جي ڪارواين بـ جوھي جي آبادگارن کي زرعي پاڻي ڏياري نـ سگھي آھي ـ دادو ڪئنال مان نڪرندڙ جوھي جي وڏن آبادگارن ـ چونڊيل نمائندن پنھنجو سو سيڪڙو ڪڻڪ جي آبادي مڪمل ڪري ورتي آھي جڏھن تـ پھوڙ شاخ ۽ پٽوڙو شاخ جي پڇڙي م پوکائي نـ ٿي جتي جو سڀ کان منفرد ڪردار وارو آبادگار ميھر گاڏي (گوڏ سان )گورنر ھائوس تائين پھتو ليڪن سندس علائقي ۾ زمينون بنجر بڻيل آھن سندس اڄ بـ لڙڪ ۽ سڏڪا ساڳيا آھن چنجاڻي شاخ تي جوھي شھر تائين 60 سيڪڙو آبادي ٿي آھي پڇڙي پاڻي لپ ناھي ڇڏي ويي آھي اھڙي طرح ـ خان مائنر ـدڙا ـ لاکا ۽ ڇني شاخن جي پڇڙي جي پاڻي تي ڌاڙا جاري آھن ـ جوھي برانچ جي آبادگارن پاڻي جي وصولص لاء سڀ کان وڏي تحريڪ ھلائي ويئي جوھي ـدادو ـ حيدرآباد ـ ڪراچي اسلام آباد ۽ قومي اسمبلي ۾ آبادگارن جي گونج رھي ـآبادگارن جو الزام بـ ھيو تـ پاڻي چورن جا پيرا اسلام آباد ۽ سنڌ جي ايوانن ۾ آھن ڪير انصاف ڪندو ـ آبادگارن جي احتجاج بعد صوبائي حڪومت رينجرس کي جوھي برانچ تي مقرر ڪيو رينجرس آبپاشي کاتي جي ڪامورن جي مدد لاء ھئي رينجرس مخصوص علائقن ۾ وڏي مان وڏي ڪاروائي ڪري آبپاشي کاتي جي ٻن ننڍڙن ملازمن بيلدار غلام قادر ۽ آبادگار اڳواڻ جي پٽ حاڪم لغاري کي گرفتار ڪيو ويو ـ ۽ اوچتو وڌيڪ ڪاروايون بند ٿي ويون ۽ پڇڙي ڏانھن پاڻي پھچڻ شروع ٿي ويو ـ آبپاشي ڪامورن آبادگارن سان راند ڪندي پاڻي پڇڙي تائين پھتو ۽ منڊ کان جوھي برانچ جي ليول گٽائي ڇڏي جنھن ڪري ڪڻڪ جي پوکائي مڪمل نـ ٿي سگھي.
ـ سکر بئراج کي 6 جنوري کان 20 جنوري تائين سالياني بندي جو ليٽر جاري ڪيو ويو آھي اتي آبپاشي کاتي آبادگارن وري اھڙي ملھ ڪئي آھي جو پاڻي جوھي برانچ ۽ شاخن م بند ڪري وڏ جي مڇي جا تلاء ترائي ڇڏيا آھن جنھن کان پوء آبادگارن کي مٿي ھٿ اچي ويا آھن

گهوٽڪي(رپورٽر)مسيع برادري پاران ڪرسمس سالگراھ جو ڪيڪ ڪاٽيو ويو، گهوٽڪي ۾ مسيع برادري پاران هندو ۽ مسلم لاءِ آل پارٽي جو پروگرام پي سي ايف چرچ گهوٽڪي ۾ رکيو ويو جتي سڀ کان پهريان ڪرسمس جي سالگراھ جو ڪيڪ پڻ ڪاٽيو ويو، پروگرام جو مهمان خاص محمود علي قريشي هو، ان موقعي تي پروگرام ۾ اڳواڻ وڪٽر سلطان گلوڪار شميع انجم شمون دلدار ۽ اعجاز گل سميت ٻيا شريڪ ٿيا آخر ۾ گڏجاڻي کي خطاب ڪندي اڳواڻن ملڪ جي سلامتي لاء دعا پڻ گهري

