ڪراچي (رپورٽر) ڪراچي جي بيڪنگ ڪورٽ جي حڪمن باوجود جيل انتظاميه مني لانڊرنگ ڪيس ۾ گرفتار حسين لوائي توڙي غني مجيد کي عدالت ۾ پيش نه ڪيو جنهن تي عدالت جيل انتظاميه کان جواب طلب ڪري ورتو آهي .حسين لوائي جي وڪيل عدالت ۾ درخواست داخل ڪرائي ته کين عدالت ۾ پيش ڪيو وڃي جنهن کانپوءَ ڪراچي جي بيڪنگ ڪورٽ حسين لوائي کي 10 ڊسمبر تي عدالت ۾ پيش ڪرڻ جو حڪم ڏنو پر نه کين 10 ڊسمبر تي پيش ڪيو ويو ۽ نه ئي وري 21 شدمبر واري ٻڌڻي تي پيش ڪيو ويو جنهن کانپوءَ عدالت اڊيالا جيل انتظاميه کان جواب طلب ڪري ورتو آهي ته ذر کين عدالت ۾ ڇو پيش نٿو ڪيو وڃي.
ڪراچي: حسين لوائي ۽ غني مجيد کي عدالت آڏو پيش نه ڪيو ويو، اڊيالا جيل انتظاميا کان جواب طلب
بئنڪنگ ڪورٽ ۾ ٻڌڻي، اڊيالا جيل انتظاميا حڪمن تي عمل نه پئي ڪري: وڪيل
عدالتي حڪمن تي عمل نه ٿيڻ تي حسين لوائي جي وڪيل درخواست داخل ڪرائي ڇڏي
غريبن جي روح کي قيد ڪرڻ لاءِ به هٿڪڙيون لڳنديون: فواد چوڌري جي تنقيد
طاقتورن جا گهر به جيل قرار ۽ اهي حڪومت جي آڊٽ به ڪري سگهن ٿا: فواد چوڌري
غريبن جا لاش هٿڪڙيون لڳائي پيش ڪيا ويندا ته جيئن ماڻهو عبرت حاصل ڪن: وفاقي وزير جو بيان
اسلام آباد ( م ڊ ) وفاقي وزير فواد چوڌري ملڪ ۾ اميرن ۽ غريبن خلاف ڪاررواين ۾ متڀيد واري صورتحال تي تنقيد ڪندي چيو آهي ته جيڪڏهن اوهان امير ۽ طاقتور آهيو ته اوهان جي شاندار بنگلي کي جيل قرار ڏنو ويندو ۽ اوهان حڪومت جي آڊٽ به ڪري سگهو ٿا، پر جيڪڏهن اوهان غريب آهيو ته موت بعد روح کي قيد ڪرڻ لاءِ هٿڪڙيون لڳل لاش نمائش لاءِ پيش ڪيو ويندو.
پنهنجي ٽوئيٽ ۾ فواد چوڌري اپوزيشن ليڊر شهبازشريف جو نالو وٺڻ کانسواءِ تنقيد ڪندي چيو ته جيڪڏهن اوهان امير ۽ طاقتور آهيو ته ڪو مسئلو ناهي، جمهوريت جي وسيع مفادن خاطر وزيرن جي ڪالوني ۾ اوهان جي شاندار بنگلي کي جيل قرار ڏنو ويندو.
شهبازشريف جَي پي اي سي چيئرمين ٿيڻ کانپوءِ واري صورتحال تي ڳالهائيندي فواد چوڌري چيو ته جيڪڏهن اوهان امير ۽ طاقتور آهيو ته حڪومت جي آڊٽ به ڪري سگهو ٿا.
ڪرپشن جي خاتمي واري اداري جي انسپيڪٽر کي ئي ڪرپشن ڪرڻ تي 6 سال قيد جي سزا ملي وئي
ائنٽي ڪرپشن ڪورٽ جي جج انسپيڪٽر ذوالفقار مري کي 6 سال قيد جي سزا ٻڌائي
انسپيڪٽر ذوالفقار مري ڪرپشن، دوکو ۽ دستاويزن ۾ جعلسازي ڪئي: عدالتي فيصلو
ڪراچي( رپورٽر ) سنڌ جي اينٽي ڪرپشن کاتي جو انسپيڪٽر پاڻ ڪرپٽ نڪتو، 6 سال قيد جي سزا ڀوڳيندو.
