پنگريو(ن پ ا)قديمي ماڳ ٻنگار جي بزرگ عورت مائي ڀنڀي جي عرس مبارڪ جي موقعي تي اڄ کان ڪراچي جي جت برادري جي تمام وڏي تعداد پھچڻ شروع ٿي وئي آھي. . هي ميلو سنڌ جو واحد ميلو آھي جيڪو ھڪ درويش عورت جي درگاھ تي لڳايو وڃي ٿو. ھن ميلي جي شروعات اڱارو 25 ڊسمبر تي درويش مائي جيجان عرف ڀنڀي جتڻ جي مزار تي چادر چاڙهي ڪئي ويندي. چادر جي رسم ميلي ڪميٽي جا ميمبر ڪندا ۽ بعد ۾ درود و صلوات جي رسم پڻ ادا ڪئي ويندي جنهن بعد لنگر ورهايو ويندو. ھن ميلي جو انتظام جت برادري جا اڳواڻ سنڀالين ٿا جڏھن ته سنڌ حڪومت توڙي ضلع انتظاميا ڪوبه تعاون نٿي ڪري جنھن ڪري ڪراچي کان ايندڙ ٻچيڙيوال زائرين سخت پريشاني کي منھن ڏئي رھيا آھن ميلي ۾ پيئڻ جي پاڻي جي سخت کوٽ آھي ۽ پنگريو کان درگاھ تائين روڊ پڻ تباھ حال آھي ٻئي پاسي ميلا ڪميٽي جي اڳواڻن عبدلغفار جت عبدلرزاق جت عبدلڪريم جت ۽ ٻين حڪومت سنڌ کان مطالبو ڪيو ۾ ايندڙ زائرين کي سھوليتون ڏنيون وڃن.
ڄام صاحب )رپورٽر) ڄام صاحب ۾ تقريب ڪوٺائي عيسائي برادري جي مرد توڙي عورتن ڪرسمس جو ڪيڪ ڪاٽي مذهبي ڏڻ ملهايو. ڪوٺايل تقريب ۾ دلاور مسيح، شوڪت ۽ جيمس مسيح سميت ٻين آيل مهمانن ڊاڪٽر نظام الدين ڀٽي، محمد صالح زرداري ۽ ٻين کي آجيان ڪري کين اجرڪ اوڍايا.
ميڊيا سان ڳالهائيندي مسيح برادري جي اڳواڻن جو چوڻ هو ته ڄام صاحب ۾ عبادت لاءِ چرچ نه هئڻ سبب سخت پريشان آهيون، عبادت ڪرڻ هر ڪنهن جو حق آهي.
هنن اعليٰ اختيارين کان گهر ڪئي ته شهر ۾ چرچ ٺهرائي ڏين ته جيئن هو عبادت ڪري سگهن.
ڀٽ شاھ (رپورٽر) قومي عوامي تحريڪ جي سربراهه اياز لطيف پليجو جي قيادت ۾ هالا کان ڀٽ شاهه تائين درياءَ بچايو مارچ شروع ڪيو ويو آهي، هالا ۾ درگاهه سرور نوح روڊ تان نڪتل پيادل لانگ مارچ ۾ سوين مرد ۽ عورتون به شامل آهن، درياءَ بچايو مارچ ۾ شامل اڳواڻن جو مختلف هنڌن تي گلن جي ورکا سان شاندار استقبال ڪيو ويو ،اياز لطيف پليجو مارچ کي خطاب ڪندي چيو تـ ڪالاباغ ڪنهن بـ صورت ۾ سنڌ واسين کي قبول نـ آهي،سنڌو درياءَ تي ڪنهن بـ قسم جو ڪو ٻيو ڊئم بـ برداشت نـ ڪيو ويندو .