ميان صاحب ( ڳالهه ٻولهه: زبير شيخ ) سنڌ جي ناليواري راڳي اختيار علي دايو پنهنجي اخبار سان ڳالهائيندي چيو آهي ته اڄ ڪيسيٽ جو دور ختم ٿي چڪو آهي پر ان جي باوجود ماڻهو سنڌي گيتن کي شوق سان ٻڌن ٿا. هن چيو ته مون 16 سالن جي عمر ۾ شڪارپور پهچي ان وقت هاڻوڪي سنڌ جي مشهور راڳي استاد شمن علي ميرالي وٽ راڳ جي سکيا حاصل ڪرڻ لاءِ پهتو هوس جتي مون استاد شمن ميرالي جي اوطاق تي مسلسل 10 سالن کان وڌيڪ ٻهاري ڏني ۽ سندس گهر جو سودو وٺندو هيس. هن چيو ته راڳ جي سکيا حاصل ڪرڻ انتهائي ڏکيو آهي، پر اڄ ڪلهه سوشل ميڊيا ۽ چينلز وڌيڪ هجڻ ڪري هر ماڻهو ڳائي رهيو آهي، جنهن سان سٺو آواز ۽ سٺي شاعري ٻڌڻ ۾ نه پئي اچي. اختيار دايو چيو ته هن وقت تائين 100 کان وڌيڪ ڪيسٽون ڪري چڪو آهيان، جڏهن ته سنڌ جي مشهور شاعرن قاصر نواز، وحيد هڪڙو، منظور شاهه، گهايل سومرو، اختيار شاهه، مختيار شاهه، ساگر شاهه ۽ ذوالفقار منگي سميت ٻين جي شاعري ڳائي آهي ۽ عوام پاران ڀرپور موٽ پڻ ملي آهي. هن چيو ته هن وقت اڪثر ماڻهو سٺي شاعري ۽ سٺي آواز کي پسند ڪن ٿا ۽ ڪجهه ماڻهو وري ولگر (غير روايتي) فنڪارن کي پسند ڪن ٿا، جيڪو نه هجڻ گهرجي. اختيار دايو چيو ته سنڌ سرڪار کي گهرجي ته فنڪارن جي سار سنڀال لهن، ڇاڪاڻ ته سنڌ جا کوڙ فنڪار مختلف بيمارين ۾ مبتلا ٿي وڃن ٿا پر وٽن علاج ڪرائڻ جي سگهه ناهي هوندي.
راڳ سکڻ لاءِ ڏهه سالن تائين شمن ميرالي جي اوطاق تي ٻهاري ڏني: اختيارعلي دايو
16 سالن جي عمر ۾ شمن ميرالي کان راڳ ڪي سکيا حاصل ڪئي: پنهنجي اخبار سان ڳالهيون
ڪيسٽ جو دور ختم ٿي ويو آهي پر پوءِ به سنڌي گيت شوق سان ٻڌجن ٿا: اختيار علي دايو
ڪنگنا رناوت هدايتڪاري بدران ادڪاري کي ملازمت سمجهي ٿي
راڻي لڪشمي ٻائي جو ڪردار نڀائڻ مون لاءِ فخر جو سبب آهي
ممبئي (شوبز ڊيسڪ) بالي ووڊ اداڪاره ڪنگنا رناوت هدايتڪاري جي ڀيٽ ۾ اداڪاري کي ملازمت قرار ڏئي ڇڏيو. ڀارتي ميڊيا موجب ادڪاره ڪنگنا رناوت فلم “مانيڪر نيڪا: دي ڪوئين آف جهانسي” جو ٽريلر جاري ٿيڻ مهل ڳالهائيندي چيو ته ڪو به اداڪار سج جي تتل اس ۾ نڪرڻ ناهي چاهيندو پر مون کي ٻين اداڪارن جي ابتڙ ٻي ڪا به شيءِ ڪرڻ کان وڌيڪ هدايتڪاري ڪرڻ گهڻو پسند آهي. هن چيو خبر ناهي ماڻهو ڇو هدايتڪاري کي ملازمت سمجهن ٿا، مون کي ته اداڪاري ملازمت وانگر لڳندي آهي. ڪنگنا رناوت جو وڌيڪ چوڻ هو ته فلم ۾ ڪم ڪرڻ ۽ راڻي لڪشمي ٻائي جو ڪردار نڀائڻ مون لاءِ فخر جو سبب آهي، يقين آهي ته فلم شوقينن کي پسند ايندي.