صوبائي اينٽي ڪرپشن کاتي جي جج اقبال حسين ميتلو ڪرپشن ثابت ٿيڻ تي انسپيڪٽر ذوالفقار مري کي سزا ٻڌائي ڇڏي، عدالتي فيصلي ۾ چيو ويو ته انسپيڪٽر ذوالفقار علي مري دوکو ۽ ڪرپشن سان گڏ جاچ جي دستاويزن ۾ جعلسازي ڪئي.
صوبائي اينٽي ڪرپشن کاتي جي جج، ڏوهي ذوالفقار مري کي 6 سال قيد جي سزا ٻڌائي ڇڏي، واضح رهي ته ڪرپشن ثابت ٿيڻ بعد سزا ماڻيندڙ ذوالفقار مري پاڻ سنڌ جي اينٽي ڪرپشن کاتي ۾ انسپيڪٽر طور ڪم ڪري رهيو هو.
آصف زرداري جي امريڪا ۾ اپارٽمينٽ جا مبينا دستاويز منظرعام تي اچي ويا ٽئڪس رسيدن تي آصف زرداري جو نالو لکيل
وفاقي وزير علي زيدي آصف زرداري جي اپارٽمينٽ جا دستاويز جاري ڪيا،
هي دستاويز زرداري جي نااهلي ريفرنس لاءِ اهم ثبوت آهن: وفاقي وزير علي زيدي جي دعويٰ
اسلام آباد ( م ڊ ) وفاقي وزير علي زيدي اڳوڻي صدر آصف علي زرداري جي امريڪا ۾ ملڪيت جا مبينا دستاويز سامهون آڻي ڇڏيا.
ميري ٽائيم بابت وفاقي وزير علي زيدي ٽوئيٽر تي دستاويز پوسٽ ڪيا آهن، دستاويزن ۾ 524 ايسٽ، اسٽريٽ 72، اپارٽمينٽ 37F نيويارڪ جي ٽيڪس رسيدن تي آصف زرداري جو نالو واضح لکيل آهي.
علي زيدي پنهنجي پوسٽ ۾ خرم شير زمان کي ٽيگ ڪيو ۽ آصف زرداري جي نااهلي بابت پي ٽي آءِ جي درخواست لاءِ انهن مبينا دستاويزن کي اثرائتي ڄاڻ قرار ڏنو.
واضح رهي ته تحريڪ انصاف جي ايم پي اي خرم شير زمان طرفان آصف زرداري جي نااهلي بابت اليڪشن ڪميشن ۾ ريفرنس داخل ٿيل آهي، جنهن ۾ ڄاڻايو ويو آهي ته آصف زرداري جو امريڪا ۾ هڪ اپارٽمينٽ آهي، جيڪو هُن اثاثن ۾ ظاهر ناهي ڪيو .
سرگوڌا يونيورسٽي جي سي اي او ميان جاويد جو پوسٽ مارٽم اڄ ٿيندو
ڪرپشن الزام ۾ گرفتار ميان جاويد گذريل ڏينهن دل جي تڪليف سبب فوت ٿيو هو
فوت ٿيڻ کانپوءِ هٿڪڙيون لڳل مڙهه جي تصوير وائرل ٿيڻ بعد نيب تي ڇتي تنقيد
لاهور (رپورٽر ) لاهور جي ڪيمپ جيل ۾ لاڏاڻو ڪري ويل سرگوڌا يونيورسٽي جي سي اي او جو پوسٽ مارٽم اڄ ٿيندو، هٿڪڙيون لڳل مڙهه جي تصوير وائرل ٿيڻ بعد نيب کي سخت تنقيد جو نشانو بڻايو ويو.
مبينا ڪرپشن جي الزام هيٺ گرفتار سرگوڌا يونيورسٽي جو سي اي او ميان جاويد احمد کي دل جي تڪليف سبب گذريل ڏينهن لاهور جي ڪيمپ جيل مان سروسز اسپتال پهچايو ويو، جتي هو لاڏاڻو ڪري ويو هو
فوت ٿيڻ کانپوءِ به ميان جاويد احمد کي لڳل هٿڪڙيون نه هٽايون ويون ۽ هٿڪڙيون لڳل مڙهه جي تصوير سوشل ميڊيا تي وائرل ٿيڻ بعد نيب توڙي حڪومت کي سخت تنقيد جو نشانو بڻايو ويو، سياسي ڌرين سميت عوام واقعي تي سخت ڪاوڙ جو اظهار به ڪيو، پنجاب جو وڏي وزير عثمان بوزدار واقعي جو نوٽيس وٺندي رپورٽ به طلب ڪري چڪو آهي.
