ٽيڪسلا (م ڊ) پيٽروليم واري وفاقي وزير غلام سرور خان چيو آهي ته تعليم مسلم ملڪن جي ترجيح ئي ناهي رهي. ملڪ هن وقت سخت معاشي بحران جو شڪار آهي، تعليم جيان پيٽروليم جي صنعت کي به تباهه ڪيو ويو آهي. گورنمينٽ ڪاليج آف ٽيڪنالاجي ٽيڪسلا ۾ انعام ورهائڻ جي تقريب کي خطاب ڪندي وفاقي وزير چيو ته پاڪستان ۾ اڍائي ڪروڙ ٻار تعليم جي سهولت کان وانجهيل آهن، جڏهن ته اڍائي ڪروڙ ميٽرڪ ۽ انٽر تائين پڙهڻ کانپوءِ تعليم ڇڏي ڏين ٿا، اسان جي ٻارن کي تعليم موجب نوڪريون نه ٿيون ملن، کين پڙهائي لکائي قابل بڻايون ٿا ته اهي آمريڪا ۽ برطانيا ۾ وڃي پنهنجون خدمتون انجام ڏين ٿا. سندس چوڻ هو ته اسان ملڪ ۾ هڪ جهڙي تعليمي نصاب لاءِ ٽاسڪ فورس ٺاهي آهي، اهو ڪم ڏکيو لڳي رهيو آهي پر اسان جي حڪومت ان لاءِ قدم کڻي پئي، اسان دنيا جي تعليمي ميدان ۾ گهڻو پوئتي آهيون ۽ هن وقت يونيورسٽيون اسان جي گهرج آهن،
پيرا گون اسڪينڊل ۾ خواجه ڀائرن جي جسماني رمانڊ ۾15 ڏينهن واڌ
عمران خان جي قيادت ۾ ملڪ تي سول آمريت مڙهيل آهي: سعد رفيق
حڪومت جي ماتحت ادارن جيڪو رويو رکيو آهي ان سان ملڪ جو نقصان ٿيندو
لاهور(م ڊ) احتساب عدالت پيرا گون هائوسنگ سوسائٽي اسڪينڊل ۾ گرفتار خواجه سعد رفيق ۽ سلمان رفيق جي جسماني رمانڊ ۾ 15 ڏينهن جي واڌ ڪري ڇڏي آهي. نيب جي ٽيم سعد رفيق کي احتساب عدالت لاهور ۾ پيش ڪرڻ لاءِ اسلام آباد مان لاهور نيب آفيس منتقل ڪيو جتان سخت سڪيورٽي ۾ خواجه ڀائرن کي احتساب عدالت ۾ آندو ويو. ليگي اڳواڻن جي پيشيءَ جي موقعي تي احتساب عدالت جي وڏي نفري مقرر ڪئي وئي جڏهن ته رنڊڪون بيهاري عدالت ايندڙ رستن کي عام شهرين لاءِ بند ڪيو ويو. عدالت ۾ پيشي جي موقعي تي نيب ٽيم خواجه ڀائرن جي وڌيڪ 15 ڏينهن جسماني رمانڊ جي درخواست ڪئي آهي. نيب جي جاچ آفيسر عدالت کي ٻڌايو ته خواجه ڀائرن کان پڇا ڪئي ته توهان ڪهڙن ماڻهن کي سروس ڏني، خواجه سعد ۽ سلمان رفيق تفصيل نه ڏنا. جاچ آفيسر وڌيڪ چيو ته 6 ڏهائي 2 ملين سعد رفيق جي اڪائونٽ ۾ پيرا گون مان منتقل ٿيا، سعد رفيق ٻڌايو ته اها ڪميشن جي رقم آهي، اهو نه ٻڌايو ته ڪنهن زمين جي بدلي ڪميشن ملي. ٻئي پاسي ن ليگ اڳواڻ خواجا سعد رفيق چيو آهي ته عمران خان جي قيادت ۾ ملڪ تي سول آمريت جي حڪومت مڙهيل آهي. لاهور جي احتساب عدالت ۾ پيشي جي موقعي تي صحافين سان ڳالهائيندي خواج سعد رفيق چيو ته حڪومت جي هيٺين ادارن جيڪو رويو اختيار ڪيو آهي، ان سان ملڪ کي نقصان ٿيندو، الزام هڻڻ ۽ چور چوڻ بدران ملڪي ترقي لاءِ گڏجي ويهڻ گهرجي. هن چيو ته سيڪيورٽي تي مقرر نيب اختيارين جو رويو اسان سان سٺو آهي، اڳ به چئي چڪو آهيان ته ڪنهن تي غلط الزام نٿو هڻڻ چاهيان.
