ڪراچي (شوبز ڊيسڪ) شاعري ذريعي ماڻهن جي دلين جي راڄ ڪندڙ شاعره پروين شاڪر کي مداحن کان وڇڙي 24 ورهيه وهامي ويا. نوجوانن جي زنده دل شاعره پروين شاڪر 24 نومبر 1952 تي ڪراچي ۾ ادبي خاندان ۾ جنم ورتو. جنهن سبب هوءَ پنهنجي گهر ئي شاعرن جي ڪلام کان واقف بڻجي. پروين شاڪر ڪراچي مان انگريزي ادب ۾ ايم اي ڪئي، ۽ پي ايڇ ڊي ڪرڻ بعد شعبي تعليم سان سلهاڙجي وئي، 9 سال تعليمي شعبي ۾ رهڻ بعد هن سرڪاري ملازمت ڪئي ۽ ان سان گڏ هن ريڊيو پاڪستان جي مختلف علمي ۽ ادبي پروگرامن ۾ شرڪت ڪندي رهي. پروين شاڪر ننڍپڻ ۾ ئي لکڻ شروع ڪيو، 1976 ۾ سندس شاعري جو پهرين ڪتاب ”خوشبو“ ڏيهه توڙي پرڏيهه ۾ تمام گهڻو مشهور ٿيو، جنهن سبب کيس ”آدم جي” ايوارڊ سان به نوازيو ويو. سندس ٻين ڪتابن ۾ ”انڪار، سد برگ، ماههِ تمام: ڪليات شامل آهن. پروين شاڪر جي سموري شاعري سندس جذبن ۽ احساسن جو اظهار آهي، سندس شاعري جو مرڪزي نقطو عورت آهي. اردو ادب جي منفرد لهجي جي شاعره پروين شاڪر 26 ڊسمبر 1994 تي 42 ورهين جي ڄمار ۾ اسلام آباد ۾ هڪ ٽريفڪ حادثي ۾ سدائين لاءِ دنيا کان وڇڙي وئي، پر سندس شاعري اڄ به کيس جيئرو رکي ويٺي آهي.

ملير: ايس ايڇ او شاھ لطيف صحافين کي ٻڌايو ته پوليس لينڊ گريبر راجا آصف کي گرفتار ڪيو ھو جنھن تي ۲۵ ايف آء آر داخل آھن .انکي ڇڏائڻ لاء وڪيل رات جو شراب جي نشي ۾ ڌت ٿي ٿاڻي تي آيو ۽ پوليس سان بدتميزي ڪئي گھٽ وڌ ڳالھايو. جنھن کانپوء وڪيل اڳواڻ کي گرفتار ڪري ميڊيڪل ڪرايو ويو ، ميڊيڪل رپورٽ ۾ پڻ نشو ثابت ٿيو آھي،هن چيو ته مون ڪو به غلط قدم نه کنيو آھي قانون جي دائري ۾ رھي قانوني ڪاروائي ڪئي آھي.

ملير (رپورٽر(جوڊيشل مئجسٽريٽ نمبر 9 ملير آصف اڪبر شاھ لطيف ٿاڻي تي ڇاپو ھڻي باندي بنايل ملير بار جي نائب صدر سينيئر وڪيل سڪندر شر کي بازياب ڪرائي ورتو ۽ ايس ايڇ او شاھ لطيف کي رڪارڊ سميت سيشن ڪورٽ ملير طلب ڪيو،ان واقعي خلاف وڪيلن ملير ڪورٽ آڏو هاءِ وي تي احتجاجي مظاھرو ڪري ڌرڻو ھنيو.جنھن سبب ايندڙ ويندڙ ٽريفڪ معطل ٿي وئي.مظاھرين وڪيلن چيو ته شاھ لطيف پوليس بي ڏوھي وڪيل اڳواڻ کي ڪوڙي ايف آءِ آر داخل ڪري گرفتار ڪيو .جنھن کي عدالتي ڇاپي بعد بازياب ڪرايو ويو آھي.انھن چيو ته پوليس گردي ڪنھن به صورت قبول نه ڪئي ويندي ۽ ايس ايڇ او شاھ لطيف نيڪ محمد کوسو کي معطل ڪري سندس خلاف ڪاروائي ڪئي وڃي. ٻئي طرف ايس ايڇ او شاھ لطيف صحافين کي ٻڌايو ته پوليس لينڊ گريبر راجا آصف کي گرفتار ڪيو ھو جنھن تي ۲۵ ايف آء آر داخل آھن .انکي ڇڏائڻ لاء وڪيل رات جو شراب جي نشي ۾ ڌت ٿي ٿاڻي تي آيو ۽ پوليس سان بدتميزي ڪئي گھٽ وڌ ڳالھايو. جنھن کانپوءِ وڪيل اڳواڻ کي گرفتار ڪري ميڊيڪل ڪرايو ويو، ميڊيڪل رپورٽ ۾ پڻ نشو ثابت ٿيو آھي, هن چيو ت مون ڪو به غلط قدم نه کنيو آھي قانون جي دائري ۾ رھي قانوني ڪاروائي ڪئي آھي. ٻئي طرف ملير بار پاران واقعي خلاف ٽي ڏينهن هڙتال جو اعلان ڪيو آھي.