ميان جاويد کي نيب سرگوڌا يونيورسٽي جا غير قانوني ڪيمپس کولڻ جي الزام هيٺ هلندڙ سال گرفتار ڪيو هو، نيب پنهنجي حراست ۾ ميان جاويد جي لاڏاڻي جي ترديد ڪندي چيو ته احتساب عدالت کيس آڪٽوبر 2018 ۾ ئي جڊيشل ريمانڊ تي جيل اماڻيو هو، جنهن بعد نيب لاهور ميان جاويد کي صحتمند حالت ۾ ڪيمپ جيل منتقل ڪيو هو.
ترجمان نيب موجب گذريل ڏينهن جيل اختيارين ميان جاويد احمد کي دل جي تڪليف سبب سروسز اسپتال پهچايو، جتي هن دم ڏنو، موت جو ڪارڻ معلوم ڪرڻ لاءِ اڄ لاش جو پوسٽ مارٽم ڪيو ويندو
ڪوبھ ڏوھ ثابت ناھي ٿيو، سياسي انتقام جو نشانو بڻايو پيو وڃي: ڊاڪٽر عاصم
آصف جي پيشيءَ دوران جيالا عدالت ڇو پھتا (صحافي) آئوٽ آف ڪورس سوال آھي: عاصم
احتساب عدالت جو جج نھ ھجڻ ڪري ڊاڪٽر عاصم خلاف ڪرپشن ڪيس جي ٻڌڻي ملتوي
ڪراچي (رپورٽر) پيپيلزپارٽي اڳواڻ داڪٽر عاصم حسين کي 17 ارب ڪرپشن ڪيس ۾ احتساب عدالت ۾ پيش ڪيو ويو .پيشي وقت صهافي ڊاڪٽر عاصم کان سوال ڪيو اوهان کي ڇا ٿو لڳي ته پ پ کي انتقامي ڪارروائي جو نسانو بڻايو پيو وڃي جنهن تي ڊاڪٽر عاصم جواب ڏنو ته في الحال ته کيس انتقامي ڪارروائي جو نسانو بڻايو پيو وڃي ، هنئير تائين سندس حوالي سان ڪجهه ثابت نه ٿي سگهيو آهي تنهن جي باوجود سندس ٽرائل جاري آهي ، صهافي کيس وري سوال ڪيو ته آصف علي زرداري جي پيشي تي وڏي تعداد ۾ جيالا عدالت پهتا ان تي اوهان ڇا چوندا جنهن تي هن وراڻيو ته اهو سوال آئوٽ آف ڪورس آهي ، صحافين وري کيس سوال ڪيو ته اوهان جو ڇا خيال آهي ته آصف علي زرداري کي گرفتاري پيش ڪرڻ گهرجي جنهن تي سندس چوڻ هو ته اوهان پريشان نه ٿيو ، الله مالڪ آهي .جج جي نه هجڻ سبب ڪيس جي ٻڌڻي 12 جنوري تائين ملتوي ڪئي وئي .
پ پ اڳواڻ بابل ڀيو سوڌو ٻين جوابدارن تي ڪرپشن ڪيس ۾ فرد جرم لاڳو
جوابدارن ڪرپشن توڙي غيرقانوني رقمن جي منتقلي وارو ڏوهه باسڻ کان انڪار ڪري ڇڏيو
ڪراچي جي احتساب عدالت 10 جنوري تي وڌيڪ شاهدن کي پيش ڪرڻ جو حڪم ڏئي ڇڏيو
ڪراچي (رپورٽر) ڪراچي جي احتساب عدالت غيرقانوني رقمن جي منتقلي ۽ ڪرپشن ڪيس ۾ پ پ جي اڳوڻي ايم پي اي بابل ڀيو سوڌو ٻين جوابدارن تي فرد جرم لاڳو ڪري ڇڏيو. احتساب عدالت ۾ بابل ڀيو سوڌو ٻين جوابدارن خلاف بئنڪ اڪائونٽس ذريعي رقمن جي غيرقانوني منتقلي ۽ مبينا ڪرپشن وارن ريفرنس تي ٻڌڻي ٿي.
