ڇور(ن پ ا) ڇور جي زڪريا ڪالوني جو ٽرانسفارمر 15 ڏينھن کان خراب ڪالوني وارا پيئڻ جي پاڻي لاءِ پريشان ٿي ويا،ان ڏس ۾ ڇور جي لڳ ڀڳ 800 گھرن تي مشتمل آبادي رکندڙ زڪريا ڪالوني جو ٽرانسفارمر گذريل پندرھن ڏينھن کان خراب ٺھي نه سگھيو .انھي حوالي سان ڪالوني جي رھواسين علي محمد نھڙي جمال سميجو مگھو ڪولھي لاکو ڀيل ۽ ٻين جو ميڊيا جي نمائندن اڳيان دانھيندي چوڻ ھو ته اسان جي بار بار درخواستون ڏيڻ تي پي ٽي آءِ ايم اين اي لال مالھي اسان جي ڪالوني کي نئون ٽرانسفارمر ڏنو ،جنھن کي واپڊا وارن پنھنجي من ماني ڪندي پنھنجي آفيس ۾ رکي ھن جي جڳهه تي پراڻو ٽرانسفارمر لڳايو جيڪو ھر مھيني سڙي ويندو آھي. اھو پراڻو ٽرانسفارمر گذريل پندرھن ڏينھن کان خراب پيل آھي جنھن ڪري ڪالوني وارا پيئڻ جي پاڻي لاء پريشان آھن.

ملير (ن پ ا ) انڊيجنس رائٽس الائنس ملير جون 43 ديهون ۽ ضلعي اولهه جون 16 ديهون ايم ڊي اي ۽ ايل ڊي اي کي ڏيڻ وارو فيصلو واپس وٺڻ جو مطالبو ڪندي چيو آهي ته انهن ديهن ۾ مقامي ماڻهن کي ليز تي ڏنل زمينون کين هميشه لاءِ مالڪاڻه حقن تي ڏنيون وڃن. انڊيجنس رائٽس الائنس جو هڪ اهم اجلاس عثمان بلوچ جي صدارت هيٺ ملير جي جعفر مراد ڳوٺ ۾ ٿي گذريو، جنهن ۾ عبدالخالق جوڻيجو، سيد خدا ڏنو شاهه، محقق ۽ تاريخدان گل حسن ڪلمتي، الاهي بخش بڪڪ، پروفيسر رخمان گل پالاري، ايڊوڪيٽ جمال ناصر، شعيب بڪڪ، حفيظ بلوچ، غلام رسول بلوچ، حنيف دل مراد، زاهد بلوچ، ايوب فقير، نواز بلوچ ۽ ٻين شرڪت ڪئي، هن اهم گڏجاڻي ۾ بحريا ٽائون جي ملير جي زمينن تي ناجائز ۽ غيرقانوني والار، سپريم ڪورٽ جي فيصلن ۽ بحريا ٽائون خلاف انڊيجينس رائٽس الائنس جي جدوجهد جو جائزو ورتو ويو ۽ اهو چيو ويو ته بحريا ٽائون جي ناجائز والار جو هڪڙو وڏو سبب اهو به آهي ته ملير ضلع جي 43 ديهن کي غيرقانوني طريقي سان ايم ڊي اي جي حوالي ڪيو ويو ۽ ان جو ناجائز استعمال ڪندي اٽڪل 45 هزار زمين تي بحريا ٽائون جو قبضو ڪرايو ويو جنهنجي ذميوار سنڌ حڪومت ۽ ايم ڊي اي آهي، هنن ديهن ۾ لکين ايڪڙ زمين جيڪا مقامي ماڻهن کي واهي چاهي باراني ۽ پولٽري ليز تي ڏنل آهي ۽ اهو سڄو علائقو ذرعي علائقو آهي جتي سوين باغ، وڏي ذرعي آبادي، سوين ڳوٺ، قبرستان ۽ تاريخي ماڳ مڪان موجود آهن، انهي زمين تي والار سبب 12 لک مقامي آبادي جو مستقبل داءُ تي لڳل آهي ۽ سپريم ڪورٽ آف پاڪستان بحريا ٽائون کي ڏنل زمين کي پڻ غيرقانوني قرار ڏنو آهي، جنهن کانپوءِ بحريا کي ڏنل زمين رد ڪئي وئي آهي، انهي ڪري انڊيجينس رائٽس الائنس اهڙو مطالبو ٿو ڪري ته ملير جون 43 ديهون ۽ ضلعي اولهه جون 16 ديهون ٻيهر روينيو (سنڌ حڪومت) حوالي ڪيون وڃن ۽ ايم ڊي اي ايڪٽ ۾ ڪيل ترميم رد ڪئي وڃي ، الائنس اعلان ڪيو ته بحريا ٽائون جي ناجائز والار ۽ ٻهراڙين جي زمينن تي ڌارين جي والار خلاف جدوجهد تيز ڪئي ويندي.

