پکو ( ن پ ا) سردي جي لهر ۾ واڌ کانپوءِ ٻين شهرن وانگر پکي شهر ۾ به گرم ڪپڙن توڙي ڊرائي فروٽ جي وڪري ۾واڌ اچي وئي آهي .شهر ۾ مختلف هنڌن تي لنڊي جا گرم ڪپڙا وڪرو ڪيا پيا وڃن .اسٽالن تي گرم کٿا،لويون، جوتا جيڪيٽ ، جوراب ، ڪوٽ، مفلر ۽ ٻيا گرم ڪپڙا رکيا ويا آھن ، اسٽالن تي سج اڀرڻ سان ئي علائقي جي ڪيترن ڳوٺن يارو ديرو، گهوگهاري،ديدڙ، چانڊو وليج نور محمد مغيري يار محمد علي محمد ورک، ڳوٺ سميت ٻين ڳوٺن جا ماڻھون پھچي گرم ڪپڙن جي خريداري ڪن ٿا . سيزن جو فائدو وٺندي گرم ڪپڙا وڪرو ڪندڙن به قيمتن ۾ واڌ ڪري ڇڏي آهي . گرم ڪپڙا خريد ڪندڙن جي عبدالجبار، سلطان،سليم،وسيم،ستار مغيري،زاهد خشڪ، محمد وسيم ، ممتاز، ۽ ٻين دانهون ڪندي ٻڌايو ته شهر جي مڙني علائقن ۾ افغاني پٺاڻن جي لوڌ پهچي وئي آهي لنڊي جا سوئيٽر ،جيڪٽ، ٽوپلا ، جوراب، پراڻا جوتا ۽ ٻئي سامان جا اگهه وڌائي ڇڏيا آهن . شهر ۾ مڱ، لاهوري گجرون ، توڙي سوپ به وڪرو ٿي رهيو .

پوليس ڪانسٽيبل گهران ڪاوڙجي المنظر پهتي، جتي هن سنڌو درياهه ۾ ٽپو ڏئي آپگهات ڪرڻ جي ڪوشش ڪئي ته ڀر ۾ موجود پوليس اهلڪار کيس ڏسي ورتو ۽ فوري طور کيس پڪڙي آپگهات ڪرڻ کان روڪيو.
آپگهات جي ڪوشش ڪندڙ هيڊ ڪانسٽيبل انيلا شيخ حيدرآباد جي رهواسڻ آهي، ڄامشورو پوليس کيس وارثن حوالي ڪري ڇڏيو

روھڙي: ريلوي اسٽيشن تي ڪسٽم پوليس جو ڪوئيٽا کان ايندڙ اڪبر ايڪسپريس تي ڇاپو ھنيو آھي. ڇاپي دوران لکين رپين جي ملڪيت جا ڪمبل، سائيڪلون، ھيلميٽ، گاڏين جا اسپيئر پارٽس ۽ ٻيو سامان ھٿ ڪرڻ جي دعويٰ ڪئي وئي آھي.

جوھي:گئس جي ھٿراڌو لوڊشيڊنگ خلاف شھرين پاران سياسي سماجي اڳواڻناين امين وگھيو،فقير عيسيٰ باھوتو، ڪامريڊ شوڪت باھوتو،حفيظ بروھي ۽ ٻين جي اڳواڻي ۾ احتجاج ڪيو ويو.ھنن الزام ھنيو تھجوھي ڏانھن ايندڙ گيس پريسر ھٿراڌو طور تي گھٽ ڪيو ويو آھي.جنھن ڪري گھرن ۾ چلھھ بھ نٿي ٻري.ھنن مطالبو ڪيو تھ گئس جو پريشر فوري طور تي بحال ڪيو وڃي.