اداڪاري ڏکي نه پر شوبز لاءِ في الحال وقت ناهي: اداڪاره صوبيه خان
لاهور (شوبز ڊيسڪ) پاڪستاني اداڪاره صوبيه خان چيو آهي ته شادي بعد اداڪاري ڏکيو ڪم نه پر شوبز لاءِ في الحال وقت ناهي، هاڻوڪي دور ۾ پرڻيل ادڪارائون پهرين صف ۾ شامل آهن. صوبيه خان چيو ته اداڪاري جو فن خوش قسمت ماڻهن کي ملندو آهي، پنهنجي ڪم ۾ وڌيڪ بهتري آڻڻ لاءِ ڪوششون وٺي رهيا آهن. هن چيو ته پاڻ کي ڪڏهن پهرين نمبر اداڪاره تصور ناهي ڪيو، سدائين سکڻ جو عمل جار رهندو آهي. سندس چوڻ هو ته ذاتي مصروفيتن سبب اسڪرين تي نظر نٿي اچان، لڳاتار ڪم سبب ٿڪجي پئي هيس، ان ڪري ڪجهه وقت لاءِ خاندان سان گڏ گذارڻ چاهيان ٿي.
ڪپل شرما جي واپسي، ڊسمبر جي آخري هفتي ۾ شو شروع ٿيندو
ان کان اڳ به شو جون جهلڪيون جاري ڪيون ويون هيون
ممبئي (شوبز ڊيسڪ)ناليواري مزاحيه اداڪار ڪپل شرما جو شو 29 ڊسمبر کان شروع ٿي رهيو آهي. شو جي پهرين قسط جون جهلڪيون به جاري ڪيون ويون آهن. شو جي افتتاحي قسط ۾ فلم ”سمبا“ جي مرڪزي اداڪار رنوير سنگهه ۽ ساره علي خان سان گڏ ڊائريڪٽر روهت شيٽي به شريڪ هوندو. ان کان اڳ به شو جون جهلڪيون جاري ڪيون ويون هيون، جن ۾ سلمان خان، ارباز خان، سهيل خان، سليم خان، رنوير سنگهه ۽ ساره علي خان کي وڏا ٽهڪ ڏيندي ڏٺو ويو هو. شام ۾
نرگس فخري جي بالي ووڊ ۾ واپسي، فلم ٽريلر جاري
سچن جوشي ۽ نرگس فخري جي فلم ايندڙ سال 11 جنوري تي ريليز ٿيندي
ممبئي (شوبز نيوز) بالي ووڊ جي خوبصورت اداڪارا نرگس فخري بالي ۾ ڪيتري عرصي کان ڪا به فلم نه ڪئي آهي، جڏهن ته هاڻي هوءَ خوف ۽ دهشت سان ڀرپور فلم اماوس ۾ ڪم ڪندي، جنهن جو ٽريلر جار ڪيو ويو آهي. اماوس ۾ نرگس فخري سان گڏ سچن جوشي مک ڪردار ادا ڪري رهيا آهن. خوفناڪ فلمون ڊائريڪٽ ڪندڙ ڀوشن پٽيل جي نئين فلم کي ايندڙ سال جنوري تي نمائش لاءِ پيش ڪيو ويندو، سندس ان کان اڳ راگني ايم ايم ايس، اَلون، 1920 ايول ريٽرنس جهڙيون فلمون ڏئي چڪو آهي.
دپيڪا شادي ۾ رنبير جي شرڪت نه ڪرڻ تي خاموشي ٽوڙي ڇڏي
ممبئي (شوبز ڊيسڪ) بالي ووڊ ڊمپل گرل نيٺ شادي ۾ رنبير ڪپور جي شرڪت نه ڪرڻ تي خاموشي ٽوڙي ڇڏي. ڀارتي ميڊيا سان ڳالهائيندي دپيڪا پڊوڪون چيو ته منهنجي ۽ رنبير جي سٺي دوستي هئي، پر شاديءَ بعد اسان ٻنهي هڪ ٻئي سان ناهي ڳالهايو ۽ ڪو رابطو به ناهي ڪيو. هن چيو ته شادي ۾ رنبير جو نه اچڻ مون لاءِ حيران ڪندڙ نه هو، ڇو ته اسان ٻنهي جيڪو رشتو هو، ان ۾ شيءِ ممڪن آهي ۽ اهو ئي رشتي جو حسن به آهي. سندس چوڻ هو ته ان بابت مان وڌيڪ ڪا به ڳالهه نٿي ڪرڻ چاهيان.