دادو( رپورٽر) ڪراچي اسٽيل جم ڪلب جي ميمبر نوجوان شاداب بلوچ 9 ڏينهن اندر ڪراچي کان دادو تائين پيادل مارچ ڪري دادو پهتو جنهن دادو پهچڻ وڪيل صحبت بلوچ ۽ ٻين شاندار استقبال ڪيو. ان موقعي تي هن صحافين کي ٻڌايو ته پهريان لاهور واسي ڪسرت راء لاهور کان اسلام آباد تائين 10 ڏينهن ۾ 327 ڪلوميٽر پنڌ ڪيو هو ۽ مان 9 ڏينهن ۾ ڪراچي کان دادو تائين 327 ڪلوميٽر پنڌ ڪيو آهي ۽ سڀاڻي وڌيڪ 10 ڪلوميٽر پنڌ ڪري 337 ڪلوميٽر پورا ڪري ڪسرت راء جو رڪارڊ ٽوڙيندس.

ڪنري(ن پ ا) ڪنري لڳ زيارت تان موٽندڙ زائرين سان روڊ حادثو، رڪشو ڪلٽي ٿيڻ بعد کاھي ۾ ڪري پيو، هڪ عورت فوت ۽ چار ڄڻا زخمي ٿي پيا،ان ڏس ۾ مليل ڄاڻ موجب عمرڪوٽ ڪنري روڊ تي زيرو پوائنٽ لڳ ڊڍرو وٽ چيل بند کان زيارت ڪري واپس موٽيندڙ زائرين جو رڪشو ٽائر نڪري وڃڻ سبب کاھي ۾ ڪري پيو، جنھن سبب 50ورهيه عورت دازي زال الھڏنو ڪپري تڏي تي فوت ٿي وئي جڏھن ته ٻه ٻار ڪاشف ڪپري سارا ڪپري، رڪشا ڊرائيور نارائڻ ڪپري ۽ سارا ڪپري زخمي ٿي پيا. جن کي تعلقه اسپتال ڪنري آندو ويو .جتي ڊيوٽي ڊاڪٽر اسپتال مان غائب ھو ۽ پنھنجي ذاتي ڪلينڪ ھلائڻ ۾ مصروف ھو، جڏھن ته وڌيڪ زخمي رڪشا ڊرائيور نارائڻ ڪولھي کي حيدرآباد نيو وڃڻ جو ليٽر ڏنو ويو ۽ ايمبولنس ڊرائيور جي دير سان اچڻ سبب وارثن کي ڏکيائين کي منھن ڏيڻو پيو ،جنھن کي بعد ۾ تشويشناڪ حالت ۾ حيدرآباد نيو ويو، سمورا زخمي ۽ فوتي عورت ڪنري لڳ پڌريو فارم جي ڳوٺ زمان ڪپري جا رھواسي ٻڌايا پيا وڃن.

ڪنب(رپورٽر) ڪوٽڏيجي تعلقي اندر ڪتامار مهم شروع نه ٿي سگهي جنهن سبب هڪ عورت سميت پنجن ڄڻن کي ڇتن ڪتن ڏاڙھي وڌو . ان سلسلي ۾ ٻڌايو پيو وڃي ته ڪ مهيني دوران پنجاه کان وڌيڪ مرد، عورتون ۽ ٻارڙا ڇتن ڪتن جو شڪار ٿي چڪا آھن. گذريل ڏينهن ڇتن ڪتن هڪ عورت سميت پنجن ڄڻن کي ڏاڙھي وڌو جن ۾ الطاف حسين ،امان نويد احمد شر ،محبت خان راڄپر ۽۽ مسمات خورشيد شامل آھن جن کي ڪوٽڏيجي اسپتال آندو ويو جتي کين ويڪسين ڪئي وئي. هتان جي شهرين جو چوڻ آهي ته ڪتا مار مهم شروع نه ٿيڻ جي ڪري ڪتن جو آزار وڌي ويو آهي. هنن مطالبو ڪيو ته جلد ڪتا مار مهم شروع ڪري خوف ختم ڪيو وڃي.