حيدرآباد (رپورٽر) حيدرآباد ۾ ساڃاهه وندن عوامي شاعر بلاول اوٺي جو گهر ڊاهڻ خلاف مظاهرو ڪيو. پريس ڪلب آڏو تاج جويو، نواز شاهه ڀاڏائي، عبدالواحد ڪانڌڙو ۽ ٻين مٺي ۾ شاعر بلاول اوٺي جو گهر حددخليون ڄاڻائي ڊاهڻ خلاف مظاهرو ڪري نعريبازي ڪئي. ساڃاهه وندن جو چوڻ هو ته ٿر انتظاميه عوامي شاعر بلاول جي گهر ڊاهي سامان ٻاهر اڇلائي گهر ڊاهي پٽ ڪيو آهي، اسان اهڙي عمل جي مذمت ڪريون ٿا. هنن مطالبو ڪيو ته عوامي شاعر بلاول اوٺي کي گهر جو معاوضو ۽ متبادل رهائش ڏئي انصاف ڪيو وڃي.

نوان جتوئي(رپورٽر) نوان جتوئي ڀرسان لطيف جي پارکو، اديب ۽ شاعر حافظ محمد بخش خاصخيلي جي 15ورسي 25ڊسمبر تي ملهائي ويندي. ڳوٺ سائين بخش خاصخيلي ۾ورسي تقريب ڪوٺائي حافظ محمد بخش خاصخيلي جي زندگي تي روشني وڌي ويندي، جڏھن ته حافظ محمد بخش خاصخيلي جي پوٽي ايڊووڪيٽ احمد ظفر جي سهڙيل ڪتاب”ھاڻي پاڻي تي پاڻي ٿيندو“ مهورتي تقريب پڻ ٿيندي.

ڳڙهي خيرو (ن پ ا) 8 مھينا اڳ گم ٿيل نينگر اڃان تائين نه ملي سگھيو ، وارثن پاران ٽن جوابدارن تي اغوا جو ڪيس داخل ، پوليس ٻن جوابدارن کي گرفتار ڪري ورتو. ايس ايس پي جي حڪم تي ڪيس جي جاچ لاءِ جي آئي ٽي جوڙي وئي. محمد پور ٿاڻي جي حد ڳوٺ نيڪ محمد کوسو جو رھواسي 14 ورھين جو نينگر نادر پٽ محمد نواز کوسو ڳوٺان ان وڪڻڻ لاءِ رتوديرو ويو جيڪو واپس گھر نہ موٽيو. وارثن سندس ڳولا ڪرڻ سان گڏ اخبارن ۾ اشتهار به شايع ڪرايا مگر نينگر جو ڪو ڏس پتو نه ملي سگھيو. ڪجھ مھينا اڳ گم ٿيل نينگر جي وارثن سيشن ڪورٽ جيڪب آباد ۾ پٽيشن داخل ڪرائي ته کين نينگر جي واپسي لاءِ اڻ ڄاتل جوابدار ڀنگ لاءِ فون ڪري رھيا آھن. ھنن نمبر ٽريس ڪرايا آھن جيڪي انور بروهي ۽ محمد نواز بروهي جا آھن جنھن بعد ڪورٽ جي حڪم تي محمد پور ٿاڻي تي نينگر جي والد جي فرياد تي قمبر شھدادڪوٽ جي ڳوٺ رئيس احمد دين بروهي واسي ٽن ڀائرن انور بروهي ، محمد نواز بروهي ۽ وزير بروهي خلاف نينگر جي اغوا جو ڪيس داخل ڪيو ويو. ڪيس داخل ٿيڻ بعد ايس ايس پي جيڪب آباد عبدالقيوم پتافي جي حڪم تي سي آئي اي انچارج فدا حسين شيخ ، ڊي ايس پي غلام محمد مھر ۽ ايس ايڇ او ڳڙهي خيرو سڌير احمد ڀيو تي مشتمل جي آئي ٽي ٽيم ٺاھي وئي. جنھن قمبر شھدادڪوٽ ضلعي جي ڳوٺ رئيس احمد دين بروهي تي ڇاپو ھڻي ٽن ڀائرن انور علي بروهي ، محمد نواز بروهي ۽ وزير علي بروهي کي گرفتار ڪري ورتو جي آئي ٽي جاچ دوران وزير علي بروهي کي بيڏوھي ڄاڻائي آزاد ڪيو جڏھن ته انور علي ۽ محمد نواز بروهي جي گرفتاري ظاھر ڪئي. رابطو ڪرڻ تي ايس ايڇ او ڳڙهي خيرو سڌير احمد ڀيو ٻڌايو ته جي آئي ٽي جوابدارن کان جاچ ڪري رھي آھي اڃان تائين نينگر جو ڏس پتو نه مليو آھي جوابدارن به نينگر جي اغوا کان انڪار ڪري رھيا آھن.