ڪم نه ملڻ تي سونو نگم کي پاڪستاني گلوڪارن تي ڪاوڙ
سٺو هو پاڪستاني هجان هان، فلمن ۾ گيت ڳائڻ جو ڪم ته ملي وڃي هان: سونو نگم
ممبئي (شوبز نيوز) بالي ووڊ جي نالي واري ڳائڻي سونو نگم پاڪستاني گلوڪارن کي ڀارتي فلمن ۾ ڪم ملڻ تي ڪاوڙجي پيو آهي. ڀارتي ميڊيا کي ڏنل هڪ انٽرويو ۾ سونو نگم چيو آهي ته سٺو هجي هان ته هو پاڪستاني هجي هان، گهٽ ۾ گهٽ پاڙيسري ملڪ مان هجڻ تي کيس فلمن ۾ ڪم ته ملي وڃي هان. هن چيو ته ميوزڪ ڪمپنيون جيڪو رويو ڀارتي گلوڪارن سان رکي رهيون آهن اهو رويو پاڪستاني گلوڪارن سان رکي ئي نٿيون ڪري سگهن. سونو نگم چيو ته موسيقي واريون ڪمپنيون ڀارتي گلوڪارن مٿان سخت شرط رکن ٿيون پر پاڪستاني گلوڪارن تي اهي شرط لاڳو نٿا ٿين. حيرانگي طور سونو نگم عاطف اسلم کي پنهنجو دوست قرار ڏيندي چيو ته ڪاش هو به پاڪستاني هجي هان، جڏهن ته هن ڀارت ۾ عاطف ۽ راحت فتح علي خان کي اهميت ڏيڻ تي ڪاوڙ جو اظهار ڪيو.
نور بٽ اسٽيج ڊرامي ۾ رقص ڪري ماڻهن جي دل موهي ڇڏي
لاهور (شوبز ڊيسڪ) ادڪاره نور بٽ اسٽيج ڊرامه ”ڪُڙي پنجابن“ ۾ دل موهيندڙ رقص ڪري هدايتڪارن کان ڀرپور داد ماڻيو. لاهور جي الحمراء آرٽس ڪائونسل ۾ اداڪاره نور بٽ ”ڪُڙي پنجابن“ لاءِ خاص تياري ڪئي هئي، جنهن کي ڊرامه ٺاهيندڙن پسند ڪيو. جڏهن ته ڊرامي جي ٻي ڪاسٽ ۾ زويا چوڌري، سمي خان، لڪي ڊيئر، طاهر نوشاد، صابر گاگا، افروز خان ۽ پرويز خان سميت ٻيا اداڪار شامل آهن. ڊرامي جا پروڊيوسر افضل بٽ ۽ اڪبر بٽ آهن.
فلم”زندگي نه ملي گي دوباره“جو سيڪيوئل ٺهڻ گهرجي:ڪترينه ڪيف
جڏهن به زويا اختر سان ملي آهيان ته کيس سدائين اها ڳالهه چئي آهي
ممبئي (شوبز ڊيسڪ) بالي ووڊ ادڪاره ڪترينه ڪيف چيو آهي ته فلم ”زندگي نه ملي گي دوباره“ جو سيڪيوئل ٺهڻ گهرجي. ڀارتي ميڊيا موجب اداڪاره ڪترينه ڪيف فلم ”زيرو“ جي مشهوري دوران هدايتڪاره زويا اختر جي فلم ”زندگي نه ملي گي دوباره“ جي امڪاني سيڪيوئل تي ڪيل سوال جي جواب ۾چيو ته جڏهن به زويا اختر سان ملي آهيان ته کيس سدائين اها ڳالهه چئي آهي ته فلم ”زندگي نه ملي گي دوباره“ جو سيڪيوئل ٺهڻ گهرجي.