ڪوٽڙي(رپورٽ: ڌڻي بخش باريجو) گذريل سال جا ٽينڊر جاري نه ٿي سگھيا آهن، ڄامشورو ضلعي ڪائونسل پاران 18 ڪروڙ جون نيون اسڪيمون منظورڪيون ويون آهن. ڄامشورو ضلعي ڪائونسل جو اجلاس ضلع چئيرمين ملڪ شاهنواز جي صدارت هيٺ شروع ٿي ويو آھي، اجلاس ۾ 27 ميمبرن شرڪت ڪئي، جڏهن ته اجلاس ۾ ضلعي ڪائونسل جو وائيس چئيرمين صادق شورو پهچي نه سگهيو. اجلاس ۾ گذريل سال جي اجلاس جي ڪاروائي جي بحالي، هلندڙ مالي سال 2018.19 ۾ ميمبرن پاران ڏنل اسڪيمن جي بحالي ۽ ٻين مسئلن بابت ڏنل ايجنڊا تي غور ڪيو ويو، اجلاس ۾ اسڪيمن تي خرچ جو ڪاٿو 18 ڪروڙ 36 لک 79 هزار رکيو ويو آھي اجلاس ۾ ضلع ڪائونسل جي چئيرمين ملڪ شاهنواز ميمبرن کي بريفنگ ڏيندي ٻڌايو ته اسڪيمن ۾ ضلعي جي سڀني ميمبرن کي برابري جي بنياد تي اسڪيمون ڏنيون آھن ٿاڻي بولاخان تعلقي لاء 4 ڪروڙ ،69.لک،63 هزار رکيا آھن اهڙي طرح ڪوٽڙي تعلقي لاء 4 ڪروڙ 76 لک 29 هزار ،مانجهند تعلقي لاء 4 ڪروڙ 88 لک ،78 هزار،سيوهڻ تعلقي لاء 4 ڪروڙ ،2 لک ،80 هزار مختص ڪيا آھن ميمبرن اسڪيمون فائنل ڪري ڏنيون آھن انهن تي جلد ڪم شروع ڪيو ويندو،اجلاس ۾،ميمبرن سلطانه گنڀير،پير بخش ڇڇر،سسئي راجپر،زمان کوسو ،۽ ٻين ميمبرن اجلاس ۾ گذريل ٽن سالن ۾ ڪم ڪار نه ٿيڻ توڙي پنهنجي تڪن ۾ پيئڻ پاڻي جي کوٽ،اسپتالن ۾ دوائن جي کوٽ ،گندگي توڙي ترقياتي اسڪيمون نه ڏيڻ ۽ آفيسرن پاران نظر انداز ڪرڻ جون دانهون ڪيون ويون ،اجلاس ۾ ميمبرن آفيسرن جي غيرموجودگي تي دانهيدي چيو ته جڏهن اجلاس ۾ آفيسر ناهن ته پنهنجا مسئلا ڪنهن آڏو پيش ڪيو آفيسر ضلعي ۾ پنهنجي من ماني هلائن پيا خالي پنهنجا ڪم ڪن ٿا باقي عوام جو ڪجھ به نٿو ٿئي. اجلاس ۾ ميمبرن سلطان کنڀير،سسئي راجپر،پير بخش ڇڇر،زمان کوسو ۽ ٻين ڳالهائيندي چيو گذريل ٽن سالن جو اسڪيمون اسان جو ڪيڏانهن ويون ان تي توج ڇو نه ڏني وئي اسان کي عوام ووٽ ڏئي ڪائونسل ۾ پنهنجا مسئلا حل ڪرڻ لاء موڪليو آھي اسان هڪ به عوام جو هن نظام ذريعي ڪم ناهي ڪيو ووٽرن کي ڪهڙو جواب ڏينداسين ،اجلاس ۾ ميمبر ڊاڪٽر ڀون مل اسڪيمون نه ملڻ واري معامري تي ايوان جي ميمبرن کي آگاھ ڪرڻ جي ڪوشش ڪئي ته