سندن چوڻ آھي ته انھن جي موبائل سائين حسين شاھ جي درگاھ تي گم ٿي وئي ھئي ان ڪري کين ڀنگ بابت ڪا خبر ڪونھي وڏيڪ جاچ ڪري رھيا آھيون.

ملير (رپورٽر) ملير ۾ ڏوهارين ۽ منشيات فروشن خلاف ڪريڪ ڊائون، عورت سوڌو 8 سوگها، ملير پوليس جي پڌائي موجب قائد آباد ۾ پوليس ڳجهي اطلاع تي ڪارروائي ڪري اسٽريٽ ڪرائيم ۾ ملوث ٻن جوابدارن سلمان عرف فرحان ۽ شهباز کي زخمي حالت ۾گرفتار ڪري ورتو. ايس ايس پي ملير عرفان بهادر صحافين سان ڳالهائيندي چيو ته شاهه لطيف ٿاڻي جي حد ۾ قتل ٿيل 60 سالن جي شهري ملڪ بشير جي ڪيس ۾ جوابدار عامر کي گرفتار ڪري سندس قبضي مان پسٽل هٿ ڪيو ويو. ايس ايس ٻڌايو ته جوابدار پسئن جي ڏيتي ليتي جي معاملي تي پيرسن کي قتل ڪرڻ جو اعتراف ڪيو آهي.شاهه لطيف پوليس شاگردياڻين کي هيرو وڪرو ڪندڙ گروهه جي جوابدار سراج کي گرفتار ڪري ورتو، جوابدار روزانو 1500 گرام کان وڌيڪ آئس هيروئن وڪرو ڪندو هو.ايس ايس پي موجب شاهه لطيف جي علائقي ۾ پوليس مقابلي دوران ٻن جوابدارن آصف ۽ وڪيل احمد کي گرفتار ڪري سندن قبضي مان 10 کان وڌيڪ ڦر ڪيل موبائيل فون ۽ 2 پسٽل هٿ ڪيا.ٻئي پاسي سکڻ واري علائقي مان منشيات فروش عورت شريفان عرف آيا ۽ جمعو خان کي گرفتار ڪري 3 ڪلو چرس هٿ ڪئي.عرفان بهادر ٻڌايو ته ملير ۾ ڏوهارين ۽ منشيات فروشن جو گيهرو تنگ ڪري ڇڏيو آهي، جلد کين منطقي انجام تي پهچايو ويندو.