پي ٽي آءِ ”نو ايڪشن ٽاڪ اونلي“ واري سرڪار آهي: احسن اقبال
نارروال (م ڊ) ن ليگ اڳواڻ احسن اقبال تحريڪ انصاف حڪومت کي ”نو ايڪشن اونلي ٽاڪ“ واري سرڪار قرار ڏئي ڇڏيو آهي. وزيراعظم عمران خان جي خطاب تي ردعمل ڏيندي اڳوڻي وفاقي وزير چيو ته عمران خان 3 سئو ڏينهن کانپوءِ به اها ئي تقرير ڪندو، ڀلي سڄي اپوزيشن سان جيل ڀري ڇڏيو، تڏهن به اهي ڊيليور نٿا ڪري سگهن ڇو ته حڪومت وٽ نظريو، صلاحيت ۽ روڊ ميپ ناهي. سندس چوڻ هو ته هن حڪومت 125 ڏينهن ۾ گذريل 10 سالن کان وڌيڪ مهانگائي ڪئي آهي ۽ معيشت جو ڦيٿو جام ڪري ڇڏيو آهي، اهي ن ليگ جا منصوبا پنهنجي کاتن ۾ وجهي حڪومت هلائڻ جي ڪوشش ڪري رهيا آهن.
قرض اوڳاڙڻ جو نئون طريقو، ٽنڊي آدم ۾ بينڪ عملو بيواهه جي گھر ۾ ڪاهي پيو
ڪهيري پاڙي ۾ بينڪ عملو بيواهه عورت فرزانه ابڙو جي گھر ۾ داخل ٿي ويو، تشدد
مُور جا پيسا ڏئي چڪا آهيون، وياج لاءِ تنگ ڪيو پيو وڃي، انصاف ڪيو وڃي: متاثر عورت
ٽنڊوآدم (رپورٽ: محمد وارث قمبراڻي) ٽنڊوآدم جي ڪهيري پاڙي م قرض اوڳاڙڻ لاءِ خانگي بئنڪ جو عملو بيوهه عورت فرزانه ابڙو ۽ عابده ڪهيري جي گهر م داخل ٿي ويو ته عورتن ۽ ٻارڙن مزاحمت ڪئي ان دوران عملي جي ماڻهن پيرسن امام ڏنو ڪهيري کي مارڪٽ ڪري زخمي ڪري وڌو ۽ عورتن کي ڌڪا ڏنا ۽ گٿا لفظ ڳالهايا واقعي خلاف عورتن ۽ ٻارڙن پريس ڪلب پهچي احتجاج ڪندي دانهيو ته خانگي بئنڪ جا ملازم ذوالفقار، عارف ۽ 6 نامعلوم ماڻهو اسان جي گهرن م داخل ٿي مارڪٽ ڪئي هنن چيو ته اسان مور جا پئسه ڏيئي چڪا آهيون وياج جي پئسن لاءِ تنگ ڪيو پيو وڃي هنن اختيارين کان انصاف جي گهر ڪئي آهي .