راحت فتح علي جي آواز ۾ فلم سمبا جو گيت ”تيري بن“ جاري
ممبئي ( شوبز نيوز ) بالي ووڊ اسٽار رنوير سنگهه ۽ سارا علي خان جي فلم “سمبا” جي رومانوي گيت ” تيري بن نهين لگدا دل ميرا “ ريليز ڪيو ويو آهي. سمبا ۾ رنوير سنگهه سان گڏ بالي ووڊ جي ننڍي نواب جي نياڻي سارا علي خان مرڪزي ڪردار ۾ نظر ايندي ۽ فلم 28 ڊسمبر تي سئنما گهرن جي سونهن بڻجندي. اهو گيت قوالي جي شنهشاهه راڳي استاد نصرت فتح علي خان جو مشهور گيت آهي جنهن کي فلم ۾ ريمڪس ٺاهي پيش ڪيو آهي. تيري بن نهين لگدا دل ميرا جو ريمڪس گيت 3 منٽ 35 سيڪنڊن تي ٻڌل آهي جنهن ۾ راڳي راحت فتح علي خان پنهنجي سريلي آواز ۾ ڳايو آهي. گيت کي سوئيزر لينڊ جي خوبصورت وادين ۾ عڪسبند ڪيو ويو آهي جنهن ۾ رنوير سنگهه ۽ سارا ٻئي دلڪش نظر اچي رهيا آهن. تيري بن نهين لگدا دل ميرا گيت کي ريليز ٿيڻ جي ڪجهه ئي ڪلاڪن ۾ يوٽيوب تي ٻه لکن کان وڌيڪ مداح ڏسي چڪا آهن. فلم سمبا ۾ سارا ۽ رنوير جي جوڙي پهريون ڀيرو پنهنجي اداڪاري جا جوهر ڏيکاري رهي آهي جڏهن ته فلم ۾ سونو سود ۽ آشوتوش راڻا کانسواءِ اجي ديوگن مختصر ڪردار ۾ نظر ايندو. ڪرن جوهر جي پروڊڪشن هيٺ ٺهندڙ فلم جي هدايتڪاري روهت شيٽي ڏنِي آهي.
سيف ۽ ڪرينه جي پٽ جي نالي تي فلم ٺاهي ويندي
فلمساز مڌر ڀنڊارڪرني فلم نالو ”تيمور“ رجسٽرڊ به ڪرائي ڇڏيو
ممبئي (شوبز ڊيسڪ) بالي ووڊ اداڪاره ڪرينه ڪپور خان ۽ سيف علي خان جي پٽ جي نالي تي فلم ”تيمور“ ٺاهي ويندي. ڀارتي ميڊيا موجب فلمساز مڌر ڀنڊارڪرني سيف ۽ ڪرينه جي پٽ جي نالي سان فلم جو نالو به رجسٽرڊ ڪرائي ڇڏيو. جڏهن ته فلم جا وڌيڪ تفصيل سامهون نه ناهن آيا. تميور جي ڏاڏي ۽ ماضي جي مشهور اداڪاره شرميلا ٽئگور پنهنجي پوٽي جي وڌندڙ مقبوليت تي ڳڻتي جو اظهار ڪندي چيو آهي ته جيڪڏهن تيمور جي شهرت اهڙي طرح وڌندي رهي ته هو عام ٻارن وانگر پنهنجو ننڍپڻ نه جيئي سگهندو. ياد رهي ته اداڪار رنوير سنگهه به تيمور خان سان گڏ ڪم ڪرڻ جي خواهش ظاهر ڪري چڪو آهي، جڏهن ته اداڪار اجي ديوگن تيمور کي بالي ووڊ انڊسٽري جو سڀ کان مشهور ”خان“ جو لقب ڏنو آهي.
ڪراچي ۾ سمنڊ ڪناري لذيذ کاڌن جو فيسٽيول لڳايو ويو
ڪراچي (ڪلچرل نيوز) ڪراچي ۾ سمنڊ ڪناري مزيدار ۽ لذيذ کاڌن جو فيسٽيول لڳايو ويو. ٿڌين هوائن ۾ گرما گرم کاڌن سان گڏ گلوڪاره زويا جيسوال جي گيتن فيسٽيول کي چار چنڊ هڻي ڇڏيا. سرد راتين ۾ سمنڊ ڪناري ”بيچ پارڪ“ تي لڳايل ٽن ڏينهن جي فوڊ فيسٽيول ۾ گرم چانهن، چپلي ڪباب، سيخ ڪباب، افعاني بوٽي ۽ چٽ پٽي کاڌا شهرين جي ڌيان جو مرڪز رهيا. شهرين جو چوڻ هو ته ڪراچي ۾ سرد هوائن فيسٽيول جو مزو ٻيڻو ڪري ڇڏيو آهي، ايونٽ ۾ گلوڪاره زويا جيسوال جو مڌر آواز تي ماڻهن نچندا رهيا. مزيدار ديسي کاڌن سان سجايل فوڊ فيسٽيول آچر تائين جاري رهندو.