هن چيو تـ سنڌ ۾ لاقانوعيت عروج تي آهي،بدامني ۾ بـ اضافو ٿي ويو آهي حڪومتي وزير ۽ ميمبر ڪرپشن ڪرڻ ۾ پورا آهن هن چيو تـ ڪرپشن ادارن کي اڏوهي جيان کائي رهي آهي، پاڻي کوٽ، گئس جي لوڊ شيڊنگ، ڪمند جي آبادگارن سان زيادتيون ۽ زرعي جنسي اگهن ۾ ڪمي عوام کي پريشان ڪري ڇڏيو آهي،دريا بچايو لانگ مارچ هالا مان شروع ڪري شاهه لطيف ڀٽائي جي در تي دانهن ڏينداسين ۽ سنڌ ڌرتي جي ترقي. ان موقعي تي روشن ڪنراڻي، الطاف خاصخيلي، آغا محمود ،محمد رخشاڻي، شڪور ناز سميت ٻيا اڳواڻ بـ موجود هئا
نواز ۽ شهباز وچ ۾ ملاقات، عدالتي فيصلي بعد قانوني رستو اختيار ڪرڻ تي اتفاق: ذريعا
آصف زرداري ۽ بلاول ڀٽو کي اپوزيشن ليڊر جي چيمبر ۾ چانهه جي دعوت ڏني ويندي: ذريعا
اسلام آباد ( م ڊ ) اڳوڻي وزيراعظم نوازشريف ۽ شهبازشريف وچ ۾ ملاقات دوران عدالتي فيصلي بعد قانوني رستو اختيار ڪرڻ تي اتفاق ڪيو ويو، ذريعن دعويٰ ڪئي آهي ته ايندڙ حڪمت عملي طئي ڪرڻ لاءِ آصف زرداري ۽ بلاول ڀٽو کي اپوزيشن ليڊر جي چيمبر ۾ چانهه جي دعوت ڏيڻ جو فيصلو ڪيو ويو، مريم نواز چيو آهي ته نوازشريف کي عوام کان پري رکڻ لاءِ ٿيندڙ فيصلا بي بنياد مفروضن جي پيداوار آهن، مان سندس ڪارڪن بڻجي انصاف لاءِ ڪردار ادا ڪنديس.
نوازشريف اسلام آباد جي منسٽر انڪليو پهچي سب شهبازشريف جي جيل قرار ڏنل گهر ۾ ساڻس ملاقات ڪئي، جنهن دوران العزيزيه ۽ فليگ شپ ريفرنسز جو سڀاڻي ايندڙ امڪاني فيصلي جي حوالي سان مشاورت ڪئي وئي.
ملاقات دوران نيب ريفرنسز سميت پارٽي معاملن ۽ ملڪي جي ٻين اهم معاملن تي به خيالن جي ڏي وٺ ڪئي وئي، ذريعن موجب ملاقات دوران نوازشريف ۽ شهبازشريف اتفاق ڪيو ته احتساب عدالت جي فيصلي بعد قانوني رستو اختيار ڪيو ويندو ۽ فيصلو خلاف اچڻ جي صورت ۾ پارليامينٽ اندر احتجاج ڪيو ويندو.
ٻن ڪلاڪن تائين جاري رهندڙ ملاقات دوران پيپلزپارٽي سميت مختلف اپوزيشن جماعتن ساب به رابطن جي حوالي سان ويچاريو ويو.
ذريعن دعويٰ ڪئي آهي ته ملاقات دوران اتفاق ڪيو ويو ته آصف زرداري ۽ بلاول ڀٽو کي قومي اسيمبلي ۾ اپوزيشن ليڊر جي چيمبر ۾ چانهه جي دعوت ڏني ويندي،
نوازشريف جي نياڻي مريم نواز اسلام آباد روانگي کان اڳ ساڻس مخاطب ٿيندي چيو ته مان اوهان جي ڪارڪن بڻجي انصاف لاءِ ڪردار ادا ڪندي رهنديس.
مريم نواز پنهنجي والد نوازشريف کي چيو ته اوهان کي عوام کان پري رکڻ وارا فيصلا بي بنياد مفروضن جي پيداوار آهن.