ٽنڊي آدم ۾ ريل گاڏي مان ڪري نوجوان زخمي
ٽنڊوآدم ( نمائندو ) ٽنڊوآدم ريلوي اسٽيشن تي هلندڙ مال گاڏي ۾ چڙهڻ دوران 25 سالا بئنڪ ملازم محبت علي لاشاري پير سلپ ٿيڻ ڪري هيٺ ڪري زخمي ٿي پيو جنهن کي تعلقه اسپتال آڻڻ بعد حيدرآباد اسپتال نيو ويو .
ٽنڊي آدم ويجھو ٽرڪ جي ٽڪر ۾ نينگر فوت
ٽنڊوآدم ( نمائندو ) ٽنڊوآدم حيدرآباد روڊ تي ڳوٺ غازي خان ڪاتيار وٽ تيز رفتار ٽرڪ جي ٽڪر م 8 سالا ٻاررو شڪيل پٽ محمد شريف ڪاتيارٿڏي تي فوت ٿي ويو لاش تعلقه اسپتال آڻڻ بعد ضروري ڪارروائي بعد وارث لاش ڳوٺ غازي خان ڪاتيار کڻائي ويا ٻارڙي جو لاش گهر پهچڻ تي قهرام مچي ويو سٽي پوليس ٽرڪ ڊرائيور گلباز کي گرفتار ڪري ورتو آهي
قاضي احمد جي بازارن ۾ 5 ڏينھن کان بجلي بند، ڪاروبار ٺپ، شٽربند ھڙتال
5 ڏينھن کان بجلي بند ھئڻ خلاف واپاري شخصيتن ۽ شھرين شٽر بند ھڙتال ڪري مظاھرو
ڪاروباري مرڪزن ۽ بازارن جي بجلي بحال ڪري عوام دشمن واپڊا عملدارن کي هٽايو وڃي
قاضي احمد( ن پ ا) قاضي احمد ۾ واپڊا عملي جي ڪنڍا ھڻي غير قانوني طور بجلي استعال ڪرڻ جي الزام خلاف شھر جي واپارين بازار بند ڪري شٽربند ھڙتال ڪئي. اھم واپاري شخصيتن توڙي سياسي سماجي ماڻھن مظاھرو ڪري تعلقي پريس ڪلب پھچي واپڊا عملدارن پاران بنا جواز بجلي بند ڪرڻ خلاف نعريبازي ڪئي. احتجاج ڪندڙن جو چوڻ ھو تھ حيسڪو سب ڊويزن قاضي احمد جي ايس ڊي او 5 ڏينھن کان غيرقانوني بجلي استعمال ڪرڻ جو الزام مڙھي بجلي بند ڪري ڇڏي آھي، جيڪو سراسر غلط عمل آھي. ھنن چيو تھ بجلي بند ٿيڻ سان ڪاروبار متاثر ٿئي ٿو، انڪري بجلي جي فراھمي يقيني بڻائي وڃي. ھنن مطالبو ڪيو تھ شھر جي سمورن اهم ڪاروباري مرڪزن ۽ بازارن جي بجلي بحال ڪري عوام دشمن واپڊا عملدارن کي هٽايو وڃي.
ڏانئڻ غربت هڪ وڌيڪ حياتي کسي ورتي، ماتلي ۾ عورت جو آپگهات
ماتلي(ن پ ا) ماتلي ۾ ڏانئڻ غربت هڪ وڌيڪ هوا ڄائي کان حياتي کسي ورتي. ماتلي جي ڳوٺ مونڌرو ڪولھي ۾ ناري نيلان ڪولھڻ ڳچيءَ ۾ رسو ٻڌي آپگهات ڪري ڇڏيو. اطلاع تي پوليس پهچي عورت جو لاش اسپتال منتقل ڪيو، جتان ضروري ڪارروائي کانپوءِ وارثن حوالي ڪيو ويو. رابطو ڪرڻ تي ناري جي وارثن ٻڌايو ته نيلان جي 2 سال اڳ پرتاب سان شادي ٿي، غربت سبب زال مڙس وچ ۾ سدائين جهيڙو ٿيندو رهندو هو.