ملير: جوڊيشل مئجسٽريٽ نمبر 9 ملير آصف اڪبر شاھ لطيف ٿاڻي تي ڇاپو ھڻي باندي بنايل ملير بار جي نائب صدر سينيئر وڪيل سڪندر شر کي بازياب ڪرائي ورتو ۽ ايس ايڇ او شاھ لطيف کي رڪارڊ سميت سيشن ڪورٽ ملير طلب ڪيو ان واقعي خلاف وڪيلن ملير ڪورٽ آڏو هاء وي تي احتجاجي مظاھرو ڪري ڌرڻو ھنيو.جنھن سبب ايندڙ ويندڙ ٽريفڪ معطل ٿي وئي.مظاھرين وڪيلن چيو ته شاھ لطيف پوليس بي ڏوھي وڪيل اڳواڻ کي ڪوڙي ايف آء آر داخل ڪري گرفتار ڪيو .جنھن کي عدالتي ڇاپي بعد بازياب ڪرايو ويو آھي.انھن چيو ته پوليس گردي ڪنھن به صورت قبول نه ڪئي ويندي ۽ ايس ايڇ او شاھ لطيف نيڪ محمد کوسو کي معطل ڪري سندس خلاف ڪاروائي ڪئي وڃي.

ڪراچي(ڪورٽ رپورٽر)سپريم ڪورٽ ڪراچي رجسٽري ۾ اويڪيو ٽرسٽ پاران ڪريم جت ۽ شنڪر لال جي ضمانت منسوخ ڪرڻ لاءِ داخل درخواست تي جسٽس گلزار احمد جي سربراهي ۾ بينچ آڏو ٻڌڻي ٿي، عدالت پاران درخواست کي ٻڌڻ جوڳو قرار ايندڙ سيشن ۾ درخواست تي ٻڌڻي مقرر ڪري ڇڏي آهي.اويڪيو ٽرسٽ پاران درخواست ۾ موقف اختيار ڪيو ويو هو ته ڪريم جت ۽ شنڪر لال اويڪيو ٽرسٽ پراپرٽي تي قبضو ڪرڻ ۽ ڪوڙيون سيل ڊيڊ ٺاهي ٽرسٽ جي ملڪيت وڪرو ڪري قومي ناڻي کي ڪروڙين رپين جو نقصان پهچايو. درخواست ۾ عدالت کان استدعا ڪئي وئي ته ٻنهي جوابدارن جي ضمانت رد ڪري سندن گرفتاري جو حڪم جاري ڪيو وڃي. عدالت درخواست ٻڌڻي لاءِ مقرر ڪندي ٻڌڻي ملتوي ڪري ڇڏي.

ڪراچي(رپورٽر) احتساب عدالت 462 ارب رپيا ڪرپشن ريفرنس ۾ نيب جي هڪ وڌيڪ شاهد کي جرح لاءِ طلب ڪري ورتو. ڪراچي جي احتساب عدالت ۾ 462 ارب رپيا ڪرپشن بابت ريفرنس جي ٻڌڻي ٿي، جنهن دوران ڊاڪٽر عاصم سميت اڳوڻو وفاقي سيڪريٽري پيٽروليم چوڌري اعجاز احمد ۽ ٻيا پيش ٿيا. ٻڌڻي دوران نيب جو شاهد پيش ٿيو، جنهن تي ڊاڪٽر عاصم ۽ ٻين جي وڪيلن جرح جاري رکي.