ٻڌڻيءَ دوران نيب اختيارين عدالت کي آگاهه ڪيو ته ريفرنس ۾ نامزد جوابدار پ پ اڳواڻ بابل ڀيو سوڌو ٻين جوابدارن 4 ڪروڙ 80 لک رُپين کان وڌيڪ ڪرپشن ڪئي ۽ بئنڪ اڪائونٽس ذريعي غيرقانوني رقمن جي منتقلي ڪئي وئي، جڏهن ته ريفرنس ۾ ڄاڻايل جوابدار مقصود ڀيو ۽ افضل ڀيو فرار آهن.
عدالت بابل ڀيو سوڌو ٻين جوابدارن تي فرد جرم لاڳو ڪري ڇڏيو، جڏهن ته جوابدارن عدالت آڏو ڏوهه باسڻ کان انڪار ڪري ڇڏيو آهي. عدالت ڏهه جنوري تائين ٻڌڻي ملتوي ڪندي ايندڙ ٻڌڻيءَ تي شاهدن کي پيش ڪرڻ جو حڪم ڏئي ڇڏيو.
خوشاب ۾سنگدل پيءُ معمولي جهيڙي تان معصوم ڌيءُ کي قتل ڪري ڇڏيو
شڪرڪوٽ ۾ گهريلو جهيڙي ۾ پيءُ 5 ورهين جي ٻارڙي کي زمين تي اڇايو، جنهن ۾ هو فوت ٿي وئي
جوابدار باچا خان والد کان پئسا گهريا نه ڏيڻ تي هن ڪاوڙ ۾ اچي معصوم ٻارڙي کي پٽ تي اڇلايو
خوشاب (م ڊ)خوشاب ۾ پيءُ هٿان 5 ورهين جي معصوم ٻاڙي فوت ٿي وئي ، پوليس جوابدار کي گرفتار ڪري ورتو آهي . پوليس موجب خوشاب جي شڪرڪوٽ واري علائقي ۾ افغان مهاجرن جي گهر ۾ پئسن جي ڏيتي ليتي تان جهيڙو ٿي پيو جنهن ۾ جوابدار پنهنجي 5 ورهين جي ڌي کي ڪاوڙ ۾ کڻي پٽ تي اڇلايو جنهن جي نتيجي ۾ ٻارڙي ٿڏي تي فوت ٿي وئي . اطلاع تي پوليس پهچي فوتي ٻارڙي جي پيءَ باچا خان ۽ سندس ڏاڏي کي گرفتار ڪري ورتو . فوتي ٻارڙي جي ڏاڏي پوليس کي ٻڌايو ته سندس پٽ اڪثر گهر ۾ جهيڙا ڪندو آهي ۽ هن پئسا نه ڏيڻ تي ڌي کي ڪاوڙ ۾ اچي قتل ڪيو .هن ٻڌايو ته سندس پٽ نافرمان آهي ،هو اڪثر کيس به تشدد جو نشانو بڻائيندو آهي .
سنڌ هاءِ ڪورٽ حيدرآباد بار ايسوسيئيشن جون چونڊون جاري
صدارتي عهدي لاءِ نثار دراني ۽ جگديش آر مولاڻي وچ ۾ سخت مقابلي جو امڪان
سنڌ هاءِ ڪورٽ حيدرآباد بار جي چونڊ جو حتمي نتيجو 24 ڊسمبر تي جاري ڪيو ويندو
حيدرآباد (رپورٽر) سنڌ هاءِ ڪورٽ حيدرآباد بار ايسوسيئيشن جي چونڊ لاءِ پولنگ جاري آهي، صدارتي عهدي لاءِ نثار دراني ۽ جگديش آر مولاڻي وچ ۾ سخت مقابلي جو امڪان ظاهر ڪيو پيو وڃي.
هاءِ ڪورٽ بار ايسوسيئيشن جي پولنگ صبح نائين وڳي شروع ٿيڻي هئي پر ووٽر لسٽ وقت سر نه ملڻ سبب وقت وڌايو ويو، جنهن بعد پولنگ 10 وڳي شروع ٿي، جيڪا شام 6 وڳي تائين جاري رهندي.