لاش تي سياست فواد چوڌري ئي ڪري سگهي ٿو: مريم اورنگزيب
عمران ٻن پيشين تي ڪاوڙجي پيو، 165 ڀيرا پيش ٿئي ها ته آپگھاتي حملو ڪري ها
لاهور (م ڊ) مسلم ليگ ن جي ترجمان مريم اورنگزيب چيو آهي ته فوت ٿيل ماڻهو بابت اهڙو بيان بيمار ذهنيت ۽ بي حسي جي انتها آهي، لاش تي سياست فواد چوڌري ئي ڪري سگهي ٿو،. فواد چوڌريءَ جي بيان تي رد عمل ظاهر ڪندي مريم اورنگزيب چيو ته لاش تي سياست فواد چوڌري ئي ڪري سگهي ٿو، اهڙي قسم جو بيان بيمار ذهنيت ۽ بي حسي جي انتها آهي. هن چيو ته عمران خان صاحب ٻن پيشين تي پنهنجي وڪيل کي ڇنڊ پٽي، جيڪڏهن کيس 165 ڀيرا پيش ٿيڻو پوي ها ته آپگهاتي حملو ڪري ها. سندس چوڻ هو ته ميان جاويد جي لاڏاڻي تي عوامي تنقيد کان بچڻ لاءِ ڦڙتيون ڏيکاريون پيون وڃن، نيب کي ڪنهن فرد جي سماجي رتبي، عزت، بيماري ۽ زندگي سان ڪا به دلچسپي ناهي. مريم اورنگزيب چيو ته شهباز شريف لاءِ ميڊيڪل بورڊ جي تجويز تي مجرماڻي دير ڪئي وئي، نيب طرفان ميڊيڪل بورڊ جي رپورٽ ڏيڻ ۾ ڄاڻي ٻجهي دير ڪئي وئي، اهو رويو ڪينسر مان صحتياب ٿيل مريض بابت اختيار ڪيو پيو وڃي، بار بار نيب کي درخواست ڪئي وئي، ٻن کان اڍائي هفتن جي دير جو جواب ڪير ڏيندو. مسلم ليگ ن جي ترجمان چيو ته جيل کاتي جي بي حسي جو رويو نهايت افسوس جوڳو ۽ مذمت جوڳو آهي، احتساب جي نالي تي انتقامي روين جي افسوس جوڳي تاريخ نه لکي وڃي
لاڙڪاڻي واسڻ جو ڌيءُ جي مبينا اغوا خلاف احتجاج
لاڙڪاڻو(بيورو رپورٽ) لاڙڪاڻي شهر جي نظر محلا جي رهواسڻ روزينه چانڊيو ڌيءُ جي مبينا اغوا خلاف احتجاج ڪيو. ان موقعي تي هن الزام لڳايو ته نوجوان شڪيل احمد چانڊيو ڪالهه منجهند جي وقت پنهنجي ساٿين سان گڏجي گهر ۾ گهڙي 13 ورهين جي ڌيءُ ببلي چانڊيو کي اغوا ڪري کڻي ويو جڏهن ته هن ڪجهه عرصو اڳ ڌيءُ جو سڱ به گهريو جنهن کي انڪار ڪيو ان تي هن ڌيءُ کي اغوا ڪري ظلم ڪيو آهي. هن لاڙڪاڻي جي ڊي آءِ جي ۽ ايس ايس پي کي اپيل ڪئي ته ڌيءُ کي بازياب ڪرائي شڪيل احمد چانڊيو ۽ ٻين خلاف ڪاروائي ڪئي وڃي.