نامياري شاعر جون ايلياء جو 87هون جنم ڏهاڙو ملهايو پيو وڃي
ترقي پسند شاعر جون ايلياء جا ”شايد، يعني، ليڪن، گمان، گويا ۽ فرنود“ نالي ڪتاب ڇپجي چڪا
ايلياء 8 ورهين جي ڄمار ۾ پهريون شعر لکيو، ٿوري عرصي ۾ وڏي مقبوليت ماڻي پاڻ مڃايائين
ڪراچي (ڪلچرل نيوز) نامياري شاعر جون ايلياء جون 87هون جنم ڏهاڙو ملهايو پيو وڃي. اردو شاعر، فلسفي ۽ پروگريسوِ مارڪسوادي جون ايلياء ڀارت جي اتر پرديش جي علائقي امروهه ۾ 14 ڊسمبر 1931 تي اک کولي. اترپرديش جي ناليواري خاندان ۾جنم وٺندڙ جون ايلياء ڀيڻن ۽ ڀائرن ۾ سڀ کان ننڍو هو. سندس پيءُ علامه شفيق حسن ايليا کي فن ۽ادب سان وڏو لڳاءُ هو، ان کانسواءِ هو هو نجمومي ۽ شاعر پڻ هو. اهڙي علمي ماحول جون ايلياء جي طبيعت به اهڙي ٺاهي. جون ايلياء پهريون اردو شعو رڳو 8 ورهين جي ڄمار ۾ لکيو. جون کي مختلف ٻولين سان وڏو لڳاءُ هو، اهڙي طرح هن عربي ۽ فارسي کانسواءِ انگريزي ۽ جزوي طور عبراني ۾ به مهارت حاصل ڪري ورتي. جون ايلياء فلسفي، اسلامي تاريخ، مسلم صوفي ريتن رسمن، مسلم مذهبي سائنس، اولهه جي ادب سميت ٻين موضوعن تي علم حاصل ڪيو. 1957ع تي پاڪستان لڏي ڪراچي کي رهائشگاهه بڻايو. اتي هو ٿوري عرصي ۾ ئي شهر جي ادبي ڌرين ۾ وڏو مشهور بڻجي ويو. سندس شاعري وڏي مطالعي جي عادت جو چٽو ثبوت هئي، جنهن سبب ئي کيس وڏي انگ ۾ مداح ۽ پذيرائي ملي. جون ايلياء جو پهريون شعري مجموعو سندس 60 ورهين جي ڄمار ۾ شايع ٿيو. ٻيون شاعري مجموعو ”يعني“ سندس لاڏاڻي بعد 2003 ۾ شايع ٿيو، ۽ ٽيون شاعري مجموعو ”گمان“ 2004 ۾ ڇپيو. جون ايلياءَ جي شاعري جي مشهور ڪتابن ۾ ”شايد، يعني، گمان، گويا ۽ فرنود شامل آهن. انهن کانسواءِ سندس ڪتاب رموز به 2016 ۾ ڇپجي چڪو. جون ايلياء نه رڳو شاعر پر ايڊيٽر ۽ ترجمه نگار پڻ هو. جون ٻولي جي معاملي ۾ خاص هو، روايتي رسمن ۾ سندس لهجو شامل آهي، جون ايلياء شاعري ۾ سدائين نون موضوعن کي ڇيڙيو. جون ايلياء 8 نومبر 2002 تي 70 ورهين جي ڄمار
ميگهن مارڪيل گوگل تي سڀ کان وڌيڪ ڳولي ويندڙ شخصيت بڻجي وئي. ٻڌايو وڃي ٿو ته ”آئڊيل“ نه ڳولي سگهڻ سبب جون ايلياء جي طبيعت ڪاوڙيل ۽ ڀٽڪيل ٿي پئي.