امير هاني مسلم گهوٽڪي ۾ پاڻي جي فراهمي توڙي ڊرينيج جي مختلف اسڪيمن جو دورو ڪيو
فلٽرپلانٽ توڙي ڊرينيج پمپنگ اسٽيشن تي صفائي نه هجڻ تي لاڳايپل عملدارن کي ڇنڊ پٽي
گھوٽڪي / ميرپور ماٿيلو (رپورٽرن وٽان ) سنڌ واٽر ڪميشن جو سربراھه جسٽس رٽائرڊ امير هاني مسلم گھوٽڪي ۽ ميرپور ماٿيلو پهچي پاڻي توڙي صفائي جي حوالي سان مختلف اسڪيمن جو جائزو ورتو . شهرين اسڪيمون مڪمل نه هجڻ جون دانهون ڪيون جنهن تي واٽر ڪميشن سربراهه پبلڪ هيلٿ کاتي جي عملدارن کي ڇنڊ پٽينڊي منصوبا جلد مڪمل ڪرڻ جو حڪم ڏنو .واٽر ڪميشن سربراهه پهريان گهوٽڪي پهتو جتي هن شھر جي مختلف ڊرينيج پمپنگ اسٽيشنز توڙي فلٽر پلانٽ تي پھچي سسٽم جو مائنو ڪيو ان موقعي تي پبلڪ ھيلٿ کاتي جي عملدارن کيس بريفنگ ڏني جنھن مان چيرمين مطمين نه ٿيندي عملدارن مٿان ناراضگي جو جو اظھار ڪندي پاڻ ۽ ڪم کي سڌارڻ جي ھدايت هئي ڪميشن چيئرمين انورآباد پمپنگ اسٽيشن تي به پھتو جتي گندگي جي صورتحال ڏسي ميونسپل توڙي پبلڪ ھيلٿ جي عملدارن کي پڻ ڇنڊ پٽي،جنھن بعد ڪميشن چيرمين ميرپورماٿيلو پهتو .جتي ھن شھر جي حيدر شاهه ڪالوني, غريب آباد محلي جي پمپنگ اسٽيشنز ۽ شھر جي ڊرينيج اسڪيم جو معائنو ڪيو، جتي صفائي سٿرائي جو نظام بھتر نه هجڻ تي جسٽس رٽائرڊ امير ھاني مسلم سخت ڪاوڙ جو اظھار ڪيو،ان موقعي تي شھرين پڻ شڪايتون ڪندي واٽر ڪميشن جي سربراھ آڏو دانھيو ته شھر جي 38 ڪروڙ رپين واري ڊرينيج اسڪيم چار سال گذري وڃڻ باوجود مڪمل ناھي ٿي سگھي ۽ ڪيترن ئي ھندن تي مين ھول پڻ کليل آھن، جنھن سبب شھري مشڪلاتن کي منهن ڏئي رھيا آھن،شھرين جي شڪايت تي پڇاڻو ڪرڻ تي پبلڪ ھيلٿ کاتي جي عملدارن واٽر ڪميشن جي سربراھ کي ٻڌايو ته بجيٽ گھٽ ڪري اھا اسڪيم مڪمل ٿي نه سگھي آھي وڌيڪ بجيٽ جي ضرورت آھي، جسٽس امير ھاني مسلم پبلڪ ھيلٿ جي ڪامورن کي دٻڙاٽ ڏيندي اسڪيم مڪمل ڪرڻ ۽ شھرين جا مسئلا حل ڪرڻ جو حڪم ڏنو.
حيدرآباد(ن پ ا) ڪشمور جي علائقي غوثپور جي رهواسين پوليس زيادتين خلاف حيدرآباد پريس ڪلب سامهون احتجاج ڪيو ان موقعي تي محمد سليمان دانهيندي چيو ته جمعي جي نماز واري ٽائم تي سندس موٽر سائيڪل مسجد اڳيان چوري ٿي وئي جتي مسجد اڳيان 2 پوليس اهلڪار به موجود هئا. موٽرسائيڪل چوري جي رپورٽ غوثپور ٿاڻي تي داخل ڪرائي آهي پوليس موٽرسائيڪل ڳولڻ جي بدران سندس کي خاموش رهڻ لاءِ ڌمڪائي رهي آهي ٻئي طرف خيرپورناٿن شاهه جي رهواسين سڪندر علي چانڊيو ، عبدالواحد لغاري ۽ صداقت چانڊيو پاران ميونسپل ڪميٽي ڪي اين شاه جي انتظاميه خلاف علامتي بک هڙتال ڪئي، هنن چيو ته گذريل اٺن سال کان هو ڪي اين شاهه ميونسپل ڪميٽي ۾ ملازم هيا، پر ميونسپل ڪميٽي ۾ سياسي گروپ بندي هجڻ ڪري گذريل 6 سالن کان سندن جي پگهار بند ڪئي وئي آهي نوڪري ختم ڪئي وئي آهي . هنن وزير اعلي سنڌ کي اپيل ڪئي ته ڄاڻايل معاملن جو نوٽيس وٺي ساڻن انصاف ڪيو وڃي.