چڪ ۾ وچ شهر مان هٿياربند واپاري کان لکين رپيا ڦر ڪري فرار
لکي غلام شاھ(رپورٽ فھيم حيدر منگي ) چڪ شھر جي مين بازار ۾ ٽي نامعلوم هٿياربند هندو واپاري پرائمري استاد پريم چند جي ڪريانا اسٽور تي چڙھائي ڪري دوڪاندارمٿان هٿيارسڌا ڪري ورتا .دوڪاندار کان روڪ رقم ڦر ڪري هٿياربند موٽرسائيڪل تي چڙھي فرارٿي ويا .هندو واپاري کان ڦر جي اطلاع تي چڪ پوليس ۽ سوين شھري پهچي ويا .پوليس ۽ واپاري وچ ۾ بند ڪمري ۾ ڳالهيون پوليس واپس ٿي.آخري اطلاعن تائين هندو واپاري کان ٿيل ڦر جوپتو پئجي نہ سگهيو نہ ئي ڪيس داخل ڪيو ويو .ٻئي طرف وچ شھرمان ٿيل ڦرواقعي جي شھرين پاران سخت لفظن ۾ مذمت ڪندي چيو ته چڪ پوليس کان ڦرٿيل رقم واپس ڪرائڻ جو مطالبو ڪيو.
ڪراچي ۾ گم ٿيل ڪنڌرا واسي نينگر گھر پهچي ويو، وارثن ۾ خوشي جي لهر
ڪنڌرا( ن پ ا) ڪنڌرا لڳ ڳوٺ آنبھ جي رهواسي ٽيڪسي ڊرائيور فيروز گهانگرو جو ڪراچي ۾ علاج ڪرائڻ خاطر مائٽن وٽ رهندڙ پٽ 12 ورهين جو آفاق گهانگرو گم ٿي ويو هو سندس اچانڪ گم ٿيڻ ڪري سندس وارث سخت پريشان ٿي ويا هئا ۽ ڪراچي ۾ حد جي ٿاڻي , ايدي سينٽر سميت مختلف جڳهن تي رهندڙ مٽن مائٽن وٽ ڪافي ڳولا ڪئي هئي پر هو هٿ ن آيو هو جڏهن ت گم ٿيل12 ورهين جو نينگر آفاق گهانگرو گذريل رات اچانڪ ڪراچي کان ڪنڌرا لڳ ڳوٺ آنبه واري گهر پهچي ويو جتي گهر ڀاتين ۾ خوشي جي لهر ڇانئجي وئي.
جھڏي ۾ عوامي تحريڪ اڳواڻ جي موٽر سائيڪل چوري
جهڏو (رپورٽ: سريش ڪمار) جھڏو عوامي تحريڪ ضلعي ميرپورخاص جي جنرل سيڪريٽري ايڊوڪيٽ لياقت ميمڻ جي سي ڊي موٽر سائيڪل نامعلوم چور گهر ٻاهران ڪاهي فرار ٿي ويا. ان سلسلي ۾ عوامي تحريڪ اڳواڻ ايڊوڪيٽ ممتاز کوسو ميڊيا سان ڳالهائيندي چيو ته جهڏو توڙي ڀرپاسي ۾ چورين جي وارداتن ۾ اضافو ٿي رهيو آهي جنهن سبب ماڻھون راتيون جاڳڻ تي مجبور آهن عوام جو جان مال محفوظ ناهي پوليس کي گهرجي ته چوري جي وارداتن ۾ ملوث ڏوهارين خلاف ڪاوائي ڪري علائقي ۾ امن بحال ڪرايو وڃي
جروار جي واٽر سپلاء رولڙي جو شڪار، واٽر ڪميشن نوٽيس ورتو
پبلڪ هيلٿ کاتي جي بي ڌياني سبب مٺي پاڻي جي سپلاءِ گذريل پنجن سالن کان بند پيل
شهرين جي درخواست تي جسٽس امير هاني مسلم نوٽيس وٺندي رپورٽ طلب ڪري ورتي