ميرپورماٿيلو (رپورٽ: برڪت ميراڻي )ضلعي گھوٽڪي اندر عوام جي جان ۽ مال جي حفاظت لاء قائم اڪثر پوليس ٿاڻا ۽ چوڪيون غير محفوظ بڻيل، عمارتون زبون ٿي ويون،ٿاڻن ۾ جوابدارن کي رکڻ لاءِ لاڪپ ئي موجود ناھي، ڪيترن ٿاڻن کي چوديواري موجود ناھي اڪثر ٿاڻا فاريسٽ ،تعليم کاتي، ايريگشن جي عمارتن تي قبضا ڪري قائم ڪيا ويا آھن. گھوٽڪي ضلعي ۾ قائم 20 کان وڌيڪ پوليس ٿاڻا غير محفوظ بڻيل آھن ضلعي جي ڪچي توڙي پڪي جي اڪثر ٿاڻن جي حالت انتھائي خراب عمارتون زبون بڻيل آھن ضلعي گھوٽڪي جا ٽي سٽي ٿاڻن ڏھرڪي ،ميرپورماٿيلو ،گھوٽڪي کي ڪجھ سال اڳ ماڊل ٿاڻن ۾ تبديل ڪيو ويو جتي جي عمارتن جي مرمت ڪرائي انھن کي جديد ماڊل ٿاڻن ۾ تبديل ڪيو ويو آھي . ضلعي جا رائونتي، جروار، يارو لنڊ ،عادلپور ، اوٻاوڙو ، ريتي ـ،کينجھو ۽ ٻين ٿاڻن جون عمارتون پراڻيون زبون بڻيل آھن ،جن جي سالن کان مرمت ناھي ڪرائي وئي انھن ما ڪجھ ٿاڻن اندر جوابدار کي رکڻ لاءِلاڪپ موجود ناھي ،ڪچو ٻنڊي ٽو ، کينجھو ،ٻيلو ميرپور ٿاڻن کي چوديواري موجود ناھي، جنھن جي ڪري ڪنھن وقت به اڻ وڻندڙ واقعو پيش اچي سگھي ٿو . ضلعي گھوٽڪي جا ڪجھ ٿاڻا ۽ چوڪيون مختلف سرڪاري کاتن جي عمارتن تي قبضو ڪري انھن ۾ نفري ويھاري وئي آھي گھوٽڪي جو بي سيڪشن ٿاڻو اين ايچ اي جي عمارت ۾ قائم ٿيل آھي ٻيلو ميرپورٿاڻي جو سمورو عملو فاريسٽ کاتي جي عمارت تي قابض بڻيل آھي ان کان علاوه ڪچو ٻنڊي ٽو اسڪول اندر قائم ٿيل آھي گيمڙو ٿاڻو يونين ڪائونسل جي عمارت تي قبضو ڪري اتي پوليس ويھاري وئي آھي جروار ٿاڻي جي حيات پتافي چوڪي پڻ اسڪول اندر قبضو ڪري قائم ڪئي وئي آھي رائونتي جي پوليس پڪٽ فون لانڊي ايريگشن جي عمارت ۾ قائم ٿيل آھي ضلعي اندر پوليس ٿاڻن جي عمارتن جي زبون حالي جي ڪري ٿاڻن ۾ پيل سرڪاري ھٿيار، ڪيس پراپرٽي، ڪاعذات ،مالخاني ۾ پيل سرڪاري اسلحو به غير محفوظ بڻيل آھن.
ميرپورماٿيلو : آء جي سنڌ ڪجھ ڏينھن اڳ سنڌ جي سڀني ضلعن جي ايس پيز سان ان حوالي سان تفصيلي ميٽنگ ڪئي، جنھن ۾ ھر سال ضلعي جي ٽن ٿاڻن جي کي مرمت ٿوڙي نئين سر تعمير لاءِ پلان جوڙيو ويو ، ايس ايس پي اعتراف ڪيو ته ضلعي جي ٿاڻن جي حالت انتھائي خراب آھي، ان کان علاو لاڪپ پـڻ موجود ناھن تنھن ڪري انھن ٿاڻن تي گرفتار ڏوھارين کي ٻين ٿاڻن تي رکيو ويندو آھي .
ميرپورماٿيلو : گھوٽڪي ٿاڻن کي مليل پوليس موبائلون کٽارا بڻيل آھن، ڪچو ٻنڊي ون وٽ پوليس موبائِيل موجود ناھي،کينجھو ٿاڻي کي مليل خراب بيٺل آھي ،ساڳي طرح يارو لنڊ ،جروار ،ڪچو ٻنڊي ٽو ،کينجھو ٿاڻن کي مليل پوليس موبائيل اڪثر خراب ھجڻ سبب ٿاڻن کي خانا پوري لاء مھيا ڪيون ويون آھن پوليس موبائيل خراب ٿيڻ جي صورت ۾ مرمت لاء ڪو به سرڪاري فنڊ نه ٿو ڏنو وڃي،
ميرپورماٿيلو :گھوٽڪي ٿاڻن اندر نفري جي رھائش لاء اڻپورا انتظام آھن ميرپورماٿيلو ، اوٻاوڙو ،گھوٽڪي ۾ رھائش لاءِ ٺاھيل سرڪاري ڪوارٽرن جي حالت انتھائي خراب بڻيل آھي، اڌ صدي کان اڳ ٿيل سرڪاري ڪوارٽرن جي وري ڪڏھن به مرمت ناھي ڪرائي وئي ، انھن جي حالت تمام گھڻي خراب آھي ڪجھ ڪوارٽرن کي پوليس اھلڪارن پنھنجي مدد پاڻ تحت مرمت ڪرائي انھن کي رھڻ جھڙو ڪيو آهي.

،ڪوارٽن ۾ رھندڙ پوليس اھلڪارن کان ھائوس رينٽ ورتو وڃي ٿو.