هاءِ ڪورٽ بار ايسوسيئشن جي صدارتي عهدي تي نثار دراني ۽ جگديش آر مولاڻي وچ ۾ مقابلي جو امڪان آهي، جڏهن ته لائبريري سيڪريٽري لاءِ چار اميدوار ميدان تي لٿل آهن، خزانچي لاءِ بشير احمد عالماڻي ۽ محسن گوپانگ ۾ سخت مقابلي جو امڪان ظاهر ڪيو پيو وڃي، چونڊ جو حتمي نتيجو 24 ڊسمبر تي جاري ڪيو ويندو
جهول پوليس ڌاڙيل اسد جوڻيجو کي هاف فراءِ ڪرڻ بعد گرفتار ڪري ورتو، ٻيو فرار
گشتي پوليس سان مقابلي بعد 3 ڌاڙيل اوندهه جو فائدو وٺي فرار ٿي ويا: ايس ايس پي سانگهڙ
فرار ٿي ويل ڌاڙيلن جي ڳولا لاءِ ڇاپن جو سلسلو جاري آهي: ايس ايس پي ذيشان شفيق
سانگهڙ(رپورٽر) جهول پوليس مبينا مقابلي دوران هڪ ڌاڙيل کي زخمي حالت ۾ رپيٽر سميت گرفتار ڪرڻ جي دعويٰ ڪئي آهي، 3 فرار ٿي ويا.
ايس ايس پي سانگهڙ ذيشان شفيق صديقي موجب نوان آباد بوبي روڊ تي رات دير سان گشتي پوليس تي هٿياربندن فائرنگ ڪئي، جنهن بعد مقابلو ٿيو، ايس ايس پي دعويٰ ڪئي ته مقابلي دوران فائرنگ جي ڏي وٺ ۾ گولي لڳڻ سبب هڪ ڌاڙيل زخمي اسد الله جوڻيجو ٿي پيو، جڏهن ته 3 ڌاڙيل اوندهه جو فائدو وٺي فرار ٿي ويا.
ايس ايس پي چيو ته، زخمي ڌاڙيل وٽان هڪ رپيٽر ۽ 7 ڪارتوس هٿ آيا، ڄنگهه ۾ گولي لڳڻ سبب زخمي ٿيل ڌاڙيل کي حراست ۾ وٺي سول اسپتال سانگهڙ منتقل ڪيو ويو ، فرار ٿي ويل ڌاڙيلن جي گرفتاري لاءِ ڇاپن جو سلسلو جاري آهي.
ذيشان شفيق موجب گرفتار ڪيل ڌاڙيل ڦرلٽ ۽ ٻين سنگين ڪاررواين جي 8 ڪيسن ۾ پوليس کي گهربل هو، وڌيڪ جاچ ڪئي پئي وڃي.
ڪراچي ۾ ڦر مزاحمت دورن هڪ ڄڻو مارجي ويو، ٻيو ذاتي دشمني ۾ قتل، پوليس 6 ڏوهارين کي گرفتار ڪري ورتو
پي آءَ بي ڪالوني ۾ هٿياربندن جي فائرنگ ۾ ماجد نالي شخص قتل،واقعو ذاتي دشمني قرار
ڪراسنگ تي ڦر مزاحمت دوران فائرنگ ۾ قاسم قتل ٿي ويو، جوابدار فرار
ڪراچي (رپورٽر)ڪراچي ۾ هٿياربندن جي فائرنگ ۾ 2 ڄڻا حياتيون وڃائي ويٺا جڏهن ته پوليس مختلف علائقن ۾ ڪارروايون ڪندي مختلف ڪيسن ۾ گهربل 6 جوابدارن کي گرفتار ڪري ورتو آهي .ڪورنگي جي پي آءَ بي ڪالوني ۾ هٿياربندن جي فائرنف ۾ ماجد نالي هڪ شخص قتل ٿي ويو .پوليس جو چوڻ آهي ته واقعو ذاتي دشمني تان پيش آيو .جڏهن ته ڪورنگي ڪراسنگ تي ڦر دوران مزاحمت تي هٿياربندن جي فائرنگ ۾ قاسم قتل ٿي ويو ،جوابدار واقعي بعد فرار ٿيڻ ۾ ڪامياب ٿي ويا .بهادرآباد ۾ پوليس ڪارروائي ڪندي هڪ ڀتي خور کي گرفتار ڪري ورتو .ملير سٽي واري علائقي ۾ به پوليس ڪارروائي ڪنديهڪ منشيات فروش کي گرفتار ڪري ورتو آهي .ڀينس ڪالوني ۾پوليس گرفتار گٽڪي جي فيڪٽري تي ڇاپو هڻي مالڪ کي گرفتار ڪيو ويو .