ڄاڻايل ميمبرن ڊاڪٽر ڀون مل کي مداخلت ڪرڻ کان روڪيندي ضلع چئيرمين کان اسڪيمون نه ملڻ تي جواب گهريو ، اجلاس ۾ ميمبرن پاران گذريل سال واري اسڪيمن جا ٽينڊر نه ٿيڻ تي دانهون پڻ ڪيون. ميمبر نبي بخش بوزدار ڳالهائيندي چيو ته چار سال مڪمل ٿيڻ وارا آھن اڳ به اسڪميون ورتيون ويون پر انهن تي عمل نه ٿيو . هن چيو ته گذريل وقت ۾ ڪو به ڪم نه ٿيو آهي، سال کان پوء عوام ڏانهن وڃڻو آهي، هن دفي ٽينڊر نه ٿيا ته استعفا ڏئي ڇڏيندس. ،جنهن بعد ضلع ڪائونسل جي چئيرمين ملڪ شاهنواز ايوان کي ٻڌايو ته گذريل ٽن سالن ۾ اسان جو اسڪيمون سرڪار منظور نه ڪيون جنهن ڪري اسڪيمن تي ڪم ٿي نه سگهيو اسان جي ڪائونسل کي مسلسل نظر انداز ڪيو ويو. هن اجلاس ۾ اسان ترقياتي اسڪيمن لاء 18.ڪروڙ ،36لک،79 هزار منظور ڪيا آھن ايندڙ اجلاس ۾ هيلٿ لاء رکيل بجٽ به خرچ ڪري ضلع ڪائونسل جي ماتحت هلندڙ ڊسپينسرين کي دوائون فراهم ڪنداسين.
سنڌ حڪومت ۾ اسڪيمون نه ملڻ ڪري مشڪلاتون پيدا ٿيون: ميمبر
ڪوٽڙي: ضلعي ڪائونسل اجلاس ۾ ميمبر ڊاڪٽر ڀون مل،محمد علي سمون ،محسن عاقلاڻي،جوجي خاصخيلي ۽ ٻين ڳالهائيندي چيو ته ضلع ڪائونسل جي چئيرمين جي ڪارڪردگي مان مطمن آھيون اسان کي جيڪي اسڪيمون مليون آھن ان جي سروي ڪري ضلع ڪائونسل جي چئيرمين حوالي ڪئي آھي اميد ته جلد انهن اسڪيمن تي ڪم ٿيندو ميمبرن چيو ته اسان جي ڪائونسل کي اڳوڻي سنڌ حڪومت ۾ اسڪيمون نه ملڻ ڪري مشڪلاتون پيدا ٿيون پر هاڻ اميد آھي ته هن ڀيري ڪم ٿيندا.

ڪنب(رپورٽر) ڪوٽڏيجي تعلقي اندر ڪتامار مهم شروع نه ٿي سگهي جنهن سبب هڪ عورت سميت پنجن ڄڻن کي ڇتن ڪتن ڏاڙھي وڌو . ان سلسلي ۾ ٻڌايو پيو وڃي ته ڪ مهيني دوران پنجاه کان وڌيڪ مرد، عورتون ۽ ٻارڙا ڇتن ڪتن جو شڪار ٿي چڪا آھن. گذريل ڏينهن ڇتن ڪتن هڪ عورت سميت پنجن ڄڻن کي ڏاڙھي وڌو جن ۾ الطاف حسين ،امان نويد احمد شر ،محبت خان راڄپر ۽۽ مسمات خورشيد شامل آھن جن کي ڪوٽڏيجي اسپتال آندو ويو جتي کين ويڪسين ڪئي وئي. هتان جي شهرين جو چوڻ آهي ته ڪتا مار مهم شروع نه ٿيڻ جي ڪري ڪتن جو آزار وڌي ويو آهي. هنن مطالبو ڪيو ته جلد ڪتا مار مهم شروع ڪري خوف ختم ڪيو وڃي.