جروار(رپورٽ: ماجد گبول) جروار شهر ۾ پنجن سالن کان واٽر سپلاء ٺيڪدارن جي ۽ پبلڪ هيلٿ جي آفيسرن جي ملي ڀڳت ۽ ڪرپشن ڪرڻ سبب رولڙي جو شڪار رهيو آهي شهري صاف پاڻي پيئڻ کان محروم رهيا مهينو اڳ شهرين غلام بوزدار هڪ شڪايتي درخواست اميرهاني مسلم کي موڪلي ڏني جنهن جو اميرهاني مسلم نوٽيس وٺندي پبلڪ هيلٿ کاتي کي رپورٽ ڪرڻ جو چيو ته اميرهاني مسلم پاران نوٽيس وٺڻ تي پبلڪ هيلٿ کاتي ۾ ٿرٿلو مچي ويو ۽ پبلڪ هليٿ کاتي هڪ ٽيم حيدرآباد مان ايگزيڪٽو انجنيئر عبدالطيف جي اڳواڻي ۾ جروار واٽر سپلاء جي معانو ڪرڻ لا موڪلي ڏني ٽيم جروار مان واٽر سپلاء جي پاڻي جا سيمپل ۽ ٺيڪيدار جي ڪرپشن سبب وقت کان اڳ تباه ٿيل پاڻي وارن پائپن جا فوٽو ڪڍيا ايگزيڪٽو انجنيئر عبدلطيف جو چوڻ هو ته اسان صرف رپورٽ ٺاهي ڏيندا سين ۽ واٽر سپلاء جو مرمتي ڪم ڪرائينداسين ان لا سموري سنڌ لاء واٽر سپلا جي مرمتي ڪم لاء پئسا آيل آهن، هوڏاهن شهرين غلام بوزدار اڪشي بترا جيتو رام ۽ ٻين جو چوڻ هو ته صحت لاء هاڃيڪار پاڻي جي استعمال سبب ڪيترائي ماڻهون پهنجو زندگيون وڃائي ويٺا آهن جڏهن ڪيتري وقت ناقص پائپن جي استعمال سبب شهري گثرن جو مليل پاڻي پيئڻ تي مجبور بڻيل رهيا هنن امير هاني مسلم کي اپيل ڪندي چيو ته واٽر سپلاء اسڪيم ۾ ڪرپشن ڪندڙ ٺيڪيدار ۽ پبلڪ هيلٿ جي آفييسرن خلاف ڪاروائي ڪئي وڃي جن جي غفلت سبب ڪيترائي ماڻهون پهنجو حياتيون وڃائي ويٺا آهن.
پ پ حڪومت ڪرپشن کان سواءِ ڪجھه ناهي ڏنو: پير ياسر شاهه
ڄام نوازعلي (رپورٽ: امدادعلي بلوچ) پير پاڳاري جي پٽ پير ياسر علي شاه اڳوڻي وفاقي وزير۽ ڄام خاندان جي سربراه مرحوم ڄام معشوق علي جي وفات تي ڄام ذوالفقار علي خان سان تعزيت ڪئي آهي. ان موقعي تي سندس چوڻ هو ته سنڌ ۾ پ پ جي حڪومت کي ڪرپشن کان سواء ڪجه به ناهي ڏنو هاڻ پ پ جو گهيرو تنگ ٿي چڪو آهي. ميڊيا سان مختصر ڳالهائيندي پير ياسر چيو ته پ پ حڪومت ڏهن سالن ۾ سنڌ جي عوام کي لٽيو سنڌ جي صورت حال انتهائي خراب اهي سنڌ ۾ پيئڻ جو صاف پاڻي ٿر ۾ بي رحم موت اسپتالن جي حالت ڪنهن کان لڪيل ناهي اليڪيشن ۾ هڪ ڊيل تحت سنڌ حوالي ڪئي پ پ جو هاڻ گهيرو تنگ ٿي چڪو آهي هن چيو ته سنڌ ۾ پ پ قيادت جيڪا جلسا ڪري رهي آهي ان مان سنڌ جي عوام چڱي ريت وافق آهي مني لانڊرنگ ۽ اومني گروپ ڪندڙن جلد ڪوڙڪي ۾ فاسڻ وارا آهن ان موقعي تي ڄام نور علي خان پڻ موجود هو.