ماڊل ايان علي جا ٻيهر ضمانت نه ٿيڻ جوڳا گرفتاري وارنٽ جاري
ڪسٽم عدالت غير حاضر ي سبب گرفتاري وارنٽ جاري 18 جنوري تائين ٻڌڻي ملتوي ڪئي
راولپنڊي (شوبز ڊيسڪ) ڪسٽم عدالت ڪرنسي اسمگلنگ ڪيس ۾ ماڊل ايان علي جا ٻيهر ضمانت نه ٿيڻ جوڳا وارنٽ جاري ڪري ڇڏيا.
راولپنڊي جي ڪسٽم عدالت ۾ ڪرنسي اسمگلنگ ڪيس جي ٻڌڻي ٿي، لڳاتار غير حاضري تي ايان علي جي وڪيل سرفراز علي عدالت ۾ دليل ڏنا ته ڊاڪٽرن ايان علي کي فيبروري ۾ پاڪستان جي سفر جي اجازت ڏني آهي، ايان فيبروي ۾ عدالت پيش ٿي پنهنجي خلاف ڪيس کي منهن ڏيندي.
عدالت جوابدار ايان جا ضمانت نه ٿيڻ جوڳا گرفتاري وارنٽ جاري ڪندي ٻڌڻي 18 جنوري تائين ملتوي ڪئي. عدالت ريمارڪس ڏنا ته جوابدار ايان علي 3 سالن کان ڄاڻ واڻي غيرحاضر آهي. هاڻي عدالت ۾ پيش ٿيڻ تائين گرفتار وارنٽ واپس نه ورتا ويندا ۽ 18 جنوري کان ڪا به التوا نه ٿيندي، ايان جي غيرموجودگي ۾ ٽرائل شروع ڪيو ويندو.
ڳڙهي خيري ۾ جيئي بخاري ٽيم ڪوڏي ڪوڏي ٽورنامينٽ ۾ فاتح
فائنل ۾ جيئي بخاري 1-2 رائونڊن تان جيئي نورل شاهه ٽيم کي شڪست ڏني
ڳڙهي خيرو(ن پ ا)ڳڙهي خيري ۾ سنڌ جي ثقافتي راند ڪوڏي ڪوڏي جا بهترين مقابلا ڪرايا ويا. مشهور درگاھ حيدر شاھ بخاري تي ٿيل هڪ ڏينهن واري ٽورنامينٽ جي فائنل ۾ جئي بخاري ڳڙهي خيرو ۽ جئي نورل شاھ ڏيئا وڏا جي ٽيمن وچ ۾ کيڏيو ويو.
جيئي بخاري ڳڙهي خيري جي ٽيم 1-2 رائونڊن تان نورل شاهه ٽيم کي شڪست ڏئي فائنل کٽي هوڪرا ڪرائي ڇڏيا.
جئي بخاري ڳڙهي خيرو ٽيم ۾ بابو بلوچ،رحمت الله عرف لالو بليدي،ظفر علي دستي،عبداللطيف بليدي،غلام شبير چهواڻ،محبوب علي چهواڻ،ڪوٽڙو ميرجت ۽ مدد علي چهواڻ شامل هئا، جڏهن ته جئي نورل شاھ ڏيئا وڏا ٽيم ۾ علي نواز سهتو،دشان ڏيئو،جانب سهتو،اختر علي کوسو،سيد جهان شاھ،غلام مصطفيٰ شر،دلشاد سهتو ۽ محمد نواز سهتو شامل هئا.
فاتح ٽيم کي ٽرافي ۽ انعامي رقم ڏني وئي، رانديگرن پنهنجي فتح تي شاندار جشن ملهايو.مئچ ڏسڻ لاءِ ڀرپاسي جي علائقن مان سوين شوقين پهچي رانديگرن کي داد ڏنو.