خانپورمهر(رپورٽر) ھڪ ھفتو پھريان خانپورمهر لڳ ڳوٺ ناڙي گڏاڻي ۾ زمين جي تڪرار تان قتل ٿيل نوجوان جمعدار گڏاڻي جي قاتلن جي گرفتاري لاءِ گهوٽڪي ضلعي جي مختلف ٿاڻن خانپورمھر، يارولنڊ،دادلغاري،جروار ٿاڻن جي پوليس موبائیلن ايس ايڇ او خانپورمهر رحيم بخش ڪلهوڙو جي اڳواڻي ۾ مختلف ڳوٺ ڦلڊاھ، لال پتافي،ميرموڙ،سخيروملڪ۽ ٻين ھنڌن تي چڙهايون ڪيون پر پوليس کي ڪو بہ قتل ڪيس م گھربل جوابدر ھٿ نہ آيو جنھن کان بعد پوليس نوجوان مقتول جمعدار گڏاڻي جي قتل ڪيس ۾ گهربل جوابدارن جي ٻن ڀائرن علم دين ۽ بلند پتافي کي گرفتار ڪري ڪري ورتو رابطو ڪرڻ سان ايس ايڇ او خانپورمھر رحيم بخش ڪلھوڙو ٻڌايو تہ جوابدارن جي گرفتاري لاء ڳجھن اطلاعن تي ڪاروايون ڪيون ھن چيو تہ ڪيس جي مک جوابدارن جي ٻن ڀائرن کي گرفتار ڪيو آھي جن کان جوابدران بابت پڇا ڳاڇا جاري آھي.

خانواهڻ۔ (ن پ ا ) خانواھڻ شھر ۾ سترنهن ڪلاڪ هٿرادو لوڊشيڊنگ شهرين جون دانهون ڪڍرائي ڇڏيون آهن. ان سلسلي ۾ پورهيتن غلام نبي سولنگي ۽ بشير احمد ڀٽي چيو ته خانواهڻ شھر ۽ ڀرپاسي سيپڪو انتظاميا روزانو سترنهن ڪلاڪ هٿرادو لوڊشيڊنگ ڪري ضلعي نوشهرو فيروز جي ڪاروباري شهر خانواهڻ جي شھرين سان ظلم جي انتها ڪري ڇڏي آهي لوڊشيڊنگ سبب ڪاروهنوار ٺپ ٿي ويو آهي مسجدن گھرن ۾ پاڻي جي کوٽ مستري درزي ۽ سڀئي ڪاروباري عوام پريشان آهي شھرين پاران مطالبو ڪندي چيو تہ خانواهڻ شھر مان هٿرادو لوڊشيڊنگ ختم ڪري شھرين کي سک جو ساھ کڻڻ ڏنو وڃي.

خانپورمھــر ( رپورٽ: شادمحمد مھر) خانڳڙهه تعلقي کي 24 سالن کان بنيادي سهولتون نه ملي سگھيون آهن، جڏهن ته ڪيترائي کاتا بنا آفيسن جي هلندڙ آهن. ان سلسلي ۾ گھوٽڪــي ضلعي جو تعلقو خانڳڙھ جنھن کي تعلقي جو درجو ملي 24 سالن جو عرصو گذري ويو پر تعلقي خانڳڙھ جو عوام بنيادي سھولتن کان محروم بڻيل آھي 150 لک کان وڌيڪ جي آبادي تي مشتمل تعلقي خانڳڙہ م ڪيترن ئی سرڪاري کاتن جي آفيسن جو نالو نشان ئي ناھي،تنھن ڪري ڪامورا بہ ڳوليا ڪون ٿا ملن، مختيارڪار ء ھڪ اسڪولي بلڊنگ م عارضي آفيس قائم ڪري ويٺل تعلقي ايجوڪيشن آفيسر کان سواء ٻين کاتن جا ڪامورا تعلقي م ڪٿي بہ نظر نٿان اچن تعلقي اندر مختلف کاتن جون آفيسون نہ ھجڻ ڪري عوام ڪمن ڪارن لاء دربدر چڪر ڪاٽيندي نظر ايندو رھي ٿو سرڪاري کاتن جون آفيسون جن م روڊس