ملير (رپورٽر)گلشن حديد فيز ٽو ۾ چئن هٿياربندن گهر ۾ داخل ٿي ڦر لٽ جي ڪوشش ڪئي، گهر مالڪن پاران سخت مزاحمت ڪئي وئي،ڦورن جي فائرنگ ۾ گهر مالڪ صفدر جتوئي ۽ واٽھڙو محمد بچل زخمي ٿي /ڏسو صفحو 7 بقايا 47
پيا، جڏهن ته مزاحمت دوران ھڪ ڦورو زخمي ٿي پيو،زخمي ڦورو کي محلي وارن جهلي پوليس حوالي ڪري ڇڏيو ، سندس ٽي ساٿي فرار ٿي ويا.

ڳڙھي خيرو(ن پ ا)ڳڙھي خيرو پوليس ايس ايڇ او سڌير احمد ڀيو ڳجهي اطلاع تي ڇاپو هڻي اغوا جي ڪيس ۾ گهربل ٻن جوابدرن کي گرفتار ڪري ورتو آهي.پوليس موجب جوابدارن جي موجودگي جي اطلاع تي ڇاپو هڻي محمد پور ٿاڻي تي اغوا جي ڪيس ۾ گهربل ٻن جوابدارن انور علي بروهي ۽ محمد نواز پٽ /ڏسو صفحو 7 بقايا 25
شھنواز بروهي کي گرفتار ڪري لاڪ اپ ڪري ڇڏيو آھي.

شڪارپور: ذريعن موجب ناپر ڪوٽ ٿاڻي جي حد ۾ بين الصوبائي ڪڪڙن جي ميل تي ڇاپي دوران شڪارپور پوليس ڪروڙين رپيا روڪ رقم 100 کان وڌيڪ ڪارون، 180 کان وڌيڪ موٽر سائيڪلون ۽ سوين خفتين کي /ڏسو صفحو 7 بقايا 30
گرفتار ڪري لاڪپ ڪيو هو، جنهن تان ناپر ڪوٽ ٿاڻي جي صوبيدار ۽ نيوجداري ٿاڻي جي صوبيدار وچ ۾ اختلاف وڌي وڃڻ سبب اغوائن جو سلسلو شروع ٿي ويو ان کان اڳ شڪارپور ضلعي ۾ اغوائن جو سلسلو اٽي ۾ لوڻ برابر هو.

شڪارپور: شڪارپور ضلعي ۾ اغوائن جي وارداتن وڌي وڃڻ ڪري شڪارپور جي سياسي، سماجي ڌرين جي اڳواڻن عادل شيخ، عمير /ڏسو صفحو 7 بقايا 29
صديقي، فهد شهزاد سولنگي، زاهد ڀنڀرو، محمد قاسم پٺاڻ، سالڪ سومرو ۽ ٻين گهنٽا گهر لکيدر چوڪ تي احتجاج ڪندي چيو ته شڪارپور ۾ مک منصبن تي ويٺل پوليس جا ٻه عملدار شڪارپور ۾ ڏوهارين ۽ قانون جي ويرين جي پٺڀرائي ڪري رهيا آهن جن شڪارپور پوليس کي ٻن واضح گروپن ۾ ورهائي ڇڏيو آهي اڳواڻن چيو ته ڏوهاري مافيائن ۽ گروپن توڙي سماجي برائين جي اڏن تان ڀتن جي وصولي جهڙن سنگين مامرن تان شڪارپور پوليس ۾ ٻه ڌڙا ٿي چڪا آهن .

شڪارپور: ايس ايس پي شڪارپور ساجد امير صدوزئي رابطو ڪرڻ تي ٻڌايو ته پوليس ۾ پئدا ٿيل ڌڙا بندي کان چڱيءَ ريت واقف /ڏسو صفحو 7 بقايا 28
آھيان، امن امان سان هٿ چراند ڪندڙن کي معافي نه ڏبي هن وڌيڪ چيو ته مغوين جي بازيابي جي لاءِ هن اي پي سي چين ساڻ ڪري ڪچي اندر آپريشن ڪيو آهي جنهن ۾ هن ٻن اغوا ڪارن کي پڻ گرفتار ڪيو آهي هن وڌيڪ ٻڌائيندي چيو ته پوليس اندر اختلاف ٿيندا رهندا آهن پر عوام کي انهن اختلافن جي ور چڙهڻ نه ڏبو.