نيب جي شاهد کان آڏي پڇا مڪمل ٿيڻ تي عدالت هڪ وڌيڪ گواهه کي 7 جنوري تي پيش ٿيڻ جو حڪم ڏيندي ٻڌڻي ملتوي ڪري ڇڏي.

ڪراچي(اسٽاف رپورٽر) متحده قومي موومينٽ (ايم ڪيو ايم) جي اڳواڻ اڳوڻي قومي اسيمبلي ميمبر علي رضا عابدي جي قتل بعد متحده جي ڌڙن پاڻ ۾ رابطا شروع ڪري ڇڏيا آهن. تفصيل موجب فيصل سبزواري ڊاڪٽر فاروق ستار سان رابطا ڪيا. ميڊيا سان ڳالهائيندي فاروق ستار سان في الحال ملاقات جي لاءِ وقت گهريو آهي. فيصل سبزواري جو چوڻ هو ته ملاقات جو مقصد موجوده صورتحال تي فاروق ستار سان ڳالهيون ڪرڻ آهي.  هن چيو ته فاروق ستار ملاقات جي راضپو ظاهر ڪيو، ملاقات ذاتي حيثيت ۾ ڪندس پارٽي طرفان ملاقات جي لاءِ ناهي چيو ويو.

ڪراچي (اسٽاف رپورٽر)ڪراچي جي ڏکڻ پوليس علي رضا عابدي جي گارڊ کي حراست ۾ وٺي ڇڏيو. ڪراچي ۾ ميڊيا سان ڳالهائيندي ايس ايس پي سائوٿ چيو ته علي رضا عابدي معمول کان هٽي ڪري آفيس کان گهر جلدي هليو ويو هو، واقعي جي حوالي ڪمانڊ اينڊ ڪنٽرول جا سي سي ٽي وي فٽيجز هٿ ڪري رهيا آهيون. هڪ سوال جي جواب ۾ هُن چيو ته علي رضا عابدي جي وارثن ڪنهن خاص قسم جو خدشو ظاهر نه ڪيو آهي، سندس وارثن سان ڳالهه ٻولهه ڪئي وئي آهي. ايس ايس پي ڏکڻ چيو ته علي رضا عابدي تي فائرنگ دوران سندس گارڊ جوابي فائرنگ نه ڪئي، تنهن ڪري کيس حراست ۾ ورتو ويو آهي. اهو گارڊ ڏيڍ کان 2 مهينا اڳ علي رضا عابدي جي گهر ۾ سيڪيورٽي لاءِ مقرر ڪيو ويو هو.

ملير (ن پ ا ) ملير جي ڳوٺ در محمد خروس جتوئي ۾حددخلين خلاف امڪاني ڪارراوئي خلاف رهواسين سخت احتجاج ڪندي نعريبازي ڪئي .ڳوٺاڻن جو چوڻ آهي ته حددخلين جي نالي تي غريب ماڻهن کي بي گهر ڪرڻ وارو سلسلو بند ڪيو وڃي هنن چيو ته اسين نزدور ماڻهو آهيون سڄي ڄمار محنت مزدوري ڪري مس وڃي اهي گهر تعمير ڪرايا آهن جن کي ڊاهڻ جون تياريون ڪيون پيون وڃن هنن اعلي اختيارن کان گهر ڪئي ته ماڻهن کي بي گهر ڪرڻ کان پاسو ڪيو وڃي

ڪراچي (م ڊ) سنڌ جي وڏي وزير سيد مراد علي شاهه چيو آهي ته جي آءِ ٽي مونکي گهرائڻ کانسواءِ ئي ڏوهاري بڻائي ڇڏيو، جي آءِ ٽي 700 ماڻهن کي گهرايو پر نه مونکي گهرايو نه پارٽي قيادت جو موقف ٻڌو، هڪ نجي ٽي وي سان ڳالهه ٻولهه ڪندي وڏي وزير سيد مراد علي شاهه جو چوڻ هو ته جي آءِ ٽي رپورٽ سپريم ڪورٽ جمع ٿيڻ کان اڳ ئي ليڪ ٿي،هڪ سوال جي جواب ۾ هن چيو ته مڃون ٿا ته سنڌ بينڪ سنڌ حڪومت جي ملڪيت آهي پر ان تي منهنجو اثر ناهي، آئون بينڪ جي بورڊ آف ڊائريڪٽرز جو حصو نه آهيان، ڪابه سياسي شخصيت بينڪ جي بورڊ آف ڊائريڪٽر ۾ شامل نه هوندي آهي.