کاتو،انجنيئرنگ آفيس، ايريگيشن،لائیواسٽاڪ،سوشل ويلفيئر،زراعت،پبلڪ ھيلٿ جي آفيس اسسٽنٽ ڪمشنر ء ڊي ايس پي آفيس سميت ٻيون شامل آھن تعلقي جي پوسٽن تي مقرر ڪامورا پنھنجون عارضي آفيسون گھوٽڪي ء ميرپورماٿيلو م قائم ڪري ويٺل آھن ڪمن ڪارن جي لاء تعلقي خانڳڙھ جو عوام روزانو گھوٽڪي ء ميرپورماٿيلو جا چڪر ڪاٽڻ تي مجبور آھي جڏھن تہ نادرا جو پڻ مستقل سينٽر موجود نہ آھي جنھن جي ڪري قومي شناختي ڪارڊ ٺھرائڻ لاء مرد توڙي عورتون وڏين مشڪلاتن کي منھن ڏيئي رھيون آھن جڏھن تہ ٽاؤن ڪاميٽي خانڳڙھ جي آفيس به مستقل نه ھجڻ ٽاؤن انتظاميہ پنھنجو ڪاروھنوار ھلائڻ لاء عارضي طور صحت کاتي جي ٺھيل رھائشي ڪوارٽرن م پنھنجي آفيس قائم ڪري ويٺل آھن،صحت جي حوالي سان تعلقي جي واحد شيخ ھمدان بن محمد سرڪاري اسپتال مان غريب عوام کي ڪو به لاڀ ملي نه سگھيو آھي اسپتال م دوائن جي کوٽ ھر وقت موجود رھي تي، او ٽي جي ڪا به سھولت موجود نه آھي ان کان سواءِ ٻين شعبن جي اسپيشلسٽ ڊاڪٽر نہ ھئڻ ء ليبارٽري م مشينري جي کوٽ سبب خلق خدا آزار ۾ اچي ويو آھي. ڏورانھن علائقن جا ماڻھون پنھنجي بيمار عزيزن کي گھوٽڪي يا سکر علاج لاء کڻي وجڻ تي مجبور آھن تعلقي مان چونڊيل نمائندن جي عدم دلچسپي ھتان جي عوام کي ڳڻتي م مبتلا ڪري ڇڏيو آھي ،بنيادي سھولتن کان محروم خانڳڙھ جي عوام مطالبو ڪندي نظر اچي ٿو تہ تعلقي خانڳڙھ کي بنيادي سھولتون فراھم ڪري ھنن جون مشڪلاتون ختم ڪيون وجن.

خيرپور (ن پ ا) آءِ جي موٽر وي اي ڊي خواجا ۽ ڊي آءِ جي موٽر وي محمد سليم آرائين جي خاص هدايتن تي موٽر وي پوليس بيٽ 27 ڪرم آباد پاران روڊ سيفٽي جي قانون ۽ احتياطي تدبيرون اختيار ڪرڻ جي حوالي سان گورنمينٽ هاءِ اسڪول ٻٻرلوءِ ۾ جاڳرتا سيمينار منعقد ڪيو ويو. سيمينار کي خطاب ڪندي سي پي اي قيصر شهزاد، ايڊمن آفيسر انور سعيد ۽ اسڪول جي پرنسپل سعدالله ڀيو چيو ته سفر دوران سيٽ بيلٽ، هيلمٽ جي استعمال ۽ ٽريفڪ قانون جي پابندي ڪرڻ سان پنهنجي ۽ ٻين جون جانيون بچائن ممڪن هوندو جڏهن ته اوورلوڊنگ ۽ تيز رفتاريءَ سبب حادثا پيش ايندا آهن جنهن ۾ جاني ۽ مالي نقصان ٿيندو آهي. هنن وڌيڪ چيو ته باءِ پاس ۽ شهر جي روڊن تي گاڏيون هلائڻ دوران احتياط ڪرڻ سان وڏي نقصان کان بچي سگهجي ٿو ۽ ٽريفڪ قانون تي عمل ڪرڻ اسان سڀني جو اخلاقي، قانوني ۽ شهري فرض آهي.