قاضي احمد جا دڪاندار هڪ ٿي ويا،مسئلن جي حل لاءِ جدوجهد جو اعلان
قاضي احمد (ن پ ا ) قاضي احمد شھر جي مک بازارن ،ڪاروباري مرڪزن جي بجلي 5 ڏھاڙن کان بند ،دڪاندار هڪ ٿي ويا ،4 رڪني ڪاميٽي جو اعلان ، مسئلن جي حل لاء گڏيل طور جدوجهد ڪرڻ جو فيصلو ڪيو ويو
ان ڏس ۾قاضي احمد ۾ شھرجي دڪاندارن سان ٿيندڙ ناانصافين زيادتين،بجلي جي مسئلي،حددخلين سميت پيش آيل ٻين مسئلن جي حل لاءِ شھر جي سمورين مک ڪاروباري مرڪزن ,بازارن جي دڪاندارن جو هڪ گڏيل اجلاس رانا بابو سرفراز راجپوت جي اڳواڻي ۾ سندس رهائش گاھ تي ٿيو
جنهن دوران مٿي ڄاڻايل مسئلن جي فوري حل لاء ھڪ چار رڪني شھري دڪاندار اتحاد ڪاميٽي جوڙي ويئي جنهن ۾ سرپرست اعليٰ حرجي مل ٽڪر ,صدر رانا بابو سرفراز راجپوت ,جنرل سيڪريٽري علي خان جتوئي ,سينئر نائب صدر ملڪ شھزاد اختر چونڊيا ويا
ان موقعي تي آفتاب مارڪيٽ دڪاندار ايسوسيئيشن جي صدر هدايت الله چانڊيو مذڪوره چونڊيل باڊي بابت ڳالهائيندي چيو ته آفتاب مارڪيٽ جا مسئلا حل ٿي رهيا آھن دڪاندارن جا جيڪي به مسئلا آھن اهي ڄام آفتاب علي انڙ جي سهڪار ۽ مدد سان حل ٿي رهيا آھن انشاء الله دڪاندارن کي اڪيلو نه ڇڏبو.
ڏکڻ پنجاب صوبي واري اعلان تي عملدرآمد شروع، ڌار آءِ جي ۽ چيف سيڪريٽري مقرر ڪرڻ جو فيصلو
ڏکڻ پنجاب صوبي لاءِ الڳ بجيٽ رکي ويندي، پهرين جولاءِ کان انتظامي سيڪريٽريٽ ڪم شروع ڪندو
پنجاب ۾ 2 آءِ جي ۽ 2 چيف سيڪريٽري مقرر ڪيا ويندا، اعلان تي مڪمل عمل ڪبو: تحريڪ انصاف
لاهور(مانيٽرنگ ڊيسڪ)وفاقي حڪومت ڏکڻ پنجاب صوبي واري اعلان تي عملدرآمد شروع ڪري ڇڏيو. تحريڪ انصاف ڏکڻ پنجاب جي حوالي سان هڪ پڌرائي جاري ڪئي آهي. جنهن ۾ ڄاڻايو ويو آهي ته پهرين جولاءِ کان انتظامي سيڪريٽريٽ ڪم شروع ڪندو.
تحريڪ انصاف موجب نئين مالي سال ۾ ڏکڻ پنجاب صوبي لاءِ الڳ بجيٽ رکي ويندي، جڏهن ته پنجاب ۾ 2 آءِ جيز ۽ 2 چيف سيڪريٽريز مقرر ڪيا ويندا، جن مان هڪ پنجاب ۽ ٻيو ڏکڻ پنجاب صوبي ۾ ڪم ڪندو.
پي ٽي آءِ جي پڌرائي ۾ اهو به ڄاڻايو ويو آهي ته حڪومت جيڪي عوام سان واعدا ڪيا هئا، اهي جلد پاڙيا ويندا، ڏکڻ پنجاب جي آءِ جي ۽ چيف سيڪريٽري جي مقرري جو جلد اعلان ڪيو ويندو، جڏهن ته پهرين جولاءِ کان انتظامي سيڪريٽريٽ ڪم به شروع ڪري ڇڏيندو.